ရန်ကုန်ရောက် နိုင်ငံသားစိစစ်ရေးကတ် ကိုင်ထားသူ ၂၀ ကို ရခိုင်သို့ ပြန်ရန် လဝက ညွန်ကြား

ဒီဇင်ဘာ ၁၈ ၊ ၂၀၁၅
.
ရခိုင်ပြည်နယ် ရမ်းဗြဲမြို့နယ် ဒုက္ခသည်စခန်း တခုမှ ရန်ကုန်မြို့သို့ ရောက်ရှိနေသည့် နိုင်ငံသား စိစစ်ရေးကတ် ကိုင်ဆောင်ထားသူ ၂၀ နှင့် ကလေးငယ် ၂ ဦး စုစုပေါင်း ၂၂ ဦးသည် ဒေသအာဏာပိုင်များ၏ ခွင့်ပြုချက်မရဘဲ ရခိုင်ပြည်နယ်မှ ထွက်ခွာခဲ့သဖြင့် နေရပ် သို့ပြန်ရန် သက်ဆိုင်ရာက ညွှန်ကြားထားကြောင်း စုံစမ်းသိရှိရသည်။

အဆိုပါ လူ ၂၀ ထဲတွင် ၂ ဦးသည် ရခိုင်/ဗုဒ္ဓဘာသာ ဖြစ်ပြီး ကျန် ၁၈ ဦးသည် ကမန်/အစ္စလမ် ဘာသာဝင် ဖြစ်ကြောင်း၊ နေရပ်သို့ပြန်ရန် ရန်ကုန်တိုင်း လူဝင်မှု ကြီးကြပ်ရေး ဦးစီးဋ္ဌာန(လဝက)က ညွှန်ကြားခြင်းဖြစ်ပြီး ၄င်းတို့ နေရပ်ပြန်နိုင်ရေးအတွက် ကမန် အမျိုးသား တိုးတက်ရေး ပါတီက ကူညီဆောင်ရွက်ပေးနေကြောင်း ယင်းပါတီက ဧရာဝတီသို့ ပြောသည်။

နေရပ်ပြန်ရမည့်သူများတွင် တက္ကသိုလ် တက်ရမည့်သူ ၈ ဦးပါဝင်ပြီး ကျန်သူများသည် အလုပ်လုပ်ကိုင်ရန်နှင့် ဆေးကုသမှု ခံယူရန် ရန်ကုန်မြို့သို့ ပြီးခဲ့သည့် နိုဝင်ဘာလ ၁၅ ရက်က သံတွဲလေဆိပ်မှတဆင့် ရောက်ရှိလာခြင်း ဖြစ်ကြောင်း၊ ဒီဇင်ဘာ ၆ ရက်တွင် ၄င်း တို့အားလုံး နေရပ်ပြန်ရန် ညွှန်ကြားခံရခြင်း ဖြစ်ကြောင်း ကမန်အမျိုးသား တိုးတက်ရေးပါတီ အတွင်းရေးမှူး ဦးတင်လှိုင်ဝင်းက ပြော ပြ သည်။

ဦးတင်လှိုင်ဝင်းက“ကျနော်တို့ သိထားတာက နိုင်ငံရေး စိစစ်ရေးကတ်ရှိသူတွေဟာ မြန်မာနိုင်ငံတွင်းက ဘယ်နေရာကိုမဆို လွတ် လပ် စွာ သွားလာခွင့် ရှိတယ်လို့ သိထားပါတယ်။ အခုက အဲဒီလို မဟုတ်ဘဲ ဒုက္ခသည်စခန်းက အာဏာပိုင်တွေကို အကြောင်း မကြားလို့ ပြန်လွှတ်တာဆိုတော့ နိုင်ငံသား အခွင့်အရေးကို ချိုးဖောက်တာပါပဲ”ဟုလည်း ပြောဆိုသည်။

ထို လူ ၂၂ ဦးသည် နေရပ်မှ သက်ဆိုင်ရာ အာဏာပိုင်များကို အသိပေး အကြောင်းကြားခြင်းမရှိဘဲ ရန်ကုန်မြို့သို့ ရောက်ရှိလာခြင်း ဖြစ်ကြောင်း၊ ထို့ကြောင့် တရားဝင် လုပ်ထုံးလုပ်နည်းများနှင့်အညီ ဆောင်ရွက်ရခြင်း ဖြစ်ပြီး တခြား ရည်ရွယ်ချက်မရှိကြောင်း ရန်ကုန်တိုင်းဒေသကြီး လူဝင်မှု ကြီးကြပ်ရေး ဦးစီးဌာနမှ တာဝန်ရှိသူတဦးကလည်း ဧရာဝတီသို့ ပြောသည်။

၎င်းတို့ထဲမှ ၂ ဦးသည် မရမ်းကုန်းမြို့နယ်တွင် နေထိုင်သူများ ဖြစ်ကြောင်း မရမ်းကုန်းမြို့နယ် လူဝင်မှု ကြီးကြပ်ရေး ဦးစီးဌာန တာဝန်ရှိသူ ဦးမြင့်အောင်က ပြောပြသည်။

ဦးမြင့်အောင်က“အဲဒီကိစ္စနဲ့ ပတ်သက်ပြီး အထက်က စာထွက်ထားတာတော့ မဟုတ်ပါဘူး။ ကျနော်တို့ကို ဆက်သွယ်လာတာက လည်း ပါတီက ဆက်သွယ်လာတာပါ။ ဒီမှာ နေထိုင်သူ ၂ ဦးနဲ့ ပတ်သက်ပြီး သူတို့ နေရပ် ပြန်တာရော၊ ဘာရော အကုန်လုံးကို ပါတီက တာဝန်ယူပါမယ်လို့ ကျနော်တို့ကို ပြောထားပါတယ်။ ဘယ်တော့ ပြန်မယ်ဆိုတာကိုတော့ ကျနော်တို့လည်း မသိပါဘူး”ဟု လည်း ပြောသည်။

နေရပ်ပြန်ရန် ညွှန်ကြားခံရသူ ၂၀ ကိုင်ဆောင်သည့် နိုင်ငံသား စိစစ်ရေး ကတ်ပြားများသည် တနိုင်ငံလုံးတွင် နိုင်ငံသား စိစစ်ရေး ကတ်ပြားများ ရရှိရန် ဆောင်ရွက်ပေးခဲ့သည့် မိုးပွင့်စီမံချက်တွင် တရားဝင် ရရှိခဲ့သည့် ကတ်ပြားများ ဖြစ်ကြောင်း သိရသည်။

ဓါတ်ပုံ- စာပေဗိမာန်  နိုင်ငံဂုဏ်ရည်စာပေတိုက်က ဒီဇင်ဘာလ ၂၀၀၅ ကထုတ်ဝေခဲ့တဲ့ မောင်ဆန္ဒ (လယ်ဝေး) ရေးသားပြုစုသော ကမန်မျိုးနွယ်စုသမိုင်း စာအုပ်မျက်နှာဖုံး

ဧရာဝတီ မှ ကူးယူဖော်ပြသည်။
http://burma.irrawaddy.com/news/2015/12/18/103427.html