နို၀င်ဘာ ၉ ရက်နေ့ နိုင်ငံတကာသတင်းများ

M-Media

မလေး၀န်ကြီးချုပ်ဟောင်း အသရေဖျက်မှုဖြင့် ပြစ်ဒဏ်ချခံရ
———
ဘဏ္ဍာရေး၀န်ကြီးဟောင်း လင်ဂွမ်အန်ကို အသရေဖျက်မှုအတွက် လျော်ကြေး ရင်းဂစ် ၁ ဒဿမ ၃၅ သန်း (ဒေါ်လာ ၄ သိန်းကျော်) ပေးဆောင်ဖို့ ၀န်ကြီးချုပ်ဟောင်း မွဟ်ယစ်ဒင် ယာစင်ကို မလေးရှားတရားရုံးက နို၀င်ဘာ ၈ ရက်နေ့မှာ အမိန့်ချမှတ်ခဲ့ပါတယ်။ ၂၀၂၃ ခုနှစ်က လူမှုကွန်ယက်မှာ တင်ခဲ့တဲ့ ပို့စ်တစ်ခုအတွက်ဖြစ်ပါတယ်။ မွဟ်ယစ်ဒင်ယာစင်ဟာ ခြစားမှု၊ ဘုရင်ကို အသရေဖျက်မှု စတဲ့ စွဲချက်တွေနဲ့လည်း တရားစွဲဆိုခံထားရပါတယ်။

GPS စနစ်ကို မြောက်ကိုရီးယားက ပိတ်ပစ်
———–
ကမ္ဘာ့လမ်းပြစနစ် (GPS) ကို မြောက်ကိုရီးယားက သောကြာနဲ့ စနေနေ့တွေမှာ ပိတ်ပစ်ခဲ့တာကြောင့် မိမိတို့ ပိုင်နက်က ရေကြောင်းနဲ့ လေကြောင်း ခရီးသွားလာမှုတွေ အခက်အခဲဖြစ်ခဲ့တယ်လို့ တောင်ကိုရီးယားက ထုတ်ပြန်ပါတယ်။ ပင်လယ်၀ါကို ဖြတ်မယ့် သင်္ဘောတွေနဲ့ လေယာဥ်တွေ ဒီကိစ္စကို သတိထားဖို့လည်း သတိပေးထားပါတယ်။ မြောက်ကိုရီးယားနဲ့ တောင်ကိုရီးယားတို့ဟာ ပြီးခဲ့တဲ့ လအနည်းငယ်အတွင်း တင်းမာမှုတွေ မြင့်တက်လာတာ ဖြစ်ပါတယ်။

ကက်ရှ်မီးယား ကိုယ်ပိုင်အုပ်ချုပ်ရေးကိစ္စ မိုဒီလက်မခံ
—————–
ကက်ရှ်မီးယားကို ကိုယ်ပိုင် အုပ်ချုပ်ခွင့်ပြန်ပေးရေး ပြည်နယ်လွှတ်တော်ရဲ့ ဆုံးဖြတ်ချက်ကို အိန္ဒိယ၀န်ကြီးချုပ် နရန်ဒရာမိုဒီက ပယ်ချလိုက်ပါတယ်။ မိုဒီဦးဆောင်တဲ့ ဖက်ဒရယ်အစိုးရဟာ ကက်ရှ်မီးယား ကိုယ်ပိုင်အုပ်ချုပ်ခွင့်ကို ၂၀၁၉ ခုနှစ်မှာ ပယ်ဖျက်ခဲ့ပြီး အဲဒီနောက်ပိုင်း ကက်ရှ်မီးယား ဒေသခံတွေကို ဖိနှိပ်ချုပ်ချယ်မှုတွေ ပိုမိုလုပ်ဆောင်ခဲ့ပါတယ်။

Ref: CNA