၂၀၁၆ ခုနှစ်အတွင်း အဖတိုင်းပြည်ကို ကြီးကျယ်အောင်လုပ်ခဲ့သည့် အမေရိကန်မွတ်စလင် အမျိုးသမီးများ – အပိုင်း (၂)

ဒီဇင်ဘာ ၁၂၊ ၂၀၁၆
M-Media

အခုအချိန်မှာ အမေရိကန်မွတ်စလင်တွေဟာ ဘာသာရေး သည်းမခံနိုင်မှု၊ အစ္စလာမ်ကြောက်ရောဂါတွေကိုရဲ့ ဒဏ်ကို အပြင်းအထန် ခံစားနေရပြီး ရလဒ်အနေနဲ့ နိုင်ငံရေးသမားတွေ၊ ကွန်ဆာဗေးတစ်မီဒီယာတွေရဲ့ တိုက်ခိုက်မှုကို ကြုံတွေ့နေရပါတယ်။ အမေရိကန်မွတ်စလင်တွေဟာ ကိုယ်ထိလက်ရောက် စော်ကားခံရတယ်၊ အရှက်ခွဲခံရတယ်၊ သူတို့ရဲ့ ဘာသာအယူ ယုံကြည်သက်ဝင်မှုကြောင့် အသတ်ခံရတာမျိုးတွေအထိ ရှိပါတယ်။ ခေါင်းဆောင်းပုဝါနဲ့ မွတ်စလင်အမျိုးသမီးတွေကလည်း အကြမ်းဖက်မှုတွေကို ခံနေရပါတယ်။

ဒါပေမယ့် သူတို့တွေဟာ အရှုံးပေးသူတွေတော့ မဟုတ်ပါဘူး။ မွတ်စလင်အမျိုးသမီးတွေဟာ လူနည်းစုတွေရဲ့ အခွင့်အရေးအတွက် ဦးဆောင်တိုက်ပွဲဝင်နေကြတယ်၊ အမေရိကန်ရဲ့ အုတ်မြစ်ဖြစ်တဲ့ ‘လူတိုင်းအတွက် အသက်ရှင်သန်နိုင်မှု၊ လွတ်မြောက်မှုနဲ့ တရားမျှတမှု’ ဆိုတာတွေ ဆက်လက် ဆုပ်ကိုင်ထားနိုင်ပါ့မလားဆိုတာ အမေရိကန်ကို စမ်းသပ်နေပါတယ်။

အောက်မှာဖော်ပြမယ့် အမေရိကန်မွတ်စလင်အမျိုးသမီးတွေကတော့ ၂၀၁၆ ခုနှစ်ကို ကြင်နာတဲ့၊ တရားမျှတတဲ့၊ လှပတဲ့ နှစ်တစ်နှစ်ဖြစ်အောင် ပုံဖော်ခဲ့သူတွေဖြစ်ပြီး သူတို့ရဲ့ အဖတိုင်းပြည်ကို ကြီးကျယ်အောင် လုပ်ခဲ့ကြသူတွေလည်း ဖြစ်ပါတယ်။

၆။ ရာနာ အဘ်ဒဲလ် ဟာမစ်

အမျိုးသမီးများ တစ်နိုင်တစ်ပိုင် စွမ်းအားမြင့်တင်ရေး လှုပ်ရှားမှု (Women’s Initiative for Self-Empowerment) ကို စတင်ထူထောင်ခဲ့တဲ့ ရာနာ အဘ်ဒဲလ် ဟာမစ်ဟာ ပါရမီရှိသူတစ်ဦးဖြစ်ပြီး သူမဘ၀တစ်လျှောက်လုံးကို အစ္စလာမ်ကြောက်ရောဂါ တိုက်ဖျက်ရေးအတွက် အမျိုးသမီးတွေကို စွမ်းဆောင်ရည်မြှင့်တင်ပေးဖို့ နှစ်မြှုပ်ကူညီနေသူတစ်ယောက်လည်း ဖြစ်ပါတယ်။

မွတ်စလင်အမျိုးသမီးတွေ ခေါင်းဆောင်းပုဝါ ၀တ်ဆင်မှုအပေါ် ရှိနေတဲ့ လွဲမှားတဲ့ အမြင်တွေကို ချေဖျက်ဖို့ရည်ရွယ်ပြီးအံ့သြလောက်ဖွယ် Hijabis of New York ဆိုတဲ့ ပညာပေး ဓာတ်ပုံစီးရီးတစ်ခုကို ဖန်တီးရုံတင်မကဘဲ အစ္စလာမ်ကြောက်ရောဂါအခြေတည်တဲ့ အကြမ်းဖက်မှုတွေအတွက် အမျိုးသမီးတွေ မိမိကိုယ်ကို ကာကွယ်နိုင်ဖို့ တိုက်ခိုက်ရေး ပညာရပ်တွေကိုလည်း ရာနာက သင်ကြားပေးနေပါတယ်။

“မွတ်စလင်အမျိုးသမီးတွေအနေနဲ့ ကိုယ့်ကိုယ်ကို စွမ်းအားမြှင့်တင်ဖို့ ဆောင်ရွက်လာကြပြီဆိုရင် တစ်ခုခု ထူးခြားလာမှာပါ” လို့ ဟာမစ်က ပြောကြားခဲ့ပါတယ်။

၇။ နူရာ အာဖီယာ

နာမည်ကြီး အလှဖန်တီးမှု ဘာလော့ဂါတစ်ယောက်ပါ။ အာဖီယာဟာ နိုဝင်ဘာလမှာ အမေရိကန် ထိပ်တန်း အလှကုန်တံဆိပ်ဖြစ်တဲ့ CoverGirl ရဲ့ ပထမဆုံး ပုဝါဆောင်း သံတမန်တစ်ဦး ဖြစ်လာခဲ့ပါတယ်။ ဒါ့ကြောင့် အာဖီယာအနေနဲ့ ဆိုဖီယာ ဗာဂါရာ၊ ကေသီ ပါရီတို့နဲ့အတူ CoverGirl ကြော်ငြာတွေ၊ ဘီလ်ဘုတ်တွေမှာ ပါဝင်မှာဖြစ်ပြီး နယူးယောက်က တိုင်းမ်စကွဲအပါအ၀င် နိုင်ငံတစ်ဝှမ်းမှာ သူမကို တွေ့မြင်ရတော့မှာပါ။

“ဟီဂျဘ်ခေါင်းဆောင်းပုဝါကို အပြုသဘောဆောင်တဲ့ အမြင်မျိုး မြင်လာမယ့် လှုပ်ရှားမှုမှာ တစ်စိတ်တစ်ပိုင်း ပါဝင်ရတဲ့အတွက် ကျွန်မ ဂုဏ်ယူမိပါတယ်။ တီဗီ ဒါမှမဟုတ် ဘီလ်ဘုတ်တွေမှာတွေ့ရတဲ့ ဒီလို နာမည်ကျော်ကုန်ပစ္စည်းတွေမှာ ပုဝါဆောင်းတဲ့သူတွေ ကိုယ်စားပြုခွင့် ပိုရလေလေ၊ ကောင်းလေလေပါပဲ” လို့ အာဖီယာက နယူးယောက်တိုင်းမ်စ်ကို ပြောကြားခဲ့ပါတယ်။

၈။ မွတ်စလင်လူငယ် ကဗျာအဖွဲ့

ကီရန် ၀ါကာရ်၊ အဘ်ဒီကာဒီရ်၊ ဟာဝါ အဒမ်နဲ့ လီနာ ဂီနာဝီတို့ ၄ ဦး ပါဝင်တဲ့ ဆယ်ကျော်သက် ကဗျာအဖွဲ့ဖြစ်ပြီး Muslim Girls Making Change အမည်နဲ့ ကဗျာလှုပ်ရှားမှုတစ်ခုကို စတင်ဖန်တီးခဲ့သူတွေပါ။ ရည်ရွယ်ချက်ကတော့ ကဗျာတွေကနေတစ်ဆင့် လူမှုရေးဆိုင်ရာ တရားမျှတမှုကို ရှာဖွေဖို့ ဖြစ်ပါတယ်။ သူတို့ရဲ့ လူငယ်ကဗျာအဖွဲ့လေးဟာ Brave New Voices လို့ခေါ်တဲ့ နိုင်ငံတကာ လူငယ်ကဗျာပွဲတော်မှာ ပါဝင်ခဲ့ပြီး အမှတ်သညာ ကိစ္စကနေ၊ အမုန်းတရားတွေအထိ သူတို့ ဖော်ကျူးစပ်ဆိုထားတဲ့ ကဗျာတွေက ပရိတ်သတ်တွေရဲ့ ရင်အစုံကို လှုပ်ခတ်စေခဲ့ပါတယ်။

“အကြမ်းဖက်ဝါဒဆိုတဲ့ စကားလုံးကြားတာနဲ့ ပထမဆုံး အစ္စလာမ်သာသနာကို ပြေးမြင်တာမျိုး ကျွန်မ မလိုချင်ပါဘူး။ ကျွန်မသိတဲ့အစ္စလာမ်က ငြိမ်းချမ်းရေးသာသနာပါ” လို့ ဂရီနာဝီက ဖွင့်ဟခဲ့ပါတယ်။

၉။ နူရ် တာဂူရီ

အသက် ၂၂ နှစ်အရွယ် ဂျာနစ်လစ်ယောက်ဖြစ်တဲ့ တာဂူရီဟာ စက်တင်ဘာလထုတ် Playboy မဂ္ဂဇင်းမှာ ဟီဂျဘ် ခေါင်းဆောင်းပုဝါနဲ့ ပထမဆုံး မျက်ဖုံးတင် ဖော်ပြခံရသူ ဖြစ်ပါတယ်။ ပြီးတော့ လူငယ်တွေရဲ့ အမြင်တွေကို ပြောင်းလဲဖို့ ရည်ရွယ်တဲ့ မဂ္ဂဇင်းရဲ့ Renegades အစီအစဉ်မှာလည်း ပါဝင်ခွင့် ရခဲ့ပါတယ်။ Playboy ကတော့ တာဂူရီဟာ “ဟိရိသြတ္တပတရားကို ထင်ရှားစေသူ” ဖြစ်တယ်လို့ ဆောင်းပါးမှာ ရေးသားခဲ့ပါတယ်။

“ရိုးသားတဲ့ပုံစံမျိုးနဲ့ တော်လှန်ပြောင်းလဲမှုကို ကျွန်မယုံကြည်တယ်။ ကိုယ့်ရဲ့ အရှိတရားအတိုင်း ဖြစ်လာဖို့ဆိုတာ တော်လှန်ပြောင်းလဲ ရတာပါပဲ ”

၁၀။ ဇိုင်နဘ် အဘ်ဒူလာ

ဇိုင်နဘ်ဟာ ချီကာဂိုအခြေစိုက် တိုက်ခိုက်ရေးနည်းပြတစ်ဦးဖြစ်ပြီး နိုဝင်ဘာလအတွင်း Hate Crime Survival Seminar ဆိုတဲ့ ဆွေးနွေးပွဲတစ်ခုကို ကျင်းပကာ ရွေးကောက်ပွဲနောက်ပိုင်း မွတ်စလင်လူ့အဖွဲ့အစည်းမှာ တွေ့ကြုံနေရတဲ့ ကြောက်ရွံ့မှုတွေကို တုန့်ပြန်ခဲ့သူတစ်ဦး ဖြစ်ပါတယ်။

နောက်ပြီး အကြားအာရုံချို့တဲ့သူတွေအတွက် ကူညီဆောင်ရွက်ပေးနေတဲ့ ချီကာဂိုမြို့က အကျိုးအမြတ်မယူတဲ့အဖွဲ့ Deaf Planet Soul မှာ မွတ်စလင်အမျိုးသမီးတွေအတွက် မိမိကိုယ်ကိုကာကွယ်ရေး အလုပ်ရုံဆွေးနွေးပွဲ တစ်ခုကိုလည်း ကျင်းပခဲ့ပါတယ်။ ဟီဂျဘ်ခေါင်းဆောင်းပုဝါ ၀တ်ဆင်ထားတဲ့ အမျိုးသမီးတွေအနေနဲ့ သူတို့ကို တိုက်ခိုက်လာတဲ့သူတွေကို ဘယ်လို တုန့်ပြန်ကာကွယ်မရလဲဆိုတဲ့ တိုက်ခိုက်ရေးလမ်းညွှန် ဗီဒီယို ၂ ခုကိုလည်း ဇိုင်နဘ်က လွှင့်တင်ခဲ့ပြီး လူကြိုက်များခဲ့ပါတယ်။

“ကျွန်မတို့ရဲ့ တိုက်ခိုက်ရေး သင်တန်းတွေ၊ Hate Crime Survival Seminar တွေဟာ အမျိုးသမီးတွေကို ကိုယ့်ခြေထောက်ပေါ်ကိုယ် ရပ်တည်နိုင်ဖို့၊ တန်ပြန် တုန့်ပြန်နိုင်ဖို့ ရည်ရွယ်ပါတယ်။ ကိုယ့်ကိုယ်ကို လေးစားတန်ဖိုးထားမှု ယုံကြည်မှုတွေကို တိုးမြင့်အောင် လုပ်ဆောင်ခြင်း၊ အခြေခံကာကွယ်ရေး အသိပညာတွေ တတ်မြောက်အောင်လုပ်ခြင်းအားဖြင့် ကျွန်မတို့ဟာ အမျိုးသမီးတွေရဲ့ ကာယ၊ ဉာဏစွမ်းအားကို မြှင့်တင်ပေးနေတာဖြစ်ပါတယ်” လို့ ဇိုင်နဘ်က Huffpost ကို ပြောကြားခဲ့ပါတယ်။
Ref: Huffingtonpost

(ဆက်လက်ဖော်ပြပါမည်)

(အပိုင်း (၁) ကို ဤနေရာတွင် ဖတ်ရှုနိုင်ပါသည်)