သြဂုတ် ၄၊ ၂၀၁၄
M-Media
– ယမန်နေ့က တရုတ်နိုင်ငံ ယူနန်ပြည်နယ်တွင် လှုပ်ခတ်ခဲ့သည့် အင်အားပြင်း ငလျင်ကြောင့် ပိတ်မိနေသူများအား ကယ်ဆယ်ရေးလုပ်ငန်းများတွင် အခက်အခဲများနှင့် ရင်ဆိုင်နေရသည်ဟု သိရသည်။
အင်အား ၆.၁ မဂ္ဂနီကျုရှိသည့် အဆိုပါ ငလျင်ကြောင့် သေဆုံးသူများမှာ ၃၉၈ ဦးရှိလာခဲ့ပြီဖြစ်ပြီး အပျက်အဆီးများအကြားတွင် ပိတ်မိသေဆုံးနေသည့် အလောင်းများလည်း ရှိနေသည်။ အိမ်ခြေ ၈ သောင်းနီးပါးလည်း ပြိုကျပျက်ဆီးခဲ့ကာ ၁၂၄၀၀၀ ကျော်မှာ ဆိုးဆိုးရွားရွား ပျက်ဆီးခဲ့သည်။
အရေးပေါ် ကယ်ဆယ်ရေးလုပ်သား ၁၈၀၀၀၊ ရဲတပ်ဖွဲ့နှင့် မီးသတ်တပ်ဖွဲ့ဝင် ၁၁၀၀၀၊ စစ်သား ၇၀၀၀ တို့မှာ ကယ်ဆယ်ရေးလုပ်ငန်းများကို လုပ်ဆောင်နေကာ ပြိုကျသော အဆောက်အဦးများဖြင့် လမ်းများပိတ်ဆို့နေသောကြောင့် ကယ်ဆယ်ရေးလုပ်ငန်းများ နှောင့်နှေးကြန့်ကြာနေရသည်။
အဆိုပါ ဒေသတွင် ၁၉၇၄ ခုနှစ်က လှုပ်ခတ်ခဲ့သော ၆.၈ မဂ္ဂနီကျု ငလျင်ကြောင့် လူပေါင်း ၁၅၀၀ ကျော်သေဆုံးခဲ့ပြီး၊ ၂၀၀၈ ခုနှစ် မေလတွင် ယူနန်ပြည်နယ်တွင် ကပ်လျင်တွင် တည်ရှိသည့် စီချွမ်ပြည်နယ်တွင် ၈.၀ မဂ္ဂနီကျု အင်အားရှိ ငလျင်ကြောင့် လူပေါင်း ၈၀၀၀၀ ကျော် သေဆုံးခဲ့ရသည်။
Leave a Reply
You must be logged in to post a comment.