ဧပြီ ၂၆၊ ၂၀၁၆
M-Media
– အစ္စလာမ်ဆန့်ကျင်ရေး လမ်းဘေးပိုစတာကို ဆန့်ကျင်တဲ့အနေနဲ့ အမေရိကန်ပြည်ထောင်စု ဖလော်ရီဒါပြည်နယ် အေနက်စ်တာစီယာကျွန်းက ပြည်သူတွေဟာ အဲဒီပိုစတာအောက်မှာ ငြိမ်းချမ်းရေးသတင်းစကားတွေကို ဖြန့်ဝေခဲ့ကြတယ်လို့ သိရပါတယ်။
တနင်္ဂနွေနေ့က ပြုလုပ်ခဲ့တာဖြစ်ပြီး ချစ်ခြင်းမေတ္တာ၊ စည်းလုံးညီညွတ်ခြင်းအကြောင်းတွေကိုလည်း မျှဝေခဲ့ကြပါတယ်။
“ဒီဆိုင်းဘုတ်ကို ထားရှိတာ ဘယ်သူပဲဖြစ်ပါစေ၊ ဘယ်သူကမှ ကျွန်တော်တို့အကြားမှာ အမုန်းတရား မဖြန့်နိုင်ဘဲ၊ ကျွန်တော်တို့အားလုံးဟာ စည်းလုံးညီညွှတ်နေတယ်ဆိုတာ ကျွန်တော်တို့ရဲ့ ဒီလုပ်ရပ်က ပြသနေပါတယ်” လို့ ကျွန်းက အစ္စလာမ်မစ်စင်တာ အဖွဲ့ဝင်တစ်ဦးဖြစ်သူ အသက် ၅၁ နှစ်အရွယ်ရှိ အေမန် အလ်-ဆာဝါက ပြောကြားခဲ့ပါတယ်။
အဲဒီလှုပ်ရှားမှုမှာ ဒေသခံပေါင်းများစွာ တက်ရာက်ခဲ့ကြပြီး တောက်ပတဲ့ ငြိမ်းချမ်းရေးအမှတ်တံဆိပ် တီရှပ်တွေ ၀တ်ဆင်ထားတဲ့ အဖွဲ့ဝင်များက စုပေါင်းဓာတ်ပုံတစ်ပုံ အတူတကွ ရိုက်ခဲ့ကြပါတယ်။
“ဒီဓာတ်ပုံထဲမှာပါတဲ့လူအားလုံးဟာ ကြော်ငြာဘုတ်ပေါ်က အမုန်းတရားအပေါ် ဆန့်ကျင်တယ်လို့ ဆိုလိုပါတယ်။ ဒီကိစ္စဟာ သိပ်မုန်းစရာကောင်းပါတယ်။ ဒါဟာ ကျွန်တော်တို့မြို့ရဲ့ ကြောက်စရာကောင်းတဲ့ ပုံရိပ်တစ်ခုပဲ ဖြစ်ပါတယ်” လို့ အသက် ၁၂ နှစ်အရွယ်ရှိတဲ့ အီဗရာဟင်မ် ဇိုရီက ပြောကြားခဲ့ပါတယ်။
အဲဒီအစ္စလာမ်ဆန့်ကျင်ရေး ပိုစတာကို ဆန့်ကျင်ဖို့ ဒေသခံအမျိုးသမီးဖြစ်သူ ဘက်ကီဝီလီယံက အွန်လိုင်းလက်မှတ်ရေးထိုးဖို့ လှုံ့ဆော်ခဲ့ရာကနေ တစ်ဟုန်ထိုးပြန့်နှံ့သွားပြီး နိုင်ငံတကာရဲ့ အာရုံစိုက်ခြင်း ခံလာရတာ ဖြစ်ပါတယ်။ အဲဒီ အွန်လိုင်းလက်မှတ်ရေးထိုးခြင်းကနေ ကမ္ဘာတစ်ဝှမ်းက ထောက်ခံတဲ့ လက်မှတ်ပေါင်း ၅၄၀၀၀ နီးပါးထိ ရရှိခဲ့ပါတယ်။
Ref: IINA
