Blog

ကယ်ဆယ်ရေးစခန်းက လူတစ်ဦးသေဆုံးမှုနဲ့ပတ်သက်ပြီး တစ်ဦးကို ဖမ်းဆီးထား

ရခိုင်ပြည်နယ် စစ်တွေမြို့ ရွာကြီးမြောက်ရပ်ကွက်မှာ ပြီးခဲ့တဲ့ဇူလိုင်လ ၄ ရက်နေ့က ဒါးပိုင်ကယ်ဆယ်ရေး စခန်းကလာတဲ့ မွတ်ဆလင် ၇ ဦးကို ခဲနဲ့ ဝိုင်းပစ်ပေါက်တာကြောင့် ၁ ဦး သေဆုံးခဲ့တဲ့ အမှုနဲ့ပတ်သက်ပြီး ရွာကြီးမြောက်ရပ်ကွက်မှာ နေထိုင်သူတစ်ဦးကို ဖမ်းဆီးထိန်းသိမ်းထားတယ်လို့ သိရပါတယ်။

အမှုနဲ့ပတ်သက်ပြီး လူအများအပြားကိုလည်း ခေါ်ယူစစ်ဆေးနေတယ်လို့ စစ်တွေခရိုင်ရဲတပ်ဖွဲ့မှူး ဒုရဲမှူးကြီးဝင်းနောင် က ပြောပါတယ်။

ပြီးခဲ့တဲ့ဇူလိုင်လ ၄ ရက်နေ့က စစ်တွေမြို့နယ် ဒါးပိုင်ကယ်ဆယ်ရေးစခန်းကနေ ရွာကြီးမြောက်ရပ်ကွက် ရောင်နီဦးဆိပ်ကမ်းကို မော်တော်ဘုတ်ဝယ်ယူဖို့လာရောက်တဲ့ မွတ်ဆလင်တွေဟာ အုပ်စုလိုက် ခဲနဲ့ဝိုင်းဝန်းပစ်ပေါက်တာကိုခံခဲ့ရတာကြောင့် ၁ ဦးသေဆုံးပြီး ၆ ဦးဒဏ်ရာရရှိခဲ့တာဖြစ်ပါတယ်။

အဲဒီဖြစ်စဉ်နဲ့ပတ်သက်ပြီး မွတ်ဆလင်တွေကို ဒါးပိုင်ကယ်ဆယ်ရေးစခန်းကနေ စစ်တွေမြို့ပေါ်ကို ခေါ်ဆောင်လာတဲ့ ရဲအရာရှိနဲ့ သက်ဆိုင်ရာ တာဝန်ရှိသူအားလုံးကို အရေးယူဆောင်ရွက်သွားမှာ ဖြစ်တယ်လို့လည်း စစ်တွေခရိုင်ရဲတပ်ဖွဲ့မှူး ဒုတိယရဲမှူးကြီး ဝင်းနောင်က ပြောထားပါတယ်။

ဓါတ်ပုံ – (ရခိုင်ပြည်နယ် စစ်တွေမြို့မှာ ဇူလိုင်လ ၄ ရက်နေ့က ဖြစ်ပွားခဲ့တဲ့ပဋိပက္ခကြောင့် သေဆုံးခဲ့သူရဲ့ရုပ်အလောင်းကို သယ်ဆောင်လာစဉ်)

RFA Burmese မှ ကူးယူဖော်ပြသည်။

July 26, 2017
အာဖဂန်စစ်စခန်းတစ်ခုကို တာလီဘန်က တိုက်ခိုက်မှုကြောင့် လူ ၂၀ ကျော် သေဆုံး

ဇူလိုင် ၂၆၊ ၂၀၁၇
M-Media

– အာဖဂန်နစ္စတန်နိုင်ငံ ကန်ဒါဟာပြည်နယ်ရှိ စစ်စခန်းတစ်ခုကို တာလီဘန်က တိုက်ခိုက်မှုကြောင့် အနည်းဆုံး ၂၆ ဦး သေဆုံးခဲ့ပြီး ၁၃ ဦးဒဏ်ရာရရှိခဲ့သည်ဟု အာဖဂန် ကာကွယ်ရေးဝန်ကြီးဌာနက ပြောကြားခဲ့သည်။

ခက်ရက်ဇ်ခရိုင်တွင် အင်္ဂါနေ့ညနေပိုင်းက ဖြစ်ပွားခဲ့သော ထိုအဖြစ်အပျက်အတွင်း အပြန်အလှန်ပစ်ခတ်မှု ဖြစ်ပွားခဲ့ကာ စစ်သား ၂၁ ဦးပျောက်ဆုံးနေပြီး ၇ ဦးမှာလည်း ပြန်ပေးဆွဲခံထားရသည်။

တာလီဘန်ကမူ ၎င်းတို့၏ တိုက်ခိုက်မှုအတွင်း စစ်သား အနည်းဆုံး ၇၀ သေဆုံးပြီး စစ်သုံးယာဉ်များ၊ ပစ္စည်းကိရိယာများ၊ စက်ပစ္စည်းများနှင့် လက်နက် အများအပြား သိမ်းဆည်းရမိခဲ့သည်ဟု ထုတ်ပြန်ခဲ့သည်။ တာလီဘန်မှာ ယခုနှစ်အတွင်း အာဖဂန်စစ်တပ် အဆောက်အဦးများကို တိုးမြှင့်တိုက်ခိုက်လာခဲ့သည်။

ဧပြီလကလည်း နိုင်ငံမြောက်ပိုင်း မာဇာရ် အီ ရှရစ်ဖ်မြို့ရှိ စစ်အခြေစိုက်စခန်းကို တာလီဘန်များက တိုက်ခိုက်မှုကြောင့် စစ်သား ၁၄၀ ကျော် သေဆုံးခဲ့ပြီး၊ အာဖဂန်စစ်တပ်အပေါ် တာလီဘန်၏ အဆိုးဝါးဆုံး တိုက်ခိုက်မှုများမှ တစ်ခုဖြစ်သည်။

အမေရိကန် စောင့်ကြည့်အဖွဲ့တစ်ခုဖြစ်သည့် SIGAR က အာဖဂန်လုံခြုံရေးတပ်ဖွဲ့များ ထိခိုက်ဒဏ်ရာရမှုမှာ ၂၀၁၆ ခုနှစ်တွင် ၃၅ ရာခိုင်နှုန်း မြင့်တက်လာခဲ့ပြီး စစ်သားနှင့် ရဲတပ်ဖွဲ့ဝင် စုစုပေါင်း ၆၈၀၀ သေဆုံးခဲ့သည်ဟု ပြောကြားခဲ့သည်။

Ref: Aljazeera

July 26, 2017
ဘုရားပေးသောလက်မျိုး ထပ်မဖြစ်ရန် VARs နည်းပညာကို မာရာဒိုနာထောက်ခံ

ဇူလိုင် ၂၆၊ ၂၀၁၇
M-Media

– သူ့လိုမျိုး ဘုရားပေးသောလက်နဲ့ ဂိုးရသွားတဲ့အဖြစ်မျိုး ထပ်မဖြစ်အောင် ဗီဒီယိုအကူဒိုင်နည်းပညာ (VARs) ထောက်ခံတယ်လို့ အာဂျင်တီးနား ဂန္တ၀င်ကစားသမား ဒီယေဂို မာရာဒိုနာက ပြောကြားလိုက်ပါတယ်။

၁၉၈၆ ခုနှစ် ကမ္ဘာ့ဖလား ကွာတားဖိုင်နယ်ပွဲမှာ အာဂျင်တီးနားအသင်းဟာ အင်္ဂလန်အသင်းကို ၂ ဂိုး ၁ ဂိုးနဲ့ အနိုင်ရရှိခဲ့ပြီး မာရာဒိုနာက ၂ ဂိုးစလုံး သွင်းခဲ့တာဖြစ်ပါတယ်။ အဲဒီမှာ တစ်ဂိုးက အင်္ဂလန်ကစားသမား ၅ ဦးကို ကျော်ဖြတ်သွင်းယူခဲ့တာပါ။

နောက်တစ်ဂိုးကတော့ ခေါင်းတိုက်တဲ့အချိန် လက်နဲ့ပုတ်ကာ သွင်းယူခဲ့တာဖြစ်ပြီး ဘောလုံးသမိုင်းတစ်လျှောက် လူပြောအများဆုံးဂိုး ဖြစ်ခဲ့ပါတယ်။

‘ဘုရားပေးသောလက်’ နဲ့ သွင်းယူခဲ့တယ်လို့ နောက်ပိုင်းမှာ တင်စားပြောဆိုခဲ့တဲ့ မာရာဒိုနာက ခေတ်သစ်ဘောလုံးလောကမှာ ဆုံးဖြတ်ရခက်တဲ့ အခြေအနေတွေ၊ သဲသဲကွဲကွဲမမြင်ရတဲ့အခြေအနေမျိုးတွေမှာ ဗီဒီယိုအကူဒိုင် နည်းပညာ အကူအညီရယူဖို့ကို ထောက်ခံခဲ့ပါတယ်။

“ဒီနည်းပညာအသုံးပြုရေး ကျွန်တော် ထောက်ခံတဲ့အခါတိုင်း ဒီအကြောင်းကို ကျွန်တော် တခုတ်တရ စဉ်းစားမိပါတယ်။ အဲဒီနည်းပညာသာ ဟိုတုန်းကရှိမယ်ဆိုရင် ကျွန်တော့်ဂိုးက ရမှာမဟုတ်ပါဘူး။ နောက်ထပ်ပြောချင်တာက ၁၉၉၀ ကမ္ဘာ့ဖလား ဆိုဗီယက်နဲ့ပွဲမှာ ဘောလုံးကို ဂိုးစည်းပေါ်ကနေ ကျွန်တော် လက်နဲ့ပုတ်ထုတ်ခဲ့ပါတယ်။ ဒိုင်လူကြီး မမြင်လိုက်တာက ကျွန်တော်တို့အတွက် ကံကောင်းခဲ့တာပါ။ အဲဒီတုန်းက ကိစ္စတွေအတွက် ဒီနည်းပညာကို ပြန်အသုံးပြုလို့မရပေမယ့် ဒီနေ့ခေတ်မှာတော့ တစ်ကျောင်းတစ်ဂါထာပေါ့ဗျာ” လို့ မာရာဒိုနာက FIFA နဲ့ အင်္ဂါနေ့ အင်တာဗျူးမှာ ပြောကြားခဲ့ပါတယ်။

ဖီဖာဟာ ပြီးခဲ့တဲ့လ ကွန်ဖက်ဒရေးရှင်ဖလား အပါအ၀င် ပြိုင်ပွဲတော်တော်များများမှာ VAR နည်းပညာကို စမ်းသပ်အသုံးပြုခဲ့ပြီး ၂၀၁၈ ရုရှားကမ္ဘာ့ဖလားပွဲမှာ သုံးစွဲဖို့ ရှိနေပါတယ်။

ဒါပေမယ့် ဒီနည်းပညာအသုံးပြုမှုအတွက် အချိန်ပေးရတာ၊ ကွင်းလယ်ဒိုင်က VARs အကူဒိုင်ရဲ့ အကြံပြုချက်ကို လက်မခံတာ စတဲ့ အခက်အခဲတွေရှိနေတဲ့အတွက် ဝေဖန်မှုတွေလည်း ရှိနေပါတယ်။

Ref: Alarabiya

July 26, 2017
ဆိုက်ဘာတိုက်ခိုက်မှု မလုပ်နိုင်သည့် ဆက်သွယ်ရေးကွန်ယက်ကို တရုတ်က မကြာမီ အသုံးပြုမည်

ဇူလိုင် ၂၆၊ ၂၀၁၇
M-Media

– ဟက်ကာတွေ ဆိုက်ဘာတိုက်ခိုက်မှု မလုပ်နိုင်မယ့် ကွမ်တန်နည်းပညာအခြေပြု ဆက်သွယ်ရေးကွန်ယက်စနစ်တစ်ခုကို တရုတ်နိုင်ငံက သြဂုတ်လမှာ စတင်အသုံးပြုတော့မယ်လို့ သိရပါတယ်။

ဂျီနန်ပြည်နယ်က တရုတ်အစိုးရ၊ ဘဏ္ဍာရေး၊ စစ်တပ်တာဝန်ရှိသူ ၂၀၀ လောက်အသုံးပြုမယ့် အဲဒီနည်းပညာကို အခုလအစောပိုင်းမှာ အောင်မြင်စွာ စမ်းသပ်နိုင်ခဲ့ပါတယ်။

အလင်းအခြေပြု ကွမ်တန်စကားဝှက်နည်းလမ်းကို အသုံးပြုထားတဲ့ အဲဒီကွန်ယက်ဟာ လက်ရှိအသုံးပြုနေတဲ့ အင်တာနက်နဲ့ ဖုန်းလိုင်းတွေထက်ပိုလုံခြုံပြီး ဖောက်ထွင်းဝင်ရောက်ဖို့ ကြိုးစားမယ်ဆိုရင်လည်း ချက်ခြင်းသိရှိနိုင်မှာဖြစ်သလို၊ ဒီကွန်ယက်မှာ အသုံးပြုတဲ့ စကားဝှက်နည်လမ်းကို အခြားသူတွေက ဖော်ထုတ်နိုင်မှာမဟုတ်ပါဘူး။

“နိုင်ငံတော်ကာကွယ်ရေး၊ ဘဏ္ဍာရေးနဲ့ အခြားနယ်ပယ်တွေမှာ ဒီကွန်ယက်ကိုအသုံးပြုဖို့ ကျွန်တော်တို့ စီစဉ်ထားပြီး ရှေ့ပြေးစီမံကိန်း အောင်မြင်မယ်ဆိုရင် တရုတ်နိုင်ငံနဲ့ ကမ္ဘာတစ်ဝှမ်း ချဲ့ထွင်အသုံးပြုဖို့ မျှော်လင့်ပါတယ်” လို့ ဒီနည်းပညာကို အဓိကကိုင်တွယ်တဲ့ Jinan Institute of Quantum Technology က လက်ထောက်ညွှန်ကြားရေးမှူး ကျိုဖေးက ပြောကြားခဲ့ပါတယ်။

ကွမ်တန်ဆက်သွယ်ရေးကွန်ယက် အခုလိုပေါ်ထွက်လာမှုဟာ သိပ္ပံနယ်ပယ်မှာ တရုတ်နိုင်ရဲ့ ခေါင်းတစ်လုံသာမှုကို ဖော်ပြလိုက်တာဖြစ်ပါတယ်။ တရုတ်အစိုးရကတော့ ၂၀၃၀ ရောက်တဲ့အချိန်ကျရင် ဉာဏ်ရည်တုနယ်ပယ်မှာ ကမ္ဘာ့ဦးဆောင်နိုင်ငံဖြစ်ဖို့ ရည်ရွယ်ထားတယ်လို့ အခုလအစောပိုင်းမှာ ပြောကြားခဲ့ပါတယ်။

ဂျီနန်က ဒီ ကွမ်တန်ကွန်ယက်ဟာ ကမ္ဘာ့ကွမ်တန်ကွန်ယက်တွေထဲမှာ အရှည်ဆုံးဖြစ်ပြီး ဂျီနန်အခြေစိုက် ဒေတာစင်တာကို ဖြတ်ကာ ဘေဂျင်းကနေ ရှန်ဟိုင်းအထိ ကီလိုမီတာ ၂၀၀၀ လောက်ကို ဒေတာအသွားအပြန် လုပ်နိုင်မှာဖြစ်ပါတယ်။

ကွန်ယက်အတွက် ကုန်ကျစားရိတ်က ကန်ဒေါ်လာ ၁၅ သန်းလောက်ရှိခဲ့ပြီး တစက္ကန့်ကို ဒေတာပေါင်း ၄၀၀၀ လောက် ပုံဖျက်ပေးပို့နိုင်မှာ ဖြစ်ပါတယ်။

Rref: Telegraph

July 26, 2017
ကမ္ဘာ့ရုပ်ရှင်ထူးချွန်ဆု Emmy Award ဇကာတင်စာရင်းတွင် ပါကစ္စတန်ရုပ်ရှင်နှစ်ကား ပါဝင်လာ

ဇူလိုင် ၂၆၊ ၂၀၁၇
M-Media

– ကမ္ဘာ့ရုပ်ရှင်လောကမှာ ထိပ်တန်းဂုဏ်ပြုဆုဖြစ်တဲ့ Emmy Award အတွက် ယခုနှစ် ဇကာတင်စာရင်းမှာ ပါကစ္စတန် မှတ်တမ်းရုပ်ရှင် ၂ ခု ပါဝင်လာတယ်လို့ သိရပါတယ်။

A Girl in River: The Price of Forgiveness နဲ့ Among the Believers တို့ဖြစ်ပြီး ဒါရိုက်တာ ရှာရ်မင်း အိုဘိုက် ချန်နွိုင်း ရိုက်ကူးထားတဲ့ A Girl in River: The Price of Forgiveness ဟာ ထူးခြားသော အသံဆု၊ ထူးခြားသော မှတ်တမ်းရုပ်ရှင်အတိုဆု နဲ့ အကောင်းဆုံး မှတ်တမ်းရုပ်ရှင်ဆုတွေမှာ ဇကာတင်စာရင်း ၀င်ထားတာ ဖြစ်ပါတယ်။

ရှာရ်မင်းဟာ Saving Face and Children of Taliban မှတ်တမ်းရုပ်ရှင်နဲ့လည်း Emmy ဆုကို အရင်က ရရှိဖူးပါတယ်။

Among the Believers ကိုတော့ ဒါရိုက်တာ မိုဟာမက်အလီက ရိုက်ကူးတာဖြစ်ပြီး နိုင်ငံရေးနဲ့ အစိုးရဆိုင်ရာ ထူးခြားသော မှတ်တမ်းရုပ်ရှင်ဆု စာရင်းမှာ ဇကာတင်အဖြစ် အရွေးခံထားရတာပါ။

A Girl in River: The Price of Forgiveness ဟာ ဂုဏ်သိက္ခာအတွက် သတ်ဖြတ်ခြင်းဆိုတဲ့ ရိုးရာဓလေ့တစ်ခုကြောင့် ဖခင်နဲ့ ဦးလေးတို့ရဲ့ သတ်ဖြတ်မှုဘေးကနေ လွတ်မြောက်လာတဲ့ အသက် ၁၉ နှစ်အရွယ် အမျိုးသမီးငယ်တစ်ဦးအကြောင်း ရိုက်ကူးထားတာဖြစ်ပါတယ်။

ပါကစ္စတန်နိုင်ငံမှာ တာလီဘန်လို အစွန်းရောက်အဖွဲ့တွေက အခြေခံဘာသာရေးကျောင်းတွေမှာ ခြေကုပ်ယူပြီး ကလေးငယ်တွေကို လမ်းလွဲစေတာ၊ အစွန်းရောက်တွေနဲ့ သူတို့ကို ဆန့်ကျင်သူတွေအကြား လွန်ဆွဲပွဲတွေအကြောင်းကို Among the Believers မှတ်တမ်းရုပ်ရှင်မှာ မြင်ရမှာဖြစ်ပြီး နိုင်ငံအတွင်းမှာ ထောက်ခံမှုရရှိသလို၊ ဝေဖန်မှုတွေလည်း တော်တော်များများ ရှိခဲ့ပါတယ်။

Ref: Nation.com

July 26, 2017