ဒီဇင်ဘာ ၂၂၊ ၂၀၁၇
M-Media
– အမေရိကန်၏ အမျိုးသားလုံခြုံရေးဗျူဟာသစ်မှာ ရန်လိုလွန်းသည်ဟု ရုရှားသမ္မတ ဗလာဒီမီရ်ပူတင်က ပြောကြားလိုက်ပြီး ထိုကိစ္စအတွက် မိမိတို့က စဉ်းစားသုံးသပ်သွားမည်ဟု ဆိုသည်။
ယမန်နေ့က ပြုလုပ်ခဲ့သည့် ရုရှား ကာကွယ်ရေးဝန်ကြီးဌာန အစည်းအဝေးတွင် ပူတင်က အမေရိကန်နှင့် နေတိုးအဖွဲ့မှာ ဥရောပတွင် စစ်ဖက်ဆိုင်ရာ အခြေခံအဆောက်အဦးများ တိုးမြှင့်တည်ဆောက်လာမှုကို ထောက်ပြခဲ့ပြီး၊ တာလတ်နှင့် တာတိုပစ်ဒုံးကျည်များကို ဥရောပမှ ဖယ်ရှားမည်ဆိုသည့် ၁၉၈၇ ခုနှစ် သဘောတူညီချက်ကို အမေရိကန်က ချိုးဖောက်ခဲ့သည်ဟု ဆိုသည်။
“တရားဝင်ကတော့ ပိုလန်က ဒုံးလောင်ချာတွေဟာ ခြိမ်းခြောက်မှုကို တန်ပြန်ဖို့ ရည်ရွယ်တယ်လို့ ပြောပါတယ်။ တကယ့်အကြောင်းအရင်းကို ကျွမ်းကျင်သူတွေက ကောင်းကောင်းသိပါတယ်။ ဒီလောင်ချာတွေဟာ ရည်ရွယ်ချက်အားလုံးအတွက် သုံးလို့ရပါတယ်။ ကီလိုမီတာ ၂၅၀၀ (မိုင် ၁၅၅၀) လောက်အထိ ရောက်နိုင်တဲ့ ရေပြင်ပစ် ခရုဇ်ဒုံးကျည်တွေကိုလည်း သူတို့ အသုံးပြုလို့ ရနေပါတယ်။ ဒီဒုံးကျည်တွေဟာ ရေပြင်တင်မကဘဲ မြေပေါ်ကိုလည်း ရွှေ့လို့ရပါတယ်” ဟု ပူတင်က ထည့်သွင်း ပြောဆိုခဲ့သည်။
အနောက်နိုင်ငံများ၏ စစ်ရေးဗျူဟာများကို ရုရှားကာကွယ်ရေးဝန်ကြီးဌာနအနေဖြင့် စောင့်ကြည့်နေရန် ပူတင်က တိုက်တွန်းခဲ့ပြီး ဖြစ်လာနိုင်သည့် ခြိမ်းခြောက်မှုများကို ထိထိရောက်ရောက်နှင့် အချိန်မီ တုန့်ပြန်နိုင်ခွင့် ရှိနေသည်ဟုလည်း ဆိုသည်။
အမေရိကန်မှာ ဒုံးခွင်းစနစ်များနှင့် နျူလက်နက်များကဲ့သို့ အစွမ်းထက်သည့် အခြား တိုက်ခိုက်ရေးစနစ်များကို ချထားက ကာကွယ်ရေးဗျူဟာ မျှတမှုကို ဖျက်ဆီးနေသည်ဟုလည်း ပူတင်က ပြစ်တင်ပြောဆိုခဲ့သည်။
Ref: RT
