ကိုရီးယားကျွန်းဆွယ်တွင် ရန်စမှုများအား ရပ်တန့်ရန် မြောက်ကိုရီးယား တိုက်တွန်း

ဇန်န၀ါရီ ၁၆၊ ၂၀၁၄
M-Media

– ကိုရီးယားနှစ်နိုင်ငံအကြား စစ်ရေးအားဖြင့်ဖြစ်စေ၊ နှုတ်အားဖြင့် ဖြစ်စေရန်စပေးခြင်းများအား ရပ်တန့်ရန် မြောက်ကိုရီးယာနိုင်ငံက ဆော်သြ လိုက်ပြီး နျူးကလီးယား စစ်ပွဲဖြစ်ပွားနိုင်ခြေအား တားဆီးရန်ကိုလည်း တိုက်တွန်းခဲ့ကြောင်း မြောက်ကိုရီးယားနိုင်ငံပိုင် သတင်းဌာန KCNA က ဖော်ပြခဲ့သည်။

ထိုတိုက်တွန်းမှုအား အမျိုးသားကာကွယ်ရေး ကော်မရှင် NDC က ယမန်နေ့တွင် ထုတ်ပြန်ခဲ့သည့် အဆိုပြုချက်တွင် ဖော်ပြထားခြင်းဖြစ်သည်။ ထိုအဆိုပြုချက်တွင် ကိုရီးယားနှစ်နိုင်ငံ ဆက်ဆံရေး ပြေပြစ်လာနိုင်သည့် အရေးကြီးသော အချက်သုံးချက်လည်း ပါဝင်ခဲ့ကာ ထိုအချက်သုံးချက်တွင် စစ်ကြောင့် ခွဲခွာခဲ့ရသည့် မိသားစုများ ပြန်လည်ပေါင်းစည်းခြင်းလည်း ပါဝင်သည်။

ထို့ပြင် တောင်ကိုရီးယားနိုင်ငံမှ အမေရိကန်နှင့် ပူးပေါင်းပြုလုပ်နေသော စစ်ရေးလေ့ကျင့်မှုများအား ရပ်တန့်ရန်လည်းတိုက်တွန်းခဲ့ပြီး၊ မြောက်ကိုရီးယားအနေဖြင့် ကိုးရီးယားကျွန်းဆွယ်ကို နျူးကလီးယားကင်းမဲ့ဇုန် ဖြစ်လိုကြောင်းကိုလည်း အလေးထားဖော်ပြခဲ့သည်။