Blog

တရုတ်-မြန်မာ ကုန်သွယ်မှု ၁၀ လအတွင်း ဒေါ်လာ ၉ ဘီလီယံကျော်ရှိ

ဖေဖော်ဝါရီ ၁၆၊ ၂၀၁၆
M-Media

– ၂၀၁၅-၂၀၁၆ ဘဏ္ဍာရေးနှစ် ပထမ ၁၀ လ (ဧပြီလမှ ဇန်န၀ါရီ) အထိ တရုတ်-မြန်မာ နှစ်နိုင်ငံ အပြန်အလှန်ကုန်သွယ်မှုတန်ဖိုးမှာ ကန်ဒေါ်လာ ၉.၄ ဘီလီယံရှိခဲ့သည်ဟု တရုတ်ကုန်သွယ်ရေးဝန်ကြီးဌာနက ယမန်နေ့တွင် ပြောကြားခဲ့သည်။

မြန်မာနိုင်ငံ၏ အဓိက ပုို့ကုန်များမှာ သဘာဝဓာတ်ငွေ့နှင့် လယ်ယာထွက်ကုန်များဖြစ်ပြီး၊ တရုတ်နိုင်ငံမှ အဓိကသွင်းကုန်မှာ စက်မှုထုတ်ကုန်များနှင့် အခြား ကုန်စည်ပစ္စည်းများဖြစ်သည်။ တရားဝင် ကိန်းဂဏန်းများအရ ၂၀၁၄-၁၅ ဘဏ္ဍာရေးနှစ်အတွင်း တရုတ်-မြန်မာ ကုန်သွယ်မှုတန်ဖိုးမှာ ၁၀ ဘီလီယံကျော်ခဲ့သည်။

ထိုပမာဏတွင် တရုတ်နိုင်ငံသို့ မြန်မာနိုင်ငံက တင်ပို့မှုမှာ ကန်ဒေါ်လာ ၄.၆ ဘီလီယံရှိခဲ့ပြီး တရုတ်နိုင်ငံမှ ပြန်လည်တင်သွင်းမှုမှာ ဒေါ်လာ ၅.၆ ဘီလီယံ ရှိခဲ့သည်။ မြန်မာနိုင်ငံအတွင်း စီမံကိန်း ၁၁၅ ခုတွင် တရုတ်နိုင်ငံ၏ ရင်းနှီးမြှု ပ်နှံမှုမှာ ကန်ဒေါ်လာ ၁၅.၄၂ ဘီလီယံရှိပြီး မြန်မာနိုင်ငံအတွင်း စုစုပေါင်း ရင်းနှီးမြှုပ်နှံမှုတန်ဖိုး၏ ၂၀.၀၇ ရာခိုင်နှုန်း ရှိခဲ့သည်။

Ref: Chinadaily

February 16, 2016
ဘန်ကောက်ဗုံးကွဲမှုအတွက် စွပ်စွဲခံထားရသူ ၀ီဂါလူမျိုးနှစ်ဦးက ပြစ်မှုကျူးလွန်မှုမရှိကြောင်း ငြင်းဆို

ဖေဖော်ဝါရီ ၁၆၊ ၂၀၁၆
M-Media

– သြဂုတ်လက ဘန်ကောက်မြို့ရှိ ဧရာဝဏ်နတ်ကွန်း ဗုံးပေါက်ကွဲမှုအတွက် စွပ်စွဲခံထားရသည့် ၀ီဂါလူမျိုး ၂ ဦးက ထိုအဖြစ်အပျက်တွင် ၎င်းတို့ ပါဝင်မှုမရှိဟု ဆိုပြီး၊ ရဲတပ်ဖွဲ့က နှိပ်စက်ငြှင်းပမ်းမှုကြောင့် ဖြောင့်ချက်ပေးခဲ့ရသည်ဟု ယနေ့တွင် ပြောကြားလိုက်သည်။

အဒီမ်း ကရာဒဂ်နှင့် ယူဆူဖူ မီလာရိုင်လီတို့ဖြစ်ကြပြီး ယနေ့တွင် ရုံးချိန်းအတွက် စစ်ခုံရုံးသို့ ရောက်ရှိလာခဲ့ခြင်းဖြစ်သည်။ တရားရုံးကမူ ၎င်းတို့ နှစ်ဦးအား ကြိုတင်ကြံစည်မှုဖြင့် လူသတ်ခြင်း၊ တရားမ၀င် လက်နက်များ ကိုင်ဆောင်ခြင်း စသည့် စွဲချက်များဖြင့် တရားစွဲဆိုထားခြင်း ဖြစ်သည်။ ၎င်းတို့နှစ်ဦးကမူ ထိုဗုံးပေါက်ကွဲမှုအတွက် အပြစ်မရှိဟု ပြောကြားခဲ့သည်။

“ကျွန်တော့်မှာ အပြစ်မရှိပါဘူး။ ကျွန်တော်ထောင်ထဲရောက်နေတာ ၆ လရှိပါပြီ” ဟု မီရိုင်လီက ဆိုသည်။

သြဂုတ်လ ၁၇ ရက်နေ့က ဖြစ်ပွားခဲ့သည့် အဆိုပါ နတ်ကွန်း ဗုံးပေါက်ကွဲမှုအတွင်း လူ ၂၀ ခန့် သေဆုံးခဲ့ပြီး အများအပြား ဒဏ်ရာရရှိခဲ့သည်။ ဗုံးဖောက်မှု၏ နောက်ကွယ်မှ အကြောင်းအရင်းကို အတိအကျ ထုတ်ဖော် မပြောဆိုနိုင်သေးသော်လည်း အခင်းမဖြစ်ပွားခင် ၀ီဂါပြောင်းရွှေ့အခြေချသူများအား တရုတ်နိုင်ငံသို့ ပြန်ပို့ခဲ့ခြင်းက ဗုံးဖောက်ခွဲမှု၏ အကြောင်းအရင်း ဖြစ်နိုင်သည်ဟု ပြောဆိုမှုများ ရှိသည်။

ရဲတပ်ဖွဲ့ကမူ ဖမ်းဆီးခံထားရသည့် ၀ီဂါလူမျိုး နှစ်ဦးစလုံးက စောစောပိုင်းတွင် ၀န်ခံခဲ့သည်ဟု ပြောကြားခဲ့သည်။ သို့သော်လည်း CCTV တွင် တွေ့မြင်ခဲ့ရသည့် ဗုံးထောင်သူနှင့် တူညီသည်ဟုဆိုကာ ဖမ်းဆီးခံခဲ့ရသည့် အဒီမ်း ကရာဒဂ်၏ ရှေ့နေကမူ ၎င်းအမှုသည်မှာ ညှင်းပမ်းနှိပ်စက်မှုနှင့် တရုတ်နိုင်ငံသို့ ပြန်ပို့မည်ဟူသော ခြိမ်းခြောက်မှုများကြောင့် ၀န်ခံထွက်ဆိုခဲ့ရသည်ဟု ပြောကြားခဲ့သည်။

ထို့ပြင် ကရာဒဂ်မှာ ဗုံးပေါက်ကွဲမှု ဖြစ်ပွားပြီးနောက်ပိုင်း ၄ ရက်ကြာမှ ထိုင်းနိုင်ငံအတွင်းသို့ လာအိုနယ်စပ်မှ ၀င်ရောက်လာခဲ့ခြင်းဖြစ်ပြီး နယ်ခြားစောင့်တပ်ဖွဲ့ကို ကန်ဒေါ်လာ ၆၀၀ လာဘ်ထိုးခဲ့ရကြောင်း ရှေ့နေကဆိုသည်။

အသက် ၂၆ နှစ်အရွယ် မီရိုင်လီကမူ ဗုံးထည့်ထားသော ကျောပိုးအိတ်ကို ပေးပို့ခဲ့သည်ဟု စွပ်စွဲခံထားရသည်။ ၎င်းတို့ နှစ်ဦးစလုံးမှာ စစ်ကြောမှုအတွင်း အထိုးခံရခြင်း၊ မျက်နှာကိုအ၀တ်စည်းကာ ပြစ်မှုကျူးလွန်သည်ဟု မထွက်ဆိုပါက တရုတ်အစိုးရထံသို့ လွှဲပြောင်းပေးအပ်မည်ဟု ခြိမ်းခြောက်ခံရခြင်း စသည်တို့ ရှိခဲ့သည်ဟု ရှေ့နေက ထုတ်ပြန်ခဲ့သည့် ကြေငြာချက်တွင် ဖော်ပြထားသည်။

ထို့ပြင် ကရာဒဂ်မှာ လူမှောင်ခိုကူးသူများ၏ ခေါ်ဆောင်မှုကြောင့် ဘန်ကောက်သို့ ရောက်ရှိလာကြောင်း၊ CCTV တွင် တွေ့ရသည့်လူနှင့် တူညီအောင် ဆံပင်တု၊ မျက်မှန်နှင့် အ၀ါရောင်အင်္ကျီတို့ကို ၀တ်ဆင်ပေးခဲ့ကြောင်း ထည့်သွင်းဖော်ပြခဲ့သည်။

Ref: Channelnewsasia

February 16, 2016
အမေရိကန် ဘာသာပေါင်းစုံအဖွဲ့တစ်ခုက ၎င်းတို့ လုပ်ငန်းစဉ်များတွင် အစ္စလာမ့်ရေးရာများကို ထည့်သွင်း

ဖေဖော်ဝါရီ ၁၆၊ ၂၀၁၆
M-Media

– အမေရိကန်ပြည်ထောင်စု မေရီလန်းပြည်နယ်က တောင်ဆန်မြို့အခြေစိုက် ဘာသာပေါင်းစုံလေ့လာရေးနဲ့ ချစ်ကြည်ရေးအသင်းတစ်ခုဟာ သူတို့ရဲ့ လုပ်ငန်းစဉ်အတွင်းမှာ အစ္စလာမ်သာသနာကိုပါ ထည့်သွင်းခဲ့ပြီး လူ့အဖွဲ့အစည်း သဟဇတဖြစ်ပို့ တိုးမြှင့်ဆောင်ရွက်နေတယ်လို့ သိရပါတယ်။

Institute of Islamic, Christian and Jewish Studies (အစ္စလာမ်၊ ခရစ်ယာန်နှင့် ဂျူးဘာသာတရားဆိုင်ရာ လေ့လာမှုအသင်း) ဖြစ်ပြီး၊ ၁၉၈၇ ခုနှစ်က တည်ထောင်ခဲ့တဲ့ အဲဒီအသင်းဟာ စောစောပိုင်းမှာ Christian and Jewish Studies လို့ အမည်ပေးထားရာကနေ အစ္စလာမ်သာသနာကို ထည့်သွင်းလိုက်တဲ့အတွက် နာမည်ကို ပြောင်းလဲခေါ်ဆိုလိုက်တယ်လို့ ပြီးခဲ့တဲ့တစ်ပတ်မှာ ကြေငြာခဲ့ပါတယ်။

သူတို့ရဲ့ စီမံကိန်းတွေမှာ အစ္စလာမ်နဲ့ပတ်သက်တာတွေ ထည့်သွင်းဆောင်ရွက်နေတာကတော့ တော်တော်လေးကြာပြီ ဖြစ်ပါတယ်။

အဖွဲ့က အစ္စလာမ့်ရေးရာပညာရှင်ဖြစ်တဲ့ အိုမေရာ ဇိုက်ဒ်က သူတို့ရဲ့ ရည်ရွယ်ချက်ဟာ ကမ္ဘာတစ်ဝှမ်းက အကြမ်းဖက်ဝါဒကို တိုက်ဖျက်ဖို့မဟုတ်ဘဲ မိမိတို့ လူ့အဖွဲ့အစည်းတွင်းမှာ အစ္စလာမ်အပါအ၀င် ဘာသာတရားနဲ့ ယဉ်ကျေးမှုဆိုင်ရာ ပိုမိုနားလည်လာစေဖို့နဲ့ ငြိမ်းချမ်းဖို့အတွက်ဖြစ်တယ်လို့ ပြောကြားခဲ့ပါတယ်။

သူမကိုယ်တိုင်ဦးဆောင်ပြီး ဘာသာတရားများအကြား နားလည်မှုအစီအစဉ်တွေ၊ ဟောပြောပွဲတွေ၊ ဆွေးနွေးပွဲတွေကို ပြုလုပ်ခဲ့ပြီး ဒီလိုလုပ်ဆောင်တာဟာ သွေးကွဲမှုတွေကို လျော့ပါးစေမယ်လို့ ဇိုက်ဒ်က ဆိုပါတယ်။

“ကျွန်မတို့ရဲ့လုပ်ဆောင်မှုတွေက သွေးကွဲမှုကို ဦးတည်စေတဲ့ စိတ်အမူအကျင့်တွေကတစ်ဆင့် ပေါ်ထွက်လာတဲ့ အတွေးတွေပေါ်မှာ သက်ရောက်မှုရှိမှာ သေချာပါတယ်”

အကျိုးအမြတ်မယူတဲ့ Institute of Islamic, Christian and Jewish Studies အသင်းဟာ ဘာသာပေါင်းစုံ ချစ်ကျည်ရေးလုပ်ငန်းတွေကို လုပ်ကိုင်ဆောင်ရွက်နေတာဖြစ်ပြီး အဖွဲ့ရဲ့ အုပ်ချုပ်မှုဒါရိုက်တာ ခရစ္စတိုဖာ လေတန်က အစ္စလာမ့်ရေးရာ ပညာရှင်တွေကို ခန့်အပ်လိုက်တာဟာ မိမိတို့ရဲ့ ရည်ရွယ်ချက်ကို မိုမို အားဖြစ်စေခဲ့တယ်လို့ ဆိုပါတယ်။

“ဒီလိုခန့်အပ်လိုက်တာက သမိုင်းဝင်ကိစ္စတစ်ခုပါ။ (ဇိုက်ဒ်) ဟာ ခြွင်းချက်မဲ့ပုဂ္ဂိုလ်တစ်ယောက်ဖြစ်ပါတယ်။ အနောက်တိုင်းလူ့အဖွဲ့အစည်းမှာ အစ္စလာမ်က ဘယ်လောက်အရေးပါလဲဆိုတာကို သူက ကျွန်တော်တို့ကို လမ်းဖွင့်ပေးခဲ့ပါတယ်” လို့ လေတန်က ပြောကြားခဲ့ပါတယ်။

ဇိုက်ဒ်နဲ့ လေတန်တို့ နှစ်ယောက်စလုံးဟာ IS အဖွဲ့က အစ္စလာမ်သာသနာကို အလွဲသုံးစားလုပ်နေမှုကို အမေရိကန်တစ်ဝှမ်းမှာ မြင်သာလာအောင်လည်း ဆောင်ရွက်ချင်နေကြပါတယ်။ လေတန်ကတော့ သူတို့ရဲ့အဖွဲ့ဟာ ခရစ်ယာန်နဲ့ ဂျူးတွေကို ကြိုဆိုသလိုပဲ မွတ်စလင်တွေကိုလည်း ကြိုဆိုတယ်လို့ ထည့်သွင်းပြောကြားခဲ့ပါတယ်။

Ref: baltimoresun.com

February 16, 2016
အာရှရှယ်ယာများပြန်တက်၊ ရေနံထုတ်လုပ်သူများက ဈေးကျမှုကို ရင်ဆိုင်ရန် ပြင်ဆင်

ဖေဖော်ဝါရီ ၁၆၊ ၂၀၁၆
M-Media

– ယနေ့အာရှဈေးကွက်များတွင် ရှယ်ယာဈေးနှုန်းများမှာ တက်လာခဲ့သည်ဟု သိရပြီး၊ ရေနံထုတ်လုပ်သည့်နိုင်ငံများ၏ အစည်းအဝေး သတင်းကြောင့် ရေနံဈေးနှုန်းမှာလည်း ပြန်လည်တက်လာခဲ့သည်။

ရှယ်ယာဈေးကွက်များ တက်ရသည့်အကြောင်းအရင်းမှာ တရုတ်ဈေးကွက် တည်ငြိမ်လာခြင်း၊ ရေနံဈေးပြန်တက်လာခြင်း စသည်တိုကြောင့်ဖြစ်သည်။ တရုတ်ပြည်မကြီးမှ ရှယ်ယာများမှာ ၂.၅ ရာခိုင်နှုန်း တက်လာခဲ့ပြီး သီတင်းပတ် ၃ ပတ်အတွင်း အမြင့်ဆုံးဖြစ်ခဲ့သည်။ တောင်ကိုရီးယားမှ ရှယ်ယာများကမူ ၁ ရာခိုင်နှုန်း မြင့်တက်လာခဲ့သည်။

ကမ္ဘာ့ရေနံထုတ်လုပ်မှုအများဆုံး နိုင်ငံများဖြစ်သော ဆော်ဒီနှင့် ရုရှားနိုင်ငံတို့မှာ ဗင်နီဇွဲလား၊ ကာတာတို့နှင့် ဒိုဟာမြို့၌ ယနေ့တွင် ဆွေးနွေးမှုများ ပြုလုပ်သွားမည်ဟု သတင်းများ ထွက်ပေါ်လာခဲ့သည်။ အဆိုပါဆွေးနွေးပွဲမှာ ရောင်းလိုအား ပိုလျှံနေမှုကြောင့် ရေနံဈေးထိုးကျသွားမှုကို ရပ်တန့်ရန်အတွက် အိုပက်အဖွဲ့ဝင်နိုင်ငံအချို့၏ နောက်ဆုံးထွက်ပေါ်လာသော ကြိုးပမ်းမှုလည်းဖြစ်သည်။

ဆွေးနွေးမှုအတွင်း ရေနံဈေးကို ထိန်းညှိရန်အတွက် ထုတ်လုပ်မှုလျှော့ချရန်ကိစ္စလည်း ပါဝင်နိုင်ပြီး ထိုသတင်းကြောင့် ရေနံဈေးနှုန်းမှာ ယနေ့မနက်တွင် တက်လာခဲ့သည်။ အမေရိကန်ရေနံဈေးကွက်တွင် ယနေ့ရေနံဈေးနှုန်းမှာ ၁.၄၃ ဒေါ်လာ တက်လာခဲ့ပြီး တစ်စည်ကို ၃၀.၈၇ ဒေါ်လာအထိ ရှိလာခဲ့သည်။

ဆော်ဒီအာရေဗျကမူ အိုပက်အဖွဲ့ဝင်မဟုတ်သည့် နိုင်ငံများအနေဖြင့် ရေနံထုတ်လုပ်မှုကို လျှော့ချမှသာလျှင် မိမိတို့လည်း လျှော့ချမည်ဟု ပြောကြားထားသည်။ ကမ္ဘာ့ထိပ်တန်း ရေနံထုတ်လုပ်သည့် ရုရှားက ထိုသို့ ပူးပေါင်းဆောင်ရွက်ရန် ငြင်းဆိုထားပြီး ဈေးကွက်ကျဆင်းမှုကို မိမိတို့က ခံနိုင်ရည်ရှိသည်ဟု ဆိုသည်။

ငွေကြေးဈေးကွက်များတွင် အမေရိကန်ဒေါ်လာက ပြန်မာလာခဲ့ပြီး ယူရိုကမူ ယမန်နေ့က ကျဆင်းခဲ့သည်။ ဥရောပဗဟိုဘဏ်ဥက္ကဌ မာရီယို ဒရာဂီက မိမိတို့အနေဖြင့် မတ်လအတွင်း ငွေကြေးပေါ်လစီ လျှော့ချရန် အဆင်သင့်ဖြစ်နေသည်ဟု ပြောကြားခဲ့ခြင်းကြောင့် ထိုကဲ့သို့ ယူရိုငွေကြေးက ကျဆင်းခဲ့ခြင်းဖြစ်သည်။

Ref: Channelnewsasia

February 16, 2016
အရေပြားကင်ဆာကုသမှုတွင် ငှက်ပျောသီးက အထောက်အကူပြုနိုင်

ဖေဖော်ဝါရီ ၁၆၊ ၂၀၁၆
M-Media

– ငှက်ပျောသီးအခွံဟောင်းတွေပေါ်က အနက်ရောင်အစက်အပြောက်တွေဟာ အရေပြားကင်ဆာရောဂါရှာဖွေရာမှာ အထောက်အကူ ပြုနိုင်တာကြောင့် အသက်ရှင်နိုင်တဲ့အခွင့်အလမ်းလည်း ပိုများစေလိမ့်မယ်လို့ သိပ္ပံပညာရှင်တွေက ထုတ်ဖော်ပြောကြားလိုက်ပါတယ်။

ငှက်ပျောသီးတွေ ရင့်မှည့်လာတဲ့အခါ ငှက်ပျောခွံမှာ tyrosinase လို့ခေါ်တဲ့ အင်ဇိုင်းတစ်မျိုးကြောင့် သေးငယ်လုံးဝန်းတဲ့ အနက်ရောင်အစက်အပြောက်တွေ ဖြစ်ပေါ်လာလေ့ရှိပါတယ်။ ဒီလိုအင်ဇိုင်းမျိုးတွေဟာ လူ့အရေပြားမှာလည်း ပါရှိပြီး အရေပြားကင်ဆာရောဂါဖြစ်နေတဲ့သူတွေမှာ အမြောက်အများ တွေ့ရပါတယ်။ မီလာနိုမားလို့ခေါ်တဲ့ အရေပြားကင်ဆာဟာ သေဆုံးနိုင်မှုအမြင့်ဆုံးဖြစ်တဲ့ အရေပြားကင်ဆာ အမျိုးအစားဖြစ်ပါတယ်။

သိပ္ပံပညာရှင်တွေဟာ ဒီလိုမျိုး ဘုံတူညီနေတာကို အသုံးချပြီး အရေပြားကင်ဆာရှာဖွေတဲ့စက်ကို တည်ဆောက်ဖို့ စမ်းသပ်ခဲ့ကြတာပါ။ လောလောဆယ်မှာတော့ အဲဒီစက်ရဲ့ အလုပ်ဖြစ်မှုပမာဏကို ငှက်ပျောခွံတွေမှာ စမ်းသပ်မှာဖြစ်ပြီး နောက်ပိုင်းကျမှ လူသားရဲ့ အရေပြားအပေါ်မှာ ပြုလုပ်သွားမှာဖြစ်ပါတယ်။

ဆွစ်ဇာလန် သုတေသီတွေကတော့ အဲဒီ tyrosinase အင်ဇိုင်းဟာ အရေပြားကင်ဆာရောဂါရဲ့ အတိမ်အနက်ကို တိုင်းတာနိုင်တဲ့ အမှတ်အသားတစ်ခုဖြစ်တယ်လို့ အခိုင်အမာ ပြောကြားခဲ့ပါတယ်။ အရေပြားကင်ဆာပထမအဆင့်မှာ အင်ဇိုင်းဟာ သိပ်ထင်ရှားပေါ်လွင်မှု မရှိသေးပါဘူး၊ ဒုတိယအဆင့်အရောက်မှာ တဖြည်းဖြည်း ပွားများလာပြီး ဝေပုံကျပြန့်နှံ့လာပါတယ်။ တတိယအဆင့်မှာတော့ မညီမညာပြန့်နှံ့သွားပြီး တခြားသော ကိုယ်ခန္ဓာအစိတ်အပိုင်းတွေကိုလည်း ကင်ဆာပိုးတွေ စတင်ပျံ့နှံ့လာပါတော့တယ်။

အမေရိကန်ကင်ဆာရောဂါအဖွဲ့အစည်းရဲ့ အဆိုအရ အရေပြားကင်ဆာဖြစ်ပွားမှု ပထမအဆင့်မှာ ရောဂါကို စမ်းသပ်နိုင်ခဲ့မယ်ဆိုရင် ဝေဒနာရှင် ၉၅ ရာခိုင်နှုန်းလောက်ဟာ ၁၀ နှစ်ကြာ အသက်ရှင်သန်နိုင်မှာ ဖြစ်ပြီး တတိယအဆင့် အလယ်လောက်ရောက်မှ တွေ့မယ်ဆိုရင်တော့ ၄၃ ရာခိုင်နှုန်းအထိ ကျဆင်းသွားပါတယ်။

ဆွစ်ဇာလန်က သုတေသီအဖွဲ့ဟာ အရေပြားကင်ဆာ ရောဂါရှာစက်တစ်ခုကို ဖန်တီးခဲ့ပြီး လူ့အရေပြားပေါ်က ကင်ဆာအစက်တွေနဲ့ အကြမ်းဖျင်းအရွယ်အစားတူညီလောက်တဲ့ ငှက်ပျောခွံပေါ်က အစက်တွေကို စမ်းသပ်ခဲ့ပါတယ်။

“ငှက်ပျောသီးကို အသုံးပြုခြင်းဖြင့် လူ့အသားစအပေါ် စမ်းသပ်ခြင်းမပြုလုပ်မီ ရောဂါရှာဖွေရေးနည်းလမ်းတစ်ခုကို စမ်း
သပ်တီထွင်နိုင်ခဲ့ပါတယ်” လို့ အဖွဲ့ခေါင်းဆောင် ဟူးဘတ် ဂီရော့က ပြောကြားခဲ့ပါတယ်။

ဂီရော့က အဆိုပါရောဂါရှာစက်ကို နောက်ပိုင်းမှာ ကင်ဆာဆဲလ်တွေဖျက်ဆီးနိုင်တဲ့အထိ အသုံးပြုနိုင်မှာဖြစ်ပြီး၊ လူ့အသားစ ဖြတ်ထုတ်စမ်းသပ်မှုနဲ့ ဓာတုကုထုံးတွေတောင် မလိုအပ်တော့ဘူးလို့ မျှော်လင့်ထားကြောင်း ပြောကြားခဲ့ပါတယ်။

“ကျွန်တော်တို့ရဲ့ ကနဦး ဓာတ်ခွဲခန်းစမ်းသပ်ချက်တွေအရ ဒီကိရိယာကို အသုံးပြုပြီး ကင်ဆာဆဲလ်တွေကို ဖျက်ဆီးနိုင်မယ်ဆိုတာ သိနေရပါပြီ”

Ref: IINA

February 16, 2016