Blog

၂၀၁၇ တက္ကသိုလ်ဝင်တန်း ဘာသာစုံဂုဏ်ထူးရှင် မနှင်းဝတ်မှုံထွေး နှင့် တွေ့ဆုံခြင်း

ဇူလိုင် ၂၆ ၊ ၂၀၁၆
M-Media
ချမ်းငြိမ်းအေး တွေ့ဆုံမေးမြန်းသည်။

၂၀၁၆- ၂၀၁၇ ပညာသင်နှစ် တက္ကသိုလ်ဝင်တန်း စာမေးပွဲမှာ ဂုဏ်ထူး (၆) ဘာသာ ဖြင့် အမှတ်ပေါင်း ၅၁၂ မှတ် ရရှိခဲ့တဲ့ ရန်ကုန်မြို့မှ မနှင်းဝတ်မှုံထွေးကို M-Media မှ တွေ့ဆုံမေးမြန်းထားပါတယ်။

M_Media ။ ။မင်္ဂလာပါ ညီမလေး။
HWMH ။ ။ ဟုတ် မင်္ဂလာပါ။

M_Media ။ ။ညီမလေး ဆယ်တန်းမှာ ဒီလို ဂုဏ်ထူးတွေနဲ့ အောင်မြင်ဖို့အတွက် အရင်ကတည်းက ရည်ရွယ်ချက် ရှိပြီးတော့ ကြိုးစားခဲ့တာလား။

HWMH ။ ။ အင်း ဟုတ်တယ် ၉ တန်းလောက်ကတည်းက ဒီလို ဖြစ်ရမယ် ငါ ဂုဏ်ထူးတွေနဲ့ အောင်ရမယ်ဆိုပြီး ကြိုးစားခဲ့တာ။ ဘာလို့လည်းတော့ မဟုတ်ဘူး။ ငါ ရမှာပါဆိုပြီး လုပ်ခဲ့တာပါ။

M_Media ။ ။ကျောင်းစတက်တဲ့ နှစ်စမှာရော ညီမလေး စာတွေကို ဘယ်လိုကြိုးစားလေ့လာခဲ့လဲ။

HWMH ။ ။ နှစ်စကတည်းက စာတွေကို သေသေချာချာ လေ့လာတယ်။ ဘယ်စာကိုမှ မလစ်ဟင်းအောင် လုပ်ခဲ့တယ်။ ဘယ်စာတွေကိုမှ မပယ်ဘူး။ အကုန်လုပ်တယ်။ အရမ်းကြီး သူများတွေလို timetable ကိုချမဆွဲထားဘူး။ ခေါင်းထဲမှာပဲ တစ်နေ့နေ့ ငါဘယ်လောက် ရနေပြီလဲ အဲ့ဒီလိုပဲ မှတ်ပြီး ပုံမှန်ကျက်တယ်။ ပုံမှန်စာကျက်ချိန်ဆိုပြီးတော့ အဲ့လိုမျိုးလည်း သိပ်ပြီးတော့ မရှိဘူး။ တစ်ပတ်ပြီးရင် ဒီတစ်ပတ်မှာ ငါဘာလိုနေလဲ။ ဒီဘာသာလိုလား အဲ့ဒီလိုတဲ့ဘာသာကို ပိုလုပ်လိုက်တယ်။ တစ်နေ့ကို ကိုယ်ပိုင်စာကျက်ချိန် (၄) နာရီတော့ ထားတယ်။ အဲ့အချိန်အတွင်းမှာ သေချာလုပ်တယ်။

M_Media ။ ။ ကျောင်းတက်နေတဲ့ အချိန်မှာရော ဘယ်လို အခက်အခဲမျိုးတွေရော ရှိလဲ။

HWMH ။ ။ အခက်အခဲကတော့ ကျူရှင်နဲ့ ကျောင်းပဲလေ။ ကျူရှင်နဲ့ ကျောင်းနဲ့ ကြားကဆိုတော့ ဒွိဟများတယ်လေ။ အဲ့တော့ ကျူရှင်က သင်တဲ့ဟာကိုပဲ ရွေးပြီး လုပ်ခဲ့တယ်။ အဲ့လို ကျူရှင်က သင်တာပဲ ကျူရှင်ကိုပဲ ရွေးပြီးလုပ်တော့ ကျောင်းမှာ အခက်အခဲတွေ ရှိတယ်။ ကျောင်းက စာမေးပွဲတွေမှာဆိုရင် အမှတ်တွေလျော့တယ်။ လုံးဝကို အရမ်းနည်းတဲ့ အခြေအနေတွေရှိတယ်။ အဲ့လို အခြေအနေတွေမှာဆိုရင်တော့ စိတ်ဓာတ်တော့ ကျတာပေါ့။ သွားပြီ ငါတော့ မရလောက်ဘူးပဲထင်တာ ဒါပေမယ့် ကျူရှင်မှာက အမှတ်တွေများတယ် ပုံမှန်ပဲဆိုတော့ အရမ်းတော့ ပြသာနာမဖြစ်ပါဘူး။ စာမေးပွဲကြီးကျတော့ အကုန်အဆင်ပြေသွားတယ်။

M_Media ။ ။ ဒီလိုကာလတစ်လျှောက်မှာရော အရမ်းစိတ်ဓာတ်ကျတဲ့အချိန်တွေရှိလား။

HWMH ။ ။ ရှိတယ်။ ကျောင်းမှာ ပထမဆုံး စာမေးပွဲ ဖြေတဲ့အချိန်မှာ အမှတ်က အရမ်းနည်းတယ်။ တော်တော်နည်းတော့ အဲ့အချိန်မှာ တော်တော် စိတ်ဓာတ်ကျခဲ့တယ်။

M_Media ။ ။ အဲ့လိုအခါမှာ ဒီအခက်အခဲတွေကို ဘယ်လို ကျော်လွှားခဲ့လဲ။
HWMH ။ ။ အဲ့ဒီအခါမှာ ကျူရှင်ကို ပြန်ကြည့်တော့ ကျုရှင်မှာ အမှတ်တွေက ကောင်းနေတယ်။ ကျောင်းက အမှတ်တွေပဲ စုတ်ပြတ်သတ်နေတာ။ တဖြည်းဖြည်းနဲ့တော့ အဆင်ပြေသွားတယ်။ ဒီလိုနဲ့ပဲ ကိုယ့်ကိုကိုယ် အားတင်းထားရတာပေါ့။

M_Media ။ ။ မိသားစုကရော ညီမလေးအပေါ်မှာ ဘယ်လိုအထောက်အပံ့တွေ ပေးလဲ။

HWMH ။ ။ အရမ်းကြီး စာကျက်ရမယ် ဟိုဟာရရမယ် အဲ့ဒီလိုတွေ မရှိဘူး။ ရုပ်ရှင်ကြည့်နေရင်တောင် ကြည့်နေတယ်ဆိုပြီး တစ်ခါမှ မဆူပါဘူး။ ဘာလိုလို ဖြည့်ဆည်းပေးတယ်။ နားလည်မှုလည်း အပြည့်ပေးတယ်။ မိသားစုက အခုလို ဖိအားမပေးပဲ အေးဆေးပဲဆိုရင် ကျောင်းသူ ကျောင်းသားတွေအတွက် ပိုပြီးတော့ အဆင်ပြေနိုင်ပါတယ်။

M_Media ။ ။ နောက်နှစ်မှာ (၁၀) တန်းဖြေမယ့် ညီငယ် ညီမငယ်တွေအတွက်ရော ဘာများပြောချင်လဲ။

HWMH ။ ။ အဓိကကတော့ စပြီးတော့ စလုပ်ကတည်းက ဘာကိုမှ မပယ်ဘူးဆိုတဲ့စိတ်နဲ့လုပ်ပါလို့။ ပြီးတော့ နောက်ပိုင်းကျမှ နည်းနည်းမရတဲ့ အခန်းတွေကို မပယ်တာမျိုးတွေ လုပ်ပါ။ တကယ်တော့ စိတ်ဖိစီးမှု အရမ်းများနေရင် ဆယ်တန်းက အဆင်မပြေဘူး။ နည်းနည်းလေး ကိုယ့်ကိုကိုယ် နားလည်အောင်လုပ်ပါ။ ဘယ်အချိန်မှာ ငါဘာကျက်ရမယ်၊ ဘာလုပ်ရမယ်ဆိုတာကို သိရင် ရပါပြီ။

M_Media ။ ။ညီမလေးအနေနဲ့ ရှေ့ဆက်ပြီးတော့ ဘာတွေဆက်လုပ်ဖို့ ရည်မှန်းထားလဲ။

HWMH ။ ။ ဆရာဝန် လုပ်ဖို့ စဉ်းစားထားပါတယ်။ ငယ်ငယ်လေးကတည်းက အဲ့လို OG ဆရာဝန်ဖြစ်ချင်တာ။ ရုပ်ရှင်ကြည့်ရင်လည်း အဲ့လို OG အဲ့ဒီလို ကားတွေဆိုလည်း စိတ်ဝင်စားတယ်။ အကိုကလည်း ဆရာဝန်ဆိုတော့ သူ့ကိုလည်း အားကျတာတွေ ပါတယ်။ ဆရာဝန်ဖြစ်ချင်တယ်ဆိုတာကလည်း ကိုယ့်ကိုကိုယ် သေချာတယ်။ OG ဖြစ်သွားရင်လည်း တောဘက် အဲ့လိုနေရာမျိုးတွေမှာ သေချာလုပ်ပေးချင်တယ်။ ကိုယ့်မှာ level တစ်ခုတော့ ရှိလာမှာပဲလေ။ အဲ့ဒါနဲ့ ထိုက်တာတွေ လုပ်ချင်ပါတယ်။

July 26, 2017
ဗဟိုအာဖရိကနိုင်ငံတွင် ကုလတပ်ဖွဲ့များ ခြုံခိုတိုက်ခိုက်ခံရ

ဇူလိုင် ၂၆၊ ၂၀၁၇
M-Media

– မငြိမ်မသက်မှုများ ဖြစ်ပွားနေသည့် ဗဟိုအာဖရိကနိုင်ငံတွင် ခရစ်ယာန်အစွန်းရောက်များက တိုက်ခိုက်မှုကြောင့် ကုလ ငြိမ်းချမ်းရေးတပ်ဖွဲ့မှ မော်ရိုကိုတပ်ဖွဲ့ဝင် ၂ ဦး သေဆုံးခဲ့ပြီး တစ်ပတ်အတွင်း ကုလတပ်ဖွဲ့များ ၂ ကြိမ်မြောက် တိုက်ခိုက်ခံရခြင်းဖြစ်သည်။

ငြိမ်းချမ်းရေးတပ်ဖွဲ့ဝင်များမှာ မြို့တေ် ဘန်ဂွီအရှေ့ဘက် ကီလိုမီတာ ၇၀၀ အကွာတွင်ရှိသော ဘာနာဂက်ဆူမြို့ရှိ ပြည်သူများအား သောက်သုံးရေပေးဝေရန် ဆောင်ရွက်နေစဉ် အင်္ဂါနေ့က ခြုံခိုတိုက်ခိုက်ခံရခြင်းဖြစ်သည်ဟု ကုလမှ ထုတ်ပြန်သော ကြေငြာချက်တွင် ဖော်ပြထားသည်။

ဗဟိုအာဖရိကနိုင်ငံတွင် မွတ်စလင်နှင့် ခရစ်ယာန်လက်နက်ကိုင်များအကြား ၂၀၁၃ ခုနှစ်မှစ၍ တိုက်ခိုက်မှုများ ဖြစ်ပွားခဲ့ပြီး ယခုအချိန် တည်ငြိမ်မှုရှိသေးချေ။

အင်္ဂါနေ့ ခြုံခိုတိုက်ခိုက်ခံရမှုမှာ ခရစ်ယာန်လက်နက်ကိုင်အဖွဲ့ Anti-balaka မှ ပြုလုပ်ခြင်းဖြစ်သည်ဟု ယူဆရပြီး သေဆုံးသူတပ်ဖွဲ့ ၂ ဦးအပြင် တတိယတစ်ဦးမှာ ဒဏ်ရာရရှိခဲ့သည်။ ပြီးခဲ့သည့်ရက်အနည်းကလည်း စိန်တူးဖော်မှုလုပ်ငန်းရှိရာ မြို့တစ်မြို့တွင် အဆိုပါလက်နက်ကိုင်အဖွဲ့မှ တိုက်ခိုက်မှုအချို့ ပြုလုပ်ခဲ့ပြီး မော်ရိုကို ငြိမ်းချမ်းရေးတပ်ဖွဲ့တစ်ဦး သေဆုံးခဲ့ကာ ၃ ဦး ဒဏ်ရာရရှိခဲ့သည်။

ပြီးခဲ့သည့်မေလတွင် လူပေါင်း ၁၁၅ ဦး သေဆုံးခဲ့သော တိုက်ခိုက်မှုများ အကြီးအကျယ်ဖြစ်ပွားခဲ့ပြီး အတိဒုက္ခရောက်နေသူများကို အကူအညီပေးနေသော အဖွဲ့များမှာ ၎င်းတို့၏လုပ်ငန်းများကို ရပ်တန့်ခဲ့ရသည်အထိ ဖြစ်ခဲ့သည်။

Ref: Aljazeera

July 26, 2017
မီဒီယာကိုကူညီမှုကြောင့် တရားစွဲခံရသည့် ကချင်ခရစ်ယာန်ခေါင်းဆောင် ၂ ဦးကို ချက်ခြင်းလွှတ်ပေးရန် လူ့အခွင့်အရေးအဖွဲ့များ တောင်းဆို

ဇူလိုင် ၂၆၊ ၂၀၁၇
M-Media

ဖမ်းဆီးတရားစွဲဆိုခံထားရသည့် Dumdaw Nawng Lat နှင့် Langjaw Gam Seng

– ရှမ်းပြည်နယ်မှာ သတင်းသမားတွေကို ကူညီလို့ ဖမ်းဆီးခံထားရတဲ့ ခရစ်ယာန် နှစ်ခြင်းအသင်းတော်က အကြီးအကဲနှစ်ဦးကို မြန်မာအာဏာပိုင်တွေအနေနဲ့ ခြွင်းချက်မဲ့ ချက်ခြင်းပြန်လွှတ်ပေးဖို့ နိုင်ငံတကာ လူ့အခွင့်အရေးအဖွဲ့တွေက ဒီနေ့မှာ တောင်းဆိုလိုက်ကြောင်း လူ့အခွင့်အရေးအဖွဲ့ HRW ရဲ့ ၀ဘ်စာမျက်နှာမှာ ဖော်ပြထားပါတယ်။

Dumdaw Nawng Lat နဲ့ Langjaw Gam Seng တို့နှစ်ဦးဟာ ၂၀၁၆ ခုနှစ်နှောင်းပိုင်းက ရှမ်းပြည်နယ်မြောက်ပိုင်းမှာ ဖြစ်ပွားခဲ့တဲ့ တိုက်ခိုက်မှုအတွင်း အစိုးရရဲ့ လေကြောင်းတိုက်ခိုက်မှုကြောင့် ပျက်ဆီးသွားတဲ့ ကက်သလစ်ခရစ်ယာန်ဘုရားကျောင်းကိစ္စကို ဖော်ပြခဲ့တဲ့ ဂျာနယ်လစ်တွေကို လမ်းညွှန်ခဲ့မှုအတွက် ရာဇ၀တ်မှုဆိုင်ရာ ပုဒ်မတွေနဲ့ တရားစွဲဆို ခံထားရတာ ဖြစ်ပါတယ်။

ဇူလိုင်လ ၂၆ ရက် ဒီနေ့မှာ လားရှိုးက တရားရုံးမှာ သူတို့ ၂ ဦးကို ကြားနာဖို့ရှိနေပြီး ထောင်ဒဏ် ၆ နှစ်ကနေ ၈ နှစ်လောက် ချခံရဖို့ရှိနေပါတယ်။

“ကချင်နဲ့ ရှမ်းပြည်နယ်က အရပ်သားတွေကို ခြိမ်းခြောက်တာမျိုး၊ ဖိနှိပ်တာမျိုး မြန်မာအစိုးရစစ်တပ်က ကြိုးကြိုးစားစားကို လုပ်ဆောင်နေတာပါ။ စစ်တပ်က မဟုတ်တာလုပ်တာကို ဖော်ထုတ်တဲ့သူတွေအပေါ် မြန်မာအာဏာပိုင်တွေက ပစ်မှတ်ထားတဲ့ကိစ္စဟာ ဒီတစ်ခုတည်း မဟုတ်ပါဘူး။ ဒါပေမယ့် အခုကိစ္စကို နောက်ဆုတ်ပေးဖို့ သိပ်ပြီး နောက်မကျသေးပါဘူး။ သူတို့အနေနဲ့ စွဲချက်တွေကို ရုပ်သိမ်းပြီး ဒီလူနှစ်ဦးကို ချက်ခြင်း ပြန်လွှတ်ပေးသင့်ပါတယ်” လို့ လူ့အခွင့်အရေးအဖွဲ့ Fortify Rights က စီအီးအို မက်သယူးစမစ်က ပြောကြားခဲ့ပါတယ်။

ဧရာဝတီသတင်းဌာနက ဒီဇင်ဘာလ အစောပိုင်းမှာ စစ်တပ်ရဲ့ လေကြောင်းတိုက်ခိုက်မှုကြောင့် ပျက်ဆီးသွားတယ်လို့ဆိုတဲ့ မုန်းကိုးက ကက်သလစ်ဘုရားကျောင်း St. Francis Xavier Catholic Church အကြောင်းကို ဓာတ်ပုံတွေနဲ့ သတင်းဖော်ပြခဲ့ပြီးတဲ့နောက် တစ်ရက်အကြာမှာပဲ ကချင်နှစ်ခြင်းအသင်းတော် (KBC) က အသက် ၆၇ နှစ်အရွယ် လက်ထောက် သင်းအုပ်ဆရာ Dumdaw Nawng Lat နဲ့ KBC လူငယ်ခေါင်းဆောင် Langjaw Gam Seng တို့ဟာ ဖမ်းဆီးခံခဲ့ရတာ ဖြ
စ်ပါတယ်။

ဒီလူနှစ်ဦးဟာ ဒီဘုရားကျောင်းနဲ့ တိုက်ခိုက်မှုတွေဖြစ်ပွားတဲ့ မူဆယ်မြို့နယ်က အခြား ပျက်ဆီးနေတဲ့ အရပ်ဖက်အဆောက်အဦးတွေအကြောင်း မှတ်တမ်းတွေယူဖို့ ဂျာနယ်လစ်တွေကို လမ်းညွှန်ပေးခဲ့တာ ဖြစ်ပါတယ်။

ဘုရားကျောင်းရဲ့ အပျက်အဆီးပုံရိပ်တွေကို ၂၀၁၆ ခုနှစ် ဒီဇင်ဘာ ၁၅ ရက်နေ့မှာ Kachin News Group သတင်းဌာနက ပထမဆုံး ဖော်ပြခဲ့တာဖြစ်ပြီး စစ်တပ်ကတော့ သူတို့ရဲ့လက်ချက်မဟုတ်ဘဲ သူပုန်တွေရဲ့လက်ချက် ဖြစ်တယ်လို့ ဆိုပါတယ်။

မြန်မာစစ်တပ်ဟာ အဲဒီအမျိုးသားနှစ်ဦးကို သီတင်းပတ်တော်တော်ကြာကြာ စစ်ကြောခဲ့ပြီး နောက်ပိုင်းမှာမှ ရဲတပ်ဖွဲ့ကို လွှဲပြောင်းပေးခဲ့တာ ဖြစ်ပါတယ်။ အဲဒီလိုလွှဲပြောင်းမပေးခင်မှာ သူတို့ဟာ ကချင်လွတ်မြောက်ရေးတပ်ဖွဲ့ (KIA) ကို ထောက်ခံတယ်ဆိုတဲ့ ကြေငြာချက်တွေကို လက်မှတ်ထိုးခဲ့ပါတယ်။

၂၀၁၇ ခုနှစ် ဖေဖော်ဝါရီမှာ သူတို့နှစ်ဦးဟာ တရားမ၀င်အသင်းအဖွဲ့အက်ဥပဒေ၊ လိုင်စင်မဲ့ မော်တော်ဆိုင်ကယ်ကို ပိုင်ဆိုင်ထားမှုအတွက် ၂၀၁၂ ခုနှစ် သွင်းကုန်ထုတ်ကုန် ဥပဒေတွေနဲ့ တရားစွဲဆိုခံခဲ့ရပါတယ်။ ၂၀၁၆ ခုနှစ် ဒီဇင်ဘာမှာ VOA သတင်းဌာနနဲ့ အင်တာဗျူးလုပ်ခဲ့တဲ့အတွက် Dumdaw Nawng Lat ကို မတ်လ ၂၀ ရက်နေ့မှာ အသရေဖျက်မှုနဲ့ ထပ်မံ စွဲချက်တင်ခဲ့ပါတယ်။ VOA နဲ့အင်တာဗျူးမှာ Dumdaw Nawng Lat က မြန်မာအစိုးရစစ်တပ်ဟာ တိုင်းရင်းသားလက်နက်ကိုင်တွေနဲ့ တိုက်ခိုက်မှုအတွင်း အရပ်သားတွေအပေါ် ဗုံးကြဲချခဲ့တယ်လို့ ဖြေကြားခဲ့ပါတယ်။

Fortify Rights နဲ့ Human Rights Watch တို့ကတော့ ဒီလို တရားစွဲဆိုမှုတွေဟာ လွတ်လပ်စွာ ထုတ်ဖော်ပြောဆိုခွင့်၊ အသင်းအဖွဲ့ဖွဲ့စည်းခွင့် စတဲ့ အခြေခံအခွင့်အရေးတွေကို ချိုးဖောက်တာသာဖြစ်တယ်လို့ ဆိုပါတယ်။

မြန်မာစစ်တပ်၏ လေကြောင်းတိုက်ခိုက်မှုကြောင့် ပျက်ဆီးသွားသည်ဆိုသည့် St. Francis Xavier Catholic Church ခရစ်ယာန်ဘုရားကျောင်း

“ဘုရားကျောင်းကို မြန်မာစစ်တပ်က တိုက်ခိုက်မှုကို သတ္တိရှိရှိ မီးမောင်းထိုးပြခဲ့တာကြောင့် ဒီ နှစ်ခြင်းခေါင်းဆောင်နှစ်ဦးဟာ ပစ်မှတ်ထားခံနေရတာ ဖြစ်ပါတယ်။ စစ်ပွဲရဲ့ အနိဌာရုံတွေကို အဆုံးသတ်ဖို့ဆိုရင် ဒီလိုချိုးဖောက်မှုတွေအကြောင်း လူတွေသိဖို့ လိုပါတယ်။ ဒီလူနှစ်ဦး တရားစွဲခံရတာဟာ ပြည်တွင်းသာမကဘဲ ကျန်ကမ္ဘာတစ်ခုလုံးကို အစိုးရက မှားယွင်းတဲ့ သတင်းစကား ပေးလိုက်ခြင်းသာ ဖြစ်ပါတယ်” လို့ Human Rights Watch အဖွဲ့ရဲ့ အာရှဆိုင်ရာ လက်ထောက် ဒါရိုက်တာ ဖီလ် ရောဘတ်ဆန်က ပြောကြားခဲ့ပါတယ်။

မြန်မာအဏာပိုင်တွေဟာ လွတ်လပ်စွာ စုဝေးခွင့်၊ ကိုးကွယ်ခွင့်တို့ကို ချိုးဖောက်ပြီး ကချင်လူမျိုးတွေကို ဖမ်းဆီး တရားစွဲဆို ထောင်ချတာတွေလည်း ရှိခဲ့တယ်လို့ HRW က ထည့်သွင်း ဖော်ပြခဲ့ပါတယ်။

Ref: HRW.org

July 26, 2017
အကြမ်းဖက်တိုက်ခိုက်ရန် ကြံစည်မှု ၁၂၀ ကျော်ကို ဖော်ထုတ်နိုင်ခဲ့သည်ဟု အီရန်ကြေငြာ

ဇူလိုင် ၂၅၊ ၂၀၁၇
M-Media

အီရန်ထောက်လှမ်းရေးအကြီးအကဲ အေလာဗီ

– ပြီးခဲ့သည့်နှစ် အနည်းငယ်အတွင်း အကြမ်းဖက်တိုက်ခိုက်ရန် ကြံစည်မှုပေါင်း ၁၂၀ ကျော်ကို လုံခြုံရေးတပ်ဖွဲ့များက ဖော်ထုတ်နိုင်ခဲ့သည်ဟု အီရန် ထောက်လှမ်းရေးဝန်ကြီး မဟ်မူးဒ် အေလာဗီက ယနေ့တွင် ပြောကြားလိုက်သည်။

ဇွန်လ ၇ ရက်နေ့က မြို့တော် တီဟီရန်ရှိ အီရန်လွှတ်တော် အဆောက်အဦးနှင့် အီရန်ခေါင်းဆောင် အီမာမ်ခိုမေနီတို့၏ ဂူဗိမာန်တွင် သေနတ်သမားများက တိုက်ခိုက်မှု ပြုလုပ်ခဲ့ပြီး လူ ၁၇ ဦးသေဆုံးကာ ၅၀ ကျော် ဒဏ်ရာရရှိခဲ့သည်။ IS အကြမ်းဖက်အဖွဲ့က ထိုတိုက်ခိုက်မှုများမှာ ၎င်းတို့၏လက်ချက်ဟု ကြေငြာခဲ့သည်။

ဝန်ကြီးက ၎င်းတို့ဖော်ထုတ်နိုင်ခဲ့သည့် ကြံစည်မှုများအတွက် တာဝန်ရှိသူများအားလုံးမှ တစ်ချို့မှာ စစ်ဆင်ရေးအတွင်း သေဆုံးခဲ့ပြီး တစ်ချို့ကို ဖမ်းဆီးထိန်းသိမ်းထားကြောင်း၊ နိုင်ငံ၏ မည်သည့်နေရာမှ လုံခြုံရေးကျိုးပေါက်မှု မရှိကြောင်း၊ ရန်သူများမှာ တိုက်ခိုက်မှုပြုလုပ်ရန် အမြဲတမ်း ကြံစည်နေကြောင်း ထည့်သွင်းပြောဆိုခဲ့သည်။

တီဟီရန်တိုက်ခိုက်မှုများတွင် တိုက်ရိုက် သို့မဟုတ် သွယ်ဝိုက်၍ တာဝန်ရှိသူများအားလုံးကို ဖော်ထုတ်ဖမ်းဆီးနိုင်ခဲ့ပြီး ရန်သူများ၏ လှုပ်ရှားမှုများအားလုံးကိုလည်း အီရန်က စောင့်ကြည့်နေသည်ဟု ထောက်လှမ်းရေးအကြီးအကဲက ဆိုသည်။

အီရန်တော်လှန်ရေးအစောင့်တပ်မှာ ဇွန်လ ၁၈ ရက်နေ့က ဆီရီးယားရှိ IS အကြမ်းဖက်အဖွဲ့၏ စခန်းများကို မြေပြင်မှ မြေပြင်ပစ် ဒုံးကျည်များဖြင့် ပစ်ခတ်ဖျက်ဆီးခဲ့ပြီး တပ်မှူးများ၊ အကြီးတန်းတာဝန်ရှိသူများ အပါအ၀င် အကြမ်းဖက်သမား ၁၇၀ သေဆုံးခဲ့သည်ဟု သတင်းထုတ်ပြန်ခဲ့သည်။

Ref: Press TV

July 25, 2017
အဆုံးစီရင်ခြင်းက အဖြေလား

လူရယ်လို့ ဖြစ်လာရင် ပျော်စရာ စိတ်ညစ်စရာတွေ ရှိလာတတ်တာ ထုံးစံပါပဲ။ ဒီတစ်လော စိတ်ဓာတ်ကျနေသူတွေ အများအပြားကို ပတ်ဝန်းကျင်မှာ တွေ့နေရတယ်။ စိတ်ဓာတ်ကျတာရဲ့ နောက်ဆက်တွဲ ဆိုးကျိုးဖြစ်တဲ့ ကိုယ့်ကိုကိုယ် အဆုံးစီရင်တာတွေပါ အခုဆို မကြာမကြာ ကြားနေရပါတယ်။ အခု နောက်ဆုံး သတင်းစာမျက်နှာ တော်တော်များများမှာ နေရာယူထားတဲ့ ကမ္ဘာကျော် တေးဂီတအဖွဲ့ တစ်ခုဖြစ်တဲ့ Linkin Park အဖွဲ့ ရဲ့ အဖွဲ့ဝင်တစ်ဦးဖြစ်တဲ့ Chester Bennington ကိုယ့်ကိုကိုယ် အဆုံးစီရင်လိုက်ခြင်းက လူတော်တော်များများကို ရိုက်ခက်သွားပါတယ်။

စိတ်ဓာတ်ကျတဲ့အခါမှာ လူတွေဘာကြောင့် ကိုယ့်ကိုကိုယ် အဆုံးစီရင်ကြရတာလဲ။ ကမ္ဘာ့ကျန်းမာရေးအဖွဲ့ရဲ့ နောက်ဆုံးစစ်တမ်းအရ ကမ္ဘာပေါ်မှာ လူဦးရေ သန်း ၃၀၀ လောက်ဟာ စိတ်ကျဝေဒနာကို ခံစားနေရတယ်တဲ့။ တစ်ကမ္ဘာလုံးနဲ့ ယှဉ်လိုက်ရင်တော့ မြန်မာနိုင်ငံရဲ့ ကိုယ့်ကိုကိုယ် အဆုံးစီရင်နှုန်းက ၄၂ နေရာမှာ ရှိနေပါတယ်။ ကမ္ဘာပေါ်မှာ ကိုယ့်ကိုယ်ကို သေကြောင်းကြံစည်မှု အများဆုံး နေရာကတော့ တောင်အမေရိကတိုက်မှာရှိတဲ့ ဂိုင်ရာနာနိုင်ငံ (Guyana)ပဲဖြစ်ပါတယ်။

စိတ်ကျရောဂါ ဘာကြောင့် ဖြစ်ကြတာလဲ။ အဆင်မပြေမှုတွေကပဲ စမှာပါ။ ပညာရေး၊ စီးပွားရေး၊ ကျန်းမာရေး၊ အချစ်ရေး၊ ပေါင်းသင်းဆက်ဆံရေး စတဲ့ပြသာနာ နည်းနည်းလေးတွေကနေ စပြီး စိတ်ကျရောဂါ ဖြစ်လာတာပါ။ အဆင်မပြေတာတွေ များများလာပြီးတော့ ထွက်ပေါက်ရှာမရတော့ရင် နောက်ဆုံး ထွက်ပေါက်ဖြစ်တဲ့ suicide နည်းလမ်းကို သုံးလိုက်ကြတာပါပဲ။ အသက်အရွယ်အားဖြင့် ၂၀ နဲ့ ၄၀ ကြားမှာရှိတဲ့ လူငယ်တွေဟာ စိတ်ကျရောဂါ ဖြစ်တာများတယ်လို့ စစ်တမ်းတွေအရ သိရပါတယ်။

စိတ်ကျရောဂါ ဖြစ်လာပြီဆိုရင် မပျော်ရွှင်တော့တာ၊ ညဘက်တွေဆို အိပ်မပျော်တော့တာ၊ အရာရာ အလိုမကျတာတွေ ဖြစ်လာတာ၊ တစ်ခုခုဆို စိတ်ထိခိုက်လွယ်တာ၊ မဟုတ်တဲ့ ကိစ္စလေးတွေမှာ ဒေါသထွက်လွယ်ဖြစ်လာတာ၊ အမြဲတမ်း အထီးကျန်သလို ခံစားနေရတာ၊ ဘယ်အရာကိုမှ စိတ်ပါလက်ပါ မလုပ်ချင်တော့တာ အစရှိတာတွေက စိတ်ဓာတ်ကျလာခြင်းရဲ့ လက္ခဏတွေ ဖြစ်ပါတယ်။

ကိုယ့်ကိုကိုယ် စိတ်ဓာတ်ကျနေတယ်လို့ သိရတယ်ဆိုရင် ဒီရောဂါက ကုသလို့ ရပါတယ်။ ဒါပေမယ့် မြန်မာလူမျိုးတွေရဲ့ ဓလေ့ထုံးစံနဲ့ မြန်မာလူမျိုးတွေရဲ့ အကျင့်စရိုက်တွေက ကိုယ့်ကိစ္စ ကိုယ့်ပြသာနာတွေကို တခြားသူတွေနဲ့ တိုင်ပင်ဆွေးနွေးတာမျိုးတွေ သိပ်မရှိပါဘူး။ စိတ်ကျန်းမာရေး ဆရာဝန်နဲ့ ဆွေးနွေးဖို့ဆိုတာကိုလည်း သိပ်ပြုလုပ်လေ့ မရှိကြပါဘူး။ မြန်မာနိုင်ငံမှာ အဲ့ဒီလို ဆွေးနွေးခန်းလုပ်တဲ့ ဝန်ဆောင်မှုမျိုးတွေလည်း သိပ်မတွင်ကျယ်သေးပါဘူး။ တချို့တွေဆို ဒီလိုဆွေးနွေးရကောင်းမှန်းတောင် မသိကြသေးပါဘူး။ စိတ်ဓာတ်ကျနေတဲ့အချိန်မှာ ကိုယ့်ပြသာနာတွေကို တခြားလူတစ်ယောက်လောက်ကို ရင်ဖွင့်မယ်ဆိုရင် တစ်ဝက်လောက်တောင် ပျောက်သွားနိုင်ပါတယ်။ ပြောတဲ့သူကလည်း ကိုယ်ယုံကြည်တဲ့သူ ဖြစ်ဖို့တော့ လိုတာပေါ့။ ပတ်ဝန်းကျင်ရဲ့ နွေးထွေးတဲ့ မေတ္တာကို ရမယ်ဆိုရင် စိတ်ကျရောဂါကို ကုသလို့ ရနိုင်ပါတယ်။

ဒါကြောင့် မိမိကိုယ်ကို စိတ်ဓာတ်ကျနေပြီ စိတ်ကျရောဂါရဲ့ လက္ခဏတွေ ကိုယ့်မှာ တွေ့လာရပြီဆိုရင်တော့ ပထမဆုံး ကိုယ့်စိတ်အခြေအနေကို စစ်ဆေးပါ။ ယုံကြည်ရတဲ့သူတွေကို ကိုယ့်ပြသာနာတွေကို ပြောပြပါ။ စိတ်ကျန်းမာရေး ဆရာဝန်နဲ့ စစ်ဆေးပါ။ နှစ်သိမ့်ဆွေးနွေးခန်းတွေကို သွားပါ။ ပြသာနာတိုင်းမှာ အဖြေရှိပါတယ်။ ထွက်ပေါက် ရှိပါတယ်။ အပြန်အလှန် ဆွေးနွေးတိုင်ပင်ရင် ကိုယ့်အတွက် တစ်ခုခုတော့ ရနိုင်ပါတယ်။

ကိုယ့်ကိုကိုယ် သတ်သေတယ်ဆိုတာက ကြားရတဲ့သူတွေကိုလည်း ရင်ထဲမှာ နင့်စေပါတယ်။ ၂၀၂၀ မှာ ကိုယ့်ကိုကိုယ် အဆုံးစီရင်မှုနှုန်း ၁၀% လျော့ချနိုင်မယ်လို့လည်း ကမ္ဘာ့ကျန်းမာရေးအဖွဲ့က ဆိုထားပါတယ်။

ပြဿနာဆိုတာ ကိုယ့်မှာတင် ရှိတာမဟုတ်ဘူး။ လူတိုင်းမှာ ရှိနေတတ်တဲ့ အရာပါ။ ပြဿနာတွေကို အဖြေရှာပြီး ဖြေရှင်းဖို့ပဲ ကြိုးစားရမှာပါ။ ဒါကြောင့် ကိုယ့်ကိုကိုယ် အဆုံးစီရင်ခြင်းဆိုတာ ပြဿနာတွေရဲ့ အဖြေမဟုတ်ပါဘူး။ ပြဿနာတစ်ခုကို ဖြေရှင်းပြီးတိုင်း လောကကြီးက ကိုယ့်အတွက် သာယာလှပနေမှာပါ။

(အလင်းသစ် ရေးသားသည်။)

July 25, 2017