ဇွန် ၇၊ ၂၀၁၇
M-Media
– ရွေးကောက်ပွဲအနိုင်ရရေး အတိုက်အခံပါတီ၌ ၀န်ကြီးချုပ်လောင်းနေရာအတွက် သင့်တော်သူ မတွေ့ပါက မိမိအနေဖြင့် ထိုရာထူးအား ရယူရန် စဉ်းစားမည်ဟု မလေးရှားဝန်ကြီးချုပ်ဟောင်း အသက် ၉၁ နှစ်အရွယ်ရှိ မဟာသီယာ မိုဟာမက်က ပြောကြားလိုက်သည်။
မဟာသီမှာ မလေးရှားဝန်ကြီးချုပ်အဖြစ် ၂၂ နှစ် တာဝန်ထမ်းဆောင်ခဲ့ပြီး ၂၀၀၃ ခုနှစ်တွင် ရာထူးမှ ဆင်းပေးခဲ့သည်။ သို့သော်လည်း မလေးရှားနိုင်ငံရေးတွင် သြဇာရှိနေဆဲဖြစ်ပြီး ပြီးခဲ့သည့် ၂ နှစ်အတွင်း မဟာသီမှာ လက်ရှိဝန်ကြီးချုပ် နာဂျစ် ရာဇတ်ကို ဆန့်ကျင်သည့် ခေါင်းဆောင်တစ်ဦး ဖြစ်လာခဲ့သည်။
နာဂျစ်မှာ မလေးရှားနိုင်ငံပိုင်လုပ်ငန်း 1Malaysia Development Berhad (1MDB) ၏ ငွေကြေးများပါဝင်သော ခြစားမှုပြဿနာနှင့် ရင်ဆိုင်နေရသည်။
၎င်းကမူ မည်သည့်အမှားမှမလုပ်ကြောင်း ပြောကြားထားပြီး အစိုးရအတွင်း ၎င်းအား ဝေဖန်သူများကို ထုတ်ပစ်ခြင်း၊ ခြစားမှုအတွက် စုံစမ်းစစ်ဆေးမှုကို ရပ်တန့်ခြင်းတို့ ပြုလုပ်ခဲ့သည်။ သို့သော်လည်း နာဂျစ် ခြစားမှုကိစ္စနှင့် ပတ်သက်၍ အမေရိကန်နှင့် အနည်းဆုံး နောက်ထပ် ၅ နိုင်ငံတွင် စုံစမ်းစစ်ဆေးမှု ပြုလုပ်နေသည်။
မနေ့က ပြုလုပ်ခဲ့သည့် စီးပွားရေးဖိုရမ်တွင် မဟာသီယာက မိမိအနေဖြင့် ၀န်ကြီးချုပ် မဖြစ်ချင်သော်လည်း၊ ဖြစ်နိုင်ချေရှိလားဟု မေးမြန်းမှု ရှိနေကြောင်း လာမည့်နှစ်လည်ပိုင်းတွင် ပြုလုပ်မည့် ရွေးကောက်ပွဲ၌ အတိုက်အခံပါ တီများအားလုံး သဘောတူပါက အတိုက်အခံများကို ဦးဆောင်ရန် စဉ်းစားသွားမည်ဖြစ်ဟု ပြောကြားခဲ့သည်။
“အတိုက်အခံတွေနိုင်ဖို့ ၀န်ကြီးချုပ်လောင်း တကယ်မရှိဘူးဆိုရင် ခဏတော့ ကျွန်တော် ဒီရာထူးကို ရယူနိုင်ပါတယ်။ ဒါပေမယ့် ခြွက်းချက်က အားလုံးသဘောတူဖို့ လိုပါတယ်”
မဟာသီမှာ ၀န်ကြီးချုပ်ရာထူးကို အချိန်ကြာမြင့်စွာ ထမ်းဆောင်ခဲ့သော်လည်း အာဏာရှင်မဆန်သည့်အတွက် မလေးရှားတွင် လူကြည်ညိုမှုများပြီး၊ လစ်ဘရယ်တန်ဖိုးများကို မြှင့်တင်ပေးခဲ့သူလည်း ဖြစ်သည်။
၎င်း၏ လက်ရင်းတပည့်ဖြစ်သူ နာဂျစ်နှင့်ပတ်သက်၍ ခြစားမှုသတင်းများ ပေါ်ထွက်လာပြီးနောက်ပိုင်းတွင် မဟာသီမှာ အာဏာရ UMNO ပါတီမှ နှုတ်ထွက်ခဲ့ပြီး၊ နာဂျစ်ကို ဖြုတ်ချရေး အတိုက်အခံများနှင့် ပူးပေါင်းနိုင်မည့် ပါတီသစ်တစ်ခုကို ထူထောင်ခဲ့သည်။
Ref: CNA
