အာဏာသိမ်းစစ်ခေါင်းဆောင်အား ၀င်တိုက်မည့်နေ့ကို ပတ်၀န်းကျင်နိုင်ငံများ သတ်မှတ်ထားနိုင်ပြီ

သြဂုတ် ၁၉၊ ၂၀၂၃

M-Media 

-နိုင်ဂျာအာဏာသိမ်းစစ်ခေါင်းဆောင်ကို ဖြုတ်ချရေး စစ်၀င်တိုက်မည့်နေ့ရက်ကို အဖွဲ့၀င်နိုင်ငံတွေ သဘောတူထားပြီလို့ အနောက်အာဖရိက နိုင်ငံများအဖွဲ့ (ECOWAS) က ထုတ်ပြန်ပါတယ်။ 

အဖွဲ့၀င်စစ်တပ်တွေ အဆင့်သင်ဖြစ်ရေး ဆွေးနွေးကြတဲ့ မနေ့က အစည်းအ၀ေးမှာ စစ်ပွဲစမယ့်နေ့ရက်ကို ဆုံးဖြတ် အတည်ပြုလိုက်တာပါ။ 

အရပ်သားအစိုးရကို အာဏာပြန်အပ်ရေး သံတမန်နည်းလမ်းတွေနဲ့ ဆောင်ရွက်မှုအားလုံး အဆင်မပြေတော့ရင် စစ်ခေါင်းဆောင်ကို အင်အားသုံးဖြုတ်ချမယ်လို့ အဖွဲ့ရဲ့ နိုင်ငံရေး၊ ငြိမ်းချမ်းရေးနဲ့ လုံခြုံရေး အကြီးအကဲ အဘ်ဒဲလ် ဖာတူ မူဆာက ပြောပါတယ်။ 

“အမိန့်ရောက်လာတာနဲ့ ၀င်တိုက်ဖို့ ကျွန်တော်တို့ အဆင်သင့်ဖြစ်နေပါပြီ။ ၀င်တိုက်မယ့်ရက်ကိုလည်း ဆုံးဖြတ်ပြီးပါပြီ။ စစ်ရေးနဲ့ ၀င်ရောက်ဟန့်တားမယ့်ကိစ္စအတွက် လိုအပ်တာတွေကို သဘောတူ စီစဥ်ဆောင်ရွက်ထားပြီးပါပြီ။ ကြား၀င်စေ့စပ်ဖို့ ကိစ္စအတွက်လည်း ကျွန်တော်တို့ အဆင်သင့် လုပ်ထားပါတယ်။ တံခါးအားလုံး ဖွင့်ထားဆဲပါ”

ပြီးခဲ့တဲ့နှစ်အနည်းငယ်အတွင်း ဒီမိုကရေစီ အခြေချလာတဲ့ နိုင်ဂျာနိုင်ငံမှာ ဇူလိုင်လနှောင်းပိုင်းက စစ်အာဏာသိမ်းမှု ဖြစ်ပွားခဲ့ပြီး သမ္မတအစောင့်တပ်ခေါင်းဆောင် ဗိုလ်ချုပ် ချီယာနီက ဦးဆောင်တာ ဖြစ်ပါတယ်။ 

Ref: Aljazeera