Blog

အီရတ်တွင် အမေရိကန်က စစ်အင်အား ထပ်တိုး

စက်တင်ဘာ ၁၀၊ ၂၀၁၆
M-Media

– IS အကြမ်းဖက်သမားများ ထိန်းချုပ်ထားသည့် မူဆိုးလ်မြို့အား ပြန်လည်သိမ်းယူရေး အီရတ်စစ်တပ်က အကြီးစား ထိုးစစ်ဆင်ရန် ဆောင်ရွက်နေစဉ် အမေရိကန်စစ်သား ၄၀၀ ကျော်ကို အီရတ်တွင် ထပ်တိုးချထားလိုက်သည်ဟု သိရသည်။

အီရတ်စစ်တပ်မှာ မဟာမိတ်ဖြစ်သော Popular Mobilization တပ်ဖွဲ့များမှ စေတနာ့ဝန်ထမ်း စစ်သားများနှင့်အတူ စုပေါင်း၍ အဆိုပါထိုးစစ်ကို ဆင်နွှဲမည်ဖြစ်ပြီး၊ အမေရိကန်ဦးဆောင်သည့် ညွှန့်ပေါင်းတပ်ဖွဲ့မှ ပြောခွင့်ရပုဂ္ဂိုလ်တစ်ဦးဖြစ်သူ ဗိုလ်ချုပ်ဂျွန်ဒိုရီယန်က အီရတ်တွင် ချထားသည့် အမေရိကန်စစ်သားအရေအတွက်မှာ ၄၀၀၀ မှ ပြီးခဲ့သည့်တစ်ပတ်တွင် ၄၄၆၀ အထိ တိုးလာသည်ဟု ပြောကြားခဲ့သည်။

ထို့ပြင် မိုဆူးလ်မြို့၌ လက်ရှိတွင် IS စစ်သွေးကြွ ၃၀၀၀ မှ ၄၅၀၀ အထိ ရှိမည်ဟု ခန့်မှန်းထားကြောင်း၊ မည်သူက အမာခံစစ်သွေးကြွများဆိုသည်ကို ပြောဆိုရန် ခက်ခဲ့ကြောင်း ထည့်သွင်းပြောကြားခဲ့သော်လည်း အဆိုပါ ထိုးစစ်တွင် အမေရိကန်တပ်ဖွဲ့များက မည်သည့်ကဏ္ဍမှ ပါဝင်မည်ဆိုသည့်အကြောင်းကိုမူ ထည့်သွင်းပြောကြားခဲ့ခြင်း မရှိပေ။

မိုဆူးလ်မြို့မှာ အိုင်အက်စ်အကြမ်းဖက်သမားများ အီရတ်တွင် အကြီးစားထိုးစစ်ဆင်ခဲ့သည့် ၂၀၁၄ ဇွန်လတွင် ၎င်းတို့လက်ထဲသို့ ကျရောက်ခဲ့ခြင်းဖြစ်သည်။

Ref : Presstv

September 10, 2016
နိုင်ငံအတွင်းရှိ ဗုဒ္ဓဘာသာဝင် လူ့အဖွဲ့အစည်းကို စင်ကာပူဝန်ကြီးချုပ် ချီးကျူး

စက်တင်ဘာ ၁၀၊ ၂၀၁၆
M-Media

– ဗုဒ္ဓဘာသာ ခေါင်းဆောင်များမှာ လူမျိုးစုံ၊ ဘာသာစုံရှိသော စင်ကာပူ၏ လူ့အဖွဲ့အစည်းအကြောင်းကို နားလည်ပြီး၊ ပြည်သူလူထုအား အလုပ်အကျွေးပြုရမည်ဟု ခိုင်မာသော စိတ်ဆန္ဒ ရှိသောကြောင့် နိုင်ငံအတွင်းရှိ ဗုဒ္ဓဘာသာဝင် လူ့အဖွဲ့အစည်းမှာ ကြီးပွားတိုးတက်လာခြင်းဖြစ်သည်ဟု စင်ကာပူဝန်ကြီးချုပ် လီရှန်လွန်းက ပြောကြားလိုက်သည်။

Kong Meng San Phor Kark See ဘုန်းကြီးကျောင်းတွင် ယနေ့မနက်ပိုင်းက ပြုလုပ်ခဲ့သည့် စင်ကာပူ ဗုဒ္ဓဘာသာကောလိပ် (BCS) ၏ အဆောင်အသစ် ဖွင့်ပွဲအခမ်းအနားတွင် ယခုကဲ့သို့ ပြောကြားခဲ့ခြင်းဖြစ်ပြီး နိုင်ငံအတွင်းမှ ဗုဒ္ဓဘာသာ လူ့အဖွဲ့အစည်း၏ တိုင်းပြည်အပေါ် ပေးဆပ်မှုများကိုလည်း ချီးကျူးခဲ့သည်။

“စင်ကာပူမှာရှိတဲ့ ဗုဒ္ဓဘာသာဝင်တွေ၊ ဘုန်းကြီးကျောင်းတွေဟာ ဆင်းရဲချို့တဲ့သူတွေကို ကူညီကြတယ်။ အစားအသောက်တွေ လှူဒါန်းဝေငှကြတယ်။ ပညာတော်သင်တွေ၊ တက္ကသိုလ်ထောက်ပံ့ကြေးတွေ ပေးကြတယ်။ ဆေးခန်းတွေ၊ ကျောက်ကပ်ဆေးတဲ့စင်တာတွေလည်း ဖွင့်ပေးကြပါတယ်” ဟု ၀န်ကြီးချုပ်က ပြောကြားခဲ့သည်။

ထို့ပြင် ဗုဒ္ဓဘာသာဝင်လူ့အဖွဲ့အစည်းမှာ မသန်စွမ်းအသင်းအဖွဲ့များ၊ မူးယစ်ဆေးစွဲသူများ ပြန်လည်ထူထောင်ရေး စင်တာများနှင့် တရားဥပဒေစိုးမိုးရေးအဖွဲ့များအတွက် အကြံဉာဏ်ပေးခြင်း လုပ်ငန်းများကိုလည်း လုပ်ဆောင်ပေးနေကြသည်ဟု လီရှန်လွန်းက ဆိုသည်။

ဗုဒ္ဓဘာသာလူ့အဖွဲ့အစည်းမှာ စင်ကာပူတွင် အကြီးမားဆုံး ဘာသာရေးလူ့အဖွဲ့အစည်းဖြစ်ပြီး လူမျိုး၊ ဘာသာအားလုံးနှင့် ဆက်သွယ်ဆောင်ရွက်ကာ ဘာသာရေးနှင့် လူမျိုးရေး သဟဇာတဖြစ်ရန်အတွက် ဆောင်ရွက်နေကြောင်း၊ ဘာသာပေါင်းစုံချစ်ကျည်ရေးအဖွဲ့တစ်ခုဖြစ်သည့် Inter-Racial and Religious Confidence Circles တွင်လည်း ပါဝင်ဆောင်ရွက်နေကြောင်း ၀န်ကြီးချုပ်က ထည့်သွင်းပြောကြားခဲ့သည်။

ယခု အဆောင်သစ်ဖွင့်ပွဲမှာ ကောလိပ်၏ ၁၀ နှစ်မြောက် နှစ်ပတ်လည်နေ့နှင့်လည်း တိုက်ဆိုင်နေပြီး၊ အဆောင်အသစ်ကို သင်ကြားရေး၊ သုတေသနလုပ်ငန်း၊ ရုံးခန်း၊ အိပ်ဆောင်နှင့် အခြားသော ရည်ရွယ်ချက်များအတွက် အသုံးပြုသွားမည်ဖြစ်သည်။

အဆိုပါ ကောလိပ်မှာ ပထမဆုံး အသုတ်ကို ၂၀၀၆ ခုနှစ်တွင် စတင်ဖွင့်လှစ်ခဲ့ပြီး စုစုပေါင်း ကျောင်းသား ၇၀ ကို ဗုဒ္ဓဘာသာရေးရာ လေ့လာမှုဘာသာရပ်ဖြင့် ၀ိဇ္ဇာဘွဲ့ပေးအပ်နိုင်ခဲ့ကာ ၁၁ ဦးကို မဟာဘွဲ့ ပေးအပ်နိုင်ခဲ့သည်။ ထိုကောလိပ်မှ ထွက်သွားသည့် ကျောင်းသားများတွင် ဒေါက်တာဘွဲ့အတွက် လေ့လာသူများ၊ ဘုန်းကြီးကျောင်းများတွင် စာသင်ပြနေသူများ၊ စီမံခန့်ခွဲရေးအပိုင်းတွင် တာဝန်ယူသူများ၊ အခြားသော ကောလိပ်များတွင် စာပြနေသူများလည်း ရှိနေသည်။

Ref: Channelnewsaisa

September 10, 2016
ကမ္ဘောဒီးယား အတိုက်အခံခေါင်းဆောင် ရုံးချိန်းတစ်ရက်တည်းနှင့် ထောင်ချခံရ

စက်တင်ဘာ ၁၀၊ ၂၀၁၆
M-Media

– ကမ္ဘောဒီးယားနိုင်ငံမှ ထင်ရှားသည့် အတိုက်အခံနိုင်ငံရေးသမားကို ယမန်နေ့က ပထမဆုံး ရုံးချိန်းကြားနားမှုအတွင်းမှာပင် ထောင်ဒဏ်ချမှတ်လိုက်သည်ဟု သိရသည်။

ကမ္ဘောဒီးယား မျိုးသားကယ်ဆယ်ရေးပါတီ (CNRP) ခေါင်းဆောင် Kem Sokha ဆိုသူဖြစ်ပြီး ထောင်ဒဏ် ၅ လ ချမှတ်ခဲ့ခြင်းဖြစ်ကာ လူ့အခွင့်အရေးအဖွဲ့များကမူ သက်တမ်းကြာရှည်စွာ အုပ်ချုပ်နေသည့် ၀န်ကြီးချုပ် ဟွန်ဆန်အနေဖြင့် ၂၀၁၈ ရွေးကောက်ပွဲအမီ အတိုက်အခံများကို အားအင်ချည့်နဲ့အောင် ကြိုးပမ်းအားထုတ်မှုသာ ဖြစ်သည်ဟု ဝေဖန်ခဲ့ကြသည်။

“တရားရုံးက အသက် ၆၃ နှစ်အရွယ်ရှိတဲ့ Kem Sokha ကို ထောင် ငါးလ ကျခံဖို့ အမိန့်ချလိုက်ပါတယ်” ဟု တရားသူကြီး Keo Mony က ပြောကြားခဲ့သည်။

အဆိုပါနိုင်ငံရေးသမားမှာ သမ္မတဟွန်ဆန်၏ အချိန်မရွေးဖမ်းဆီးမည်ဟု ကြိမ်းဝါးမှုကြောင့် CNRP ရုံးချုပ်တွင် လအနည်းငယ် ပုန်းရှောင်နေခဲ့ပြီး၊ ပါတီရုံးခန်းအပြင်ဘက်၌ စုဝေးနေသေ ထောက်ခံသူရာပေါင်းများစွာ ကို စကားပြောရန် သောကြာနေ့က ထွက်ပေါ်လာခဲ့ပြီးနောက် ယခုကဲ့သို့ ဖမ်းဆီး ထောင်ချခံခဲ့ရခြင်းဖြစ်သည်။

၎င်းကမူ ထိုကဲ့သို့ တစ်ရက်တည်းကြားနာကာ အမိန့်ချမှတ်မှုကို ဆန့်ကျင်ခဲ့ပြီး မိမိ၏ နိုင်ငံရေးသမားဘ၀ကို အဆုံးသတ်ရန် အစိုးရက ကြိုးစားနေသည်ဟုလည်း ပြောကြားခဲ့သည်။

လူ့အခွင့်အရေးစောင့်ကြည့်အဖွဲ့ Human Rights Watch ကမူ ထိုလုပ်ရပ်မှာ ၂၀၁၈ ခုနှစ်တွင် လွတ်လပ်၍ တရားမျှတသော ရွေးကောက်ပွဲဖြစ်လာရေးကို အဟန့်အတားဖြစ်နိုင်သည့် ကမ္ဘောဒီးယားအစိုးရ၏ အကြမ်းဖက်မှုများမှ နောက်ဆုံး ပေါ်ထွက်လာသည့် အဖြစ်အပျက်ဟု ပြောကြားခဲ့သည်။

လက်ရှိတွင် အတိုက်အခံလွှတ်တော်အမတ် ၂ ဦးမှာလည်း ထောင်ချခံထားရပြီး အနည်းဆုံး ၁၀ ဦးမှာ တရားစွဲဆိုခြင်း ခံထားရသည်။ ပြီးခဲ့သည့်နှစ်အတွင်း နိုင်ငံရေး တက်ကြွလှုပ်ရှားသူနှင့် လူ့အခွင့်အရေး ဆောင်ရွက်သူ စုစုပေါင်း ၂၀ ကျော်မှာ အစိုးရ၏ ဥပဒေကြောင်းအရ တရားစွဲဆိုမှုကို ခံခဲ့ရသည်။

Ref : Bangkokpost

September 10, 2016
ဆမ်ဆောင်း Note 7 ကို ပိတ်ပင်သည့် လေကြောင်းလိုင်းများတွင် ထိုင်း ပါဝင်လာ

စက်တင်ဘာ ၁၀၊ ၂၀၁၆
M-Media

– ဘတ္ထရီပြဿနာကြောင့် ပေါက်ကွဲမှုများရှိနေသည့် Samsung Galaxy Note 7 အား လေယာဉ်ပေါ်တွင် အသုံးပြုမှု ပိတ်ပင်သည့် လေကြောင်း လိုင်းများတွင် ယခုနောက်ဆုံးအဖြစ် ထိုင်းလေကြောင်းလိုင်း Thai Airways International (THAI) လည်း ပါဝင်လာသည်ဟု သိရသည်။

လေကြောင်းလိုင်း၏ ဒုတိယ ဥက္ကဌဖြစ်သူ ပရာတာနာ ပတာနာဆီရီက မိမိတို့အနေဖြင့် အဆိုပါဖုန်းအား လေယာဉ်ပေါ်တွင် သုံးစွဲခြင်း သို့မဟုတ် အားသွင်းခြင်းမပြုရန်နှင့် စစ်ဆေးပြီးသော ခရီးဆောင်အိတ်များတွင်သာ ထည့်ထားရန် ခရီးသည်မျာအား အသိပေး တိုက်တွန်းထားသည်ဟု ပြောကြားခဲ့သည်။

ပြီးခဲ့သည့် သီးတင်း ၂ ပတ်ကျော်က စတင်ရောင်းချခဲ့သည့် Samsung Galaxy Note 7 မှာ အားသွင်းစဉ် ပေါက်ကွဲမှုများ ဖြစ်သည်ဟု သတင်းများ ထွက်ပေါ်ခဲ့ပြီးနောက် ဆမ်ဆောင်းမှာ အဆိုပါဖုန်းများကို ပြန်လည်သိမ်းယူခဲ့ပြီး ရောင်းချမှုကိုလည်း ရပ်နားထားခဲ့သည်။

THAI လေကြောင်းလိုင်းကမူ အဆိုပါဖုန်းအား လေယာဉ်ပေါ်သို့ ယူဆောင်မိခဲ့ပြီးနောက် ပျက်ဆီးခြင်း၊ သာမန်ထက် အပူလွန်ကဲခြင်း လေယာဉ်ပေါ်တွင် ပျောက်ဆုံးခြင်း၊ ထိုင်ခုံများကြားတွင် ညပ်နေခြင်းတို့ ဖြစ်ပေါ်လာပါကလည်း လေယာဉ်အမှုထမ်းများကို သတိပေးရန် သတင်းထုတ်ပြန်ထားသည်။

ပတာနာဆီရီကမူ ထိုကဲ့သို့ ပိတ်ပင်ရခြင်းမှာ မိမိတို့လေကြောင်းလိုင်းနှင့် ဥရောပ လေကြောင်း ဘေးအန္တရာယ်ကင်းရှင်းရေး အေဂျင်စီ၏ ဘေးအန္တရာယ်ကင်းရှင်းရေး ညွှန်ကြားချက်များနှင့်အညီ ဆောင်ရွက်ရခြင်းဖြစ်သည်ဟု ပြောကြားခဲ့သည်။

လက်ရှိတွင် Samsung Galaxy Note 7 ကို လေယာဉ်ပေါ်တွင် အသုံးမပြုရေး ဂျပန်နှင့် အမေရိကန် အာဏာပိုင်များက သတိပေးချက် ထုတ်ပြန်ထားပြီး၊ စင်ကာပူလေကြောင်းလိုင်း၊ Qantas၊ SAS၊ Etihad နှင့် Virgin Australia လေကြောင်းလိုင်းတို့ကလည်း လေယာဉ်ပေါ်တွင် အဆိုပါဖုန်း အသုံးပြုမှုကို ပိတ်ပင်ထားသည်။

Ref: Bangkokpost

September 10, 2016
မွတ်စလင်၊ အသားအစ်နှင့် မေတ္တာရှင်ယောင်ဆောင် အချောင်သမားများ

စက်တင်ဘာ-၁၀ ၊ ၂၀၁၆
သမာဓိ ခံစားတင်ပြသည်။
.
မကြာခင်မှာ မွတ်စလင်တို့ရဲ့ ကုရ်ဘာနီအစ် (အသားအစ်)နေ့ ကျရောက်မှာဖြစ်ပါတယ်။ ထုံစံအတိုင်း တစ်နှစ်တစ်ခါ ပေါ်လာတတ်တဲ့ ခါတော်မီ မေတ္တာရှင်တွေ၊ တိရစ္ဆာန်ချစ်သူတွေလည်း အလျှိုအလျှို ပေါ်ထွက်လာကြပြီး နွားတွေဟာ ဘယ်လို ကျေးဇူးကြီးကြောင်း၊ နွားတွေရှားပါးတဲ့အတွက် လယ်ယာလုပ်ငန်းတွေ ဘယ်လို ထိခိုက်ရကြောင်း၊ ဒီကုရ်ဘာနီဟာ ‘သူ့အသတ် မသတ်ရ’ ဆိုတဲ့ ပညတ်ကို ဆန့်ကျင်နေကြာင်း ပြောဆိုပြီး တစ်ကမ္ဘာလုံးမှာ သူတို့လောက် မေတ္တာတရားကြီးမားတဲ့ ပုဂ္ဂိုလ်တွေမရှိတော့ သယောင်၊ သူတို့လောက် ဘာသာရေးလေးစားတဲ့၊ ဘာသာ သာသနာကို ချစ်မြတ်နိုးတဲ့သူတွေ မရှိသယောင်ယောင် အာပေါင်အာရင်းသန်သန်နဲ့ အော်ကြ ဟစ်ကြပါတယ်။
.
တကယ်တော့ အဲဒီကြောင်သူတော်တွေဟာ သတ္တ၀ါတွေအပေါ် အထူးသဖြင့် နွားတွေအပေါ် တကယ်မေတ္တာ ရှိလို့ စေတနာရှိလို့ အော်နေကြတာ မဟုတ်ဘဲ မွတ်စလင်တွေကို စော်ကားဖို့၊ အမုန်းတရားတွေ ကိန်းအောင်းလာပြီး တိုင်းပြည် မတည်ငြိမ်ဖြစ်ဖို့ လောင်စာထည့် လှုံ့ဆော်လိုတဲ့ ရည်ရွယ်ချက်နဲ့ ပြုလုပ်နေကြတာဖြစ်ပါတယ်။
.
မွတ်စလင်တွေရဲ့ အသားအစ်နေ့ကို ဆန့်ကျင်ကြ၊ ပိတ်ပင်ဖို့ တားမြစ်ဖို့ ဆောင်ရွက်ကြသူတွေရဲ့ အဓိက ထောက်ပြချက် ၃ ခု ရှိပါတယ်။ ပထမတစ်ခုကတော့ ကံ ၅ ပါးထဲမှာ သူတစ်ပါး အသတ် မသတ်ရဘူးလို့ ပါနေတာကြောင့် ဗုဒ္ဓဘာသာဝင်အများစုရှိတဲ့ မြန်မာနိုင်ငံမှာ ကုရ်ဘာနီအစ်နေ့ဟာ ဘာသာဝင်တွေရဲ့ စိတ်နှလုံးကို ထိခိုက်စေတယ်၊ ဗုဒ္ဓဘာသာရဲ့ အခြေခံသွန်သင်မှုကို ချိုးဖောက်တယ်ဆိုတာပဲဖြစ်ပါတယ်။
.
ဒုတိယတစ်ခုက လယ်ယာကိုင်းကျွန်းလုပ်ငန်းတွေမှာ နွားရှားပါးတဲ့ ပြဿနာဖြစ်ပြီး၊ တတိယထောက်ပြချက် က နွားတွေဟာ ကျေးဇူးရှင်ဖြစ်တယ် ဆိုတဲ့အချက်ပါ။
.
ပါဏာတိပါတာ ဝေရမဏိ သိက္ခာပဒံ သမာဒိယာမိ
———————————–
‘သူတစ်ပါးအသက်ကို သတ်ဖြတ်ခြင်းမှ ရှောင်ကြဉ်ပါ၏’ လို့ အဓိပ္ပါယ်ရတဲ့ ဒီပညတ်ချက်ဟာ တကယ်တော့ အင်မတန် နှလုံးသွင်းဖွယ်ကောင်းတဲ့ ပညတ်တစ်ခုပါ။ ကိုယ်ဒုက္ခရောက်တာကို မခံလိုရင် သူတစ်ပါးကို ဒုက္ခရောက်အောင် မလုပ်နဲ့ဆိုတဲ့ ကိုယ်ချင်းစာစိတ်ကို ထည့်သွင်းပေးတဲ့ သွန်သင်မှုတစ်ခုလည်းဖြစ်ပါတယ်။
.
ဒါပေမယ့် အဲဒီသွန်သင်မှုကို ဗုဒ္ဓဘာသာဝင်တွေကိုယ်တိုင် ဘယ်လောက်လိုက်နာပါသလဲလို့ မေးရင်တော့ အဖြေက ‘No’ လို့ပဲရမှာပါ။ မြန်မာနိုင်ငံက ဗုဒ္ဓဘာသာဝင် ၈၇ ရာခိုင်နှုန်း အူမတောင့်ဖို့အတွက် ကြက်၊ ဘဲ၊ ၀က်၊ နွား၊ ဆိတ် စတဲ့ သတ္တ၀ါပေါင်းများစွာကို သားသတ်ရုံတွေမှာ နေ့စဉ်သတ်ဖြတ်နေရသလို၊ ဘာသာရေးနဲ့ ဆက်နွယ်တဲ့အလှူတွေမှာတောင် ၀က်တွေ၊ ကြက်တွေကို အစုလိုက်အပြုံလိုက် သတ်ဖြတ်ကျွေးမွေးပြီး ကုသိုလ်ယူနေကြတာ မငြင်းနိုင်တဲ့ ထင်သာမြင်သာရှိတဲ့ အမှန်တရားပါပဲ။
.
သတ္တ၀ါအသက် သတ်ရခြင်းဆိုတဲ့ ‘အကျိုးတရား’ ဖြစ်စေတဲ့အတဲ့ ‘အကြောင်း’ တွေထဲမှာ အသားစားခြင်းဆိုတဲ့ ကိစ္စကလည်း တစ်ခုပါအ၀င်ဖြစ်ပါတယ်။ အသားစားချင်ရင်၊ အသက်သတ်ရသလို၊ အသက်သတ်မှလည်း အသားရနိုင်မှာပါ။ အသားလေး နည်းနည်းလောက် လှူပါလို့ ၀က်တစ်ကောင်စီမှာ၊ ကြက်တစ်ကောင်စီမှာ သွားပြီး အလှူခံလို့ မရပါဘူး။ ကိုယ်တိုင်က မသတ်ဖို့ပဲ လိုတယ်၊ သူများသတ်တာ စားလို့ရတယ်ဆိုတာမျိုး၊ မြင်သား၊ ကြားမဟုတ်ရင် စားလို့ရတယ်ဆိုတာမျိုးကတော့ အကုသိုလ် ‘Transfer’ လုပ်တာ၊ မလိမ့်တစ်ပတ်လုပ်တာသာဖြစ်ပါတယ်။ တစ်နည်းဆိုရရင် ကိုယ်တိုင်က သူတစ်ပါးပစ္စည်း ခိုးတာကို မကြိုက်၊ မလုပ်ပေမယ့် ခိုးရာပါပစ္စည်းကို ဒိုင်ခံလက်ခံနေသလိုမျိုးပါပဲ။
.
ပိုစတာတွေကိုင်၊ ဗီနိုင်းတွေကိုင်ပြီး နွားသတ်မှုဆန့်ကျင်ရေး လိပ်ခေါင်းထွက်အောင် အော်ခဲ့တဲ့ ဘုန်းကြီးတစ်ပါး ဆွမ်းဘုန်းပေးနေတာကို ဆိုရှယ်မီဒီယာမှာ မြင်ဖူးပါတယ်။ ဟင်းအမျိုးပေါင်း ၂၀ ကျော်လောက် ရှိတဲ့အထဲမှာ ၈ မျိုးလောက်က အသား၊ ငါး ဟင်းတွေပါပဲ။ နွားသတ္တ၀ါ မသေရေး အကြီးအကျယ် ပွဲခံခဲ့တဲ့ အဲဒီ မေတ္တာရှင်ကြီးက ငါ့ရဲ့ဝမ်းဝဖို့ သတ္တ၀ါတွေ သေပေးနေရပါလားဆိုတဲ့အသိ အဲဒီဆွမ်းဝိုင်းမှာ ၀င်မလာတာ သိပ် အံ့သြစရာကောင်းပါတယ်။
.
ဆိုတော့ ဗုဒ္ဓဘာသာဝင် ၈၇ ရာခိုင်နှုန်းရှိတဲ့နိုင်ငံမှာ အသားဈေးကွက် ၀ယ်လိုအားကို ပြည့်မီဖို့ နေ့စဉ် သတ္တ၀ါတွေရဲ့ အသက်ပေါင်းများစွာကို အစုလိုက်အပြုံလိုက် သတ်ဖြတ်နေတဲ့ သားသတ်ရုံတွေဟာ ဗုဒ္ဓဘာသာဝင်တွေရဲ့ စိတ်နှလုံးကို ထိခိုက်စေတယ်၊ ဗုဒ္ဓဘာသာရဲ့ အခြေခံပညတ်ကို ချိုးဖောက်နေတယ်ဆိုပြီး မွတ်စလင်တွေ ကုရ်ဘာနီလုပ်တာကို အပြစ်ဖို့ချင်တဲ့ မေတ္တာရှင်ယောင်ဆောင် အချောင်သမားတွေက ဘာ့ကြောင့် အသံမထွက်ကြတာလဲ။ ဒီသားသတ်ရုံတွေမှာ နေ့စဉ်နဲ့အမျှ သေဆုံးသွားတဲ့ သတ္တ၀ါတွေကို ဘာ့ကြောင့် ကယ်တင်ဖို့ မကြိုစားကြတာပါလဲ။ ဗုဒ္ဓဘာသာနိုင်ငံဖြစ်တဲ့အတွက် ဘယ်လိုပုံစံမျိုးနဲ့မဆို သူတစ်ပါးအသက် သတ်ဖြတ်မှုကို ပိတ်ပင်ရမယ်လို့ နိုင်ငံတော်ဘာသာနေ့ အခမ်းအနားကို ဂုဏ်ယူဝင့်ကြွားစွာ လုပ်နေကြတဲ့ အဲဒီအုပ်စုတွေ ဘာ့ကြောင့် မလှုံ့ဆော်တာပါလဲ။ မွတ်စလင်တွေရဲ့ တစ်နှစ်တခါ အသားအစ်ကိုမှ ဘာ့ကြောင့် ခါးနာနေရပါသလဲ။
.
တကယ်တော့ ကိုယ်တိုင်က အပြည့်အ၀ လိုက်နာကျင့်သုံးနိုင်ခြင်းမရှိတဲ့ ကိုယ့်ဘာသာတရားရဲ့ အမိန့်ပညတ်တစ်ခုကို ဘာသာခြားက လိုက်နာရမယ်ဆိုတဲ့ စကားမျိုး၊ အဲဒီသဘောမျိုး ပြောဆိုတာဟာ အင်မတန် အောက်တန်းကျတဲ့ စိတ်ဓာတ်မျိုးလို့သာ သတ်မှတ်ရမှာပါ။
.
နွားရှားပါးခြင်း
—————
မြန်မာနိုင်ငံရဲ့ လယ်ယာလုပ်ငန်းမှာ နွားရှားပါးမှုပြဿနာကို ရင်ဆိုင်နေရတာဟာ တော်တော်လေး ကြာမြင့်ခဲ့ပါပြီ။ ဒါပေမယ့် အဲဒီနွားရှားပါးမှုရဲ့ အကြောင်းအရင်းကတော့ မွတ်စလင်တွေ ကုရ်ဘာနီ လုပ်တာကြောင့်မဟုတ်ဘဲ တစ်ဖက်နိုင်ငံတွေကို နွားတွေ မှောင်ခိုကုန်ကူးတာကြောင့်ပဲ ဖြစ်ပါတယ်။
.
လယ်ယာလုပ်ငန်းမှာ အိမ်နီးချင်းနိုင်ငံတွေထက်ယှဉ်ရင် တော်တော်လေး အဆင့်အတန်းနိမ့်ကျနေတာကြောင့် မြန်မာနိုင်ငံမှာ စက်တွေအစား အခုအချိန်အထိ နွားတွေကို အသုံးပြုနေရပါတယ်။ စိုက်ပျိုးရေးထွက်ကုန် ဈေးကွက်မကောင်း၊ ကုန်ဈေးနှုန်းကြီးမှု၊ လယ်ယာလုပ်ငန်းတွေမှာ ရင်းနှီးသလောက် ပြန်မရ စတဲ့ ပြဿနာပေါင်း သောင်းခြောက်ထောင်ကို ရင်ဆိုင်နေရတဲ့ တောင်သူဦးကြီးတွေဟာ နွားမှောင်ခိုသမားတွေရဲ့ ဈေးမျိုးမျိုးမြတ်မြတ်ကလေးတွေ ပေးမှုကြောင့် လတ်တလော တစ်ဝမ်းတစ်ခါး ပြဿနာကို ဖြေရှင်းရေးအတွက် ခိုင်းနွားတွေကို ထုတ်ရောင်းကြရပါတယ်။
.
ဒီလို မှောင်ခိုနွားတွေဟာ တစ်ဖက်နိုင်ငံကို နေ့စဉ် အကောင် ရာထောင်ချီ သွားနေကြတာပါ။ နွားရှားပါးမှုပြဿနာကို ဗန်းပြပြီး မွတ်စလင်အများစု ရရှိထားတဲ့ နွားသတ်လိုက်စင်တွေကို အလှူခံတာတို့၊ ကြားဖြတ်ဝယ်တာတို့ လုပ်တဲ့အဖွဲ့တွေလည်း ပေါ်လာပါတယ်။ ဒါပေမယ့် ဒါဟာလည်း မွတ်စလင်တွေ စီးပွားပျက်အောင် စိတ်ယုတ်စိတ်ပုတ်နဲ့ လုပ်ဆောင်တာမျိုးဖြစ်ပြီး တစ်ဖက်နိုင်ငံသားတွေ ပြည်တွင်းမှာ စည်သွပ်ဘူးစက်ရုံဖွင့်တဲ့အခါမှာ အဲဒီအဖွဲ့တွေကပဲ ဆက်ကြေးကောက်ပြီး နွားတွေကို ကြိုက်သလောက် သတ်ခွင့်ပြုထားပြန်ပါတယ်။ အဲတော့ ဒေသအတွင်းမှာလည်း နွားတွေကို ပုံမှန်သတ်နေသလို၊ တစ်ဖက်နိုင်ငံကိုလည်း နွားတွေ နေ့စဉ် မှောင်ခိုသွားနေတဲ့အတွက် မိအေးနှစ်ခါနာ ဖြစ်ရပါတယ်။ နွားရှားပါးမှုရဲ့ အဓိက အကြောင်းအရင်းပါပဲ။
.
မွတ်စလင်တွေ တစ်နှစ်တစ်ခါမှ လုပ်တဲ့ ကုရ်ဘာနီဟာ အစိုးရ၊ မွတ်စလင်မဟုတ်တဲ့ လူ့အဖွဲ့အစည်းတွေအပေါ်မှာ အကျိုးအများကြီး ဖြစ်ထွန်းပါတယ်။ စွန့်လှူဒါနပြုဖို့အတွက် မွတ်စလင်အများစုဟာ နွားတွေကို ဈေးကောင်းပေး ၀ယ်ကြတဲ့အတွက် နွားပိုင်ရှင်တွေဟာ ဈေးကောင်းရကြပါတယ်။ ကုရ်ဘာနီလုပ်တဲ့အခါမှာလည်း တစ်ကောင်ချင်းအလိုက် အစိုးရကို အခွန်ပေးရတဲ့အတွက် တိုင်းပြည် ဘဏ္ဍာငွေလည်း တိုးပါတယ်။ (အစိုးရက အကုန်အကျခံပြီး ဘုရားတည် ကျောင်းဆောက် လုပ်တဲ့အခါ နိုင်ငံတော်ဘဏ္ဍာနဲ့ လုပ်ရတာဖြစ်လို့ မြန်မာနိုင်ငံမှာရှိတဲ့ ဗုဒ္ဓဘာသာ သာသနိက အဆောက်အဦးတိုင်းမှာ မွတ်စလင်တွေရဲ့ အခွန်ငွေ၊ ကုရ်ဘာနီမှာ ပေးရတဲ့ အခွန်ငွေတွေ ပါဝင်တယ်ဆိုတာ မမေ့ပါနဲ့) ကုရ်ဘာနီ လုပ်ငန်းစဉ်ကို ကြီးကြပ်ပေးရတဲ့ လုံခြုံရေးတပ်ဖွဲ့ဝင်တွေဟာလည်း အဲဒီနေ့မှာ အပိုဝင်ငွေ ရပြီး၊ အိမ်ပြန်တဲ့အခါ အသားထုတ်လေးပါ သယ်သွားနိုင်ပါသေးတယ်။
.
ပေါ်ပြီးတဲ့ အသားတွေကို ဝေငှတဲ့အခါမှာလည်း ဘာသာ၊ လူမျိုးမရွေး လှူဒါးန်းတဲ့အတွက် ဗုဒ္ဓဘာသာဝင်တွေလည်း အသားဟင်းကို ၀၀လင်လင် စားသုံးရပြီး အနည်းဆုံး ဈေးဖိုး တစ်ရက်၊ နှစ်ရက်စာတော့ သက်သာသွားပါတယ်။ ကုရ်ဘာနီလုပ်တဲ့နေ့နဲ့ နောက်ထပ် အနည်းဆုံး ၁ ရက်လောက်မှာ မြန်မာ့အသားဈေးကွက် ပြည့်မီဖို့ သတ်ပေးနေရတဲ့ နွားသတ်ရုံတွေ ပိတ်တာကြောင့် တစ်ကယ်တမ်းချိန် ထိုးကြည့်ရင် မွတ်စလင်တွေရဲ့ ကုရ်အာနီဟာ နိုင်ငံတစ်ဝှမ်းက သားသတ်ရုံတွေမှာ သတ်တဲ့ တစ်ရက်၊ ဒါမှမဟုတ် ၂ ရက်စာ နွားအရေ အတွက်လောက်ပဲ ရှိပါတယ်။
.
ဒါ့ကြောင့် မွတ်စလင်တွေ ကုရ်ဘာနီလုပ်လို့ နွားတွေ ရှားပါးရတဲ့ဆိုတဲ့ အပုပ်ချမှုဟာလည်း အင်မတန် လူပြိန်းဆန်တဲ့ ပြော ဆိုမှုသာ ဖြစ်ပါတယ်။
.
ကျေးဇူးရှင်လား
—————–
မွတ်စလင်တွေရဲ့ အသားအစ်ကို ဆန့်ကျင်တဲ့ မေတ္တာရှင်တွေ ထောက်ပြတဲ့ နောက်တစ်ခုက လယ်ယာလုပ်ငန်းမှာ မရှိမဖြစ် လိုအပ်တဲ့အတွက် နွားတွေဟာ လူသားတွေရဲ့ ကျေးဇူးရှင်ဆိုတဲ့အချက်ပါပဲ။
.
ဒါဆိုရင် မေးခွန်းကပေါ်လာပါပြီ။ အဲဒီနွားတွေဟာ တကယ့်လက်တွေ့မှာ ဒီမေတ္တာရှင်တွေပြောတဲ့ ကျေးဇူးရှင် ‘role’ မျိုး ရရဲ့လား။ တစ်ကယ်တော့ မရပါဘူး။ မြန်မာနိုင်ငံမှာ လယ်ယာလုပ်ငန်း လုပ်တဲ့သူတွေဟာ နွားတွေကို ခိုင်းကောင်းတဲ့အချိန် ဆဲဆို၊ ရိုက်နှက်ကာ ကောင်းကောင်းခိုင်းပြီး၊ ခိုင်းလို့မရတဲ့အခါမှာတော့ နွားသတ်ရုံကို သွားရောင်းစားကြတာပါ။
.
ဘယ်သူမှ ငါတို့ရဲ့ ကျေးဇူးရှင်ပါဆိုပြီး တစ်သက်လုံး အဆောင်အယောင်နဲ့ မထားပါဘူး။ ဆင်းရဲတွင်း နက်လွန်းတာကြောင့် နွားတွေကို သူတိုနဲ့ ထိုက်တန်တဲ့ အစားအစာတောင် မကျွေးနိုင်ကြပါဘူး။ ဒီအတိုင်းခိုင်းရင် ခိုင်းမကောင်းလို့ သင်းကွပ်ကား နွားညွှန့်တုန်းအောင်လုပ်ပြီး ခိုင်းကြတာပါပဲ။ မွတ်စလင်တွေအရှေ့မှာ ကျေးဇူးရှင်အဖြစ် ပုံပေါ်ခံရတဲ့ နွားကြီးတွေ တကယ်လက်တွေ့မှာတော့ စားလိုက်၊ အိပ်လိုက်၊ မေထုံမှီဝဲလိုက်ဆိုတဲ့ တိရစ္ဆာန်စည်းစိမ် အပြည့်အ၀တောင် မခံစားရရှာပါဘူး။
.
တစ်နှစ်တစ်ခါ ပေါ်လာတဲ့ မေတ္တာရှင်တွေကိုယ်တိုင်လည်း နွားကို ကျေးဇူးရှင်ဆိုပြီး အစာလေးသွားကျွေးတာ၊ အိမ်မှာခေါ်ပြီး မွေးစားထားတာမျိုး မရှိပါဘူး။ မွတ်စလင်တွေ ကုရ်ဘာနီအသားဝေတဲ့အခါ သွားမတိုးရင်တောင် ကံကောင်း လို့ ပြောရမှာပါ။
.
အဲဒီတော့ မွတ်စလင်တွေရဲ့ ကုရ်ဘာနီကို တားမြစ်ဖို့၊ ပိတ်ပင်ဖို့ ဆန္ဒပြသူတွေဟာ၊ ကြိုးစားသူတွေဟာ အမှန်တကယ် ဗုဒ္ဓဘာသာရဲ့ အဆုံးအမကို လိုက်နာကြသူ၊ လိုက်နာလိုသူတွေ၊ မေတ္တာတရားကြီးမားသူတွေ၊ သတ္တ၀ါတွေအပေါ်မှာ စာနာသူတွေမဟုတ်ဘဲ၊ လူမျိုးရေး ဘာသာရေး အမုန်းတရားတွေ ဖြန့်ဝေတဲ့၊ လူ့အဖွဲ့အစည်း မတည်ငြိမ်အောင်လုပ်တဲ့ လူဗာလ အချောင်သမားများသာ ဖြစ်တယ်ဆိုတာဟာ ကွက်ကွက်ကွင်းကွင်း ပေါ်လွင်နေပါတယ်။
.
မွတ်စလင်တွေရဲ့ အသားအစ်က နိုင်ငံနဲ့ လူ့အဖွဲ့အစည်းအပေါ် အကျိုးပြုတဲ့ ပမာဏလောက်တောင် ဒီအချောင်သမားတွေဟာ လူ့အဖွဲ့အစည်းအပေါ် အကျိုးမပြုဘဲ၊ ဘာသာရေးဘန်းပြ အမြတ်ထုင်ချင်တဲ့သူတွေသာ ဖြစ်ပါတယ်။
.
မွတ်စလင်တွေလည်း ဆင်ခြင်ရမယ်
—————————-
ဒါပေမယ့် မွတ်စလင်တွေအနေနဲ့လည်း ကုရ်အာနီလုပ်တဲ့အခါ အစိုးရက သတ်မှတ်ပေးထားတဲ့နေရာတွေမှာ၊ သတ်မှတ်ထားတဲ့ စည်းကမ်းအတိုင်း လုပ်ဆောင်ဖို့လိုပါတယ်။ အပေါ်ကပြောခဲ့တဲ့ အချောင်သမားတွေ ကလွဲပြီး တကယ့် သတ္တ၀ါတွေကို ကြင်နာသနားတတ်တဲ့၊ စာနာတတ်တဲ့ စစ်မှန်တဲ့ ဗုဒ္ဓဘာသာဝင်တွေ အောက်ခြေမှာ အများကြီးရှိတာကို သိထားဖို့ လိုပါတယ်။
.
ကိုယ်က ဘာသာရေးဆိုင်ရာ စွန့်လှူဒါနပြုမှုကို လုပ်တာဖြစ်ပေမယ့် ဒီ စစ်မှန်တဲ့ ဗုဒ္ဓဘာသာဝင်တွေရဲ့ စိတ်ထဲမှာ ထိုခိုက်စေမယ့် အပြုအမူမျိုးတွေ (သွေးစွန်းတဲ့ အင်္ကျီတွေနဲ့ ပတ်နေတာ၊ ချွန်ထက်တဲ့လက်နက်တွေကို အကာကွယ်မပါဘဲ ကိုင်ဆောင်သွားတာ) ကို ရှောင်ကျဉ်ဖို့လိုပါတယ်။
.
နောက်တစ်ခုက ကုရ်ဘာနီဟာ အသားစားပွဲ၊ နွားသတ်ပွဲမဟုတ်ပါဘူး။ တမန်တော်ကြီးအီဗရာဟင်မ်ရဲ့ စွန့်လှူဒါနပြုမှု ကို ရောင်ပြန်ဟပ်စေ တာဖြစ်တဲ့အတွက် အသားဝတ္ထုတွေကို စွန့်လှူဖို့သက်သက် ရည်စူးရမှာဖြစ်ပြီး အမှန်တကယ်မှာလည်း ကိုယ့်ရဲ့ စေတနာ သဒ္ဓါတရားကို ပတ်ဝန်းကျင်မှာ ရောင်ပြန်ဟပ်စေရပါလိမ့်မယ်။
.
သမာဓိ (၁၀.၉.၁၆)

September 10, 2016