Blog

မတ် ၁၄၊ ၂၀၁၅
M-Media

– ပြည်နယ်အချို့ရှိ စာသင်ကျောင်းများတွင် မွတ်စလင်ဆရာမများ ဟီဂျဘ်ဝတ်ဆင်ခွင့်အား တားမြစ်ထားမှုကို ဂျာမနီ အခြခေံဥပဒေခုံရုံးက ပယ်ဖျက်လိုက်ပြီး ၁၂ နှစ်တာ ကြာမြင့်ခဲ့သည့် အဆိုပါတားမြစ်မှုကို အဆုံးသတ်လိုက်သည်ဟု သိရသည်။

“ဒါဟာ ဂျာမနီက မွတ်စလင်အမျိုးသမီးတွေအတွက် စစ်မှန်တဲ့ဘ၀ကို အသိအမှတ်ပြုလိုက်တာ ဖြစ်ပါတယ်။ ပြီးတော့ သူတို့ကို လူ့အဖွဲ့အစည်းမှာ တန်းတူညီတဲ့ နိုင်ငံသားတွေအဖြစ် ပါဝင်ဖို့ ခွင့်ပြုလိုက်တာလည်း ဖြစ်ပါတယ်” ဟု ဂျာမနီမွတ်စလင်ဗဟိုကောင်စီမှ ထုတ်ပြန်သော ကြေညာချက်တွင် အထွေထွေအတွင်းရေးမှူး နူရ်ဟန် ဆွိုင်ကန်က ပြောကြားခဲ့သည်။

ဂျာမနီရှိ ပြည်နယ်အချို့တွင် ဟီဂျဘ်ဝတ်ဆင်မှုအား ပိတ်ပင်ထားသည့် ဥပဒေမှာ ဖွဲ့စည်းပုံအခြေခံဥပဒေနှင့် မညီညွတ်ဟု အခြေခံဥပဒေဆိုင်ရာခုံရုံးက သတ်မှတ်ခဲ့ပြီးနောက် ထိုဥပေဒအား ဖျက်သိမ်းခဲ့ခြင်းကို ရည်ညွှန်း၍ ဆွိုင်ကန်က ထိုကဲ့သို့ မှတ်ချက်ပေးခဲ့ခြင်းဖြစ်သည်။

၂၀၀၃ ခုနှစ်တွင် ဂျာမနီ၏ ပြည်နယ် ၁၆ ခုမှ ၆ ပြည်နယ်က စာသင်ကျောင်းများရှိ မွတ်စလင်ဆရာမများ ဟီဂျဘ်ဝတ်ဆင်ခြင်းကို တားမြစ်ခဲ့သည်။ အဆိုပါတားမြစ်မှုကို နိုင်ငံတကာ လူ့အခွင့်အရေးအဖွဲ့များက ဝေဖန်ခဲ့ကြပြီး၊ မိမိတို့အခွင့်အရေး၏ အနှစ်သာရကို ချိုးဖောက်သောဥပဒေများဖြင့် ပစ်မှတ်ထားခြင်း ခံနေရသည်ဟု ခံစားနေရသော မွတ်စလင်အမျိုးသမီးများအား ခွဲခြားဆက်ဆံမှုအဖြစ် သတ်မှတ်ခဲ့သည်။

ထိုသို့ ဟီဂျဘ်ပိတ်ပင်မှုကို ပယ်ဖျက်ခြင်းနှင့်ပတ်သက်၍ တရားသူကြီးက “ဦးခေါင်းခြုံထည်၊ ဒါမှမဟုတ် ဘာသာရေးဆိုင်ရာအရ သတ်မှတ်ထားတဲ့ အခြားသောဝတ်စားဆင်ယင်မှုတွေအပေါ် အကျုံးဝင်တဲ့ ပိတ်ပင်ထားမှုဟာ ဘာသာရေးလွတ်လပ်ခွင့်ဆိုတဲ့ ဖွဲ့စည်းပုံအခြေခံဥပဒေက ပေးထားတဲ့ အခွင့်အရေးကို ချိုးဖောက်တာဖြစ်ပါတယ်” ဟု ပြောကြားခဲ့သည်။

ထို့ပြင် သိသာထင်ရှားသည့် အန္တရာယ် သို့မဟုတ် ကျောင်း၏ ငြိမ်းချမ်းရေးကို နှောက်ယှက်သည့် အခြေအနေမျိုးတွင်မှသာ ထိုအခွင့်အရေးကို ပိတ်ပင်နိုင်သည်ဟု ထပ်လောင်းပြောကြားခဲ့သည်။

အဆိုပါဆုံးဖြတ်ချက်မှာ နော့ရွိုင်း ၀က်စ်ဖာလီယာဒေသရှိ မွတ်စလင်ကျောင်းဆရာမနှစ်ဦး၏ ဦးတိုက်လျှောက်ထားမှုကို စုံးစမ်းစစ်ဆေးပြီးနောက် ထွက်ပေါ်လာခြင်းလည်း ဖြစ်သည်။ ထိုဆရာမနှစ်ဦးတွင် တစ်ဦးမှာ ဟီဂျဘ်ဝတ်ဆင်မှုကြောင့် အလုပ်မှ ထုတ်ပယ်ခံခဲ့ရပြီး အခြားတစ်ဦးမှာလည်း စာဖြင့် သတိပေးခြင်း ခံခဲ့ရသည်။

မွတ်စလင်ဆရာမများအား ဘာသာရေးသွန်သင်ချက်အတိုင်း ၀တ်စားဆင်ယင်ခြင်းကို ထိုကဲ့သို့ ပိတ်ပင်သော်လည်း ခရစ်ယာန်များနှင့် ဂျူးများကိုမူ ၎င်းတို့၏ ဘာသာရေး သွန်သင်မှုအတိုင်း ၀တ်စားဆင်ယင်ရန် နော့ရွိုင်း ၀က်စ်ဖာလီယာတွင် ခွင့်ပြုထားသည်။

ဟီဂျဘ်မှာ မွတ်စလင်အမျိုးသမီးများ မဖြစ်မနေ၀တ်ဆင်ရမည့် အရာအဖြစ် အစ္စလာမ်က ရှုမြင်သော်လည်း တစ်ဦးတစ်ယောက်၏ ဘာသာအယူ ယုံကြည်သက်ဝင်မှုကို ဖော်ပြသည့် ဘာသာရေးသင်္ကေတအဖြစ် သတ်မှတ်ထားခြင်းမျိုး မဟုတ်ပေ။

ဂျာမနီတွင် အစ္စလာမ်ဘာသာကို သက်ဝင်ယုံကြည်သူဦးရေမှာ ၄ သန်းခန့်ရှိပြီး မြို့တော်ဘာလင်တွင်ပင် ၂၂၀၀၀၀ ခန့် ရှိနေသည်။ များမကြာသေးမီကပင် ဂျာမနီတွင် မွတ်စလင်များအပေါ် ရန်လိုမှုများ ကြီးထွားလာခဲ့ပြီး Munster တက္ကသိုလ်၏ စစ်တမ်းကောက်ယူမှုများအရ ဂျာမနီမှာ အခြားသော ဥရောပနိုင်ငံများထက်ပို၍ မွတ်စလင်များပေါ် မကောင်းသည့်အမြင်များဖြင့် ရှုမြင်ကြသည်ဟု ဖော်ပြထားသည်။

Ref: Onislam