အောက်တိုဘာ ၁၁၊ ၂၀၁၅
M-Media
– လာမည့် နိုဝင်ဘာ ၈ ရက်နေ့တွင် ပြုလုပ်မည့် ရွေးကောက်ပွဲအား လေ့လာရန်အတွက် ဥရောပသမဂ္ဂမှ စောင့်ကြည့်လေ့လာသူများမှာ မြန်မာနိုင်ငံသို့ ရောက်ရှိနေပြီး အောက်တိုဘာ ၁၁ ရက်နေ့ (ယနေ့တွင်) စောင့်ကြည့်လေ့လာသူ ၃၀ ခန့်မှာ ရန်ကုန်မှ ထွက်ခွာသွားကြပြီ ဖြစ်သည်။
ဥရောပသမဂ္ဂမှ စောင့်ကြည့်လေ့လာရေးအဖွဲ့မှာ မြန်မာနိုင်ငံတွင် တစ်လကြာ နေထိုင်သွားမည်ဖြစ်ပြီး ရွေးကောက်ပွဲနေ့တွင် နော်ဝေ၊ ဆွစ်ဇာလန်တို့ကဲ့သို့ သမဂ္ဂအဖွဲ့ဝင် ၂၈ နိုင်ငံမှ စောင့်ကြည့်လေ့လာသူ ၁၅၀ မှာ နိုင်ငံတွင်တစ်ဝှမ်း၌ အခြေအနေများကို စောင့်ကြည့်သွားမည်ဖြစ်သည်။
မြန်မာအစိုးရမှာ ရွေးကောက်ပွဲအား လွတ်လပ်၍ တရားမျှတမှုရှိသော ရွေးကောက်ပွဲဖြစ်လာမည်ဟု မျှော်လင့်နေပြီး နိုင်ငံတကာမှ လေ့လာစောင့်ကြည့်သူများကိုလည်း ရွေးကောက်ပွဲလုပ်ငန်းစဉ်အား စောင့်ကြည့်ရန် ခွင့်ပြုထားသည်။
စောင့်ကြည့်သူများမှာ နိုင်ငံတစ်ဝှမ်း ၎င်းတို့သွားရောက်ရမည့် နေရာများကို အသေးစိတ် ရယူထားပြီး မဲပေးခြင်း၊ မဲရေတွက်ခြင်းနှင့် ရလဒ်အပေါ် တုန့်ပြန်ခြင်းတို့အပါအ၀င် ရွေးကောက်ပွဲလုပ်ငန်းစဉ်၏ အဓိက ကဏ္ဍများကို လေ့လာကာ ပြန်လည် တင်ပြသွားမည်ဖြစ်သည်။
“လေ့လာစောင့်ကြည့်သူတွေဟာ ကော်မရှင်အနေနဲ့ ရွေးကောက်ပွဲအတွက် ပြင်ဆင်ထားလား၊ ရွေးကောက်ပွဲဆိုင်ရာ တာဝန်ရှိသူတွေကို လေ့ကျင့်ပေးထားလား ဆိုတာကို လိုက်ကြည့်သွားမှာဖြစ်ပြီး၊ နိုင်ငံရေးပါတီတွေနဲ့ တွေ့ဆုံကာ သူတို့ ဘယ်လိုမဲဆွယ်နေလဲဆိုတာကို ကြည့်ပြီး မဲဆွယ်မှုလုပ်ငန်းကိုလည်း လေ့လာသွားမှာပါ။ ပြီးတော့ ရွေးကာက်ပွဲမှာပြောတဲ့ စကားတွေကိုလည်း နားထောင်မှာဖြစ်ပြီး နိုင်ငံရေးပါတီတွေ လွတ်လပ်စွာ စုဝေးခွင့်၊ လှုပ်ရှားခွင့်၊ ပြောကြားခွင့် အဲဒီလိုမျိုးတွေ ရလားဆိုတာကိုလည်း လေ့လာသွားမှာ
ဖြစ်ပါတယ်” ဟု ဥရောပသမဂ္ဂ ရွေးကောက်ပွဲ စောင့်ကြည့်လေ့လာရေး ကော်မရှင်အကြီးအကဲ မာ့က် စတီဗင်က ပြောကြားခဲ့သည်။
သို့သော်လည်း စောင့်ကြည့်လေ့လာသူများမှာ ရွေးကောက်ပွဲလုပ်ငန်းစဉ်တွင် ၀င်ရောက်စွက်ဖက်သွားမည် မဟုတ်ချေ။ ရွေးကောက်ပွဲတွင် စောင့်ကြည့်သူများမှာ မမှန်ကန်မှုများကို တွေ့ရလေ့ရှိပြီး စတီဗင်ကမူ မိမိတို့မှာ ကန့်ကွက်သွားမည်မဟုတ်ဟု ဆိုသည်။
“ကျွန်တော်တို့ရဲ့အလုပ်က ရွေးကောက်ပွဲလုပ်ငန်းစဉ်ကို စောင့်ကြည့်ဖို့နဲ့ အစီရင်ခံစာ တင်ဖို့ပါပဲ။ ရွေးကောက်ပွဲ တာဝန်ရှိသူတွေနဲ့ ကျွန်တော်တို့ ပုံမှန်အစည်းအတွေ လုပ်လေ့ရှိပြီး သူတို့ကို ဘယ်လိုအချိန်မျိုးမှာမဆို ပြဿနာတွေတင်ပြတာ မေးခွန်းတွေမေးတာတွေလည်း ရှိပါတယ်။ ဒါပေမယ့် နောက်ဆုံးမှာ ကျွန်တော်တို့ဟာ လုပ်ငန်းစဉ်ကို စောင့်ကြည့်ရတာပါပဲ”
၎င်းတို့၏ တာဝန်ကို ထမ်းဆောင်ခြင်းမပြုမီ စောင့်ကြည့်လေ့လာသူများမှာ မြန်မာနိုင်ငံ၏ နိုင်ငံရေး အခြေအနေနှင့် ရွေးကောက်ပွဲစနစ်များအကြောင်း အကြမ်းဖျင်း သိရှိထားပြီးဖြစ်သည်။ ရွေးကောက်ပွဲပြီးနောက် စောင့်ကြည့်လေ့လာရေးအဖွဲ့မှာ ၎င်းတို့၏ တွေ့ရှိချက်များကို ကနဦးအစီရင်ခံစာ တင်သွင်းရမည်ဖြစ်ပြီး နောက်ပိုင်းတွင် မြန်မာနိုင်ငံ၏ အနာဂတ်ရွေးကောက်ပွဲ လုပ်ငန်းစဉ်များအတွက် နည်းစနစ်ပိုင်းဆိုင်ရာ အကြံပေးချက်နှင့်အတူ နောက်ဆုံး အစီရင်ခံစာတစ်ခုကို ထပ်မံထုတ်ပြန်သွားမည်ဖြစ်သည်။
Ref: Channelnewsasia
