Blog

ဖေဖော်ဝါရီ ၂၇၊ ၂၀၁၆
M-Media

– ကင်ဆာရောဂါကနေ သက်သာစေဖို့အတွက် နည်းလမ်းသစ်တစ်ခုကို သိပ္ပံပညာရှင်တွေက တွေ့ရှိခဲ့ပြီး အဲဒီနည်းလမ်းက ဆေးပြင်းပြင်းတွေထက် ပုံမှန်ဆေးနဲ့ပဲ ရေရှည်ဆွဲကုတဲ့နည်း ဖြစ်တယ်လို့ အင်္ဂလိပ်သတင်းစာ The Telegraph က ဖော်ပြလိုက်ပါတယ်။

လက်ရှိသုံးစွဲနေတဲ့ ကင်ဆာကုထုံးတွေမှာ ကင်ဆာကြိတ်တွေကို ဖယ်ရှားချင်တဲ့အတွက် ဓာတုဆေးပြင်းပြင်းတွေ အများကြီးသုံးစွဲရတဲ့ ပြင်းထန်တဲ့ကုသနည်းတွေ ပါဝင်ပါတယ်။ ဒါပေမယ့် အဲဒီနည်းလမ်းနဲ့ ကင်ဆာ လုံးဝပျောက်ကင်းသွားတာက နည်းပါးတယ်လို့ ဆိုပါတယ်။

ဒါ့အပြင် ဘေးထွက်ဆိုးကြိုးတွေကလည်း အရမ်းများပြီး ဆံပင်ကျွတ်တာတွေကနေ ခန္ဓာကိုယ်အတွင်း ခုခံအားပျက်ဆီးကာ သွေးအားနည်းရောဂါတွေအထိ ဖြစ်ပွားနိုင်ပါတယ်။

ပြင်းထန်တဲ့ဓာတုကုထုံးတွေဟာ ကင်ဆာကို ပိုမိုဆိုးရွားလာစေပြီး ဆေးယဉ်ပါးကင်ဆာဆဲလ်တွေ ပိုများလာစေကာ နောက်ထပ်ကင်ဆာရောဂါ ပြန်ဖြစ်လာပြီဆိုရင် သေဆုံးနိုင်တဲ့အထိ အန္တရာယ်ရှိတယ်လို့ ကျွမ်းကျင်သူအချို့က ယုံကြည်နေကြပါတယ်။

ဆေးယဉ်ပါးနေတဲ့ ကင်ဆာဆဲလ် ပြဿနာကို ကိုင်တွယ်ဖြေရှင်းဖို့အတွက် သိပ္ပံပညာရှင်တွေက နည်းလမ်းသစ်တစ်ခုကို တွေ့ရှိခဲ့ပြီး အဲဒါကတော့ ကင်ဆာဆဲလ်တွေကို လုံးဝ ဖယ်ရှားဖို့ ကြိုးစားတာထက်စာရင် ဆေးကို တုံ့ပြန်နိုင်စွမ်းရှိတဲ့ ကင်ဆာဆဲလ်အချို့ကို ဒီအတိုင်း လွှတ်ထားပေးလိုက်တဲ့ နည်းမျိုးဖြစ်ပါတယ်။

ဖလော်ရီဒါပြည်နယ်၊ တမ်ပါမြို့က H Lee Moffitt ကင်ဆာနှင့်သုတေသနဌာနမှ ဒေါက်တာ ရောဘတ် ဂါတင်ဘီ ဦးဆောင်တဲ့ အမေရိကန်ဆေးပညာရှင် အုပ်စုတစ်ခုဟာ မတူညီတဲ့ ရင်သားကင်ဆာဖြစ်နေတဲ့ ကြွက်တွေကို paclitaxel လို့ခေါ်တဲ့ ဓာတုကုထုံးနဲ့ စမ်းသပ်ကုသခဲ့ပါတယ်။

အဲဒီကုထုံးအရ ပထမတော့ ကြွက်တွေမှာဖြစ်တဲ့ ကင်ဆာဆဲလ်တွေဟာ ရှုံ့တွသွားပြီး ကုသမှုရပ်လိုက်တာနဲ့တပြိုင်နက် ဆဲလ်တွေ ပြန်လည်ကြီးထွားလာပါတယ်။ ဒါပေမယ့် အစကတည်းက ဆေးပြင်းပြင်းတွေသုံးပြီး ကုသတာထက် ဆေးနည်းနည်းကို ပုံမှန်သုံးစွဲခြင်းဟာ ကင်ဆာပျံ့ပွားမှုကို ထိန်းချုပ်ပေးနိုင်မှာဖြစ်တယ်လို့ ဒီလေ့လာမှုအရ တွေ့ရှိရပါတယ်။

ဒီစမ်းသပ်မှုဟာ တော်တော်လေးထိရောက်ခဲ့ပြီး အချို့ကြွက်တွေကို အချိန်အတိုင်းအတာတစ်ခုရောက်တဲ့အခါ ဆေးဖြတ်လိုက်တဲ့အခါမှာတော့ ရောဂါကြောင့် ဆုတ်ယုတ်မှုမရှိဘဲ ကျန်းကျန်းမာမာ နေထိုင်နိုင်တာကို တွေ့ခဲ့ရပါတယ်။

Ref: IINA