မတ် ၁၃၊ ၂၀၁၇
M-Media
– လုပ်ငန်းခွင်ဝင်နေသည့် ကိုယ်ဝန်ဆောင်အမျိုးသမီးများအတွက် လစာပြည့် မီးဖွားခွင့်ကို အိန္ဒိယ ၂၆ ပတ်အထိ သတ်မှတ်ပေးလိုက်ပြီး ကမ္ဘာ့စံနှုန်းဖြစ်သာ သီတင်းပတ် ၂၀ ထက် ပိုမို သာလွန်သွားခြင်းလည်းဖြစ်သည်။
အိန္ဒိယမှာ ယခင်က လစာပြည့်မီးဖွားခွင့်ကို ၁၂ ပတ်သာ သတ်မှတ်ပေးထားပြီး ယခုကဲ့သို့ ပြင်ဆင်သတ်မှတ်ခဲ့ခြင်းကြောင့် ဥရောပနှင့် အာရှနိုင်ငံတော်တော်များများထက် သာလွန်သွားခဲ့သည်။ သို့သော်လည်း အက်စတိုးနီးယား၊ ဘူလ်ဂေးရီးယား၊ ဟန်ဂေရီနှင့် ဂျပန်တို့၏နောက်တွင် ရှိနေသေးသည်။
ယခုခွင့်မှာ ပထမဆုံး ကလေးနှစ်ယောက်အတွက်ဖြစ်ပြီး တတိယမြောက် ကလေးမှစ၍ လစာပြည့်ခွင့် ၁၂ ပတ်သာ ရရှိမည်ဖြစ်သည်။ ထို့ပြင် အသက် ၃ လအောက် ကလေးငယ်များကို မွေးစားသူနှင့် ကြည့်ရှုစောင့်ရှောက်ရသည့် အမျိုးသမီးများအတွက် လစာပြည့်ခွင့် ၃ လ သတ်မှတ်ပေးခဲ့ပြီး ထိုစည်းမျဉ်းကို ယခုမှ အိန္ဒိယတွင် ပထမဆုံး ကျင့်သုံးခြင်းဖြစ်သည်။
Maternity Benefit Amendment Bill 2016 (၂၀၁၆ မီးဖွားခွင့်ပြင်ဆင်ချက်ဆိုင်ရာ ဥပဒေကြမ်း) ကို လွှတ်တော်တွင် လွန်ခဲ့သည့် ၉ လကတည်းက တင်ထားခြင်းဖြစ်ပြီး မတ်လ ၉ ရက် ကြာသာပတေးနေ့ကမှ အတည်ပြုခဲ့ကာ အလုပ်သမားဝန်ကြီး နိုင်ငံတကာအမျိုးသမီးများနေ့ လက်ဆောင်ဟု ပြောကြားခဲ့သည်။
လက်ရှိ အိန္ဒိယ၏ လုပ်အားတွင် အမျိုးသမီးများမှာ ၂၉ ရာခိုင်နှုန်း ရှိနေပြီး BRICS နိုင်ငံများတွင် အနိမ့်ဆုံးဖြစ်သည်။ တရုတ်နိုင်ငံမှာ ၆၄ ရာခိုင်နှုန်းရှိပြီး၊ ဘရာဇီးလ်က ၅၉၊ ရုရှားက ၅၇ နှင့် တောင်အာဖရိကက ၄၅ ရာခိုင်းနှုန်း အသီးသီး ရှိနေသည်။
Ref: Mashable
