ဂျပန်နိုင်ငံ မှ အစ္စလာမ်သာသနာ – ၃ (အေဒီ ၁၉၂၀ မှ ၁၉၃၀)

– ၁၉၁၂ ခုနှစ် ဇူလိုင် ၃၀ မှ ၁၉၂၆ ခုနှစ် ဒီဇင်ဘာ ၂၅ ရက်အထိ ဂျပန်သမိုင်းရဲ့ ကာလအပိုင်းအခြားကို ဧကရာဇ် တာအီရှို အုပ်ချုပ်မှုနဲ့ တိုက်ဆိုင်တာကြောင့် တာအီရှို ခေတ်ကာလ (大正時代) လို့ ခေါ်ဆိုကြတယ်။ ဧကရာဇ်မင်းသစ်ဟာ ကျန်းမာရေးမကောင်းဘဲ ချူချာသူတစ်ဦးဖြစ်တယ်။ ဒီအချက်က အစဉ်အဆက် လက်ဝါးကြီးအုပ်လူတစ်စုတစ်ဖွဲ့ထံမှ နိုင်ငံရေးအာဏာဟာ ဂျပန်ရဲ့ လက်ရွေးစင်လူစုနဲ့ ဒီမိုကရက်တစ်ပါတီတွေဆီ ရွှေ့ပြောင်းမှု ဖြစ်လာစေတယ်။ ဒါကြောင့် ဒီကာလကို လွတ်လပ်မျှတသောလှုပ်ရှားမှုအချိန်ကာလအဖြစ် သတ်မှတ်ကြတယ်။ အဲ့ဒီရှေ့က ပရမ်းပတာ မေဂျီခေတ်ကာလနဲ့ နောက်လာမယ့် စစ်ဝါဒ ရှိုဝါခေတ်ဦးပထမပိုင်းတို့နဲ့ အသွင်မတူ ကွဲပြားနေပါတယ်။

၁၂၃ ဆက်မြောက် ဧကရာဇ် တာအီရှို (၁၈၇၉ – ၁၉၂၆)

နယ်ပယ်ကျယ်ပြန့်လွယ်မှု၊ စီးပွားရေးနဲ့ ယဉ်ကျေးမှုအကြောင်းခံများကြောင့် မွတ်စ်လင်မ်လောကကို ဂျပန်လူမျိုးတွေက စိတ်ဝင်စားလာကြတယ်။ ကျမ်းမြတ်ကုရ်အာန်ကို ဂျပန်ဘာသာစကားနဲ့ ပြန်ဆိုခြင်း၊ အစ္စလာမ့်လူ့အသိုင်းအ၀ိုင်း ထူထောင်စေခြင်း၊ အစ္စလာမ်နဲ့ အရှေ့တိုင်းရေးရာ စာအုပ်စာပေများ ရေးသားခြင်းတို့ကို ပြုလုပ်လာကြတယ်။

၁၉၂၀ ခုနှစ်များအတွင်း လမ်းဟောင်းတစ်ခု၏မြင်ကွင်း

ရုရှားနိုင်ငံက ကွန်မြူနစ်အုပ်ချုပ်ရေးကို ရှောင်တိမ်းလိုတဲ့ တာတာ မွတ်စ်လင်မ်များကလည်း ဂျပန်နိုင်ငံထဲ စတင်ပြောင်းရွှေ့ဝင်ရောက်လာကြတယ်။ ဒီလူတွေအများစုဟာ တိုကျို၊ နာဂိုယာနဲ့ ကိုဘေးမြို့များမှာ အပြီးအပိုင် အခြေချနေထိုင်ခဲ့ကြတယ်။

၁၉၃၅ ခုနှစ် တာတာမွတ်စ်လင်မ်များ ဂျပန်သို့ ပြောင်းရွှေ့ဝင်ရောက်ခြင်း

ပြောင်းရွှေ့အခြေချလာသော တာတာမွတ်စ်လင်မ်များကို ၁၉၃၀ နှစ်များက တည်ဆောက်သည်ဟု ယူဆရသော တိုကျိုဗလီဝတ်ကျောင်း၌ တွေ့မြင်ရစဉ်

၁၉၂၄ ခုနှစ်မှာ ဟဂ်ျခရီးစဉ်ကို ဒုတိယမြောက်သွားရောက်ခဲ့တဲ့ ဂျပန်မွတ်စ်လင်မ်က Ippei Tanaka လို့ ခေါ်ပါတယ်။ သူဟာ တရုတ်ပြည်မှာ ရှိစဉ်ကတည်းက အစ္စလာမ်ကို သက်ဝင်လက်ခံခဲ့သူဖြစ်တယ်။ ကုရ်အာန်ကျမ်းမြတ်အဓိပ္ပာယ်ကို ဂျပန်ဘာသာပြန်ဆိုရေးသားခဲ့သူ လူသိများထင်ရှားတဲ့ အုမရ် မီတာ့ ဆိုသူကလည်း အစ္စလာမ်သာသနာကို တရုတ်ပြည်မှာ လက်ခံသက်ဝင်ခဲ့သူဖြစ်ပါတယ်။

ကုရ်အာန်ကျမ်းကို ဂျပန်ဘာသာသို့ ပထမဆုံးပြန်ဆိုသူ အုမရ် ရီအိုချိ မီတာ့

အုမရ် ယာမာအိုခ ဆိုသူကလည်း အီဂျစ်နိုင်ငံ၊ အလ်အဇ်ဟရ်တက္ကသိုလ်ကို ၁၉၂၄ ခုနှစ်မှာ ရောက်ခဲ့တယ်။ အဲ့ဒီတက္ကသိုလ်က ၀တ်ရုံဆင်ယင်မှုနဲ့ ရိုက်ကူးထားတဲ့ ဓာတ်ပုံတစ်ပုံတွေ့ရပြီး ဓာတ်ပုံထဲမှာ သူဟာ အင်ဒိုနီးရှား သို့မဟုတ် မလေးရှား ပညာရှင်တစ်ယောက်အသွင် ဖြစ်နေတာကို တွေ့ရပါမယ်။

ကိုတာရို အုမရ် ယာမာအိုခ

(ဂျပန်အစ္စလာမ်စင်တာဥက္ကဋ္ဌ ပါမောက္ခ ဒေါက်တာ Salih Mahdi S. Al Samarrai ၏ Islam in Japan Between 1920 to 1930 ကို မင်းထွဋ်ခေါင်မှ ပြန်ဆိုသည်။

ဂျပန်နိုင်ငံမှ အစ္စလာမ်သာသနာ

အပိုင်း-၁ ဖတ်ရန် Link

အပိုင်း၂  ဖတ်ရန်  Link,

အပိုင်း ၃ ဖတ်ရန် Link

အပိုင်း ၄ ဖတ်ရန် Link