သြဂုတ် ၄ ၊ ၂၀၁၄
M-Media
.ဆွေမွန် ရေးသည်။
အီဘိုလာဗိုင်းရပ်စ်ဟာ အာဖရိကမှာ အကြီးအကျယ်ပျံ့ပွားနေပြီး ကမ္ဘာအနှံ့ကို ထိန်းမနိုင် သိမ်းမရကူးစက်တော့မယ်လို့ လူအများက စိုးရိမ်ပူပန်နေကြပါပြီ။
ကျွန်တော်ဟာ ဆေးပညာရှင်တစ်ဦးမဟုတ်တဲ့အတွက် အခုရေးမယ့်ထဲမှာ အီဘိုလာဗိုင်းရပ်စ်အမျိုးအစားတွေ၊ စဖြစ်ရတဲ့ အကြောင်းရင်းတွေကို စောင်းပေးဖော်ပြမှာ မဟုတ်ဘဲ အများသိလိုတဲ့ (လိုရင်းအချက် အခြေခံဗဟု သုတလောက် ကိုသာ) ရေးသားတင်ပြသွားမှာ ဖြစ်ပါတယ်။
(၁) ကူးစက်နိုင်ပုံ
=========
အီဘိုလာဗိုင်းရပ်စ်ဟာ ရောဂါကူးစက်ခံထားရတဲ့ လူနာရဲ့ အနာကထွက်တဲ့ အချွဲအကျိတွေ၊ အရေပြားအပိုင်းအစတွေ၊ သွေးတွေ၊ စွန့်ထုတ်ပစ္စည်းတွေဖြစ်တဲ့ ချွေး၊ ကျင်ငယ်၊ မစင်တွေ၊ အင်္ဂါအစိတ်အပိုင်းတွေကို အကာအကွယ်မဲ့ တိုက်ရိုက်ကိုင်တွယ်ခြင်းကတဆင့် ကူးစက်နိုင်သလို ဒီလို အီဘိုလာဗိုင်းရပ်စ်ပါတဲ့အရည်တွေ ထိစွန်းနေတဲ့ အ၀တ်အစားတွေ၊ အသုံးအဆောင်တွေကို တဆင့်ခံကိုင်တွယ်မိတာကလည်း ကူးစက်နိုင်ပါသေးတယ်။
အီဘိုလာဗိုင်းရပ်စ်ကြောင့် သေဆုံးသွားသူတွေကို ၀မ်းနည်းပူဆွေးနေတဲ့မိသားစုတွေက ဖက်ရမ်းနှုတ်ဆက်ကြတဲ့ ဓလေ့ကြောင့်လည်း ရောဂါ ကူးစက်မှု ဖြစ်နိုင်ပါသေးတယ်။ တကယ်လို့ ရောဂါသည်တစ်ဦးဟာ အီဘိုလာဗိုင်းရပ်စ် ကူးစက်ခံရမှု ကနေ ပြန်ကောင်းလာ ခဲ့ရင်တောင် သူ့ရဲ့ သုက်ပိုးထဲမှာ အီဘိုလာဗိုင်းရပ်စ်ဟာ ၇ ပတ်ထိ အသက်ရှင်နေနိုင်ကာ အခြားသူကို ကူးစက်စေနိုင်ပါသေးတယ်။
ကျန်းမာရေးလုပ်သားတွေရဲ့ ရော၈ါကူးစက်ခံရမှုက လူနာတွေကို အနီးကပ်ထိတွေ့ပြုစုကြရာကနေ ကူးစက်ခံရတာ ဖြစ်ပါတယ်။ သေချာ တင်းကျပ်တဲ့ လိုက်နာရမယ့် ကျန်းမာရေးဆိုင်ရာ စည်းကမ်းချက်တွေကို လျော့လျော့ရဲရဲ လိုက်နာလုပ်ဆောင်ကြတဲ့ အတွက်လည်း ရောဂါကူးစက်ခံရမှု ပိုမိုဆိုးဝါးလာတာ ဖြစ်ပါတယ်။
(၂) ရောဂါလက္ခဏာ
===========
ရောဂါပိုး ကူးစက်ခံရပြီး ယေဘုယျအားဖြင့် ၂ ၇က်ကနေ ၂၁ ၇က်အတွင်း ( အများအားဖြင့် ၈ ၇က်က ၁၀ ၇က်အတွင်း) ရောဂါ လက္ခဏာစပေါ်ပါတယ်။ ရောဂါ လက္ခဏာဟာ သာမန် တုပ်ကွေးဖြစ်တာ၊ ၀မ်းသွားတာ၊ အူရောင်ငန်းဖျားဖြစ်တာ၊ ငှက်ဖျားရောဂါ လက္ခဏာတွေနဲ့ ဆင်တူမှားယွင်းနိုင်ပါတယ်။
ပင်မရောဂါလက္ခဏာတွေထဲမှာ ဖျားမယ်၊ ခေါင်းကိုက်မယ်၊ အဆစ်အမြစ် ကြွက်သားတွေကိုက်ခဲနာကျင်မယ်၊ ရုတ်တရက်ကြီးကို အားနည်းသွားမယ်၊ ၀မ်းပျက်ဝမ်းလျှောမယ်၊ အန်မယ်၊ ဗိုက်နာမယ်၊ ခံတွင်းပျက်မယ်၊ စတဲ့လက္ခဏာတွေနောက်မှာ အင်ပြင်ကွက်တွေ ထွက်မယ်၊ ကျောက်ကပ်နဲ့ အသည်းလုပ်ဆောင်ချက်တွေ ပျက်စီးမယ်၊ နောက်ဆုံးအဆင့် ကိုယ်တွင်းကိုယ်ပြင်သွေးထွက်တာတွေထိ ရှိလာပါမယ်။ သွေးယိုစီးကျတာတွေဟာ မျက်လုံး၊ နှာခေါင်း၊ နားရွက်၊ ပါးစပ်နဲ့ စအိုတွေက သွေးယိုစီးကျတာတွေ ဖြစ်လာပါမယ်။ ဒါဟာနောက်ဆုံး အဆင့်ပါ။
အီဘိုလာဗိုင်းရပ်စ်ပိုးဟာ ခန္ဓာကိုယ်ရဲ့ အစိတ်အပိုင်းတိုင်းမှာ ရှိနေနိုင်ပါတယ်။ အီဘိုလာဗိုင်းရပ်စ်ပိုးဟာ ရောဂါသည်တစ်ဦးကနေ သီးသန့်ဖယ်ထုတ်တားတဲ့ သုက်ပိုးထဲမှာ ၆၁ ရက်တိုင်အောင် အသက်ရှင်နိုင်တဲ့ မဟာစွမ်းအားရှင်ပိုးဖြစ်ပါတယ်။
(၃) ရောဂါဖြစ်ပွားနေစဉ်
=============
DAY 7 -9
အီဘိုလာဗိုင်းရပ်စ်ပိုး ကူးစက်ခံရပြီး ၇ ရက်ကနေ ၉ ၇က်အတွင်း ခေါင်းကိုက်ပါမယ်၊ အားကုန်မောပန်းပါမယ်၊ ကြွက်သားတွေ နာကျင်နေပါမယ်။
DAY 10
အီဘိုလာဗိုင်းရပ်စ်ပိုး ကူးစက်ခံရပြီး ၁၀ ၇က်မှာ ရုတ်တရက် အပြင်းဖျားတတ်ပါတယ်။
DAY 11
အီဘိုလာဗိုင်းရပ်စ်ပိုး ကူးစက်ခံရပြီး ၁၁ ၇က်မှာ လူနာ အားလုံးဝမရှိ ဖြစ်တတ်ပါတယ်။ ဦးနှောက် ထိခိုက်တတ်ပါတယ်။ မျက်လုံး၊ နှာခေါင်း၊ နားရွက်၊ ပါးစပ်နဲ့ စအိုတွေက သွေးယိုစီးကျလာပါမယ်။
DAY 12
အီဘိုလာဗိုင်းရပ်စ်ပိုး ကူးစက်ခံရပြီး ၁၂ ၇က်မှာ သတိလစ်သွားပါမယ်။ ခန္ဓာကိုယ် တွင်းပိုင်းမှာ ပြင်းပြင်း ထန်ထန် သွေးယိုစီးမှုတွေဖြစ်ပြီး သေဆုံးပါတယ်။
(၄) ကာကွယ်ဆေး နဲ့ ကုသမှု
================
အီဘိုလာဗိုင်းရပ်စ်ပိုးကို ကာကွယ်နိုင်တဲ့ ကာကွယ်ဆေး မရှိသေးပါ။ ကာကွယ်ဆေးထုတ်လုပ်ဖို့ ကြိုးစားနေကြဆဲဖြစ်ပါတယ်။
ကုသဖို့ကတော့ ၀မ်းပျက်ဝမ်းလျှောဖြစ်တဲ့အတွက် ရေဓာတ်ခမ်းခြောက်မှုအတွက် သာမန်ဓာတ်ဆားတိုက်တာ၊ အကြောဆေးသွင်းပေးတာ၊ အပူကြီးရင် အဖျားကျဆေးပေးတာလောက်ပဲ လုပ်ပေးနိုင်ပါသေးတယ်။
အီဘိုလာဗိုင်းရပ်စ်ပိုးကို တိုက်ရိုက်သတ်နိုင်တဲ့ ကုထုံး မပေါ်သေးပါ။ ကုထုံးအသစ်တွေကို ကြိုးစားရှာဖွေနေကြဆဲဖြစ်ပါတယ်။
(၅) ကြိုတင်ကာကွယ်နိုင်သလား
==================
အီဘိုလာဗိုင်းရပ်စ်ပိုးကူးစက်ပြီလို့ သံသယရှိတာနဲ့ ကူးစက်ခံရတဲ့ တိရိစ္ဆာန် ဒါမှမဟုတ် လူကို သီးသန့်ခွဲထုတ်ရပါမယ်။ တိရိစ္ဆာန်သေကျေပြီ ဆိုရင် တွင်းနက်နက်တူးမြေမြုတ်တာ ဒါမှမဟုတ် အသေကောင်ကို မီးရှို့တာက တိရိစ္ဆာန်ကနေ လူကို ကူးစက်တာကို လျှော့ချနိုင်ပါတယ်။
အီဘိုလာဗိုင်းရပ်စ်ပိုးကို ကုသကာကွယ်နိုင်တဲ့ ကုထုံး မရှိသေးတဲ့အတွက် လုံလောက်တဲ့ ကျန်းမာရေးဗဟုသုတရှိခြင်းကသာ ရောဂါကူးစက်ခြင်းကို အတိုင်းအတာတစ်ခုအထိ လျော့ကျနိုင်မှာ ဖြစ်ကြောင်း တင်ပြလိုက်ပါတယ်။
ကမ္ဘာသူ ကမ္ဘာသားအားလုံး ဘေးရန်ကင်းရှင်းကြပါစေ။
Ref : http://www.who.int/mediacentre/factsheets/fs103/en/
http://www.health24.com/Medical/infectious-diseases/Ebola/Signs-and-symptoms-of-Ebola-20140729
ဆွေမွန်
၎ သြဂုတ် ၂၀၁၄
