မတ် ၂၇၊ ၂၀၁၇
M-Media
– ရာထူးမှ ဖြုတ်ချခံလိုက်ရသည့် တောင်ကိုရီးယားသမ္မတဟောင်း ပက်ဂျုံဟေးဟာ ဖမ်းဆီးရေးအတွက် ၀ရမ်းရရှိရန် တောင်ကိုရီးယား အစိုးရရှေ့နေများက ဆောင်ရွက်နေသည်ဟု သိရပြီး ပက်အား ခြစားမှု၊ အာဏာအလွဲသုံးစားလုပ်မှုအတွက် မေးမြန်းပြီးနောက်ပိုင်း ရက်အနည်းငယ်အကြာတွင် ယခုပြောကြားမှု ထွက်ပေါ်လာခြင်းဖြစ်သည်။
အသက် ၆၅ နှစ်အရွယ်ရှိ ပက်မှာ ခြစားမှု၊ အစိုးရ အချက်အလက်များ ပေါက်ကြားမှု၊ အာဏာ အလွဲသုံးစားလုပ်မှုများအပါအ၀င် ရာဇ၀တ်မှုများစွာ ကျူးလွန်သည်ဟု စွပ်စွဲခံထားရပြီးနောက် ပြည်သူများ၏ ဆန့်ကျင်မှုများ မြင့်တက်လာကာ လွှတ်တော်က ၎င်းကို ရာထူးမှ ဆိုင်းငံ့ခဲ့သည်။
ထို့နောက် ဖွဲ့စည်းပုံအခြေခံဥပဒေခုံရုံးက ယခုလအစောပိုင်းတွင် အဆိုပါဆိုင်းငံ့မှုကို ထပ်မံ အတည်ပြုလိုက်သောကြောင့် ပက်မှာ တောင်ကိုရီးယားသမ္မတ အဖြစ်မှ တရားဝင် ဆင်းပေးခဲ့ရသည်။
“ကြီးမားတဲ့ အာဏာကို အလွဲသုံးစားလုပ်ခဲ့တယ်၊ သမ္မတအဖြစ် ကုမ္ပဏီတွေက လာဘ်ငွေတွေ ရယူခဲ့တယ်၊ စီးပွားရေးမှာ လွတ်လပ်စွာ စီမံခန့်ခွဲမှု အခွင့်အရေးကို ချိုးဖောက်ခဲ့တယ်။ နိုင်ငံတော်ကိစ္စတွေရဲ့ လျှို့ဝှက်အချက်အလက်တွေကို ပေါက်ကြားစေခဲ့တယ်လို့ သူမဟာ စွပ်စွဲခံထားရပါတယ်။ ဒါဟာ ကြီးမားတဲ့ ပြဿ
နာတွေပါ။ လက်ရှိအချိန်အထိ သက်သေခံ အထောက်အထားတော်တော်များများကို စုဆောင်းထားပြီးပါပြီ။ ဒါပေမယ့် စွပ်စွဲခံရသူက စွဲချက်အများစုကို ငြင်းဆန်နေပါတယ်။ အနာဂတ်မှာ အထောက်အထားတွေကို ဖျောက်ဖျက်ပစ်နိုင်တဲ့အန္တရာယ် ရှိနေပါတယ်” ဟု ယမန်နေ့တွင် အစိုးရရှေ့နေများက ထုတ်ပြန်သော ကြေငြာချက်တွင် ဖော်ပြထားသည်။
ထိုစွပ်စွဲမှုများတွင် ပက်ဂျုံဟေးနှင့်အတူ အဓိကပါဝင်သူ သူမ၏ မိတ်ဆွေ ချိုဆွန်အီလ်မှာ ပြည်တွင်း စီးပွားရေးလုပ်ငန်းများကို ၎င်းက ကိုယ်ကျိုးအတွက် အသုံးချနေသည့် အဖွဲ့အစည်းတစ်ခုအတွက် ကန်ဒေါ်လာ သန်း ၇၀ လှူရန် ဖိအားပေးမှုဖြင့် အမှုရင်ဆိုင်နေရသည်။
အကယ်၍ ဆိုးလ် ဗဟိုခရိုင်တရားရုံးက ဖမ်းဝရမ်းကို အတည်ပြုလျှင် ပက်ဂျုံဟေးမှာ နိုင်ငံရေးသမားများနှင့် စီးပွားရေးလုပ်ငန်းများအကြား အနီးကပ်ဆက်ဆံရေးရှိသည့် အာရှ၏ စတုတ္ထမြောက် စီးပွားရေးအကြီးဆုံး တောင်ကိုရီးယားတွင် ခြစားမှုကြောင့် အဖမ်းခံရသည့် တတိယမြောက် ခေါင်းဆောင်ဟောင်း ဖြစ်လာမည်ြ
ဖစ်သည်။
ယခင် ၁၉၈၀ ပြည့်နှစ်များနှင့် ၁၉၉၀ ပြည့်နှစ်ျားတွင် စစ်တပ်က ကျောထောက်နောက်ခံပြုထားသော ခေါင်းဆောင်များဖြစ်သည် ချန် ဒီဟမ်နှင့် ရိုတေ၀ူးတို့မှာ အနားယူသွားပြီးနောက် ခြစားမှုအပါအ၀င် စွဲချက်များစွာဖြင့် ထောင်ဒဏ်ချမှတ်မှုများ ခံခဲ့ရသည်။
Ref: Aljazeera
