ဇူလိုင် ၃၀ ၊ ၂၀၁၄
M-Media
စုစည်းတင်ဆက်သူ- daythanix
LHC ထက်ကြီးတဲ့ အမှုန် အရှိန်ပေးစက် တရုတ်နိုင်ငံတည်ဆောက်မည်
တရုတ်နိုင်ငံ Institute of High Energy Physics (IHEP) က သိပ္ပံပညာရှင်တွေဟာ နိုင်ငံတကာ ပညာရှင်တွေနဲ့ ပူးတွဲပြီး CERNရဲ့ LHC (Large Hadron Collider) ထက် ကြီးတဲ့ အမှုန် အရှိန်ပေးစက်ကို တည်ဆောက်ဖို့ စီစဉ်နေပါတယ်။
LHC ရဲ့ အရှိန်ပေးစက် ဥမင်လှိုဏ်ခေါင်း ပါတ်လမ်းက အချင်း ၂၇ကီလိုမီတာ ရှိပါတယ်။ အခု တရုတ်နိုင်ငံမှာ တည်ဆောက်မယ့် အရွယ်က ၅၂ ကီလိုမီတာ ရှိတဲ့အတွက် အီလက်ထရွန်တွေနဲ့ ပိုစစ်ထရွန် တွေကို တိုက်ခိုက်စေပြီး Higgs boson ကို ပိုပြီးတိတိကျကျ လေ့လာနိုင်မှာ ဖြစ်ပါတယ်။
ကုန်ကျစရိတ် အမေရိကန်ဒေါ်လာသန်း ၃၀၀၀ ကုန်ကျဖို့ ခန့်မှန်းထားပါတယ်။ ဒီ အမှုန် အရှိန်ပေးစက်မှာ ပရိုတွန် နဲ့ ပရိုတွန် တိုက်ခိုက်တဲ့ စမ်းသပ်မှုကိုလည်း လုပ်ဆောင်နိုင်မှာ ဖြစ်ပါတယ်။
Apple ကထုတ်လုပ်မယ့် iTime
==================
အခုလို smart နာရီတွေကို Sony, Samsung, Google, LG, စတဲ့ကုမ္ပဏီ တွေက အပြိုင်အဆိုင် ထုတ်လုပ်ကြချိန်မှာ Apple ကလည်း iWatch လုပ်လုပ်မယ်၊
ဘယ်လိုဒီဇိုင်မျိုး ဖြစ်နိုင်တယ် စသည်ဖြင့် ခန့်မှန်းနေကြချိန်မှာ အမေရိကန် မူပိုင်ခွင့် မှတ်ပုံတင် ရုံးက Apple ကထုတ်လုပ်မယ့် iTime လို့အမည်ပေးထားတဲ့ နာရီပုံစံတစ်ခုကို အတည်ပြုပေးလိုက်ပါတယ်။
နာရီပုံစံကတော့ Neptune pine လို လက်ပါတ်ကြိုးကနေ ဖြုတ်လို့ တပ်လို့ရတဲ့ ပုံစံမျိုး ဖြစ်ပါတယ်။
—————————————–
ဖေါက်ခွဲရေးပစ္စည်းတွေကို ရှာဖွေမယ့်ကိရိယာ အသစ်
ကယ်လီဖိုးနီးယား Berkeley တက္ကသိုလ်က သုတေသီ Xiang Zhang နဲ့ အဖွဲ့ဟာ သာမန် လက်နက်ရှာဖွေရေး ကိရိယာတွေထက် အဆများစွာကောင်းမွန်တဲ့ ဖေါက်ခွဲရေး ဓါတုပစ္စည်းတွေကို အာရုံခံနိုင်တဲ့ ကိရိယာကို စမ်းသပ်တီထွင်နိုင်ခဲ့ပါတယ်။
TNT နဲ့ dinitrotoluene လိုမျိုး နိုက်ထရို ဓါတ်ပေါင်းတွေဟာ အီလက်ထရွန် မပြည့်စုံမှုကြောင်း တည်ငြိမ်မှုမရှိတဲ့ အချက်ကို အခြေပြုပြီး cadmium sulfide− silver− magnesium fluoride တွဲစပ်ထားတဲ့ တပိုင်းလျှပ်ကူး အာရုံခံ အစိတ်အပိုင်းနဲ့ လေဆာ အရုံခံ အစိတ်အပိုင်းတို့ နဲ့ တည်ဆောက်ထားပါတယ်။
