နှစ်ဆန်း တရက်နေ့တွင် ပုသိမ်မြို့၌ ဘာသာပေါင်းစုံ စုပေါင်းပြီး နှစ်ဦး ဆုတောင်းပွဲ အခမ်းအနားပြုလုပ်

ဧပြီ -၁၈ ၊၂၀၁၃
M-Media
သတင်း-နေမင်း

၁၃၇၅ ခု နှစ်ဆန်းတစ်ရက်နေ့ (၁၇.၄.၂၀၁၃) ဗုဒ္ဓဟူးနေ့ ညနေ (၅း၀၀)နာရီအချိန်တွင် ပုသိမ်မြို့၏ ကျက်သရေဆောင် ရွှေမုဌောဘုရား အင်္ဂါထောင့်၌ နှစ်ဦးမင်္ဂလာ ကမ္ဘာသူကမ္ဘာသားများအတွက် မြန်မာနိုင်ငံ၊ ပုသိမ်မြို့ရှိ လူ့အခွင့်အရေး ချစ်မြတ်နိုးသူများအဖွဲ့မှ ဘာသာပေါင်းစုံ စုပေါင်း၍ နှစ်ဦးဆုတောင်း မင်္ဂလာအခမ်းအနား ကျင်းပပြုလုပ်ခဲ့ကြပါသည်။ ကြွရောက်လာကြသူများမှ ဆုတောင်းပွဲပြုလုပ်ရခြင်း၏ ရည်ရွယ်ချက်များကို အခုလို ပြောကြားသွားခဲ့ကြပါသည်။

” ကျွန်တော်တို့အခု ဘာသာပေါင်းစုံ ဆုတောင်းပွဲကျင်းပရခြင်းရည်ရွယ်ချက်ကတော့ ပြည်ထောင်စုမြန်မာနိုင်ငံမှာ နေကြတဲ့ အားလုံး ဘာသာမရွေး ပုဂ္ဂိုလ်မရွေး အခုနှစ်ဦးအစ မြန်မာနှစ်ဆန်းတစ်ရက်နေ့မှာ မြန်မာပြည်အေးချမ်းစေချင်တယ်၊ ၀ပြောစေချင်တယ် အားလုံး ညီညီညွတ်ညွတ်စည်းစည်းလုံးလုံးနဲ့ (၇)ရက်သားသမီးတွေနေထိုင်တဲ့ ဒီတိုင်းပြည်ကြီး အေးချမ်းစေချင်တယ်။ ဘာသာမရွေးအားလုံး ညီအစ်ကိုမောင်နှမတွေ တစည်း တစ်လုံးတည်း နေစေချင်တဲ့ သဘောနဲ့ လုပ်ဆောင်ခဲ့တာဖြစ်ပါတယ်။ တို့ရဲ့ အားကိုးရာကတော့ တို့မြန်မာလူမျိုးများမှာတော့ ဘုရား၊ တရား၊ သံဃာသာလျှင် အားကိုးဖွယ်ရာရှိပါတယ်။ ဒါကြောင့် အားကိုးရာဖြစ်တဲ့ မြတ်စွာဘုရားကိုယ်တော်မြတ်ကြီးရဲ့ထံမှာ အခုဒီရွှေမုဓောစေတီတော်မြတ်ကြီးရဲ့ အင်္ဂါထောင့်မှာ လာရောက်ပြီးတော့ ဆုတောင်းပွဲကျင်းပတာဖြစ်ပါတယ်။” လာရောက်ဆုတောင်းခဲ့တဲ့ ဗုဒ်ဓဘာသာဝင် တယောက်မှ ပြောကြားခဲ့တာဖြစ်ပါသည်။

“၁၃၇၄ ခုနှစ်မှ ၁၃၇၅ ခုနှစ်သို့ ကူးပြောင်းတဲ့ ဒီနှစ်သစ်မှာ တို့မြန်မာနိုင်ငံမှာနေထိုင်ကြတဲ့လူများဟာ မိမိတို့ ကိုးကွယ်သည့် ဘာသာ အလျောက် မြတ်သောမင်္ဂလာ အကျင့်အကြံများနဲ့ တိုင်းပြည်အကျိုး၊ လူမျိုးအကျိုး၊ ဘာသာအကျိုးတို့ကို ဆထက်တပိုး ဆောင်ရွက်နိုင်ကြပါစေလို့ ကျွန်တော်တို့ လူအခွင့်အရေး မြတ်နိုးသူများအဖွဲ့မှ ဆုတောင်းလိုက်ပါတယ်။”

” ဒီနေ့ နှစ်သစ်မင်္ဂလာနေ့မှာ မြန်မာနိုင်ငံအတွင်းမှာနေထိုင်ကြတဲ့ မြန်မာနိုင်ငံသူမြန်မာနိုင်ငံသားများဟာ အငြိုး၊ အမုန်း၊ အာဃာတများကိုမထားပဲ နှစ်ဆန်းမှာ ညီအစ်ကိုမောင်နှမရင်း သဖွယ် နေထိုင်နိုင်ကြပါစေလို့ ဆုတောင်းလိုက်ပါတယ်။”

” ကျွန်တော်ကတော့ နိုင်ငံအတွင်းမှာရှိကြတဲ့သူများဟာ အချင်းချင်း ညီအစ်ကိုမောင်နှမစိတ်ဓာတ် ထားကြဖို့ပဲလိုပါတယ်။ ပြဿနာဖြစ်လာတဲ့အခါ အချင်းချင်းပဲ ဖြေရှင်းကြတာကောင်းပါတယ်။ အပြင်က ၀င်လာတာမကောင်းပါဘူး။ ဒါကြောင့် ပြဿနာဆိုတာ အချင်းချင်းမဖြစ်ကြရင် အကောင်းဆုံးပါပဲ။”

” ကျွန်တော်တို့အခုလုပ်တဲ့ပွဲဟာ နိုင်ငံအတွင်းမှာရှိကြတဲ့ ဘာသာပေါင်းစုံများ ညီညီညွတ်ညွတ် နေထိုင်နိုင်ကြဖို့ ကျွန်တော်တို့ လူအခွင့်အရေးမြတ်နိုး သူများအဖွဲ့မှ ပေါင်းစုပြီး ဆုတောင်းကြတာဖြစ်ပါတယ်။”

” အစ်ကိုက ဘိုးတော်ဝင်းနိုင်ပါ။ ဒီအင်္ဂါထောင့်ဟာ အစ်ကိုတို့ လူအခွင့်အရေးမြတ်နိုးကြသူများအဖွဲ့ရဲ့ အမြဲတမ်း ၀တ်ပြုဆုတောင်းနေကြနေရာလေးပါ။ အမေစုရဲ့မွေးနေ့အမှတ်တရ ဒီနေရာလေးမှာ အမြဲတမ်း လုပ်ဖြစ်တာပါ။ ဆုတောင်းရတဲ့အကြောင်းအရင်းကတော့ ကိုယ့်နောင်တော်တွေပြောသွားသလိုပဲ တို့နိုင်ငံမှာ အမြဲတမ်း ငြိမ်းငြိမ်းချမ်းချမ်းပဲဖြစ်စေချင်ပါတယ်။ ကဗျာဆရာကြီးအန်ကယ်ပွင့်ပြောသလို လက်နက်သံမကြား လို့ ငြိမ်းချမ်းတယ်လို့ ထင်နေကြတယ်။ လက်နက်သံကြားမှ မငြိမ်းချမ်းတဲ့နေရာလို့ထင်ကြတယ်။ အစ်ကိုတို့ ဒီပုသိမ်မြို့မှာလည်း လက်နက်သံမကြားပေမယ့် ငြိမ်းချမ်းတယ်လို့ မထင်ပါနဲ့။ လူတိုင်းလူတိုင်းဟာ တော်တော် လေးကို အခက်အခဲတွေဖြစ်နေကြတယ်။ လယ်သမားတွေဆို တော်တော်လေးကိုအခက်အခဲရှိတယ်။ ဒီလယ်သမားတွေကြောင့် အစ်ကိုတို့ ရှင်သန်နေကြရတယ်။ အမျိုးဘာသာထွန်းကားအောင်လုပ်တယ်ဆိုတာ ငွေရေးကြေးရေးတွေလိုကြတယ်။ အခု လယ်သမားတွေ လယ်တွေအသိမ်းခံထားကြရတယ်။ အစိုးရကလည်း သိမ်းသလို အစိုးရနဲ့ပူးပေါင်းပြီး သိမ်းထားတာတွေလည်းရှိတယ်။ အာဏာရှင်နဲ့ ဓနရှင် ပူးပေါင်းသိမ်းတာပေါ့။ အစ်ကိုတို့ အခုဆို ငပုတောမြို့နယ်ထဲမှာဆိုရင် ကြိမ်ချောင်းတို့၊ သဲချောင်းတို့ စသည်အားဖြင့် အစ်ကိုတို့ လယ်သမားတွေ အတွက် ဆောင်ရွက်ပေးနေရတာတွေရှိတယ်။ ဒါကြောင့် အခုလိုအစ်ကိုတို့ပေါင်းစုပြီး ဘာသာပေါင်းစုံ စုံစုံညီညီနဲ့ ငြိမ်းချမ်းရေးအတွက် ဆုတောင်းပေးကြတာဖြစ်ပါတယ်