ဖေဖော်ဝါရီ ၁၇၊ ၂၀၁၅
M-Media
– အမေရိကန်ပြည်ထောင်စု တက္ကဆက်ပြည်နယ် ဟူစတန်မြို့ရှိ ဗလီဝတ်ကျောင်းတော်တစ်ခုပြီးခဲ့သည့်တစ်ပတ်က မီးလောင်မှုအတွက် သံသယရှိသူ အမျိုးသားတစ်ဦးကို ဖမ်းဆီးလိုက်သည်ဟု ဟူစတန် မီးသတ်အရာရှိများက ပြောကြားခဲ့သည်။
ဖမ်းဆီးရမိခဲ့သူမှာ အသက် ၅၅ နှစ်အရွယ် ဒါရိုင်း ဖာဂူဆန်ဆိုသူ အိမ်ယာမဲ့တစ်ဦးဖြစ်ပြီး သောကြောနေ့ နံနက်စောစောပိုင်းက ကူဗာ ဗလီဝတ်ကျောင်းတော် မီးလောင်မှုနှင့် ဆက်စပ်၍ ပထမအဆင့် မီးရှို့မှုစွဲချက်ဖြင့် တရားစွဲဆိုထားသည်။
တာဝန်ရှိသူများက ပြောကြားရာတွင် ဖာဂူန်အား အဆိုပါ ဗလီဝတ်ကျောင်းတော်အနီးတွင် စက်ဘီးစီးနေစဉ် မသင်္ကာသောကြောင့် ဖမ်းဆီးခဲ့ခြင်းဖြစ်ပြီး ရဲစခန်း၌ မီးရှို့ကြောင်း ၀န်ခံခဲ့သည်ဟု ဆိုသည်။ အဆိုပါအစ္စလာမ့်စင်တာမှ ရှေ့ဆောင်အီမာမ်၏ သားဖြစ်သူ အဟ်ဆန် ဇာဟစ်ဒ်ကမူ ထိုကဲ့သို့ ဖမ်းဆီးနိုင်ခဲ့ခြင်းက မိမိတို့ပတ်ဝန်းကျင်အတွက် ပိုမိုလုံခြုံသွားစေခဲ့သည်ဟု ပြောကြားခဲ့သည်။
ဖာဂူဆန်မှာ တက္ကဆက်ပြည်နယ်အတွင်း ရာဇ၀တ်မှုများဖြင့် အကြိမ်ပေါင်းများစွာ ဖမ်းဆီးခံခဲ့ရပြီး ဖောက်ထွင်းမှု၊ မူးယစ်ဆေးဝါးပိုင်ဆိုင်မှု၊ ပိုင်နက်ကျူးလွန်မှု၊ လက်ရောက်မှုနှင့် ပြည့်တန်ဆာမှုတို့ဖြင့် တရားစွဲဆိုခြင်း ခံခဲ့ရသူဖြစ်သည်။ မီးရှို့ခဲ့သည့် နောက်ခံအကြောင်းအရင်းကိုမူ စုံစမ်းစစ်ဆေးသူများက ထုတ်ဖော်ပြာဆိုခြင်းမရှိခဲ့ပေ။
“ကျွန်တော့်အဖေကတော့ အဲဒီသူကို ဗလီဝတ်ကျောင်းတော်နားမှာ တွေ့ရလေ့ရှိတယ်လို့ ဆိုပါတယ်။ ဘာပဲဖြစ်ဖြစ်ကျွန်တော်တို့ ခွင့်လွှတ်ပါတယ်။ ဒါကို ကျွန်တော်တို့မေ့လိုက်ပါပြီ။ သူ ကျွန်တော်တို့ဆီကိုလာတွေ့ပြီး ဒီလိုပြစ်မှုမျိုး ကျူးလွန်ရလောက်အောင် ကျွန်တော်တို့နဲ့ ပတ်သက်လို့ ဘာတွေအထင်မှားအမြင်မှားရှိနေသလဲဆိုတာ ကျွန်တော်တို့ကို ပြောပြစေချင်ပါတယ်” ဟု ဇာဟစ်ဒ်က ထပ်လောင်းပြောကြားခဲ့သည်။
မီးလောင်မှုကြောင့် ဗလီဝတ်ကျောင်းတော်၏ အစိတ်ပိုင်းအများအပြား ပျက်ဆီးသွားခဲ့သော်လည်း ၀တ်ပြုမှုများကိုမူ ဆက်လက်ပြုလုပ်လျက်ရှိနေသည်။
Ref: abc13,m.chron
