ဂျပန်နိုင်ငံမှ အစ္စလာမ်သာသနာ – ၂ (အေဒီ ၁၉၀၀ မှ ၁၉၂၀)

အောက်တိုဘာ ၈၊ ၂၀၁၆

M-Media

– စုလ်တာန် အဗ်ဒုလ် ဟာမစ်ရဲ့ သံတမန်တစ်ဦး မုဟမ္မဒ် အလီက ၁၉၀၂ ခုနှစ်မှာ ဂျပန်နိုင်ငံကို ရောက်လာပါတယ်။ သူဟာ ယိုကိုဟားမားမှာ ဗလီဝတ်ကျောင်းတော်တစ်လုံး တည်ဆောက်ပေးရေး ရည်ရွယ်ချက်ရှိခဲ့သော်လည်း အထမမြောက်ခဲ့ဘူးလို့ အချက်အလက်အချို့က ဖော်ပြထားပါတယ်။

နောက်ထပ်သံတမန်တစ်ဦးဖြစ်သူ တူရကီဗိုလ်ချုပ် ပါတဗ်ပါးရှားလည်း ရုရှား-ဂျပန်စစ်ပွဲ(၁၉၀၄-၀၅) ကို လေ့လာစောင့်ကြည့်ဖို့ ဂျပန်ကို ရောက်လာပြီး နှစ်နှစ်နေထိုင်ခဲ့တယ်။ အော်တိုမန်ပြည့်ရှင်ကို ပြန်လာတွေ့ပြီးနောက် တူရကီဘာသာနဲ့ ကျမ်းသုံးတွဲ ရေးသားပြုစုခဲ့တယ်။

အော်တိုမန်အင်ပါယာ၏ ၃၄ ဆက်မြောက်ဘုရင် အဗ်ဒုလ် ဟာမစ်(၂)

ရုရှ-ဂျပန်စစ်ပွဲပြီးဆုံးတဲ့နောက် ဂျပန်လူမျိုးများဟာ အစ္စလာမ်သာသနာနဲ့ မွတ်စ်လင်မ်လောကအကြောင်းကို စိတ်ဝင်စားမှု ပြသလာကြောင်း သတင်းတွေမှာ ဖော်ပြလာကြတယ်။ ဂျပန်လူမျိုးတွေကို အစ္စလာမ်ဖိတ်ခေါ်ရေးအတွက် မွတ်စ်လင်မ်များထံ တိုက်တွန်းချက်တစ်ရပ် ဖြစ်လာစေတယ်။ အီဂျစ်စစ်အရာရှိအချို့ဟာ ဂျပန်တပ်မတော်ထဲ စေတနာ့ဝန်ထမ်းအပျော်တမ်းတပ်ဖွဲ့ဝင်များအဖြစ် ၀င်ရောက်အမှုထမ်းပေးခဲ့ပြီး ရုရှတပ်ဖွဲ့များကို အနိုင်တိုက်နိုင်ခဲ့ကြတဲ့အတွက် ဂျပန်လူမျိုးရဲ့ လေးစားမှုကို ခံယူရရှိခဲ့ကြတယ်။ နောက်ပိုင်း ဂျပန်အမျိုးသမီးများနဲ့ အိမ်ထောင်ထူပြီး သားသမီးတွေ ရရှိလာကြတယ်။ တစ်ချို့က ပြည်တော်ပြန်ခဲ့ကြပေမယ့် တစ်ချို့ကတော ဂျပန်မှာပဲ နေထိုင်ကျန်ရစ်ခဲ့တယ်လို့ ကျော်ကြားထင်ရှားတဲ့ အီဂျစ်ပညာရှင် Abbas Mahmoud Al Aqqad က ဖော်ပြခဲ့ပါတယ်။ နာမည်ကြီး အိန္ဒိယပညာရှင် Qari Sarfaraz Hussein ကလည်း ၁၉၀၅ နှစ်ကုန်နဲ့ ၁၉၀၆ နှစ်ဦးပိုင်းမှာ ဂျပန်ကို ရောက်လာပြီး နာဂါဆဂီနဲ့ တိုကျိုမြို့မှာ အစ္စလာမ်အကြောင်း ဟောပြောတင်ပြခဲ့တယ်။ ၁၉၀၅ ခုနှစ်မှာ ရုရှမွတ်စ်လင်မ် အကျဉ်းသားများအတွက် ဗလီတစ်လုံးကို တည်ဆောက်တယ်။ ဒါဟာ ဂျပန်နိုင်ငံရဲ့ ပထမဦးဆုံး ဗလီဝတ်ကျောင်းတော် ဖြစ်လာခဲ့ပါတယ်။

၁၉၀၆ ခုနှစ် တိုကျိုမြို့မှာ ဘာသာပေါင်းစုံကွန်ဖရင့်တစ်ရပ်ကျင်းပမယ့်အကြောင်း၊ အဲ့ဒီမှာ ဂျပန်လူမျိုးများက နှိုင်းယှဉ်သုံးသပ်ပြီး မိမိတို့နှစ်သက်ရာ ဘာသာတရားကို ရွေးချယ်လိုတဲ့အကြောင်း မွတ်စ်လင်မ်လောကထဲ သတင်းကြီးသွားခဲ့တယ်။ ဒီသတင်းက ထက်သန်သူမွတ်စ်လင်မ်များအတွက် ဂျပန်ကွန်ဖရင့်တက်ဖို့ ခရီးလမ်းတစ်ခု ဖြစ်သွားစေပါတယ်။

၁၉၀၀ ပြည့်နှစ်များက အိုဆာကာမြို့ပုံ

အလ်အဇ်ဟရ်တက္ကသိုလ်ဘွဲ့ရ ရှရီအဟ်ဥပဒေပညာရှင် အလီအဟ်မဒ် အလ်ဂျရ်ဂျာဝီက သူဟာ အဲ့ဒီ ကွန်ဖရင့်ကို တက်ရောက်ပြီး ဂျပန်ခရီးစဉ် ဆိုတဲ့ စာအုပ်ကို ရေးသားခဲ့ကြောင်း ဆိုပါတယ်။ အလ်ဂျရ်ဂျာဝီက တရုတ်လူမျိုး စုလိုင်မာန်၊ ရုရှားလူမျိုး မုခ်လိစ် မဟ်မူးဒ်၊ အိန္ဒိယလူမျိုး ဟုစိုင်းန် အဗ်ဒုလ် မုနီးမ်တို့နဲ့အတူ တိုကျိုမှာ လူ့အသိုင်းအ၀ိုင်းတစ်ခု တည်ထောင်ခဲ့တယ်။ ဂျပန်လူမျိုး တစ်သောင်းနှစ်ထောင်ကို အစ္စလာမ့်စည်းဝိုင်းထဲ ၀င်လာအောင် ဖိတ်ခေါ်နိုင်ခဲ့ပါတယ်။

၂-၃ နှစ်လွန်မြောက်တဲ့အခါ အစ္စလာမ်ဖက်ဖိတ်ခေါ်သူနဲ့ ခရီးသည်အာဂန္တုအဖြစ် လူသိများတဲ့ ရုရှားလူမျိုး အဗ်ဒုရ် ရရှီးဒ် အိဗ်ရာဟီမ်ဟာ ဂျပန်ကို ၁၉၀၉ ခုနှစ်မှာ ရောက်ရှိတယ်။ အလ်ဂျရ်ဂျာဝီရဲ့ ပြောကြားမှုတွေကို သူက ငြင်းဆိုခဲ့ပါတယ်။ အလားတူစွာပဲ ၁၉၀၉ မှ ၁၉၁၄ ခုနှစ်အထိ ဂျပန်မှာ ငါးနှစ်တာ နေထိုင်ခဲ့တဲ့ အိန္ဒိယလူမျိုးပညာရှင် မုဟမ္မဒ် ဘရကာသုလ္လာဟ်ကလည်း ငြင်းဆိုခဲ့ပါတယ်။ ယခုစာရေးသူအနေနဲ့လည်း အလ်ဂျရ်ဂျာဝီဟာ သူ့ရေးသားဖော်ပြချက်အတိုင်း ဂျပန်ကို အမှန်တကယ် ရောက်ခဲ့ခြင်းရှိမရှိကို ယနေ့တိုင် ရှာဖွေလေ့လာနေဆဲဖြစ်ပြီး ဖော်ပြပါအကျိုးသက်ရောက်မှုကို ခိုင်လုံထင်ရှားစွာ မတွေ့ရသေးပါဘူး။

အဗ်ဒုရ် ရရှီးဒ် အိဗ်ရာဟီမ် က ဂျပန်ကို ၁၉၀၉ ခုနှစ်မှာ ရောက်ရှိပြီး ၆ လ နေထိုင်ပါတယ်။ အဲ့ဒီကာလအတွင်း သူက ၀န်ကြီးများကနေ လယ်သမားများအထိ ဂျပန်လူမျိုး အများအပြားကို တွေ့ဆုံခဲ့တယ်။ သူ့ရဲ့ ကြိုးစားအားထုတ်မှုကြောင့် အစ္စလာမ်သာသနာကို လက်ခံခဲ့ကြတဲ့ ပညာတတ်လူငယ်တွေ၊ အရာရှိတွေ၊ စာနယ်ဇင်းသမားတွေ တော်တော်များပြားခဲ့တယ်။ ဒါ့အပြင် တရုတ်ပြည်၊ ကိုးရီးယား၊ အိန္ဒိယနဲ့ ဟိဂျာ့ဇ်၊ စအူဒီအာရေဗျကိုလည်း ခရီးသွားခဲ့ပါသေးတယ်။ စာမျက်နှာထောင်ချီရှိတဲ့ ခရီးသွားမှတ်တမ်းကျမ်းတစ်စောင်ကို အော်တိုမန်ဘာသာစကားနဲ့ ရေးသားပြုစုခဲ့တယ်။ အဲ့ဒီစာအုပ်ကို လက်ရှိစာရေးသူက အရဗီဘာသာစကားနဲ့ ဘာသာပြန်ပြီး ပြန်လည်စိစစ်ရေးသားထားပါတယ်။

အလီအဟ်မဒ် အလ်ဂျရ်ဂျာဝီ (၁၉၆၁ တွင် ကွယ်လွန်)

အဗ်ဒုရ် ရရှီးဒ် အိဗ်ရာဟီမ် ဟာ အမှန်ထူးခြားထင်ရှားတဲ့ အာဂန္တု၊ အစ္စလာမ့်ဖိတ်ခေါ်သူ၊ နိုင်ငံရေးကျွမ်းကျင်သူ၊ စာရေးသူ စွယ်စုံပညာရှင်တစ်ဦးပါ။ အီဂျစ်က ကွယ်လွန်သူ ဒေါက် အဗ်ဒုလ် ၀ဟာ့ဗ် အာ့ဇန်က အဗ်ဒုရ် ရရှီးဒ် အိဗ်ရာဟီမ် ရေးသားတဲ့ကျမ်းဟာ ဘင်န် ဘတူတာရဲ့ကျမ်းထက် သာလွန်တယ်လို့ ပြောကြားဖူးကြောင်း အလ်အဇ်ဟရ်မဂ္ဂဇင်းရဲ့ ဆောင်းပါးတစ်ပုဒ်မှာ ဒေါက်တာ ရဂျဗ် ဘိုင်ယူမီက ရေးသားဖော်ပြထားပါတယ်။

အိန္ဒိယနိုင်ငံ ဘိုပါးလ်မြို့က မုဟမ္မဒ် ဘရကသုလ္လာဟ်က တိုကျိုနိုင်ငံရပ်ခြားဘာသာစကားတက္ကသိုလ်မှာ ပထမဆုံး အုရ်ဒူဘာသာစကား သင်ကြားပေးသူဖြစ်တယ်။ အစ္စလာမ့်ချစ်ညီနောင် Islamic Fraternity ဆိုတဲ့ မဂ္ဂဇင်းကိုလည်း ၁၉၁၀ မှ ၁၉၁၂ ခုနှစ်အထိ သုံးနှစ် ထုတ်ဝေခဲ့တဲ့အပြင် ဂျပန်လူမျိုး များစွာကိုလည်း အစ္စလာမ့်စည်းဝိုင်းထဲ ၀င်ရောက်နိုင်အောင် ကူညီပေးခဲ့ပါတယ်။

အီဂျစ်အရာရှိ အဟ်မဒ် ဖဒ်လီဟာ ဂျပန်မှာ နေထိုင်ခဲ့ပြီး ၁၉၀၈ ခုနှစ်မှာ ဂျပန်အမျိုးသမီးတစ်ဦးနဲ့ အိမ်ထောင်ထူတယ်။ သူနဲ့ အဘ်ဒုရ် ရရှီးဒ် အိဗ်ရာဟီမ်တို့ ဆုံတွေ့တယ်။ အနီးကပ်လက်တွဲလုပ်ကိုင်မှုတွေ ရှိခဲ့တယ်။ ဒါ့အပြင် ဘရကာသုလ္လာဟ်နဲ့ ၆ လတာ အတူလက်တွဲအလုပ်လုပ်ပြီး သူ့မဂ္ဂဇင်း ထုတ်ဝေရေးမှာ ကူညီပေးတယ်။ ဖဒ်လီဟာ ၁၉၁၁ ခုနှစ်မှာ အရဗီဘာသာစကားနဲ့ The Secret behind the Japanese Progress စာအုပ်ကို ရေးသားပြုစုပြီး Soul of Japanese စာအုပ်ကို ဘာသာပြန်ခဲ့သူဖြစ်တယ်။ အဘ်ဒုရ် ရရှီးဒ် အိဗ်ရာဟီမ်နဲ့အတူ Waseda တက္ကသိုလ်ကို ရောက်ရှိခဲ့သလို သူ့ရဲ့ သုံးနာရီကြာ အစ္စလာမ့်ဟောပြောချက်တစ်ခုကိုလည်း ဘာသာပြန်ပေးခဲ့ပါသေးတယ်။ Waseda တက္ကသိုလ်မှာ တရုတ်လူမျိုး တစ်ထောင်ခန့်ရှိပြီး သူတို့ထဲက ၃၉ ဦးဟာ မွတ်စ်လင်မ်တွေဖြစ်ကြယုံမက Islamic Awakening အမည်ရှိ အရဗီစာပေခေါင်းစဉ်တပ် မဂ္ဂဇင်းကိုလည်း တရုတ်ဘာသာစကားနဲ့ ထုတ်ဝေနေကြသူတွေဖြစ်တယ်လို့ အဘ်ဒုရ် ရရှီးဒ် အိဗ်ရာဟီမ်က ဖော်ပြခဲ့ပါတယ်။

Hasan UHO Hatano ဆိုသူကလည်း ဘရကာသုလ္လာဟ်ကတဆင့် အစ္စလာမ်ကို သက်ဝင်ခဲ့ပြီး၊ ၁၉၁၂ ခုနှစ်မှာ Islam အမည်ရှိ မဂ္ဂဇင်းကို ဂျပန်နဲ့အင်္ဂလိပ် ဘာသာစကား ၂ မျိုးစလုံးနဲ့ထုတ်ဝေခဲ့တဲ့အပြင် ၁၉၁၈ ခုနှစ်မှာ Islamic Brotherhood အမည်ရှိ ရုပ်ပြမဂ္ဂဇင်းကိုလည်း ထုတ်ဝေခဲ့ကြောင်း သိရပါတယ်။ ဒါပေမယ့် ဒီမဂ္ဂဇင်းနှစ်မျိုးကို ရှာမတွေ့သေးပါဘူး။

၁၉၀၉ ခုနှစ်မှာ ဟဂ်ျခရီးစဉ် စတင်သွားရောက်တဲ့ ဂျပန်လူမျိုးကတော့ အုမရ် ယာမာအိုကာ ဖြစ်ပါတယ်။ အဘ်ဒုရ် ရရှီးဒ် အိဗ်ရာဟီမ်နဲ့အတူ သွားခဲ့တာဖြစ်ပြီး အစ္စတန်ဘူလ်ကိုလည်း ရောက်ခဲ့ပါတယ်။

ဟဂ်ျခရီးစဉ်ကို ပထမဆုံးသွားရောက်ခဲ့သူ ဂျပန်မွတ်စ်လင်မ် ကိုတာရို အုမရ် ယာမာအိုကာ

တရုတ်ပြည်မှာ နေထိုင်ခဲ့တဲ့ ဂျပန်လူမျိုးနှစ်ဦးဟာ အစ္စလာမ်ကို သက်ဝင်လက်ခံပြီးနောက် အစ္စလာမ်ဖြန့်ချိရေးရည်ရွယ်ချက်နဲ့ ဇာတိဂျပန်နိုင်ငံကို ပြန်သွားတဲ့အကြောင်း ၁၉၁၁ ခုနှစ်ထုတ် Le Monde Musulman ပြင်သစ်မဂ္ဂဇင်းထဲ ဖော်ပြထားပါတယ်။

(ဂျပန်အစ္စလာမ်စင်တာဥက္ကဋ္ဌ ပါမောက္ခ ဒေါက်တာ Salih Mahdi S. Al Samarrai ၏ Islam in Japan Between 1900 and 1920 ကို မင်းထွဋ်ခေါင်မှ ပြန်ဆိုသည်။)

ဂျပန်ရောက် အဗ်ဒုရ် ရရှီးဒ် အိဗ်ရာဟီမ်

ဂျပန်နိုင်ငံမှ အစ္စလာမ်သာသနာ

အပိုင်း-၁ ဖတ်ရန် Link

အပိုင်း၂  ဖတ်ရန်  Link,

အပိုင်း ၃ ဖတ်ရန် Link

အပိုင်း ၄ ဖတ်ရန် Link