မတ် ၁၇၊ ၂၀၁၅
M-Media
– ကုမ္ပဏီတစ်ခု၏ ချစားမှုကိစ္စနှင့် ဆက်နွယ်နေသည့် ဘန်ကောက်မြို့ရှိ ဓမ္မကာယာ စေတီက ၎င်းတို့ရရှိထားသည့် အလှူငွေ ဘတ် သန်း ၇၀၀ နီးပါး(ကန်ဒေါ်လာ သန်း ၂၀ ၀န်းကျင်)ကို အလှူရှင်ထံသို့ ပြန်ပေးသွားရန် ယမန်နေ့က သဘောတူညီခဲ့သည်ဟု သိရသည်။
ခေတ်မီဆန်းသစ်စွာဖြင့် ခမ်းခမ်းနားနား ဆင်ယင်ထားသည့် အဆိုပါစေတီမှာ ထိုင်းနိုင်ငံတွင် အချင်းသာဆုံး စေတီအဖြစ် သတ်မှတ်ခြင်း ခံရထားသည်။ ယခုပြန်လည်ပေးအပ်မည့် အလှူငွေမှာ အလွဲသုံးစားလုပ်မှုဖြင့် စွပ်စွဲခံထားရသည့် ဘဏ္ဍာရေးကုမ္ပဏီ Klongchan Credit Union Cooperative မှ လှူဒါန်းထားသော အလှူငွေများဖြစ်ပြီး ၆ ကြိမ်ခွဲ၍ ပြန်ပေးသွားမည်ဖြစ်သည်။
“ဘတ် ၆၈၄ သန်း (ကန်ဒေါ်လာ ၂၀.၇ သန်း) ကို မတ်လကနေ သြဂုတ်လအကြား ၆ ကြိမ်ခွဲပြီး ပေးသွားမယ်လို့ ကျွန်တော်တို့ သဘောတူခဲ့ပါတယ်” ဟု အဆိုပါစေတီ၏ ရှေ့နေဖြစ်သူ ဆာမ်ချိပ် ဆမ်ဖန်က AFP သတင်းဌာနသို့ ပြောကြားခဲ့သည်။
ထို့ပြင် အပြန်အလှန်အနေဖြင့် Klongchan Credit Union Cooperative က စေတီအား ရာဇ၀တ်ကြောင်းအရ မည်သည့်တရားစွဲဆိုမှုမှ မပြုလုပ်ရန် သဘောတူညီခဲ့သည်ဟု ဆမ်ဖန်က ထည့်သွင်းပြောကြားခဲ့သည်။ စေတီကမူ ၎င်းတို့လှူဒါန်းသည့် ငွေများမှာ ကျင့်ဝတ်ပိုင်းဖောက်ဖျက်သော ရင်းမြစ်များမှ လာသည်ဆိုသည်ကို မသိရှိဟု ငြင်းဆိုခဲ့သည်။
ယခုပြန်လည်ပေးအပ်မည့် ငွေများမှာ စေတီအတွက် ပြည်သူများမှ လှူဒါန်းသော အလှူငွေမှဖြစ်သည်ဟု ဆမ်ဖန်က ဆိုသည်။
ထိုချစားမှုကိစ္စက ပြီးခဲ့သည့် သီတင်းပတ်များအတွင်း ထိုင်းပြည်သူများကို ယမ်းပုံမီးကျ ဖြစ်စေခဲ့ပြီး စေတီပုထိုးများအနေဖြင့် အလှူငွေကို မည်ကဲ့သို့ အလှူခံခြင်း၊ ဗုဒ္ဓဘာသာကို စီးပွားရေးအရ အသုံးချခြင်းတို့နှင့် ပတ်သက်၍လည်း စိုးရိမ်မှုများ တိုးလာခဲ့သည်။ ထို့ပြင် ဘာသာရေးအဖွဲ့အစည်းများအား ဥပဒေဖြင့် ထိန်းညှိပေးရန် အစိုးရအား တိုက်တွန်းမှုများလည်း ရှိခဲ့သည်။
ပြီးခဲ့သည့်နှစ်များအတွင်း ထိုင်းဘုန်းကြီးများမှာ ချစားခြင်း၊ မူးယစ်ဆေးဝါးသုံးစွဲခြင်း၊ အရက်သောက်ခြင်း၊ လောင်းကစားခြင်းနှင့် ပြည့်တန်ဆာအမျိုးသမီးများဖြင့် ပျော်ပါးခြင်းတို့အပါအ၀င် မကောင်းသတင်းများဖြင့် ကျောဇော်ခဲ့သည်။
၂၀၁၃ ခုနှစ် စက်တင်ဘာလတွင် အာဏာပိုင်များက ၎င်းတို့မှာ လေယာဉ်စဉ်းလုံးငှား၍ ခရီးသွားသော ဘုန်းကြီတစ်ပါးအား လူဝတ်လဲစေခဲ့ပြီး ၎င်းထံမှ Porsche နှင့် Mercedes-Benz တစ်စီးစီအပါအ၀င် ကန်ဒေါ်လာ ၈ သိန်းဖိုးရှိ ဇိမ်ခံပစ္စည်းများကို သိမ်းဆည်းခဲ့သည်ဟု ပြောကြားခဲ့သည်။
Ref: Channelnewsasia
