ဘာသာပေါင်းစုံညီညွတ်ရေးနှင့် ငြိမ်းချမ်းရေး ဆုတောင်းပွဲ ပါမစ်အတုဟု ဆိုကာ ပျက်ခဲ့ရ

၂၀၁၂ခုနှစ် ဖေဖေါ်ဝါရီလ (၁၂)ရက်နေ့ ပြည်ထောင်စုနေ့တွင် ဘာသာပေါင်းစုံညီညွတ်ရေးနှင့် ငြိမ်းချမ်းရေး ဆုတောင်းပွဲကို မန္တလေးမြို့ချမ်းအေးသာစံမြို့နယ် ၊ ၈၄လမ်း ၊ ၂၇လမ်းနှင့် ၂၈လမ်းကြားတွင် ပြုလုပ်ရန် စီစဉ်ထားသော်လည်း ပွဲပျက်သွားကြောင်းသိရှိရသည်။

“ ကျနော်တို့ ခန်းမသွားငှားတော့ ပါမစ်ရမှ စရံငွေယူမယ်ပြောတယ် ၊ ပြောတော့နောက်ရက် ပါမစ်ရတော့ စရံငွေနဲ့ ပါမစ်ကို ခန်းမကိုသွားပေးပါတယ် ။ သူတို့ကိုယ်တိုင် လက်ခံယူထားပါတယ်။ ခု ပွဲနီးမှ ပါမစ်ကအတု ဖြစ်တယ် ခန်းမ မပေးနိုင်ပါဘူး ဆိုပြီးငြင်းလိုက်တာပါ `ဟု ပွဲစီစဉ်သူ ဦးမောင်မောင်က ဖြေကြားခဲ့သည်။

ဦးမောင်မောင်အနေဖြင့် ထိုကိစ္စနှင့်ပတ်သက်ပြီး တိုင်းဒေသကြီးအဖွဲ့ကို မေးမြန်းခဲ့ကြောင်း ပြောသည်။

`ကျနော်တို့ကို ပါမစ်ချထားပေးတဲ့ တိုင်းဒေသကြီးအဖွဲ့ကိုပြန်မေးတော့လဲ ဖုန်းဆက်ပြောတာ တရားမ၀င်ဘူး ၊သူတို့ဖက်ကလဲ ပွဲကိုမပိတ်ဘူးလို့ပြောတယ်” ဟု ဦးမောင်မောင်က ဖြေကြားသည်။

အဆိုပါပွဲတွင် မကြာသေးခင်မှ လွတ်ငြိမ်း ချမ်းသာ ခွင့်ဖြင့်ပြန်လည်လွတ်မြောက်လာသော မစိုးရိမ်တိုက်သစ်မှ ဆရာတော်ရှင်ဝီရသူဦးဆောင်ပြီး ဘာသာကြီး လေးခု ငြိမ်းချမ်းညီညွတ်ရေးအတွက် ဆုတောင်းပွဲကို ပြုလုပ်ခြင်းဖြစ်သည်။

“ ငြိမ်းချမ်းရေး ငြိမ်းချမ်းရေးနဲ့ တကယ်တမ်း ကြတော့ စိတ်ငြိမ်းချမ်းဖို့လဲ မလွယ်ပါဘူး ၊ အခက်အခဲတွေ အများကြီးရှိပါတယ် ၊ မိသားစုငြိမ်းချမ်းဖို့လဲ မလွယ်ပါဘူး ၊ အဲဒီလိုပါပဲ ရပ်ကွက်တစ်ခုလုံး တစ်မြို့လုံး တိုင်းပြည်တစ်ခုလုံး ငြိမ်းချမ်းဖို့လဲ မလွယ်ပါဘူး`ဟု ဆရာတော်က မိန့်သည်။

ဆရာတော်သည် အဆိုပါ ဆုတောင်းပွဲအတွက် လွန်ခဲ့သော ၂၀၀၀ ပြည့်နှစ်ကတည်းကပင် မျှော်လင့်ခဲ့ခြင်းဖြစ်ကြောင်း မိန့်သည်။
`ဒီငြိမ်းချမ်းရေးဆုတောင်းပွဲလေးဖြစ်ဖို့အတွက် ဦးဇင်းလွန်ခဲ့တဲ့ ၂၀၀၀ခုနှစ်ကစပြီး အိပ်မက်တွေ မက်ခဲ့တာပါ ၊ အဲဒီတုန်းကလဲ ဦးဇင်း
အမျိုးမျိုးတောင်းဆိုမှုတွေ လုပ်ခဲ့ပါတယ် ၊ အဲဒီခေတ်က တောင်းဆိုတုန်းက မဖြစ်နိုင်ဘူးဆိုပြီး ဦးဇင်းကို ဒီလိုပွဲမျိုးစီစဉ်မပေးခဲ့ပါဘူး ၊
ဦးဇင်းက ဘာလို့ မဖြစ်နိုင်ရမှာလဲ အစ္စရေးနဲ့ ပါလက်စတိုင်းတောင်မှ ကျည်ဆံကြားထဲမှာငြိမ်းချမ်းရေး ဆွေးနွေးကြသေးတာ ၊ ဦးဇင်းတို့က ဘာသာတရား လက်ကိုင်ထားတဲ့သူတွေပါ ဘာသာရေးသမားတွေပါ တရားသမားတွေပါ ငြိမ်းချမ်းရေးဆွေးနွေးလို့ ဖြစ်ကိုဖြစ်ရမယ်`ဟု ဆရာတော်က ဆက်လက်မိန့်မှာသည်။

ယခုပွဲအတွက် သာသနာရေးရာအဖွဲ့အစည်းများ ၊ အုပ်ချုပ်ရေးအဖွဲ့များမှ တရားဝင် တားဆီးပိတ်ပင်မှုမျိုး မရှိကြောင်း မီဒီယာများမှမေးမြန်းမှုများကို ရှင်ဝီရသူက ဈေးချိုဟိုတယ်ရှေ့လမ်းမပေါ်တွင် ဖြေကြားသွားသည်။

“၁၁ရက်နေ့မနက်က ခရိုင်သာသနာရေးဌာနကဖုန်းဆက်တယ် ၊ ဖုန်းဆက်တော့ ဦးဇင်းက ဒီအကျိုးအကြောင်း လေးပြောပြလိုက်တယ် တိုင်းဝန်ကြီးရဲ့ စာကိုဖတ်ပြလိုက်တော့ သူတို့ကြားထားတာတော့တဲ့ ခွင့်ပြုချက်မကျဘူးလို့ကြားထားတယ်တဲ့ ၊ ဦးဇင်းက စာဖတ်ပြတယ် ၊ စာကခွင့်ပြုချက်ကြတယ်ဆိုတော့ သူတို့လဲ ဘာမှဆက်မ ပြောတော့ပါဘူး ၊ တားမြစ်တာတော့ မရှိပါဘူး ၊ ဦးဇင်းကို တရားဝင်စာထုတ်ပြီး ကန့်ကွက်တာမျိုးမရှိသလို ၊ ပွဲအတွက် ကြိုးစားနေတဲ့ မွတ်စလင်ဘာသာဝင်တွေ ဒါဦးဇင်းရဲ့ ညီနောင်တွေပဲ ၊သူတို့ကိုလဲ စာထုတ်ပြီး ကန့်ကွက်တာ မရှိပါဘူး ”ဟု ရှင်ဝီရသူကပြောသည်။

ယခုလိုပွဲပျက်သွားသည့်အတွက် ဆုတောင်းပွဲမလုပ်ဖြစ်သော်လဲ ရှင်ဝီရသူမှငြိမ်းချမ်းရေးအတွက် ဆုတောင်း ပေးခဲ့ပြီး မစိုးရိမ်ကျောင်းတိုက်သို့ ပြန်လည်ထွက်ခွာသွားသလို ငြိမ်းချမ်းရေးဆုတောင်းပွဲ ပွဲတက်ရန် လာရောက်ခဲ့ကြသော ရဟန်းသံဃာများ ဘာသာပေါင်းစုံမှလူများ အေးချမ်းစွာ ပြန်သွားခဲ့ကြသည်။

မင်းမင်းလတ်(ရွှေမြစ်မခ-မန္တလေး)