သြဂုတ် ၃၀၊ ၂၀၁၆
M-Media
– မကြာသေးမီက အဖမ်းခံခဲ့ရသည့် မလေးရှားမှ ရက်ပါအဆိုတော် နာမီဝီမှာ ဖမ်းဆီးခံ မြန်မာရွှေ့ပြောင်းလုပ်သားများ အချုပ်ခန်းထဲတွင် ရင်ဆိုင်နေရသည့် အခြေအနေဆိုးများကို ဖွင့်ချလိုက်ပြီး၊ ၎င်းတို့ ပြန်လည်လွတ်မြောက်ရေး ဆောင်ရွက်ပေးရန် ပြည်သူလူထုအား တိုက်တွန်းခဲ့သည်။
၎င်းမှာ သာသနာအကြည်အညိုပျက်စေမှုဖြင့် ဖမ်းဆီးကာ တရားစွဲဆိုခံထားရခြင်းဖြစ်ပြီး တနင်္လာနေ့က တရားရုံးတွင် အမှုရင်ဆိုင်ရာ၌ တရားသူကြီးမှ အမှုနှင့်ပတ်သက်၍ ၎င်းအား ပြောခွင့်ပေးရာတွင် အမှုအကြောင်းမပြောခဲ့ဘဲ အချုပ်ခန်းအတွင်း အာဏာပိုင်များ၏ လစ်လျုမှုကို ခံစားနေရသည့် မြန်မာအလုပ်သမား ၁၅ ဦးအကြောင်းကို ပြောကြားခဲ့သည်ဟု Facebook စာမျက်နှာတွင် တရုတ် မန်ဒရင် ဘာသာစကားဖြင့် ၎င်းက ရေးသားခဲ့သည်။
“မီဒီယာကနေတစ်ဆင့် ပြည်သူကို ကျွန်တော် ပြောပြချင်တာက- ကျွန်တော် ထိန်းသိမ်းခံနေရစဉ် တွေ့ခဲ့ရတဲ့ တရားမ၀င် မြန်မာလုပ်သား ၁၅ ယောက် အကြောင်းပါ။ သူတို့ ဖမ်းဆီးခံထားရတာ ၁ လ ကျော်သွားပါပြီ။ အချုပ်ခန်းကျဉ်းလေးထဲမှာ တော်တော်တော်လေး အခြေအနေဆိုးဆိုးရွားရွားနဲ့ နေထိုင်နေရပါတယ်။ ဘယ်သူမှလည်း အာမခံနဲ့ လာမထုတ်ဘူး။ သူတို့ကိုကူညီမယ့် မိတ်ဆွေ သူငယ်ချင်းတွေလည်း မရှိရှာပါဘူး။ အလုပ်ရှင်တွေက သူတို့ရဲ့ အထောက်အထား စာရွက်စာတမ်းတွေကိုယူပြီး ထွက်ပြေးသွားလို့ သူတို့ ဘာမှလုပ်လို့မရတဲ့ ဒီလိုအခြေအနေမျိုး ဖြစ်နေတာပါ” ဟု နာမီဝီ၏ ပို့စ်တွင် ဖော်ပြထားသည်။
“သူတို့ ဖိနှိပ်ခံရတယ်။ သစ္စာဖောက်ခံရတယ်။ အခုတော့ သူတို့ သေဖို့ပဲ ရှိပါတော့တယ်”
ထို့ပြင် ၎င်းတို့တွင် ကူးစက်ရောဂါများ ဖြစ်ပွားနေပြီး အခြေအနေ အလွန်ဆိုးရွားနေကြောင်း၊ ညဘက်တွင် ချောင်းများ အဆက်မပြတ်ဆိုးနေသံကို မိမိ ကြားနေရခြင်းကြောင့် ၎င်းတို့မှာ တီဘီရောဂါ ဖြစ်နေပုံရကြောင်း၊ မလေးစကားလည်း နားမလည်ကြကြောင်း နာမီဝီက ထည့်သွင်းပြောဆိုခဲ့သည်။
“မလေးစကားမပြောတတ်လို့ သူတို့ အစောင့်တွေ့နဲ့လည်း စကားပြောလို့ မရဘူး။ အစောင့်တွေကလည်း ဘာမှ မလုပ်ပေးပါဘူး။ အထောက်အထားမရှိတဲ့အတွက် ဆေးရုံတွေကလည်း သူတို့ကို လက်မခံဘူး။ နိုင်ငံထဲ တရားမ၀င် ၀င်ရောက်လာတာကြောင့် သံရုံးကလည်း သူတို့ကို ဘားမှ မလုပ်ပေးနိုင်ဘူး။ သံရုံးက သူတို့ ဒီတိုင်းပြည်ထဲမှာ ရှိတာတောင် မသိကြပါဘူး”
မြန်မာလုပ်ရွှေ့ပြောင်းလုပ်သားများ၏ ထိုအခြေအနေဆိုးများကို ပြင်ပသို့ ထုတ်မပြောရန် ရဲတပ်ဖွဲ့က သတိပေးခဲ့သည်ဟုလည်း အဆိုတော်က ထည့်သွင်းရေးသားခဲ့သည်။
“ကျွန်တော်ထွက်မလာခင် နောက်ဆုံးညက သူတို့အခြေအနေ ပိုဆိုးလာတယ်။ သူတို့ချောင်းဆိုးတဲ့အသံ ပြောင်းသွားတယ်။ မျက်နှာတွေကလည်း ဖြူဖတ်ဖြုရော်ဖြစ်လာတယ်။ အန္တရာယ်ရှိတယ်ဆိုတာကို ကျွန်တော် သိပေမယ့် သူတို့အတွက် ကျွန်တော်လုပ်ပေးနိုင်တာက လူသိအောင် ဖွင့်ချဖို့ပါပဲ။ ကျွန်တော် ထိန်းသိမ်းခံရတဲ့အချိန်မှာ တွေ့ရတဲ့ ဒီအခြေအနေတွေကို ထုတ်မပြောဖို့ ရဲက ကျွန်တော့်ကို သတိပေးတယ်။ ကျွန်တော် ငြိမ်နေလိုက်ရင် အဲဒီလူတွေဟာ တစ်ဖြည်းဖြည်းနဲ့ ဘ၀တွေ လုံးပါး ပါးသွားမှာပါ။ ရှေ့နေများကောင်စီနဲ့ အခြား သြဇာရှိတဲ့အဖွဲ့အစည်းတွေက သူတို့ကို တစ်ခုခု လုပ်ပေးနိုင်မယ်လို့ ကျွန်တော် မျှော်လင့်ပါတယ်။ စိတ်ကောင်းစေတနာရှိတဲ့သူတွေဟာ စေတနာ ရောင်ပြန်ဟပ်မှာပါ။ သူတို့ကို ကူညီပေးကြပါဗျာ”
မလေးရှားတွင် ထိန်းသိမ်းခံရသည့် မြန်မာလုပ်သားများမှာ ယခင်ကလည်း ထိုကဲ့သို့ ဆိုးရွားသော အခြေအနေများကို ကြုံတွေ့ရလေ့ရှိပြီး အဖမ်းဆီးခံ မြန်မာလုပ်သားများနှင့်ပတ်သက်၍ ဆောင်ရွက်ပေးနေသည့် မြန်မာသံရုံးမှာ ယခုကိစ္စနှင့် ပတ်သက်၍ အတည်ပြုထုတ်ပြန်ခြင်းများ မပြုလုပ်သေးပေ။
Ref: thecoverage.my
