ဇူလိုင် ၁၆၊ ၂၀၁၉
M-Media
-ရုရှားထံကနေ ၀ယ်ယူထားတဲ့ S-400 ဒုံးခွင်းစနစ်ဟာ ၂၀၂၀ ခုနှစ် ဧပြီလမှာ သုံးစွဲဖို့ အဆင်သင့်ဖြစ်မှာဖြစ်ပြီး တူရကီရဲ့ နောက်ထပ်ရည်မှန်းချက်တစ်ခုက S-400 စနစ်ကို ရုရှားနဲ့ ပူးပေါင်းထုတ်လုပ်သွားဖို့ ဖြစ်တယ်လို့ သမ္မတအာဒိုဂန်က ပြောကြားလိုက်ပါတယ်။
တူရကီက ၀ယ်ယူထားတဲ့ S-400 ပထမအသုတ်ကို ရုရှားက လေယာဉ် ၉ စီးနဲ့ တနင်္လာနေ့မှာ ပို့ဆောင်ပေးခဲ့ပါတယ်။
“၀ယ်လို့မရဘူးလို့ တစ်ချို့တိုင်းပြည်တွေက ပြောပေမယ့် S-400 တွေကို ကျွန်တော်တို့ စတင် ရရှိနေပါပြီ။ ဘုရားသခင်အလိုတော်နဲ့ ၂၀၂၀ ခုနှစ် ဧပြီလလောက်မှာ ဒီဒုံးခွင်းစနစ်တွေကို တပ်ဆင်သွားမှာပါ။ ကျွန်တော်တို့ တိုင်းပြည်ကို တိုက်ခိုက်ချင်တဲ့သူတွေကို ကာကွယ်ဖို့အတွက် S-400 က အကောင်းဆုံး စနစ် ဖြစ်ပါတယ်။ ရုရှားနဲ့ ပူးပေါင်းထုတ်လုပ်သွားဖို့လည်း ရည်ရွယ်ထားပါတယ်” လို့ မအောင်မြင်တဲ့ စစ်အာဏာသိမ်းမှု ၃ နှစ်ပြည့်အဖြစ် မနေ့ကပြုလုပ်တဲ့ အခမ်းအနားမှာ
အာဒိုဂန်က ပြောကြားခဲ့ပါတယ်။
အမေရိကန်ကတော့ တူရကီရဲ့ ၀ယ်ယူမှုကို ပြင်းပြင်းထန်ထန် ကန့်ကွက်ထားပြီး F-35 တိုက်လေယာဉ် ရောင်းချမယ့်အစီအစဉ်၊ လေယာဉ်မှူးတွေ လေ့ကျင့်ပေးတဲ့အစီအစဉ်၊ တူရကီနဲ့ ပူးပေါင်းထုတ်လုပ်သွားမယ့်အစီအစဉ်တွေကို ရပ်ဆိုင်းထားပါတယ်။ ဒါ့အပြင် တူရကီအပေါ် ပိတ်ဆို့မှုတွေ လုပ်ဆောင်သွားမယ်လို့လည်း အမေရိကန်က ခြိမ်းခြောက်ထားပါတယ်။
တူရကီဟာ S-400 ကို ဘယ်အချိန်၊ ဘယ်နေရာတွေမှာ ချထားမလဲဆိုတာ တိတိကျကျ မသိရသေးပေမယ့် နေတိုးအဖွဲ့ဝင်နိုင်ငံတွေထဲမှာ ရုရှားဒုံးခွင်းစနစ်ကို အသုံးပြုတဲ့ ပထမဆုံးနိုင်ငံ ဖြစ်လာမှာ ဖြစ်ပါတယ်။
S-400 ဒုံးခွင်းစနစ်ကို လက်ရှိ အကောင်းဆုံး လေကြောင်းရန်ကာကွယ်ရေးစနစ်လို့ ကျွမ်းကျင်သူတွေက သတ်မှတ်ထားပါတယ်။ ဒီစနစ်ဟာ အချင်း ကီလိုမီတာ ၄၀၀ အမြင့် ၂၇ ကီလိုမီတာမှာရှိတဲ့ ပစ်မှတ် ၃၆ ခုကို တစ်ပြိုင်နက်တည်း ပစ်ခတ်နိုင်စွမ်း ရှိပါတယ်။ အမေရိကန်ကတော့ ဒီစနစ်ဟာ နေတိုးအဖွဲ့ ကာကွယ်ရေးစနစ်တွေနဲ့ အပ်စပ်မှာမဟုတ်ဘဲ F-35 တိုက်လေယာဉ်အတွက် ခြိမ်းခြောက်မှုတစ်ခုအဖြစ် မှတ်ယူထားပါတယ်။
Ref: Aljazeera
