သြဂုတ် ၇၊ ၂၀၁၉
M-Media
-ကက်ရ်ှမီးယားဒေသမှာ ကိုယ်ပိုင်အုပ်ချုပ်ခွင့် ရုပ်သိမ်းပြီး၊ ကာဖျူးထုတ်ပြန်ထားတဲ့ အိန္ဒိယရဲ့ လုပ်ရပ်အပေါ် နိုင်ငံတကာက စိုးရိမ်ကြောင်း ပြောကြားခဲ့ကြပြီး၊ အရင်ကတည်းက တင်းမာနေတဲ့
အခြေအနေကို ပိုမို ဆိုးရွားသွားစေနိုင်တယ်လို့ သတိပေးမှုတွေလည်း ရှိလာပါတယ်။
လူမျိုးစုဒေသဖြစ်ပြီး ၁၉၄၇ ခုနှစ် လွတ်လပ်ရေးရတဲ့အချိန် အိန္ဒိယနိုင်ငံထဲကို ပါလာခဲ့တဲ့ ကက်ရ်ှမီးယားဒေသကို အိန္ဒိယအခြေခံဥပဒေ ‘ပုဒ်မ ၃၇၀’ နဲ့ ကိုယ်ပိုင်အုပ်ချုပ်ခွင့် ပေးထားတာ ဖြစ်ပါတယ်။
ပြည့်ဝတဲ့ကိုယ်ပိုင်အုပ်ချုပ်ခွင့်မျိုးမဟုတ်ပေမယ့် ကာကွယ်ရေး၊ ဘဏ္ဍာရေး၊ နိုင်ငံခြားရေးနဲ့
ဆက်သွယ်ရေးတွေကလွဲရင် ကျန်တဲ့ကိစ္စတွေအားလုံးကို ဗဟိုအစိုးရရဲ့ ချုပ်ကိုင်မှုမပါဘဲ ဒေသအစိုးရက စီမံ ဆောင်ရွက်နိုင်ပါတယ်။
တနင်္လာနေ့မှာတော့ ပုဒ် ၃၇၀ ကို ဖျက်သိမ်းကြောင်း အိန္ဒိယသမ္မတက ကြေငြာချက်တစ်ခု ထုတ်ပြန်ခဲ့ပြီး၊ တပ်တွေ ထပ်ထိုးချထားတာ၊ တစ်ချို့ဒေသတွေမှာ ညမထွက်ရအမိန့်ထုတ်ပြန်တာ၊ ဒေသတွင်းက နိုင်ငံရေးခေါင်းဆောင်တွေကို ဖမ်းဆီးတာ၊ ဆက်သွယ်ရေး ပိတ်ပင်တာတွေကို လုပ်ဆောင်ခဲ့ပါတယ်။
အိန္ဒိယ လွှတ်တော်ကလည်း ကက်ရ်ှမီးယားဒေသကို ၂ ပိုင်းခွဲကာ ဗဟိုအစိုးရရဲ့ တိုက်ရိုက်ချုပ်ကိုင်မှုအောက်မှာ ထားရှိဖို့ ဆောင်ရွက်လာပါတယ်။
ကက်ရ်ှမီးယားဒေသဟာ ခွဲထွက်ရေးလိုလားတဲ့ သူပုန်အုပ်စုနဲ့ ဗဟိုအစိုးရတို့အကြား ၁၀ စုနှစ်ချီ တိုက်ခိုက်မှုတွေ ရှိနေတဲ့ ဒေသဖြစ်ပြီး အိန္ဒိယအစိုးရဲ့ အခုလိုဆောင်ရွက်မှုက အရင်ကတည်းက ရှိနေတဲ့ တင်းမာမှုတွေကို ပိုမိုဆိုးရွားစေလိမ့်မယ်လို့ သတိပေးမှုတွေ ရှိနေပါတယ်။
ပါကစ္စတန်က တုန့်ပြန်မည်
ပါကစ္စတန်ဝန်ကြီးချုပ် အင်မရန်းခန်းက အိန္ဒိယရဲ့ ဒီလုပ်ရပ်ကို တုန့်ပြန်သွားမယ်လို့ မနေ့က လုံခြုံရေးကောင်စီ အစည်းအဝေးမှာ ပြောကြားခဲ့ပြီး နိုင်ငံတကာ အသိုင်းအဝိုင်းအနေနဲ့ ကြားဝင်ဆောင်ရွက်ဖို့လည်း ပန်ကြားခဲ့ပါတယ်။
အိန္ဒိယနဲ့ ပါကစ္စတန်တို့ဟာ ကက်ရ်ှမီးဒယားဒေသကို ပိုင်ဆိုင်ရေးအတွက် ၂ ကြိမ်တိုင်တိုင် စစ်ဖြစ်ခဲ့ပြီး လက်ရှိမှာ တစ်ဝက်စီကို ထိန်းချုပ်ထားပါတယ်။ နှစ်နိုင်ငံစလုံးက ကက်ရ်ှမီးယားဒေသကို သူတို့ ပိုင်ဆိုင်တယ်လို့ အခိုင်အမာ ပြောကြားထားကြပါတယ်။
ခန်းက အိန္ဒိယရဲ့ လုပ်ရပ်ကြောင့် ကက်ရ်ှမီးယားမှာ ပိုမိုဆိုးဝါးတဲ့ အခြေအနေတွေ ဖြစ်လာမယ်လို့ သတိပေးခဲ့ပြီး နိုင်ငံတကာ ရာဇ၀တ်ခုံရုံးအပါအ၀င် ကမ္ဘ္ဘာ့အသင်းအဖွဲ့တိုင်း၊ အခမ်းအနားတိုင်းမှာ ဒီကိစ္စကို တင်သွင်းသွားမယ်လို့ဆိုပါတယ်။
ပါကစ္စတန်စစ်တပ် အကြီးအကဲ ဗိုလ်ချုပ် ကမာ ဂျာဝိဒ် ဘဂ်ျဝါက ထိပ်တန်းတပ်မှူးတွေကို ခေါ်ယူကာ အရေးပေါ်အစည်းအဝေးတစ်ခု ကျင်းပခဲ့ပြီး ကက်ရ်ှမီးယားအရေးကို မနေ့က ဆွေးနွေးခဲ့ပါတယ်။ ကက်ရ်ှမီးယားပြည်သူတွေရဲ့ ဆန္ဒဖက်မှာ ပါကစ္စတန်စစ်တပ်က ရပ်တည်သွားမှာဖြစ်ပြီး ဒီရပ်တည်ချက် ဆက်လက်တည်တံ့စေဖို့ ဘယ်လိုနည်းလမ်းနဲ့မဆို လုပ်ဆောင်သွားမယ်လို့ ပြောကြားခဲ့ပါတယ်။
ကမ္ဘ္ဘာကစိုးရိမ်
ကက်ရ်ှမီးယားရဲ့ လက်ရှိအနေအထားကို တစ်ဖက်သက် ပြောင်းလဲမှုနဲ့ ဗုဒ္ဓဘာသာဝင်အများစုရှိရာ လာဒက်ဒေသကို ဗဟိုအစိုးရရဲ့ တိုက်ရိုက်ချုပ်ကိုင်မှုအောက် ထားရှိရေး ဆောင်ရွက်မှုတွေကို ရှုတ်ချကြောင်း တရုတ် နိုင်ငံခြားရေးဝန်ကြီးဌာနက မနေ့မှာ ထုတ်ပြန်ခဲ့ပါတယ်။
အိန္ဒိယ၊ ပါကစ္စတန်တို့အနေနဲ့ အငြင်းပွားမှုတွေကို တွေ့ဆုံဆွေးနွေးမှုတွေကနေ တစ်ဆင့်သာ
ဖြေရှင်းဖို့၊ ဒေသ တည်ငြိမ်ရေးကို အလေးထားဖို့ နိုင်ငံခြားရေးဝန်ကြီးဌာနရဲ့ ပြောရေးဆိုခွင့်ရှိသူ ဟွာချွန်ယင်းက တိုက်တွန်းခဲ့ပါတယ်။
မိမိတို့ရဲ့ ပြည်တွင်းရေးကို ၀င်ရောက်စွက်ဖက်ခြင်း မပြုဖို့ အိန္ဒိယက တရုတ်ကို ချက်ခြင်း ပြန်လည် သတိပေးခဲ့ပါတယ်။
တရုတ်နဲ့ အိန္ဒိယတို့အကြားမှာလည်း ကက်ရ်ှမီးယားကိစ္စနဲ့ပတ်သက်ပြီး အငြင်းပွားမှု ရှိနေပါတယ်။ နိုင်ငံအနေမြောက်ပိုင်းက မြေပိုင်နက် ၃၈၀၀၀ စကွဲယားကီလိုမီတာကို တရုတ်က ရားမ၀င် သိမ်းပိုက်ထားတယ်လို့ အိန္ဒိယက စွပ်စွဲထားပြီး တရုတ်ကတော့ စကွဲယားကီလိုမီတာ ၉၀၀၀၀ လောက်ဟာ မိမိတို့ပိုင်နက်ဖြစ်တယ်လို့ ဆိုပါတယ်။
ကုလ အထွေထွေအတွင်းရေးမှူး အန်တိုနီယို ဂူတာရက်စ်က ကက်ရ်ှမီးယားကိစ္စမှာ ပါဝင်ပတ်သက်သူတွေအားလုံး ထိန်းထိန်းသိမ်းသိမ်း လုပ်ကြဖို့ တနင်္လာနေ့မှာ တိုက်တွန်းခဲ့ပါတယ်။
ဥရောပသမဂ္ဂကလည်း မိမိတို့အနေနဲ့ ဒီကိစ္စကို အနီးကပ် စောင့်ကြည့်နေပြီး ဒေသတွင်းမှာ တင်းမာမှုတွေ မဖြစ်အောင် ရှောင်ရှားဖို့ တိုက်တွန်းကြောင်း ပြောကြားခဲ့ပါတယ်။
Ref: Aljazeera
