Tag: US

ဇန်န၀ါရီ ၂၁၊ ၂၀၁၈
M-Media

– အမေရိကန်သမ္မတ ဒေါ်နယ်ထရမ့်၏ ပေါ်လစီများကို ဆန့်ကျင်ရန်၊ အမျိုးသမီးများ နိုင်ငံရေးတွင် နေရာပိုရရန် ရည်ရွယ်၍ အမေရိကန်နိုင်ငံတစ်ဝှမ်းတွင် ထောင်သောင်းချီသည့် အမျိုးသမီးများက ဆန္ဒပြနေကြသည်ဟု သိရသည်။

Power to the Polls ဟု အမည်ပေးထားသည့် အဆိုပါ ဆန္ဒပြမှုကို ယမန်နေ့က စတင်ခဲ့ခြင်းဖြစ်ပြီး ထရမ့် သမ္မတအဖြစ် တာဝန်ယူသည့် တစ်နှစ်ပြည့်မှုနှင့်လည်း တိုက်ဆိုင်နေသည်။

ဆန္ဒပြမှုကို အမျိုးသမီးများ၏ နိုင်ငံရေးတက်ကြွလှုပ်ရှားမှု ခေတ်သစ်အစဟု မှတ်ယူပြောဆိုမှုများလည်း ရှိနေပြီး ဒေသတွင်းနှင့် နိုင်ငံတော်အဆင့်တွင် အမျိုးသမီး နိုင်ငံရေးသမားများ ပိုမိုပါဝင်နိုင်ရေး တွန်းအားတစ်ခုဖြစ်မည်ဟု စီစဉ်သူများက မျှော်လင့်နေသည်။

ထိုကဲ့သို့ ဆန္ဒပြမှုများကို ယနေ့တွင် ကမ္ဘာတစ်ဝှမ်း၌ ပြုလုပ်ရန်လည်း စီစဉ်ထားကြသည်။

ရစ်မွန်း၊ ဗာဂျီးနီးယား၊ ဖီလာဒဲလ်ဖီးယား၊ နယူးယောက်၊ တက္ကဆက်ပြည်နယ်နှင့် အခြားဒေသများရှိ ဆန္ဒပြပွဲများတွင် အမျိုးသမီး ထောင်သောင်းချီ ပါဝင်ခဲ့သည်။

ဆန္ဒပြပွဲကို ထရမ့် သမ္မတသက်တမ်း တစ်နှစ်တင်းတင်းပြည့်သည့် အချိန်နှင့် ကမ္ဘာတစ၀ှမ်း အမျိုးသမီးများအပေါ် လူ့အခွင့်အရေးချိုးဖောက်မှုများကို ဆန့်ကျင်သော ချီတက်ဆန္ဒပြမှု Women’s March မတိုင်မီ တစ်ရက်အလိုတွင် စီစဉ်ခဲ့ခြင်းဖြစ်သည်။

သမ္မတမဖြစ်ခင်က အမျိုးသမီးများနှင့်ပတ်သက်၍ ထရမ့်၏ ပြောကြားမှုများမှာ အမျိုးသမီးအခွင့်အရေးနှင့် ဆန့်ကျင်ခြင်း၊ ခွဲခြားဆက်ဆံခြင်းနှင့် စော်ကားခြင်းဖြစ်သည်ဟု မှတ်ယူကာ ထိုမှတ်ချက်များကို ဆန့်ကျင်သော ရည်ရွယ်ချင်ဖြင့် ယခုဆန္ဒပြပွဲကို ကျင်းပပြုလုပ်ခြင်းဖြစ်သည်။

Ref : Aljazeera

 

ဇန်န၀ါရီ ၂၀၊ ၂၀၁၈
M-Media

– အစိုးရရဲ့ လူဝင်မှုကြီးကြပ်ရေးနဲ့ ဘက်ဂျက်သုံးစွဲရေးမူကြမ်းကို သောကြာနေ့မှာ အထက်လွှတ်တော်က ဒီမိုကရက်အမတ်တွေက ကန့်ကွက်မဲပေးခဲ့တာကြောင့် အမေရိကန် ပြည်ထောင်စုရဲ့ အစိုးရလုပ်ငန်း တစ်စိတ်တစ်ပိုင်းဟာ သောကြာနေ့ည သန်းခေါင်ယံအချိန်ကနေစပြီး ရပ်ဆိုင်းရတော့မှာ ဖြစ်ပါတယ်။

ဖေဖော်ဝါရီလအလယ်အထိ အစိုးရအတွက် ဘက်ဂျက်ထုတ်ပေးရေး မူကြမ်းကို ကြာသာပတေးနေ့က အောက်လွှတ်တော်မှာ အတည်ပြုခဲ့ပေမယ့် ရီပက်ဘလစ်ကန်တွေကြီးစိုးတဲ့ အထက်လွှတ်တော်မှာတော့ လုံလောက်တဲ့ထောက်ခံမဲရဖို့အတွက် ဒီမိုကရက်အမတ်တွေကို မဆွယ်နိုင်ခဲ့ပါဘူး။

ဘက်ဂျက်မူကြမ်းဟာ အထောက်အထားမရှိတဲ့ ပြောင်းရွှေ့အခြေချသူများ ထောက်ပံ့ရေးအစီအစဉ် DACA ကို ပယ်ဖျက်ဖို့ကိစ္စနဲ့ ချိတ်ဆက်ထားတာဖြစ်ပြီး ရီပက်ဘလစ်ကန်နဲ့ ဒီမိုကရက် နှစ်ပါတီဆွေးနွေးမှုဟာ မအောင်မြင်ခဲ့ပါဘူး။ ဒီမိုကရက်တွေက DACA လုပ်ငန်း ပယ်ဖျက်မယ့် အစီအစဉ်ကို လက်မခံတာကြောင့် ဖြစ်ပါတယ်။

၂၀၁၃ ခုနှစ်ကလည်း အမေရိကန်အစိုးရလုပ်ငန်းတွေ ဒီလိုရပ်ဆိုင်းရမှုမျိုး ကြုံတွေ့ခဲ့ပြီး ၁၆ ရက် ကြာခဲ့ပါတယ်။

ဘာတွေကို တိုက်ရိုက်ထိခိုက်မလဲ

Standard and Poor က စီးပွားရေးဆိုင်ရာအကြံပေး ဘသ် အန် ဘိုဗီနိုက ‘အရေးမကြီး’ လို့ ယူဆထားတဲ့ အမေရိကန်အစိုးရဌာနတွေက လူပေါင်း ၇ သိန်းလောက်ရဲ့ လုပ်အားကို ချက်ခြင်းလက်ငင်း ဆုံးရှုံးရလိမ့်မယ်လို့ ဆိုပါတယ်။

အဲဒီအလုပ်သမားတွေဟာ ဘက်ဂျက်ပြန်လည်ရရှိတဲ့အချိန်အထိ နားနေရမှာ ဖြစ်ပါတယ်။

သမိုင်းမှာ ဒီရက်တွေအတွက် လုပ်ခ ပြန်တွက်ပေးလေ့ရှိပေမယ့် ပြန်ရနိုင်မယ်ဆိုပြီး ကံသေကံမ မပြောနိုင်ပါဘူး။

လုပ်ခလစာ ပြန်ပေးခဲ့ရင်တောင် အမေရိကန်ဟာ လူပေါင်း ၁ သန်းလောက်ရဲ့ လုပ်အားကို အချိန်အတိုင်းအတာတစ်ခုအထိ ဆုံးရှုံးရမယ်လို့ ဘိုဗီနိုက ပြောပါတယ်။

လတ်တလော ဆောင်ရွက်နေတဲ့ ကိစ္စတွေ ရပ်တန့်လိုက်ရတဲ့အချိန်ကို နောက်ထပ် ဘယ်တော့မှ ပြန်မရတော့ဘူးလို့လည်း သူက ဆိုပါတယ်။

လူဘယ်လောက်အပေါ် သက်ရောက်မလဲ

အစိုးရစီမံတဲ့ ပန်းခြံတွေ၊ ပြတိုက်တွေ၊ အထိမ်းအမှတ်နေရာတွေလည်း ပိတ်ရဖို့ ရှိနေပြီး အစိုးရလုပ်ငန်း ရပ်ဆိုင်းမှု ရက်အနည်းငယ်အထိကြာသွားရင် နိုင်ငံကူးလက်မှတ်ထုတ်ပေးတာ၊ ဗီဇာထုတ်ပေးတာတွေကိုလည်း ရပ်ဆိုင်းရမှာပါ။

ဒီလိုပိတ်ရမှုကြောင့် ခရီးသွားလုပ်ငန်းကို ထိခိုက်မှာ ဖြစ်ပါတယ်။ အမေရိကန်အနောက်ခြမ်းက ပန်းခြံတွေ၊ အမေရိကန်အစိုးရလက်အောက်ခံ Smithsonian Institute က ကိုင်တွယ်ထားတဲ့ ပြတိုက်တွေလည်း ပိတ်ပစ်ရပါလိမ့်မယ်။

နောက်ထပ် သွယ်ဝိုက်ထိခိုက်မယ့်သူတွေက အစိုးရနဲ့ စာချုပ်ချုပ်ထားတဲ့ ကန်ထရိုက်လုပ်ငန်းတွေ ဖြစ်ပါတယ်။ အစိုးရ၀န်ထမ်းတွေလိုပဲ ဒီကန်ထရိုက်တွေဟာ အမေရိကန်အစိုးရဆီက ပိုက်ဆံချေမှုကို စောင့်ယူရတာပါ။

၂၀၁၈ ဘဏ္ဍာရေးနှစ်အတွက် အမေရိကန်အစိုးရက ကန်ထရိုက်ပေးထားတဲ့လုပ်ငန်းတွေဟာ ကန်ဒေါ်လာ ၄၃ ဘီလီယံဖိုး ရှိနေတယ်လို့ အစိုးရမှတ်တမ်းတွေအရ သိရပါတယ်။

အစိုးရလုပ်ငန်းတွေ ရပ်ဆိုင်းနေသမျှတစ်လျှောက်လုံးမှာ ဘယ်ကန်ထရိုက်မှ ဒီငွေတွေကို ရဖို့မရှိပါဘူး။

လက်လီရောင်းချမှုတွေလည်း ကျဆင်းသွားပါလိမ့်မယ်။

“အားလပ်ရက်ကာလ အရှိန်အတက်ဆုံးအချိန် မဟုတ်တာကြောင့် ဒီထိခိုက်မှုဟာ သိပ်ပြီးတော့ ဆိုးဝါးမှာ မဟုတ်ပါဘူး။ ဒါပေမယ့် ဇန်န၀ါရီလအထိ အားလပ်ရက်အတွက် ဈေးဝယ်မှုတွေက ရှိနေဆဲပါ” လို့ ဘိုဗီနိုက ပြောပါတယ်။

ဘယ်ဌာနတွေ ဆက်လည်ပတ်မလဲ

စစ်တပ်၊ ရဲနဲ့ လေကြောင်းထိန်းချုပ်ရေးလုပ်ငန်းတွေ အပါအ၀င် နိုင်ငံတော်လုံခြုံရေး၊ ပြည်သူ့လုံခြုံရေးနဲ့ သက်ဆိုင်တဲ့ ဌာနတွေကတော့ ဆက်လက် လည်ပတ်မှာ ဖြစ်ပါတယ်။

အစိုးရ စီမံတဲ့ စစ်မှုထမ်းဟောင်းဆေးရုံတွေ၊ ချို့တဲ့သူတွေကို ထောက်ပံ့တဲ့ဌာတွေလို အေဂျင်စီတွေကတော့ ဆက်လက် လည်ပတ်နေမှာ ဖြစ်ပါတယ်။

DACA အစီအစဉ်ကို ရပ်ဆိုင်းဖို့ ထရမ့်ရဲ့ ညွှန်ကြားမှုကို လက်မခံတဲ့ ပြည်ထောင်စုတရားရုံးတွေက ဆက်လက် လည်ပတ်နေမှာဖြစ်ပေမယ့် ထိခိုက်မှုတစ်ချို့တော့ ရှိပါလိမ့်မယ်။

ဘယ်လောက်ကြာမလဲ

သမ္မတအိုဘားမားရဲ့ ကျန်းမာရေးဥပဒေ Obamacare၊ အကြွေးဆပ်ဖို့ ဘဏ္ဍာရေးဌာနကို အကြွေးထပ်ယူခွင့်ပြုတဲ့ Debt ceiling မူကြမ်းတွေအတွက် ရီပက်ဘလစ်ကန်နဲ့ ဒီမိုကရက်တို့အကြား အတိုက်အခံဖြစ်မှုကနေ စတင်တဲ့ ၂၀၁၃ ခုနှစ် အစိုးရလုပ်ငန်း ရပ်ဆိုင်းရမှုဟာ ၁၆ ရက်ကြာခဲ့ပါတယ်။

သက်ကြီးရွယ်အိုတွေအတွက် ကျန်းမာရေးအာမခံပေးရေး ကိစ္စအတွက် ၁၉၉၅ ခုနှစ်မှာ ဒီပါတီကြီးနှစ်ခု အငြင်းပွားမှုကြောင့် ဘက်ဂျက်ထုတ်ပေးရေး နှောင့်နှေးကာ အစိုးရလုပ်ငန်းတွေ ရပ်ဆိုင်းမှုဟာ ဒီဇင်ဘာကနေ ၁၉၉၆ ခုနှစ် ဇန်န၀ါရီလအထိ ၂၇ ရက် ကြာမြင့်ခဲ့ပါတယ်။ ၁၉၉၅ ခုနှစ် နိုဝင်ဘာလတုန်းကလည်း ဒီလို ရပ်ဆိုင်းရမှုတစ်ခု ဖြစ်ခဲ့ပြီး ၄ ရက် ကြာမြင့်ခဲ့ပါတယ်။

အဲဒါတွေကလွဲရင် အမေရိကန်အစိုးလုပ်ငန်းတွေ ရပ်ဆိုင်းရမှုဟာ သိပ်ပြီး ဖြစ်လေ့ဖြစ်ထ မရှိပါဘူး။

သီတင်းပတ်လောက်သာကြာမြင့်တဲ့ ဘက်ဂျက်မရမှုကြောင့် အမေရိကန်စီးပွားရေးမှာ ဆိုးဆိုးဝါးဝါး ထိခိုက်တာမျိုး မရှိဘူးလို့ ၀ါရှင်တန်က တတ်သိပညာရှင်များအဖွဲ့ Committee for a Responsible Federal Budget ရဲ့ မှတ်တမ်းတွေမှာ တွေ့ရပါတယ်။

အမေရိကန်စီးပွားရေးကို ဘယ်လောက်ထိခိုက်မလဲ

၂၀၁၃ ခုနှစ် အစိုးရလုပ်ငန်းတွေ ရပ်ဆိုင်းရမှုကြောင့် အမေရိကန်စီးပွားရေးမှာ ကန်ဒေါ်လာ ၂၄ ဘီလီယံ ထိခိုက်ခဲ့ပြီး၊ အဲဒီနှစ် ဂျီဒီပီကို ၁၆ ထရီလီယံ ထိခိုက်ခဲ့တယ်လို့ Standard and Poor က ခန့်မှန်းပါတယ်။

ဘိုဗီနိုကတော့ ဒီလိုကျဆင်းမှုတွေကို နောက်ပိုင်းမှာ ပြန်ပြီး ကာမိခဲ့တယ်လို့ ပြောကြားခဲ့ပါတယ်။

Ref: Aljazeera

ဇန်န၀ါရီ ၁၅၊ ၂၀၁၈
M-Media

– ဂျာမနီနိုင်ငံက မဂ္ဂဇင်းတစ်ခုဖြစ်တဲ့ Der Spiegel ဟာ အမေရိကန်သမ္မ ဒေါ်နယ်ထရမ့်ကို မျောက်အဖြစ် ဖော်ပြကာ လှောင်ပြောင်လိုက်ပါတယ်။

ဒီတစ်ပတ်အတွင်း ထွက်လာမယ့် မဂ္ဂဇင်းမျက်နှာဖုံးမှာ ထရမ့်ကို ဒီလို လှောင်ပြောင်လိုက်တာဖြစ်ပြီး သူတို့ရဲ့ Twitter စာမျက်နှာမှာ မနေ့က မျှဝေခဲ့ပါတယ်။ ခေါင်းစဉ်ကိုတော့ ‘In the age of Fire and Fury’ လို့ ဂျာမန်ဘာသာနဲ့ ပေးထားပြီး မကြာခင်ကမှ ထွက်ထားတဲ့ ထရမ့်အကြောင်းစာအုပ် Fire and Fury: Inside the Trump White House ကို ရည်ညွှန်းထားတာ ဖြစ်ပါတယ်။

သိပ္ပံနယ်ပယ်မှာ March of Progress လို့ လူသိများတဲ့ မျောက်ကနေ လူအဖြစ် အဆင့်ဆင့်တိုးတက်ပြောင်းလဲမှုကို လူကနေ မျောက်အဖြစ် အဆင့်ဆင့်နိမ့်ကျသွားတဲ့ ပုံစံမျိုး ပြောင်းပြန် သရုပ်ဖော်ကာ နောက်ဆုံး မျောက်နေရာမှာ ထရမ့်ရုပ်ပုံကို ထည့်သွင်းခဲ့တာ ဖြစ်ပါတယ်။

ထရမ့်ဟာ ပြီးခဲ့တဲ့ကြာသာပတေးနေ့က အိမ်ဖြူတော်အစည်းအဝေးတစ်မှာ အာဖရိကန်တွေကို လူမျိုးရေးခွဲခြားမှုကြောင့် နိုင်ငံတကာရဲ့ ဝေဖန်မှုတွေ ပေါ်ပေါက်ပြီး ၂ ရက်အကြာမှာ ပြင်သစ်မဂ္ဂဇင်းက ဒီလို ဖော်ကျူးခဲ့တာပါ။

အာဖရိကနိုင်ငံတွေဟာ ဒီစော်ကားမှုကို ပြန်ရုပ်သိမ်းပေးဖို့၊ လူသိရှင်ကြား ပြန်လည်တောင်းပန်ဖို့ ထရမ့်ကို တောင်းဆိုထားပါတယ်။

လစ်ဘရယ်အမြင်တွေကို ဖော်ပြလေ့ရှိတဲ့ Der Spiegel မဂ္ဂဇင်းဟာ အရင်ကလည်း ထရမ့်ကို လှောင်ပြောင်ခဲ့ဖူးပါတယ်။ ပြီးခဲ့တဲ့သြဂုတ်လတုန်းက မျက်နှာဖုံးမှာ လူဖြူအစွန်းရောက်ဂိုဏ်း Ku Klux Klan အဖွဲ့ ဦးထုပ်ဆောင်းထားတဲ့ ထရမ့်ပုံကို ဖော်ပြခဲ့ပြီး ဗားဂျီးနီးယားပြည်နယ် ချားလော့စ်ဗီလီမှာဖြစ်တဲ့ အကြမ်းဖက်မှုမှာ လူဖြူအစွန်းရောက်တွေကို ကာကွယ်တဲ့ ထရမ့်ရဲ့မှတ်ချက်ကို တုန့်ပြန်တာ ဖြစ်ပတယ်။

Ref: The Hill

 

ဇန်န၀ါရီ ၁၄၊ ၂၀၁၈
M-Media

– အမေရိကန်ပြည်ထောင်စု ဟာဝိုင်ယီကျွန်းတွင် ဒုံးကျည်အန္တရာယ်ရှိသည် မှားယွင်းစွာ သတိပေးကြေငြာမှုကြောင့် ပြည်သူများမှာ ၀ရုန်းသုန်းကား ဖြစ်သွားခဲ့သည်ဟု သိရသည်။

“ဟာဝိုင်ယီကို ပစ်မှတ်ထားတဲ့ ဒုံးကျည်တိုက်ခိုက်မှု ရှိနေကြောင်း အရေးပေါ် အသိပေးပါတယ်။ ဘေးလွတ်ရာနေရာကို ချက်ချင်းပုန်းရှောင်ကြပါ။ ဒါဟာ လေ့ကျင့်မှုမဟုတ်ပါဘူး” ဆိုသည့် စာတိုတစ်စောကို ပြည်နယ် အရေးပေါ်စီမံခန့်ခွဲရေးဌာနက ယမန်နေ့ မနက်ပိုင်းတွင် ဟာဝိုင်ယီပြည်သူများ၏ ဖုန်းများသို့ ပေးပို့ခဲ့သည်။

ထိုသတိပေးချက်အား ရုပ်သံဌာနများ၊ ရေဒီယိုများကလည်း တစ်ဆင့် ပြန်လည်၍ ဖော်ပြခဲ့ကြသည်။

ထို့ကြောင့် ပြည်သူများမှာ ၀ရုန်းသုန်းကား ဖြစ်ခဲ့ကြပြီး နာရီဝက်အကျော်တွင် ထိုသတိပေးချက်မှာ မှားယွင်းမှုဖြစ်သည်ဟု စီမံခန့်ခွဲမှုဌာနက ပြန်လည်ကြေငြာခဲ့သည်။ အမေရိကန် ပစိဖိတ်စစ်ဌာနချုပ်ကလည်း မည်သည့် အန္တရာယ်မှ မရှိဟု အတည်ပြုခဲ့သည်။

ပြည်နယ်အုပ်ချုပ်ရေးမှူး ဒေးဗစ် အိုင်ဂီက အဆိုပါမှားယွင်းမှုအတွက် ရုပ်သံမှတစ်ဆင့် တောင်းပန်ခဲ့ပြီး ဟာဝိုင်ယီ အရေးပေါ် စီမံခန့်ခွဲမှုဌာန၌ ၀န်ထန်းများ တာဝန်ချိန် အပြောင်းအလဲတွင် ခလုပ်မှားနှိပ်မိခဲ့ခြင်းဖြစ်သည်ဟု ပြောကြားခဲ့သည်။

“တာဝန်ချိန်အပြောင်းအလဲမှာ စနစ် အလုပ် လုပ်၊ မလုပ် သေသေချာချာ စစ်ဆေးစဉ်အတွင်း ဖြစ်ပွားခဲ့တာပါ။ ၀န်ထမ်းတစ်ဦးက ခလုပ်မှားနှိပ်ခဲ့တာဖြစ်ပါတယ်”

အရေးပေါ်ဌာန၌ တစ်နေ့လျှင် တာဝန်ချိန် ၃ ကြိမ် အပြောင်းအလဲရှိသည်ဟုလည်း အုပ်ချုပ်ရေးမှူးက ပြောကြားခဲ့သည်။

နျူလက်နက်ကိစ္စနှင့်ပတ်သက်၍ အမေရိကန်နှင့် မြောက်ကိုရီးယားတို့အကြား တင်းမာမှု မြင့်တက်နေချိန်တွင် ယခုကဲ့သို့ မှားယွင်းမှု ဖြစ်ပေါ်လာခဲ့ခြင်းဖြစ်သည်။ မြောက်ကိုရီးယားက ၎င်းတို့တွင် အမေရိကန်၏ မည်သည့်နေရာကိုမဆို ပစ်ခတ်နိုင်သည့် ဒုံးကျည်မျိုး ပိုင်ဆိုင်ထားသည်ဟု ပြီးခဲ့သည့်နှစ်က ကြေငြာထားသည်။

အရေးပေါ် အချက်ပေးမှုစနစ်ကို ကိုင်တွယ်သည့် အမေရိကန် ဖက်ဒရယ် ဆက်သွယ်ရေး ကော်မရှင်က ၎င်းတို့အနေဖြင့် ထိုကိစ္စအတွက် စုံစမ်းစစ်ဆေးမှုတစ်ခု ပြုလုပ်နေသည်ဟု ပြောကြားခဲ့သည်။

Ref: CNA

ဇန်န၀ါရီ ၁၄၊ ၂၀၁၈
M-Media

– Fire and Fury ဆိုတဲ့အမည်နဲ့ သူ့အကြောင်း စာအုပ်ရေးတဲ့ စာရေးဆရာဟာ စိတ်ကစဥ့်ကလျား ဖြစ်နေသူဖြစ်တယ်လို့ အမေရိကန်သမ္မတ ဒေါ်နယ်ထရမ့်က ဒီကနေ့မှာ ဝေဖန် ပြောကြားလိုက်ပါတယ်။

စာရေးဆရာ မီခေးလ်ဝုလ်ဖီဟာ ထရမ့်ရဲ့ အပြုအမူ အပြောဆိုတွေ၊ အိမ်ဖြူတော်အကြောင်းတွေကို သူ့ရဲ့ ဒီစာအုပ်မှာ ဖွင့်ဟရေးသားထားတာပါ။

“လုပ်ကြံသတင်းတွေ အများကြီး ဖော်ပြထားပါတယ်။ မှားနေပမယ့်လည်း သူတို့ဟာ မှန်အောင် မကြိုးစားသလို၊ ပြင်လည်း မပြင်ဆင်ကြပါဘူး။ စိတ်ကစဥ့်ကလျားဖြစ်နေတဲ့ စာရေးဆရာရဲ့ စာအုပ်ကို သူတို့ လော်ကြတယ်။ အဲဒီစာရေးဆရာဟာ သိသိကြီးနဲ့ အမှားတွေ ရေးခဲ့တာပါ။ ငါတို့ ရွေးကောက်ပွဲနိုင်တာကို မီဒီယာတွေက သွေးရူးသွေးတန်း ဖြစ်နေကြပါတယ်” လို့ ထရမ့်က သူ့ရဲ့ Twitter စာမျက်နှာမှာ ရေးသာခဲ့တာဖြစ်ပါတယ်။

Fire and Fury စာအုပ်မှာ ထရမ့် မဲဆွယ်ရေးအဖွဲ့က ရုရှားနဲ့ ဆက်သွယ်ခဲ့မှု၊ အိမ်ဖြူတော်မှာ ထရမ့်က ထင်တိုင်းကြဲနေမှု၊ ထရမ့်အပေါ် ၀န်ထမ်းတွေက မနှစ်မြို့မှု၊ အယုံအကြည်မရှိမှု၊ ရွေးကောက်ပွဲမှာ ဟီလာရီကလင်တန်အပေါ် ထရမ့်အဖွဲ့က ခြေထိုးမှုတွေကိုလည်း စာရေးဆရာဝုလ်ဖီက ဖော်ပြထားပါတယ်။

ထရမ့်က ဒီစာအုပ်ကို ထုတ်ဝေခွင့်မရအောင် ကြိုးပမ်းခဲ့ပေမယ့် မအောင်မြင်ခဲ့ဘဲ အရင်ကလည်း စာအုပ်နဲ့ ၀ုလ်ဖီကို ပြင်းပြင်းထန်ထန် ဝေဖန်ခဲ့ဖူးပါတယ်။

Ref: The Guardian