တရုတ်သိုင်းပညာသမိုင်းတွင် အဓိကနေရာမှ ပါဝင်နေသည့် ဟွေမွတ်စလင်များ

မတ် ၂၊ ၂၀၁၇
M-Media

– အနောက်တိုင်းမီဒီယာတွေဟာ ဘရုစ်လီ၊ ဂျက်ကီချန်း၊ ဂျက်လီ စတဲ့ တရုတ်သရုပ်ဆောင်တွေရဲ့ တိုက်ခိုက်ရေးပညာတွေကို အဓိကထား အာရုံစိုက် ဖော်ပြကြပြီး တရုတ်မွတ်စလင်တွေနဲ့ တရုတ်သိုင်းပညာအကြား ဆက်နွယ်မှုတွေကိုတော့ ကြားဖူးကြသူ သိပ်မရှိပါဘူး။ ရှေးခေတ် ကုန်သွယ်မှုလုပ်ငန်းဟာ အာရပ်မွတ်စလင်တွေနဲ့ တရုတ်လူမျိုးတွေအကြား ခိုင်မာတဲ့ဆက်ဆံရေးတစ်ခုကို ဖြစ်ထွန်းစေခဲ့ပြီး၊ ကမ္ဘာ့အရှေ့ခြမ်းမှာ အစ္စလာမ်သာသနာ ပြန့်နှံ့ဖို့အတွက်၊ တရုတ်မွတ်စလင်ဆိုတဲ့ အမှတ်သညာတစ်ခု ခိုင်ခိုင်မာမာ ပေါ်ထွက်လာဖို့အတွက် အဓိကအကြောင်းအရင်းတစ်ခု ဖြစ်ခဲ့ပါတယ်။ လွန်ခဲ့တဲ့ နှစ်ပေါင်း ၁၂၀၀ ကျော်အရင်ကို ပြန်ကြည့်မယ်ဆိုရင် အစောပိုင်း တရုတ်မွတ်စလင်တွေရဲ့ စစ်ရေးစစ်ရာ ခေါင်းဆောင်မှုပိုင်းမှာ အဓိကကျနေမှုက တရုတ်မွတ်စလင်တွေနဲ့ ကိုယ်ခံပညာအကြား ထူးခြားတဲ့ ဆက်နွယ်ပတ်သက်မှုရဲ့ အစ ဖြစ်လာပါတယ်။

တရုတ်နိုင်ငံက အစ္စလာမ့်သမိုင်းကို ခိုင်ခိုင်မာမာ မှတ်တမ်းတင်ထားနိုင်ခဲ့ပြီး ဟွေလူမျိုး မွတ်စလင်တွေကလည်း နိုင်ငံအတွင်းမှာ အကြီးဆုံး မွတ်စလင်လူနည်းစု လူ့အဖွဲ့အစည်း ဖြစ်ပါတယ်။ အစ္စလာမ်သာသနာကို စတင်ဟောကြားသူ တမန်တော်မုဟမ္မဒ်သခင် ကွယ်လွန်ပြီး ၁၉ နှစ်လောက် အကြာမှာပဲ အာရေဗျနဲ့ တရုတ်အကြား ဆက်ဆံရေးဟာ တည်ငြိမ်နေပြီဖြစ်ပါတယ်။ အာရပ်ဒေသအတွင်း စနစ်ကျတဲ့ အစ္စလာမ်သာသနာပြုလုပ်ငန်းကို အစ္စလာမ့်အင်ပါယာရဲ့ တတိယ
သမ္မတ အွတ်စ်မန်သခင်လက်ထက်မှာ စတင်ခဲ့တာဖြစ်ပြီး၊ နောက်ပိုင်း ကုန်သွယ်မှုလုပ်ငန်းက အစ္စလာမ်သာသနာ ပြန့်နှံ့မှုမှာ တစ်စိတ်တစ်ပိုင်း ပါဝင်ခဲ့ပါတယ်။

ဟွေမွတ်စလင်တွေကတော့ အာရေဗျနဲ့ တရုတ်တို့ရဲ့ ပေါင်းစည်းမှုကနေ ပေါ်ထွက်လာတာဖြစ်ပြီး အစ္စလာမ့်ထုံးတမ်းတွေ စီးဝင်နေတဲ့ တရုတ်ယဉ်ကျေးမှုစစ်စစ်တစ်ခုကို ဖြစ်တည်စေခဲ့ပါတယ်။ ဒီလို ယဉ်ကျေးမှု ထုံးတမ်းစဉ်လာတွေကို အဓိကအားဖြင့် တရုတ်နိုင်ငံ အနောက်မြောက်ပိုင်းနဲ့ တရုတ်နိုင်ငံအနှံ့အပြားမှာ ယနေ့အချိန်အထိ တွေ့မြင်နိုင်ပါတယ်။ တရုတ်နိုင်ငံတစ်ဝှမ်းက ဗလီဝတ်ကျောင်းတော်တွေဟာ အစ္စလာမ့်သိပ္ပံဆိုင်ရာ ပညာရပ်တွေကို သင်ကြားရာနေရာဖြစ်သလို တ
ရုတ်သိုင်းပညာရပ်တွေကို ထိန်းသိမ်းရာနေရာတွေလည်း ဖြစ်လို့နေပါတယ်။

အချိန်ရှည်ကြာပြီး ကုန်တစ်တန်၊ ရေတစ်တန်သွားရတဲ့ ကုန်သွယ်ခရီးတွေမှာ မိမိကိုယ်ကို ကာကွယ်ဖို့ဆိုတဲ့ ရည်ရွယ်ချက်နဲ့ သင်ယူလေ့လာခြင်းသာမကဘဲ ဒီသိုင်းပညာတွေဟာ မွတ်စလင် သူတော်စင်ကြီးတွေအတွက် နာမ်ပိုင်းဆိုင်ရာ လေ့ကျင့်ခန်း နည်းလမ်းတစ်ခုလည်း ဖြစ်ခဲ့ပါတယ်။ မိမိရဲ့မနောကို ချုပ်တည်းထိန်းချုပ်မှုဆိုတာ သိုင်းပညာနဲ့ အစ္စလာမ့်သွန်သင်မှုတို့ကို ရောင်ပြန်ဟပ်စေတဲ့ ကျင့်ကြံမှုတစ်ခု ဖြစ်ပါတယ်။

မိမိရဲ့ အကုသိုလ်စိတ်ကို ထိန်းချုပ်ခြင်းဆိုတဲ့ အစ္စလာမ့်ရဲ့ သွန်သင်ချက်ကို တရုတ်မွတ်စလင် သိုင်းပညာရှင်ကြီးတွေက ရုပ်ပိုင်းဆိုင်ရာနယ်ပယ်မှာပါ အသုံးပြုခဲ့ကြပါတယ်။ လက်တွေ့လိုက်နာကြသူတွေဟာ ဒီသွန်သင်ချက်ကို ရုပ်ပိုင်းရော၊ နာမ်ပိုင်းဆိုင်ရာမှာပါ အဓိကထား ကျင့်သုံးခဲ့ကြပါတယ်။ မွတ်စလင်တွေဟာ အေးဆေးတည်ငြိမ်ပြီး စိတ်ခံစားချက်ကို ရှေ့တန်းမတင်ဘဲ ဆုံးဖြတ်ချက် မှန်မှတ်ကန်ချရမယ်ဆိုတဲ့ သွန်သင်ချက်ဟာ တမန်တော် မုဟမ္မဒ်သခင်ရဲ့ “လူတို့အား လှဲချနိုင်သူသည် သူရဲကောင်းအစစ်အမှန်မဟုတ်၊ သူရဲကောင်းအစစ်မှန်ဆိုသည်မှာ ဒေါသထွက်ချိန်၌ ထိုဒေါသကို ချုပ်တည်းနိုင်သူသာဖြစ်သည်” ဆိုတဲ့ သြ၀ါဒတော်ကနေ ဆင်းသက်လာတာဖြစ်ပါတယ်။

ဆီလတ်နဲ့ ၀ူရှူးတို့လို အမျိးမျိုးသော သိုင်းပညာတွေကို လွန်ခဲ့တဲ့ ရာစုနှစ်အနည်းငယ်အတွင်းမှာ တရုတ်မွတ်စလင်တွေက ပြည့်စုံစေခဲ့တာပါ။ တရုတ်မွတ်စလင်တွေ စတင်ဖန်တီးခဲ့တဲ့၊ ပြုပြင်ခဲ့တဲ့ သိုင်းပညာတွေလည်း များစွာရှိနေပြီး ကျောက်ချွမ် (Zhaquan) နဲ့ ပီဂွာချွမ် (Piguquan) တို့လို ကွန်ဖူးပညာတွေလည်း ဒီအထဲမှာ ပါဝင်ပါတယ်။ ဒီလို သိုင်းပညာတွေကို တစ်ခါတစ်ရံ စစ်တပ်အရာရှိတွေက ဒါမှမဟုတ် တရုတ်နိုင်ငံက မွတ်စလင်တွေ လုံခြုံမှုရှိစေဖို့ တီထွင်ဖန်တီးခဲ့ကြတာဖြ
စ်ပြီး မျိုးဆက်ပေါင်းများစွာ လျှို့ဝှက် လက်ဆင့်ကမ်းလာခဲ့ကြတာပါ။

တရုတ်နိုင်ငံက အစ္စလာမ်သာသနာနဲ့ ဒီလိုသိုင်းပညာတွေ ပေါင်းစည်းကြတဲ့ သမိုင်းကြောင်းမှာ ထင်ရှားတဲ့ တရုတ်မွတ်စလင် သိုင်းဆရာကြီးတွေလည်း ပေါ်ထွက်ခဲ့ပါတယ်။ ဥပမာအားဖြင့် မာစတာ ၀မ်ဇီဖျင် (၁၈၈၁-၁၉၇၃)၊ မာစတာ ချန်တုံရှန်း (၁၉၀၈-၁၉၈၆) တို့ဖြစ်ပြီး ဘာသာတရားကို နှလုံးသားထဲကိန်းဝပ်စေကာ ဒီသိုင်းပညာတွေကို လေ့ကျင့် ထိန်းကျောင်းခဲ့ကြတာပါ။ ပြီးတော့ အလ္လာဟ်အရှင်မြတ်နဲ့ နီးကပ်စေဖို့ ကျင့်ကြံအားထုတ်ရာမှာနဲ့ အစ္စလာမ်သာသနာကို သွန်သင်ဖြန့်ချီရာမှာလည်း ဒီသိုင်းပညာကို နည်းလမ်းတစ်ခုအဖြစ် အသုံးချခဲ့ပါတယ်။

မာစတာ ၀မ်ဇီဖျင်ကတော့ ၀ူရှူး သိုင်းပညာရှင်ကြီးဖြစ်ပြီး ဘာသာတရားနဲ့တွဲကာ အဲဒီသိုင်းပညာကို ကျင့်ကြံ အားထုတ်ခဲ့တာပါ။ အလွန်ကြီးမားတဲ့ ကျောက်တုံးကြီးတွေကို မ,လျက်နဲ့ ကုရ်အာန်ကျမ်းတော်မြတ်ကို ရွတ်ဖတ်မှုဟာ သူ့ရဲ့ကျော်ကြားတဲ့ ကျင့်စဉ်တစ်ခု ဖြစ်ပါတယ်။ ကျင်ကျိုးဗလီဝတ်ကျောင်းတော်ကို သိမ်းပိုက်ဖို့ ဂျာမန်တပ်ဖွဲ့တွေရဲ့ ကြိုးစားမှုကို ဆန့်ကျင်ခဲ့တဲ့ သူ့ရဲ့ ဇာတ်ကြောင်းဟာ တရုတ်မွတ်စလင်သမိုင်းမှာ ထင်ထင်ရှားရှား မှတ်တမ်းတင်ခြင်း ခံထားရပါတယ်။ မာစတာဝမ်ဟာ တရုတ်မွတ်စလင်တွေရဲ့ တန်ဖိုးမဖြတ်နိုင်တဲ့ အမှတ်သညာကို ထိန်းသိမ်းခဲ့ရုံသာမက စစ်သားတွေကို စိန်ခေါ်ကာ ၀ိတ်မပြိုင်ခဲ့ပြီး အနိုင်ရရှိခဲ့သူပါ။

အခြားသော တရုတ်သိုင်းပညာတွေကို ထုံးလိုချေ ရေလိုနှောက်ခဲ့တဲ့ မာစတာဝမ်ဟာ တရုတ်ပြည်သူတွေ လေးစားအားကျရသူတစ်ယောက်လည်းဖြစ်ပါတယ်။

အမျိုးမျိုးသော သိုင်းပညာတွေမှာ တစ်ဖက်ကမ်းခပ်တော်ခဲ့တဲ့ မာစတာဝမ်ဟာ နိုင်ငံခြား ပြိုင်ဘက်ပေါင်းများစွာကို အနိုင်ယူနိုင်ခဲ့တဲ့ သမိုင်းရှိပါတယ်။ တပည့်တပန်းပေါင်းများစွာရှိပြီး တရုတ်ပြည်သူတွေကြားထဲ အစ္စလာမ်သာသနာ ပြန့်ပွားရေးကိုလည်း လုပ်ဆောင်ခဲ့သူ ဖြစ်ပါတယ်။

တကယ်တော့ တရုတ်နိုင်ငံမှာ သိုင်းပညာတွေနဲ့ အစ္စလာမ့် သွန်သင်မှုဟာ ထူးခြားတဲ့ ဆက်နွယ်ပတ်သက်မှုနဲ့ သမိုင်းကြောင်း ရှိနေပြီး နှစ်ခုစလုံးဟာ ပိုမိုကြီးမားတဲ့ ရည်ရွယ်ချက်မျိုး အောင်မြင်ပေါက်ရောက်နိုင်တဲ့ နည်းလမ်းတွေလည်း ပါဝင်ပါတယ်။ တရုတ်နိုင်ငံက အစ္စလာမ်သာသနာသမိုင်းမှာ ဒီလို တစ်ခုအပေါ်တစ်ခု ရောင်ပြန်ဟပ်နေခြင်းက ကမ္ဘာ့အရှေ့စွန်းစွန်းမှာ အစ္စလာမ်သာသနာပြန့်ပွားမှုကို ဦးတည်စေခဲ့သလို၊ ဒီသိုင်းပညာကို လက်တွေ့ ကျင့်သုံး ထိန်းသိမ်းမှုကလ
ည်း စစ်မှန်တဲ့အစ္စလာမ်သာသနာနဲ့အတူ တရုတ်ယဉ်ကျေးမှုရဲ့ ထူးခြားဆန်းကျယ်မှု မပျောက်ပျက်စေတဲ့ ဓလေ့တစ်ခုကို ကာကွယ်ရာမှာ အကူအညီဖြစ်စေခဲ့ပါတယ်။

ကမ္ဘာကျော် ဟောင်ကောင် သိုင်းရုပ်ရှင်ဖြစ်တဲ့ IP Man ဇာတ်ကားမှာ အဓိကဇာတ်ဆောင် မင်းသားကို ၀မ်ချွမ် သိုင်းပညာ သင်ကြားပေးသူက အစ္စလာမ်ဘာသာဝင် အမ်ဂျစ် အလီဖြစ်ပြီး၊ အလီဟာ အစ္စလာမ်သာသနာနဲ့ သိုင်းပညာတို့အကြားတူညီမှုတွေနဲ့ ပတ်သက်လို့ စိတ်ဝင်စားစရာ အယူအဆတွေကို ဖွင့်ပေးခဲ့သူလည်းဖြစ်ပါတယ်။

Ref: themuslimvibe.com