ဂျက်ဖရီတင်အုန်း(RIT) ရေးသည်။
ကျွန်တော်တို့မြန်မာနိုင်ငံတွင် ကျောင်းသား၊ ကျောင်းသူ မိဘပြည်သူစိတ်အဝင်စားဆုံး စာမေးပွဲကြီးကား တက္ကသိုလ်ဝင်တန်းစာမေးပွဲကြီး ပင်ဖြစ်သည်။ ၂၀၁၇ခု မတ်လ ၈ရက်နေ့တွင် စတင်ကျင်းပတော့မည် ဖြစ်သည်။ ဖြေဆိုမည့်သူများမှာ ၆သိန်းကျော်ရှိကြောင်း စုံစမ်းသိရှိရသည်။ ဖြေဆိုသူများထဲမှ ၃ ပုံ ၁ ပုံသာ အောင်မြင်နေကြောင်း သုတေသီများက ပြောဆိုကြသည်။
စာမေးပွဲကြီးနီးကပ်နေသော်လည်း အချို့ကျောင်းသားများသည် မေးခွန်း hot spot နောက်လိုက်နေကြသည်။ အချို့ဗေဒင်၊ယတြာ၊ မန္တရားများ နောက်လိုက်နေကြသည်။ ဗေဒ၊ယတြာ၊ မန္တရားဆရာများကလည်း နေရာပေါင်းစုံမှ အလျှိုလျှို ပေါ်ထွက်လာနေကြသည်။ ထိုဆရာများအား ဆက်သရသော ကန်တော့ကြေးများ၊ ဥာဏ်ပူဇော်ခများကလည်း မနည်းလှပါဘိ။ လူနာမျက်ဖြူစိုက် လေ ဆရာကြိုက်လေ ပုံစံများစွာကိုတွေ့ရသည်။
တက္ကသိုလ်ဝင်တန်းစာမေးပွဲကြီး ဖြေဆိုရမည့် ဘာသာရပ် ၆ခု အတွက် မည်သည့်ဘာသာရပ် ဖြေဆိုတဲ့နေ့မှာ၊ မည်သည့်အရပ်ဘက်ကို၊ မျက်နှာမူလိုက်ပါ။ မည်သည့်သစ်သီးကိုစားသွားပါ။ ဘယ်အကြော်ကို စားသွားပါ။ ဘာပန်းကို ဆောင်ထားပါ။ ဘယ်နေရာမှာ သွားတင်ပါ။ စာမေးပွဲဖြေ တဲ့နေ့မှာ ဘာအရာင်ရှိတဲ့ဘောလ်ပင်ကိုသုံးပါ။ အိမ်ကထွက်ရင် လက်ခုပ်၊ဘယ်နှစ်ချက်တီးပြီး ထွက်ပါ။ စသည်ဖြင့် အခါတော်ပေး၊ ပြောဟောနေသူများကလည်း ဒုနဲ့ဒေး များပြားလှပါသည်။
စာရေးသူ ရန်ကုန်စက်မှု့တက္ကသိုလ် အင်ဂျင်နီယာ ကျောင်းသားဘဝက ဗေဒင်၊ယတြာများ နှင့် ပတ်သက်လ်ို့ ဆရာကြီး လယ်တွင်းသားစောချစ် ပြောဟောခဲ့ဖူးသော စကားလေးတစ်ခွန်းကို ကြားယောင်မိပါသည်။ ဆရာက “ ကိုယ့်အကြောင်း၊ ကိုယ့်လောက် မသိတဲ့သူကို ကိုယ့်အကြောင်း ကို ပိုက်ဆံတွေပေးပြီး ပြောဟောခိုင်းတဲ့လူတွေဟာ အင်မတန် သနားစရာကောင်းပါတယ်။” ဟူ၍ ဆရာက ပြောခဲ့ဖူးပါသည်။
ကံကိုယုံ၍ ဆူးပုံတက်နင်းသူများ ဆူး ဆူးခံရမှာသေချာပါသည်။ ဘုရားတ၍ ချောက်ကမ်း ပါးပေါ်က ခုန်ချလျှင် အသက်သေဆုံးပါမည်။ အသက်ကို ဥာဏ်စောင့်သင့်ပါသည်။
ကွယ်လွန်သူ စာရေးဆရာကြီး ပီမိုးနင်းကလည်း “ကံ” ဟူသည် “အလုပ်” ဖြစ်တယ်။ “အလုပ်ကိုကောင်းစွာလုပ်မှ ကံ၏အကျိုးကို ခံစားရပေမည်။” ဟူ၍ရေးသားခဲ့ဖူးပါသည်။ မိမိသင် ခန်းစာများကို နည်းမှန်၊ လမ်းမှန် စနစ်တကျ ကြိုးပမ်းအားထုတ်ခဲ့သူမှန်သမျှ စာမေးပွဲတွင် ကံကောင်းကြမည်ဖြစ်သည်။ ထူးချွန်ထက်မြက် ဂုဏ်ထူးထွက် ကြမည်ဖြစ်သည်။
“ဒါပဲကြည့် ကွက်တိ ပါရင်စံ၊ မပါရင်ခံ” သဘောမျိုးထားကာ ကံစမ်းမဲပုံစံမျိုး တစ်ပွဲထိုးဖြေဆိုနေကြသူများမှာလည်း မြန်မာ့ပညာရေးလောကတွင် အမြောက်အမြားရှိနေပါ သည်။ “ အနာမခံလျှင် ၊ အသာမစံရ” ဟူသော စကားသည် စိတ်ဓာတ်ခွန်အားကြီးမြတ်သူတို့၏ “ဇွဲ၊ လုံ့လ၊ဝီရိယ” ကိုအောင်မြင်မှု့ရဲ့သော့ချက်တစ်ခုအနေဖြင့် ယုံကြည်သူတို့၏ အဓိဌာန်ဖြစ်သည်။ ဥပမာပြရလျှင် မဟာဇနကမင်းသားသည် ပင်လယ်ပြင်ကြီးကို အောင်မြင်စွာ ဖြတ်ကျော်နိုင်ခဲ့ခြင်း သည် “ဇွဲ၊လုံ့လ၊ဝီရိယ” ဟူသော သူရဲကောင်းသုံးဖော်ကို မဟာမ်ိတ်လုပ်ခဲ့သောကြောင့် အသက်ဘေးမှ လွတ်မြောက်ခဲ့ပြီး အောင်မြင်မှု့ သရဖူကို ဆောင်နိုင်ခဲ့ခြင်းဖြစ်သည်။
ဒါကြောင့် ကျောင်းဆရာလုပ်သက် နှစ် ၃၀ ရှိတဲ့ စာရေးသူအနေဖြင့် တက္ကသိုလ်ဝင်တန်း စာမေးပွဲဖြေဆိုမည့် သူများအား အကြံပြုလိုသည်မှာ “ တကယ်ဖြစ်ချင် တကယ်လုပ်ကြပါ၊ အဟုတ် ဖြစ်ပါသည်။” မြတ်စွာဘုရားသခင်က ဟောကြားခဲ့သည်မှာ “မိမိကိုယ်သာ အားထားရာ၊ မိမိကိုယ် သာ ယုံကြည်ရာ” ဖြစ်သည်။
စာဖြေမည့်သူများအနေဖြင့် “မိမိ၏ အနာဂတ်ပန်းတိုင်သည် မိမိလက်ဝယ်တွင် ရှိနေသည်” ဟု ယုံကြည်ပြီး မိမိ၏ပဲ့ကိုင်ရှင်သည် မိမိသာဖြစ်သည်ဟု နားလည်လက်ခံပြီး ယခုအချိန်ကစပြီး အချိန်ကို စနစ်တကျကျ စီမံခန့်ခွဲကာ ငွေပေးရန်မလိုသော (ဇွဲ၊ လုံ့လ၊ ဝီရိယ) အဖော်မွန်များကို အားကိုးမည်။ အချိန်ရှိခိုက် လုံ့လစိုက်မည် ဆိုပါက မကြာခင် ကျရောက်တော့မည့် အစိုးရစစ် တက္ကသိုလ်ဝင်တန်း စာမေးပွဲကြီးကို ဧကန်မုချ ဖြေဆိုနိုင်မည်ဖြစ်ပါကြောင်း အကြံပြုလိုက်ပါသည်။
ဂျက်ဖရီတင်အုန်း ( R.I.T ရန်ကုန်စက်မှုတက္ကသိုလ် )
