ဖေဖော်ဝါရီ ၂၀၊ ၂၀၁၇
M-Media
ဝတ်ကောင်းစားလှ မဆင်ထားလည်း
လူသားဆန်သူ၊ ထိုလူများကို
ကျွန်ုပ် မြင်တွေ့ခဲ့ဖူး၏။ဝတ်ကောင်းစားလှ ၀တ်ဆင်ထား၍
လူသားမဆန် ထိုဟန်ပန်လည်း
ကျွန်ုပ် မြင်ခဲ့ဖူးလေသည်။(ရူမီ)
ရူမီ ဘယ်သူလဲ
—————–
ရူမီမှာ ၁၃ ရာစု ပါရှန်း ကဗျာဆရာ၊ အစ္စလာမ့်ဒဿနညာရှင်နှင် ဆူဖီသူတော်စင်ဖြစ်ပြီး ၎င်းရေးသားခဲ့သည့် ကဗျာများမှာ အထူးကျော်ကြားသည်။ ၎င်း၏ ကဗျာများကို ဘာသာစကားပေါင်းစုံဖြင့် ဘာသာပြန်ဆိုကာ ဖြန့်ချီကြပြီးအမေရိကန်တွင် ယနေ့အချိန်အထိ ရောင်းအားအကောင်းဆုံး စာအုပ်ဖြစ်နေဆဲဖြစ်သည်။
ဖေဖော်ဝါရီ ၂၀၊ ၂၀၁၇
M-Media
– အီဂျစ်နိုင်ငံက အမျိုးသမီးလေယာဉ်မှူး မဂ်ဒါ မာလစ်ဟာ ဘိုအင်း ၇၇၇-၃၃၃ လေယာဉ်ကြီးကို မောင်းနှင်ပြီး နိုင်ငံရဲ့ လေကြောင်းသမိုင်းမှာ မှတ်တိုင်သစ် စိုက်ထူနိုင်ခဲ့ပါတယ်။
ဒီ ဘိုးအင်းလေယာဉ်ဟာ အီဂျစ်လေကြောင်းကဏ္ဍမှာ အကြီးဆုံးလေယာဉ်ကြီးဖြစ်ပြီး မာလစ်က အီဂျစ်ကနေ အမေရိကန်ကို မောင်းနှင်ခဲ့တာဖြစ်ပါတယ်။ မာလစ်ဟာ ဒီလေယာဉ်ကြီးကို မောင်နှင်တဲ့ နိုင်ငံရဲ့ ပထမဆုံး အမျိုးသမီး လေယာဉ်မှူးဖြစ်လာပြီး ဒါဟာ အမျိုးသားတွေသာကြီးစိုးတဲ့ လေကြောင်းကဏ္ဍမှာ ဖောက်ထွက်နေရတဲ့ အမျိုးသမီးတစ်ဦးရဲ့ မှတ်တမ်းသစ်တစ်ခုလည်း ဖြစ်ပါတယ်။
လေယာဉ်မောင်းချိန် နာရီပေါင်း ၃၄၀၀ ရှိပြီဖြစ်တဲ့ မာလစ်ကတော့ သူမအနေနဲ့ ငယ်ငယ်ကတည်းက ပျံသန်းရတာကို နှစ်သက်ခဲ့ပြီး အဖေဖြစ်သူ မာလစ် အဒ်လီကလည်း အီဂျစ်အစိုးရလေကြောင်းလိုင်းက နာမည်ကြီး လေယာဉ်မှူးတစ်ဦးဖြစ်ကြောင်း ဖွင့်ဟခဲ့ပါတယ်။
သူမဟာ အထက်တန်းပြီးကတည်းက လေကြောင်းအကယ်ဒမီကို တက်ရောက်ခဲ့တာဖြစ်ပါတယ်။ ၂၀၀၅ ခုနှစ်ကနေ ၂၀၀၈ ခုနှစ်အထိ ပုဂ္ဂလိကလေကြောင်းလိုင်းမှာ တာဝန်ထမ်းဆောင်ခဲ့ပြီးတဲ့နောက် ၂၀၀၈ ခုနှစ်မှာ အီဂျစ်လေကြောင်းလိုင်းကို ၀င်ရောက်ခဲ့တာပါ။
ဥရောပနဲ့ အမေရိကကို မောင်းရတဲ့ခရီးစဉ်မှာ ၅၅ နာရီကြာတဲ့ ခရီးစဉ်ဟာ အခက်ခဲဆုံးဖြစ်ပြီး အဲဒီလိုခရီစဉ်ကို တစ်လ ၃ ကြိမ်လောက် မောင်းနှင်ရကြောင်း၊ ဒီခရီးစဉ်ဟာ အခြားခရီးစဉ်တွေထက် ပိုမို သတိထားအာရုံစိုက်ရပြီး ခင်ပွန်းဖြစ်သူ ခွဲစိတ်ဆရာဝန် အဟ်မဒ် ကမာလ်က သူမရဲ့ အလုပ်အတွက် အမြဲတမ်း အားပေးထောက်ခံကြောင်း မာလစ်ကဖွင့်ဟခဲ့ပါတယ်။
နောက်ပြီး အမျိုးသားတွေနဲ့ ယှဉ်ပြိုင်နိုင်တယ်ဆိုတာကို နေ့စဉ်နဲ့အမျှ ပြသနေတဲ့ အီဂျစ်အမျိုးသမီးတွေရဲ့ ဂုဏ်ယူစရာကောင်းတဲ့ ပုံရိပ်ကို ကိုယ်စားပြုဖို့ မျှော်လင့်ကြောင်းလည်း သူမက ထည့်သွင်းပြောကြားခဲ့ပါတယ်။
Ref: Alarabiya
ဖေဖော်ဝါရီ ၂၀၊ ၂၀၁၇
M-Media
– ဆီးရီးယားကဲ့သို့ စစ်မက်ဖြစ်ပွားနေသော နိုင်ငံများမှ ဒုက္ခည်များကို ခေါ်ယူရေး ကြိုးပမ်းအားထုတ်မှုများကို တိုးမြှင့်ဆောင်ရွက်ရန်အတွက် အစိုးရကို တိုက်တွန်းသည့်အနေဖြင့် စပိန်နိုင်ငံ ဘာစီလိုနာမြို့တွင် ယမန်နေ့က လူ ၁ သိန်းကျော် ချီတက် ဆန္ဒထုတ်ဖော်ခဲ့ကြသည်ဟု သိရသည်။
စပိန်နိုင်ငံမှာ ဒုက္ခသည်အရေအတွက် ၁၇၀၀၀ လက်ခံမည်ဟု ကတိပြုထားပြီး လက်ရှိတွင် ၁၁၀၀ သာ ခေါ်ယူထားသည်။
ပြည်သူများမှာ “ဆင်ခြေပေးတာ တော်လောက်ပြီ။ သူတို့ကို အခုချက်ချခြင်းခေါ်ပါ” ၊ “သေဆုံးတာတွေ အလိုမရှိတော့၊ နယ်စပ်ကိုဖွင့်ပေးပါ” စသည့် ဆိုင်းဘုတ်များကို ကိုင်ဆောင်ခဲ့ကြပြီး ဘာစီလိုနာ မြို့လယ်ကောင်မှ မြေထဲပင်လယ် ကမ်းရိုးတန်းအထိ ချီတက်ခဲ့ကြသည်။
ရဲတပ်ဖွဲ့က အဆိုပါချီတက်မှုတွင် လူပေါင်း ၁ သိန်း ၆ သောင်း ပါဝင်သည်ဟု ပြောကြားခဲ့ပြီး စီစဉ်သူများက ၃ သိန်းရှိသည်ဟု ဆိုသည်။
“(အစိုးရရဲ့) ကတိက၀တ်တွေကို ဖြည့်ဆည်းဖို့ တောင်းဆိုရာမှာ ကာတာလိုနီယာမှာ ဒါဟာ လုံလောက်တဲ့ အများဆန္ဒပါပဲ” ဟု စီစဉ်သူ ရူဘန် ၀ါဂျန်စ်ဘာ့ဂ်က ပြောကြားခဲ့သည်။
၂၀၁၅ ခုနှစ် စက်တင်ဘာလက စပိန်အစိုးရမှာ ၂ နှစ်အတွင်း ဒုက္ခသည်ပေါင်း ၁၇၃၃၇ ဦး ခေါ်ယူမည်ဟု ကတိပြုခဲ့ပြီး၊ အီတလီနှင့် ဂရိတို့ရှိ ဒုက္ခသည်စခန်းများမှ ၁၅၈၈၈ ဦး၊ တူရကီနှင့် လစ်ဗျားတို့ရှိ ဒုက္ခသည်စခန်းများမှာ ၁၄၄၉ ဦး ခေါ်ယူရန် ဖြစ်သည်။
ကြာသာပတေးနေ့တွင် ဆီးရီးယား ၆၅ ဦးနှင့် အီရတ် ၁ ဦးတို့ ရောက်ရှိလာခဲ့ပြီးနောက် စပိန်က လက်ခံထားသည့် ဒုက္ခသည်အရေအတွက်မှာ ၁၁၀၀ သာ ရှိသေးသည်။
မိမိ၏မြို့တွင် ဒုက္ခသည်များ ပိုမိုလက်ခံနိုင်ရေး စပိန်အစိုးရအား တောင်းဆိုထားသည့် ဘာစီလိုနာမြို့တော်ဝန် အဒါ ကိုလူလည်း အဆိုပါ ချီတက်မှုတွင် ပါဝင်ခဲ့သည်။
“ဥရောပမှာ နိုင်ငံခြားသားကြောက်ရောဂါတွေနဲ့ မသေချာမှုတွေ ရှိနေတဲ့အချိန်မှာ ဘာစီလိုနာက မျှော်လင့်ချက်မြို့ တော်ဖြစ်ဖို့ အရေးကြီးပါတယ်” ဟု မြို့တော်ဝန်က ပြောကြားခဲ့သည်။
ထို့ပြင် ဒီဇင်ဘာက ဗာတီကန်တွင် ကျင်းပပြုလုပ်ခဲ့သည့် ဒုက္ခသည်အရေး ညီလာခံတွင် စပိန်နိုင်ငံ၏ ရပ်တည်မှုကိုလည်း သူမက ဝေဖန်ခဲ့သည်။
Ref: Independent
ဖေဖော်ဝါရီ ၂၀၊ ၂၀၁၇
M-Media
– ဆီးရီးယားမှ နာမည်ကြီး ကယ်ဆယ်ရေးအဖွဲ့ White Helmets ၏ အဖွဲ့ဝင်များမှာ လာမည့်တစ်ပတ်တွင် ကျင်းပရန်ရှိနေသည့် အော်စကာဆုပေးပွဲအခမ်းအနားသို့ တက်ရောက်ရန် အမေရိကန်ဗီဇာ ရရှိသွားပြီဟု သိရသည်။
ပြည်တွင်းစစ်ဖြစ်ပွားနေသော ဆီးရီးယားတွင် ၎င်းတို့အဖွဲ့၏ နေ့စဉ် ရုန်းကန်လှုပ်ရှားနေမှုများအား ရိုက်ကူးထားသော The White Helmets မှတ်တမ်းရုပ်ရှင်မှာ အော်စကာ မှတ်တမ်းရုပ်ရှင်ဆု ဇကာတင်စာရင်းတွင် ပါဝင်နေသည်။ သို့သော်လည်း အမေရိကန်သမ္မတ ဒေါ်နယ်ထရမ့်က ဗီဇာပိတ်သည့် မွတ်စလင် ၇ နိုင်ငံတွင် ဆီးရီးယားလည်း ပါဝင်သောကြောင့် အဖွဲ့သားများမှာ ဆုပေးပွဲကို တက်ရောက်ရန် မသေချာ ဖြစ်နေခဲ့သည်။
သောကြာနေ့က White Helmets အဖွဲ့ခေါင်းဆောင် ရာအဒ် ဆာလေဟ်နှင့် မှတ်တမ်းရုပ်ရှင် ရိုက်ကူးသူ ခါလဒ် ခါတစ်ဘ်တို့မှာ ဖေဖော်ဝါရီ ၂၆ ရက်နေ့တွင် ပြုလုပ်မည့် ဆုပေးပွဲအခမ်းအနားသို့ တက်ရောက်ရန် ဗီဇာ ရရှိခဲ့သည်ဟု ထုတ်လုပ်သူ ဂျိုအာနာ နာတာဆီဂါရာက ပြောကြားခဲ့သည်။
“မနေ့က (သောကြာနေ့က) ကျွန်တော်တို့ ဗီဇာရသွားတယ်။ ဒါပေမယ့် သွားရမလား၊ မသွားရဘူးလား ဆိုတာက မသေချာသေးပါဘူး။ နယ်စပ်တွေနဲ့ လေယာဉ်ကွင်းတွေမှာ ကျွန်တော်တို့ ပြဿနာ မဖြစ်ချင်ဘူး” ဟု ဆာလေဟ်က ပြောကြားခဲ့သည်။
ထုတ်လုပ်သူ နာတာဆီဂါရာက “သူတို့နှစ်ယောက်ဟာ တရားဝင်ဗီဇာတော့ ရသွားပါပြီ။ နိုင်ငံထဲ တကယ်ဝင်တဲ့အချိန်နဲ့ ပတ်သက်ပြီးတော့ ကျွန်တော်တို့ သတိထားနေပါတယ်။ White Helmets အဖွဲ့ဟာ ကျွန်တော်တို့ သိရှိခဲ့သမျှထဲမှာ အားကျစရာအကောင်းဆုံး လူသားချင်း စာနာထောက်ထားမှုအဖွဲ့ပါ။ သူတို့ရဲ့ သူမတူတဲ့ လုပ်ရပ်တွေကို အသိအမှတ်ပြုနိုင်မယ့် ကမ္ဘာ့စင်မြင့်တစ်ခုမှာ ပါဝင်ရတာဟာ ကြီးကျယ်တဲ့ ဂုဏ်ပြုမှုပါပဲ” ဟု ဆိုသည်။
၂၀၁၃ ခုနှစ်က ဖွဲ့စည်းခဲ့သည့် အဆိုပါ White Helmets လူသားချင်း စာနာထောက်ထားမှုဆိုင်ရာအဖွဲ့မှာ လက်ရှိတွင် စေတနာ့ဝန်ထမ်းပေါင်း ၃၀၀၀ ကျော် ရှိနေပြီး ဆီးရီးယားပြည်သူများ၏ အသက်ပေါင်း ၇၈၀၀၀ ကျော်ကို ကယ်တင်နိုင်ခဲ့သည်။
Ref: Aljazeera
လုပ်ကြံခံရတဲ့ တရားလွှတ်တော်ရှေ့နေ ဦးကိုနီ အမှုအတွက် ဆက်စပ်တရားခံတွေကို အမြန်ဆုံးဖော်ထုတ်ပေးဖို့ မြန်မာနိုင်ငံ ရှေ့နေများကွန် ရက်က တောင်းဆိုလိုက်ပါတယ်။ အချိန်တွေကြာလာတာနဲ့အမျှ ဦးကိုနီကိုလုပ်ကြံကြတဲ့ နောက်ကွယ်က ဆက်စပ်တရားခံတွေ လွတ်မြောက် သွားမှာကို စိုးရိမ်မိတယ်လို့ NLD ပါတီနာယက ဦးတင်ဦးကလည်း ပြောပါတယ်။ ဆက်သွယ်မေးမြန်းထားတဲ့ ကိုဉာဏ်ဝင်းအောင်က တင်ပြပါမယ်။
ရန်ကုန် အပြည်ပြည်ဆိုင်ရာလေဆိပ်မှာ လုပ်ကြံခံရတဲ့ ဦးကိုနီအတွက် ဝမ်းနည်းဂုဏ်ပြုတဲ့ အခမ်းအနားတခုကို မြန်မာနိုင်ငံ ရှေ့နေများကွန် ရက်က ဖေဖော်ဝါရီ ၁၉ ဒီကနေ့ ရန်ကုန်မြို့ တော်ဝင်နှင်းဆီခန်းမမှာ ပြုလုပ်ခဲ့ကြတာဖြစ်ပါတယ်။ ဦးကိုနီကို လုပ်ကြံခဲ့တဲ့ ဆက်စပ်တရားခံ တွေကို အမြန်ဆုံးဖော်ထုတ်ပေးဖို့ မြန်မာနိုင်ငံ ရှေ့နေများကွန်ရက်က တောင်းဆိုကြောင်း အဲဒီကွန်ယက်မှာ ဦးဆောင်ပါဝင်သူ တရားလွှတ်တော်ရှေ့နေ ဦးရောဘတ်စန်းအောင်က ပြောပါတယ်။
“ဦးကိုနီအမှုနဲ့ ပတ်သက်ပြီးတော့ ဘယ်သူက ဘာကြောင့် သတ်ခိုင်းတာလဲ၊ ဘယ်သူက သိန်းထောင်ချီ ပိုက်ဆံတွေကို ထုတ်ပေးတာလဲ၊ နောက်တချက်က ဒီကိစ္စဟာ တပ်မတော်အဆင့်မြင့် အရာရှိကြီးဟောင်း တဦး ပါဝင်နေတော့ တပ်မတော်ရဲ့ ဂုဏ်သိက္ခာကိုလည်း ထိခိုက်မှာစိုးတဲ့အတွက် အမြန်ဆုံးဖော်ထုတ်ပေးဖို့ တင်ပြခြင်းဖြစ်ပါတယ်။ ဘာကြောင့်လည်းဆိုတော့ သတင်းထုတ်ပြန်မှုလည်း အားနည်းနေသလို အရေးယူဆောင်ရွက်မှုအပိုင်းမှာလည်း နှေးကွေးတယ်လို့ ယူဆတဲ့အတွက် ဒါကို မြန်ဆန်စေချင်လို့ပါ။ နောက်ဒါက အကြမ်းဖက်မှုဖြစ်တယ်၊ ၂၀၁၄ က ပြဌာန်းထားတဲ့ အကြမ်းဖက်မှု တိုက်ဖျက်ရေး ဥပဒေနဲ့ ငြိစွန်းတယ်၊ အဲဒီအတိုင်းဖော်ထုတ်မယ်ဆိုရင် ငွေကြေးထောက်ပံ့တဲ့သူတွေပါ အကုန်လုံးကို တစမကျန်ဆွဲထုတ်ရမှာ။ ”
ဒီကနေ့ အခမ်းအနားကို NLD ပါတီ ဥပဒေအကြံပြုအဖွဲ့ ဦးဆောင်သူလည်းဖြစ် NLD ပါတီနာယကလည်းဖြစ်တဲ့ ဦးတင်ဦး တက်ရောက်ခဲ့ပြီး အချိန်တွေ ကြာလာတာနဲ့အမျှ ဦးကိုနီကိုလုပ်ကြံတဲ့ နောက်ကွယ်က ဆက်စပ်တရားခံတွေ လွတ်မြောက်သွားမှာကို စိုးရိမ်မိတာကြောင့် ဒီအမှုကို အမြန်ဆုံး ဖော်ထုတ်ပေးဖို့ NLD ပါတီက လိုလားကြောင်း ဦးတင်ဦးက ပြောပါတယ်။
“ဒီကိစ္စက ရှင်းပါတယ်၊ ဒါဟာနိုင်ငံတကာ လေဆိပ်ကြီးထဲမှာ လက်ရဖမ်းမိပြီး ဖြစ်သော်လည်း ၊ ထုတ်ဖော်ချက်တွေ ကျနော်တို့ ကွင်းဆက်ရတဲ့ဟာကို ထိထိရောက်ရောက်မရနိုင်တာတွေနဲ့ နောက်ပြီးတော့ ရတဲ့တယောက် ပြောတဲ့အချက်အလက်ပေါ်မူတည်ပြီးတော့ ပြောရင်း ကျန်တဲ့ပုဂ္ဂိုလ်တွေထဲက လွှတ်မြောက်သွားတာတွေ ၊ ဆက်လက်ရှာဖွေလို့မရသေးဘူးဆိုတာတွေ အဲဒီအပေါ်မှာ အမှုက ကြာသွားရင် ဒီလေးနက်မှုဟာ လျော့သွားမယ့်ဟာမျိုး ၊ အားနည်းချက်ဖြစ်သွားမှာ မဖြစ်ထိုက်ဘူးဆိုတာမျိုးအပေါ်မှာမှုတည်ပြီးတော့ ၀ိုင်းဝန်းပြီးတော့ ထိထိရောက်ရောက်နဲ့ အမြန်ဆုံး ဖမ်းဆီးရမိအောင်ဆောင်ရွက်ရမယ့် ကိစ္စမှာ လေးလေးနက်နက်နဲ့ ဒါကို မြန်မြန်ဖော်ထုတ်ပြီးတော့ ဆောင်ရွက်ပေးနိုင်ဖို့အတွက်ကိုတော့ တိုက်တွန်းကြတယ်။”
ဒီအမှုကို အင်းစိန်ထောင်တွင်းမှာ အထူးခုံရုံးဖွဲ့ စစ်ဆေးဖို့လိုတယ်လို့ ရှေ့နေ ဦးရောဘတ်စန်းအောင် က ပြောပါတယ်။
“ဒီအမှုကို စစ်ဆေးမယ်ဆိုရင်တော့ ဂဠုန်ဦးစော အမှုကို စစ်ဆေးသလို၊ လမ်းမှာ ဖြတ်ပြီးတော့ လုတာမျိုးမဖြစ်ရအောင် ၊ ပေါက်ထွက်တာမျိုးတွေမဖြစ်ရအောင် အင်းစိန်ထောင်ထဲမှာရှိတဲ့ အဆောင်တခုခုမှာ ရန်ကုန်တိုင်းဒေသကြီးတရားလွှတ်တော်က တရားသူကြီးတွေ ပါတဲ့ ခုံအဖွဲ့ထိုင်ပြီးတော့ အမြန်ဆုံးစစ်ဆေးပေးဖို့ ကျနော်တို့ လိုလားတာဖြစ်ပါတယ်။”
ဒီနေ့ အခမ်းအနားကို ရှေ့နေအသင်းအဖွဲ့တွေက ရှေ့နေတွေရော ဦးကိုနီရဲ့ မိသားစုဝင်တွေပါ တက်ရောက်ခဲ့ကြပါတယ်။
VOA မှ ကူးယူဖော်ပြသည်။