ဇန်န၀ါရီ ၁၂၊ ၂၀၁၈
M-Media
– အာဖရိကန်တွေအပေါ် လူမျိုးရေးခွဲခြားတဲ့ အမေရိကန် သမ္မတ ဒေါ်နယ်ထရမ့်ရဲ့မှတ်ချက်ကို ကုလ အပါအ၀င် ကမ္ဘာတစ်ဝှမ်းက အဖွဲ့အစည်းတွေ၊ လူပုဂ္ဂိုလ်တွေက ပြင်းပြင်းထန်ထန် ရှုတ်ချလိုက်ပါတယ်။
မနေ့က အောက်လွှတ်တော်အမတ်တွေနဲ့ တွေဆုံစဉ်အတွင်းမှာ အလ်ဆာဗေဒိုး၊ ဟေတီနဲ့ အာဖရိကတိုက်ကနေ အမေရိကန်ကို ပြောင်းရွှေ့အခြေချသူတွေနဲ့ပတ်သက်ပြီး ထရမ့်က ပြောဆိုရာမှာ ‘ချီးထုတ်နိုင်ငံတွေ’ လို့ သုံးနှုန်းခဲ့တာဖြစ်တယ်လို့ အမေရိကန်မီဒီယာတွေက ဖော်ပြကြပါတယ်။
“ချီးထုတ်နိုင်ငံတွေက ဒီကို ဘာ့ကြောင့် လာနေကြတာလဲ” လို့ ပြောကြားခဲ့ကြောင်း အစည်းအဝေးကို တက်ရောက်သူတွေက မီဒီယာတွေကို ဖွင့်ဟခဲ့ပါတယ်။
ပြောင်းရွှေ့အခြေချသူတွေဝင်ရောက်ရေးကိစ္စမှာ နော်ဝေလိုနိုင်ငံမျိုးရဲ့ ပေါ်လစီကို အတုယူသင့်တယ်လို့ ထရမ့်က ထည့်သွင်းပြောကြားခဲ့ပါတယ်။ ထရမ့်ဟာ ဗုဒ္ဓဟူးနေ့က နော်ေ၀၀န်ကြီးချုပ် အာရ်နာ ဆိုလ်ဘာ့ဂ်နဲ့ တွေ့ဆုံခဲ့တာပါ။
ကုလ လူ့အခွင့်အရေးရုံးက ပြောရေးဆိုခွင့်ရှိသူ ရူပါ့တ် ကိုလ်ဗီလီက ထရမ့်ရဲ့ပြောကြားမှုကို ရှုတ်ချခဲ့ပါတယ်။
“နိုင်ငံတွေ၊ တိုက်ကြီးတွေကို သိမ်းကြုံးပြီး ချီးထုတ်လို့ပြောကာ ဖယ်ကျဉ်လို့မရပါဘူး။ ပြောရမှာအားနာပေမယ့် ဒီစကားလုံးထက်ပိုပြီး လူမျိုးရေးခွဲခြားတဲ့စကားလုံးမျိုး နောက်မရှိတော့ပါဘူး”
ဒီလိုပြောဆိုတာဟာ စော်ကားပြောဆိုတာတင်မကဘဲ၊ လူသားတွေရဲ့ ဆိုးရွားတဲ့ သမိုင်းကို ပြန်လှန်လိုက်တာဖြစ်တယ်လို့လည်း ကိုလ်ဗီလီက ထည့်သွင်းပြောဆိုခဲ့ပါတယ်။
အာဖရိကသမဂ္ဂကတော့ တော်တော်လေးကို စိုးရိမ်မှုတယ်လို့ ပြောကြားခဲ့ပါတယ်။
“အမေရိကန်ကို ကျွန်တွေအဖြစ် အာဖရိကန် တော်တော်များများ ရောက်လာတယ်ဆိုတဲ့ ငြင်းလို့မရတဲ့သမိုင်း ရှိတာကြောင့် (ထရမ့်ရဲ့) ဒီပြောကြားမှုဟာ အားလုံး လက်ခံထားတဲ့ အပြုအမူတွေ၊ ကျင့်သုံးမှုကို ငြင်းဆန်လိုက်တာ ဖြစ်ပါတယ်”
တောင်အာဖရိကနိုင်ငံရဲ့ အာဏာရပါတီ ANC က ထရမ့်ရဲ့ ဒီမှတ်ချက်ဟာ ‘ဆိုးဆိုးရွားရွား စော်ကားမှု’ ဖြစ်ပြီး ဒီလို နှိမ်ချတဲ့ ပြောဆိုမှုတွေကို ဘယ်တော့မှ လက်ခံမှာမဟုတ်ဘူးလို့ ထုတ်ပြန်ခဲ့ပါတယ်။
မော်ရိုကိုအခြေစိုက် အာဖရိကရေးရာ လေ့လာဆန်းစစ်သူ အဒါမာ ဂါယီက ထရမ့်ဟာ အာဖရိက ပြည်သူတွေအပေါ် လူမျိုးရေးခွဲခြားတဲ့ သဘောထားကို ထပ်ခါတလဲလဲ ပြသနေတယ်လို့ ပြောကြားခဲပါတယ်။
ထရမ့်ဟာ ဒီလို လူမျိုးရေးခွဲခြားတဲ့ စကားတွေ ပြောဆိုတယ်လို့ သတင်းထွက်လာပြီးတဲ့နောက်ပိုင်းမှာ အိမ်ဖြူတော်က ကြေငြာချက်တစ်စောင် ထုတ်ပြန်ခဲ့ပြီး ထရမ့်အနေနဲ့ အမှန်တကယ် ဒီလိုပြောဆိုခဲ့လားဆိုတာကို တိုက်ရိုက်ဖော်ပြခြင်း မရှိပါဘူး။
“၀ါရှင်တန်က တစ်ချို့နိုင်ငံရေးသမားတွေဟာ နိုင်ငံခြားတိုင်းပြည်အတွက် တိုက်ပွဲဝင်ဖို့ ရွေးချယ်ထားပါတယ်။ ဒါပေမယ့် သမ္မတထရမ့်ကတော့ အမေရိကန်ပြည်သူတွေအတွက် အမြဲတမ်း တိုက်ပွဲဝင်သွားမှာပါ” လို့ ကြေငြာချက်မှာ ဖော်ပြခဲ့ပါတယ်။
ထရမ့်က သူ့အနေနဲ့ အစည်းအဝေးမှာ ပြောခဲ့တဲ့စကားလုံးဟာ ကြမ်းတမ်းပေမယ့် လူမျိုးရေးခွဲခြားတဲ့ မှတ်ချက်မျိုး မဟုတ်ဘူးလို့ Twitter စာမျက်နှာကနေတစ်ဆင့် ဒီနေ့မှာ ငြင်းဆိုခဲ့ပါတယ်။ နောက်ပြီး ‘အကျိုးဖြစ်ထွန်းမယ့်၊ တိုင်းပြည်ကို နောက်တစ်ဆင့်ရောက်အောင် ဆွဲတင်ပေးနိုင်မယ့်လူတွေ ၀င်လာနိုင်မယ့် လူဝင်မှုကြီးကြပ်ရေးစနစ်’ ဖြစ်လာဖို့လည်း ထရမ့်က တိုက်တွန်းခဲ့ပါတယ်။
ထရမ့်ရဲ့ ဒီလို လူမျိုးရေးခွဲခြားမှုမှတ်ချက်အတွက် သူ့ရဲ့ ရီပက်ဘလစ်ကန်ပါတီက အမတ်တွေကပါ ဝေဖန်ရှုတ်ချခဲ့ကြပါတယ်။
Ref: Aljazeera
