မေ ၁၊ ၂၀၁၈
M-Media
– ကလေးငယ်တွေအပေါ် အဓမ္မကျင့်မှုအတွက် လျင်လျင်မြန်မြန်စစ်ဆေး အပြစ်ပေးနိုင်မယ့် အထူးခုံရုံးတွေ ဖွဲ့စည်းဖို့ အိန္ဒိယတရားရုံးချုပ်က ဒီကနေ့မှာ တိုက်တွန်းလိုက်ပြီး နိုင်ငံအတွင်း ဆိုးရွားတဲ့ လိင်ပိုင်းဆိုင်ရာ ရာဇ၀တ်မှုတွေ မြင့်တက်လာမှုကို တားဆီးဖို့ ရည်ရွယ်တာ ဖြစ်ပါတယ်။
ကက်ရ်ှမီးယားက အသက် ၈ နှစ်အရွယ် မွတ်စလင်မိန်းကလေးငယ်တစ်ဦးကို ဟိန္ဒူတစ်စုက ပြန်ပေးဆွဲပြီး အုပ်စုဖွဲ့အဓမ္မကျင့် သတ်ဖြတ်ခဲ့မှုအပါအ၀င် ပြီးခဲ့တဲ့တဲ့သီတင်းပတ်တွေအတွင်း ကလေးငယ်တွေ အဓမ္မကျင့်ခံရမှု ခပ်စိပ်စိပ် ဖြစ်ခဲ့တာကြောင့် အစိုးရအာဏာပိုင်တွေအပေါ် ဖိအားတွေ မြင့်မားနေတဲ့အချိန် တရားရုံးချုပ်ရဲ့ ဒီတိုက်တွန်းမှု ပေါ်ထွက်လာတာပါ။
ကျူးလွန်သူတွေထဲမှာ အာဏာရ ဟိန္ဒူအမျိုးသားရေးပါတီ BJP က တာဝန်ရှိသူတွေ ပါဝင်ခဲ့သလို၊ ရဲတွေ၊ အစိုးရတာဝန်ရှိသူတွေနဲ့ ဟိန္ဒူအစွန်းရောက်တွေဟာ မုဒိမ်းကောင်တွေကို ကာကွယ်ပေးခဲ့တယ်လို့ သတင်းတွေထွက်ခဲ့တာကြောင့် အိန္ဒိယပြည်သူတွေဟာ အခုလအစောပိုင်းမှာ နိုင်ငံတစ်ဝှမ်း ဆန္ဒပြမှုတွေ ပြုလုပ်ခဲ့ပါတယ်။
တရားရုံးချုပ်ရဲ့ ဒီကနေ့ကြားနာမှုမှာ တရားသူကြီးချုပ် ဒီပက် မစ္စရာက ဒီအမှုတွေကို စစ်ဆေးရာမှာ မလိုအပ်ဘဲ ရွှေ့ဆိုင်းတာမလုပ်ဖို့၊ ပြည်နယ်ရဲတပ်ဖွဲ့အကြီးအကဲတွေက ဒီကိစ္စတွေအတွက် အထူးခုံရုံးဖွဲ့စစ်ဆေးဖို့ ညွှန်ကြားခဲ့ပါတယ်။
“ကလေးတွေနဲ့ သင့်တော်တဲ့ ခုံရုံးတွေ ဖြစ်လာဖို့အတွက် အထက်တရားရုံးတွေက အားထုတ်ကြိုးပမ်းရပါမယ်”
၂၀၁၂ ခုနှစ် ဒေလီက ဘတ်စ်ကားတစ်ခုပေါ်မှာ ကျောင်းသူတစ်ဦး အုပ်စုဖွဲ့ အဓမ္မပြုကျင့်ခံရကာ သေဆုံးခဲ့ပြီးတဲ့နောက် နိုင်ငံတစ်ဝှမ်း ဆန္ဒပြမှုတွေဖြစ်ခဲ့ပြီး မုဒိမ်းမှုတွေကို ပြတ်ပြတ်သားသားကိုင်တွယ်ပေးဖို့ တောင်းဆိုခဲ့ကြပါတယ်။
အိန္ဒိယအစိုးရကလည်း ဥပဒေဆိုင်ရာ ပြုပြင်ပြောင်းလဲမှုတွေ၊ တင်းကြပ်မှုတွေ လုပ်ခဲ့ပေမယ့် နိုင်ငံအတွင်း အဓမ္မကျင့်မှု အရေအတွက်ကတော့ ကျဆင်းမသွားပါဘူး။
Ref: CNA
