ရွှေဥာဏ်တော် ‘စူးရောက်’ သူများ (ပြည်သူ့အသံ)

ဇွန် ၆ ၊ ၂၀၁၄
M-Media
.ရေးသူ- ကိုဆွေမွန်

အူရီဒူးက အစိုးရရဲ့ ခွင့်ပြုချက် နဲ့ တရားဝင်စာချုပ်ပြီးလုပ်တဲ့ operator ဖြစ်နေတယ်။ ရင်းနှီးမြှပ်နှံမှုကလည်း မြန်မာပြည်ထဲမှာ ဒေါ်လာ သန်း ထောင်ချီဝင်နေပြီးပြီ။ ဘယ်လိုနည်းနဲ့မှ နောက်ဆုတ်တော့မှာ မဟုတ်သလို နောက်ဆုတ်အောင်လည်း ဘယ်လိုနည်းနဲ့မှ လုပ်လို့မရတော့ဘူး။

နောက်ဆုတ်အောင်လုပ်လိုက်ရင်
(၁) အူရီဒူးတစ်ခုတည်းနဲ့တင် မပြီးဘဲ နောင်လာမယ့် နိုင်ငံတကာက စီးပွားရေး ရင်းနှီးမြှပ်နှံမှုအားလုံးဟာ ကိုယ့်ကြောင့် ရပ်တန့်သွားနိုင်တယ်ဆိုတာရယ်….
(၂) တကယ်ကန့်ကွက်ရမှာက အူရီဒူးကို မဟုတ်ဘဲ အူရီဒူးကို operator အဖြစ်ရွေးခဲ့တဲ့ လက်ရှိအစိုးရကိုသာ ကန့်ကွက်သင့်တယ်ဆိုတဲ့ အသိဥာဏ်လောက်တော့ ဒီ မဘသတွေမှာ ရှိသင့်တယ်။

မဘသက ကန့်ကွက်ချင်ရင်တောင် လုံးဝခွင့်မပြုရမှာက အစိုးရရဲ့ တာဝန်ပဲ။ မျက်စိပိတ်ပြီး မသိချင်ယောင်ဆောင်နေလို့ကို မရဘူး။ ဓမ္မစက်၊ အာဏာစက်နဲ့ တားကို တားရမယ့်အပြင် တားလည်း တားသင့်တာ အစိုးရရဲ့ တာဝန်ပါပဲ။ ပြည်သူ့အကျိုးအတွက် လုပ်ကို လုပ်ရမှာပါ။

ခုတော့ မီးစတစ်ဖက် ရေမှုတ်တစ်ဖက် ပေါ်လစီကို ကိုင်စွဲထားတဲ့ အစိုးရကတော့ အူရီဒူးကို မြန်မာပြည်ထဲကို တရားဝင်ခေါ်သွင်းသလို နောက်ကွယ်က ဆိုင်းဘုတ်တွေ မုခ်ဦးတွေဆောက်ပြီး အူရီဒူးကို ကန့်ကွက်ပွဲတွေလုပ်ခွင့်ပေးနေတာက …. တကယ်တမ်းတော့ မြန်မာပြည်ရဲ့ ကောင်းမွန်တဲ့ ကိုယ်ကျင့်တရား သိက္ခာကို ချပစ်နေခြင်းတစ်မျိုးပါပဲ။

နိုင်ငံတကာမှာ ချမ်းသာပါပေ့ဆိုတဲ့ သူဋ္ဌေးနိုင်ငံကြီးတွေ၊ စက်မှုဖွံ့ဖြိုးပြီးနိုင်ငံကြီးတွေမှာတောင် ရင်းနှီးမြှပ်နှံမှုတွေ မ၀င်လာရင် ၀င်လာချင်အောင် နည်းလမ်းအမျိုးမျိုးနဲ့ ဆွဲဆောင်နေကြရချိန်မှာ ရင်းနှီးမြှပ်နှံမှုအလွန်အကျွံလိုအပ်နေတဲ့ မြန်မာလို ဆင်းရဲသားနိုင်ငံက(စာထဲမှာပဲ ရွှေနိုင်ငံနော်၊ မဆဲကြနဲ့ဦး) ရှားရှားပါးပါးဝင်လာတဲ့ရင်းနှီးမြှပ်နှံမှုကို ကန့်ကွက်မယ်ဆိုတော့ အရမ်းကို ရွှေဥာဏ်တော် {(စူးရောက်)}တဲ့ ပုဂ္ဂိုလ်ကြီးတွေလို့ပဲ နိုင်ငံတကာက သတ်မှတ်ကြတော့မှာလိုပဲ ပြောပါရစေတော့။

ဓါတ်ပုံ- Internet

M-Media “ပြည်သူ့အသံ” ကဏ္ဍတွင် ဖော်ပြပေးစေလိုလျှင်  [email protected] သို့ မေးလ်ပေးပို့နိုင်ပါသည်။ စိစစ်ပြီး ဖော်ပြပေးပါမည်။