နိုဝင်ဘာ ၁၆၊ ၂၀၁၆
M-Media
– ယမန်နှစ် NLD ပါတီ၏ အပြတ်အသတ်အနိုင်ရရှိလိုက်ချိန် မဲဆန္ဒရှင်များက ရန်ကုန်မြို့ လမ်းများပေါ်ထွက်၍ ကခုန်မြူးတူးခဲ့ကြသည်။ နိုဝင်ဘာ ၈ ရက် ရွေးကောက်ပွဲ၏မဲများကို ရေတွက်ပြီးစီးချိန်မှာတော့ အမျိုးသားဒီမိုကရေစီအဖွဲ့ချုပ် NLD က အပြတ်အသတ် မဲအသာနှင့် အထင်အရှား အနိုင်ရရှိသွားသည်။ ၁၉၉၀ ခုနှစ်က NLD မှာ သောင်ပြိုကမ်းပြို အနိုင်ရခဲ့သော်လည်း အာဏာရစစ်တပ်က ယင်းရလဒ်ကို မသိကျိုးကျွန်ပြုခဲ့သည်။ ထိုကာလများက အပြောင်းအလဲဖြစ်သွားခဲ့ပေပြီ။ ယခုတစ်ခါတော့ ရွေးကောက်ပွဲဆိုင်ရာ ပြည်ပလေ့လာသူများ ရှိနေကြပြီး၊ တိုင်းပြည်လည်း ကမ္ဘာ့အသိအမှတ်ပြုမှုစည်းဘောင် အပြင်ဖက်သို့ ရောက်ရှိနေသဖြင့် ယခင်ကကဲ့သို့ မလှိမ့်တပတ်လုပ်၍ မရနိုင်ခဲ့ပေ။
၂၀၀၈ ခုနှစ်တွင် ကလိန်ကကျစ် ပြည်သူ့ဆန္ဒခံယူပွဲပြီးသည့်နောက် စစ်တပ်၏ ရေးဆွဲကြီးကြပ်စီမံမှုအောက်မှ ဖွဲ့စည်းအုပ်ချုပ်ပုံအခြေခံဥပဒေ ထွက်လာခဲ့သည်။ ၎င်း၌ နိုင်ငံခြားသားတစ်ဦးနှင့် ထိမ်းမြားထားသူသော်လည်းကောင်း၊ သားသမီးများက မြန်မာနိုင်ငံသား မဟုတ်လျှင်သော်လည်းကောင်း တိုင်းပြည်၏ဦးသျှောင် ဖြစ်ခွင့်မရှိဟူ၍ တားမြစ်ထား၏။ ဒေါ်စုကြည်၏အမျိုးသားမှာ အင်္ဂလိပ်လူမျိုး မိုက်ကယ်အဲရစ္စ ဖြစ်ပြီး၊ သူမ၏သားနှစ်ဦးက ဗြိတိန်နှင့် အမေရိကန်နိုင်ငံသားများ ဖြစ်နေကြ၏။ သို့ဖြစ်၍ NLD ခေါင်းဆောင် ငြိမ်းချမ်းရေး နိုဗဲလ်ဆုရှင် ဒေါ်အောင်ဆန်းစုကြည်သည် ဤဖွဲ့စည်းပုံဥပဒေအရ မြန်မာနိုင်ငံ၏သမ္မတ ဖြစ်မလာနိုင်ကြောင်း လူတိုင်း သိထားခဲ့ကြသည်။
သို့သော် ယခုနှစ် ဧပြီလ၌ အပြီးသတ်အာဏာလွှဲယူမည့်အစိုးရသစ်၏ တွဲဖက်ဦးသျှောင်ဖြစ်လာအောင် သူမအတွက် နိုင်ငံတော်အကြံပေးပုဂ္ဂိုလ် ဟူသော ရာထူးကို ဖန်တီးပေးလိုက်ကြသည်။
ယနေ့မှာတော့ စိတ်ပျက်စရာများ ရှေ့ဆက်ဖြစ်တည်လာရပြီ။ အထူးသဖြင့် မြန်မာ့လူဦးရေ ၃၀-၄၀ ရာခိုင်နှုန်းအထက်၌ ရှိနေနိုင်သော လူနည်းစု တိုင်းရင်းသားများအကြားတွင် ဖြစ်၏။ ၎င်းတို့လည်း မဖြစ်မနေလိုအပ်ချက်အရ မဟုတ်သည့်တိုင် ပါတီကို ထောက်ခံခြင်း သို့မဟုတ် ဒေါ်စုကြည်ကိုထောက်ခံအားပေးခြင်းကြောင့် NLD အား မဲထည့်ခဲ့ကြသည်။ ၂၀၁၅ ရွေးကောက်ပွဲတွင် ဗမာလူမျိုးလူများစု၏ မဲဆန္ဒနောက်ကို လိုက်ခြင်းက ပိုသဘာဝကျသည်ဟု ၎င်းတို့မှ လက်ခံထားခဲ့ကြသည်။
NLD ပါတီက လမ်းကြောင်းသစ်ပေါ် ရပ်တည်၏။ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ USDP မှာမူ မြန်မာ့နိုင်ငံရေးအခင်းအကျင်းကို သဘောထားပြောင်း ကျယ်ဝန်းစေပြီး အခြားသောပြုပြင်ပြောင်းလဲရေးကို မိတ်ဆက်ထိတွေ့စေခဲ့သော်လည်း အစိုးရဟောင်းကိုသာ ကိုယ်စားပြုခဲ့၏။ ထို့ကြောင့် မဲပေးခြင်း၌ အပြောင်းအလဲ ဖြစ်သွားသည်။ အစိုးရသစ်ထံမှ အပြောင်းအလဲကို အမျှော်ကြီး မျှော်လင့်ခဲ့ကြ၍ ဖြစ်ပေသည်။
သို့ပင်သို့ငြား အရေးကိစ္စအများအပြားက အရင်အတိုင်း ထူးမခြားနားဖြစ်နေခြင်းကိုသာ တွေ့မြင်နေကြရသည်။ ကချင်၊ ရှမ်းနှင့် အခြားလက်နက်ကိုင်တိုင်းရင်းသားများအပေါ် ဆင်နွှဲသော မြောက်ပိုင်းစစ်ပွဲများမှာ လျော့ပါးမသွားဘဲ ရှေ့ဆက်နေ၏။ အစိုးရ၏ စစ်အင်အားသာလွန်မှု၊ ရဟတ်ယာဉ်ပေါ်မှ ပစ်ခတ်ခြင်းအထောက်အကူ၊ အကြီးစားအမြောက်တပ်နှင့် ဂျက်လေယာဉ်များ အသုံးပြုခြင်းကြောင့် လူပေါင်း တစ်သိန်းကျော် နေရပ်စွန့်ခွာထွက်ပြေးကြရသည်။ သြဂုတ်လအတွင်း နေပြည်တော်၌ ဒေါ်အောင်ဆန်းစုကြည် ကမကထပြု ကျင်းပသော ငြိမ်းချမ်းရေးဆွေးနွေးဝိုင်းတွေက အစိုးရ၏အလိုကို လိုက်လျောမှုထက် ပို၍ မထူးခြားခဲ့ပါ။ ၎င်းတွေ့ဆုံဆွေးနွေးမှု၌ လက်နက်ကိုင် တိုင်းရင်းသားများက အပစ်အခတ်ရပ်စဲရေးကို သဘောတူလက်မှတ်ထိုးမှရမည်ဟု ဆိုသည်။ ၎င်းတို့အများစုကတော့ လက်နက်ချအညံ့ခံခိုင်းသည်ဟု အမြင်ရှိကြ၏။ ထို့ပြင် အာဏာပိုင်များ ဆိုထားသလို တိုင်းပြည်အနာဂတ်ဆိုင်ရာ နိုင်ငံရေးစားပွဲဝိုင်းထိုင်ခြင်း အစပြုမှုမျိုးလည်း မဟုတ်ခဲ့ပြန်။ ရခိုင်ပြည်နယ်မှ တင်းမာမှုသည်လည်း မြင့်တက်လာပြီး (ယခုအခါ) အစိုးရတပ်ဖွဲ့များနှင့် အစ္စလာမ်စစ်သွေးကြွဆိုသူများအကြား သွေးချောင်းစီးတိုက်ခိုက်မှုတွေ ဖြစ်ပွားနေပေသည်။
အမျှော်ကြီး မျှော်မှန်းထားသော စီးပွားရေးတိုးတက်မှုတွင်လည်း မည်သည့်အကောင်အထည်မျှ ထပ်တိုးထင်ရှားမှု ဖြစ်မလာသေးပေ။ စက်တင်ဘာလ ဒေါ်စုကြည်၏ ၀ါရှင်တန်ခရီးစဉ်အတွင်း အမေရိကန်က ၎င်း၏ကန့်သတ်ပိတ်ဆို့မှုများကို ရုပ်သိမ်းပေးခဲ့သည်။ ၎င်းအပြင် ယခုလအတွင်း တိုကျိုသို့ သူမ သွားရောက်သည့်အခါ ဂျပန်အစိုးရက ငါးနှစ်တာကာလအတွက် အမေရိကန်ဒေါ်လာ ၇.၇၃ ဘီလီယံအထိ အကူအညီပေးရန် အခိုင်အမာအာမခံခဲ့သည်။ ဂျပန်သည် မြန်မာနိုင်ငံတွင်း၌ အလျင်စလို ရင်းနှီးမြှုပ်နှံမှု မပြုသေးသော်လည်း ယင်းရည်ရွယ်ချက်အကြောင်းခံ ဟူသည်မှာ ရှင်းလင်းထင်ရှားပါသည်။
နိုင်ငံတကာဖွံ့ဖြိုးရေးလုပ်ငန်း အထူးပြုလေ့လာနေသော Deutsche Gesellschaft für Internationale Zusammenarbeit ဂျာမန်ကုမ္ပဏီက ၂၀၁၅ ဖေဖော်ဝါရီရက်စွဲဖြင့် ထုတ်ပြန်သည့် အစီရင်ခံစာပါ တိုးတက်ဖြစ်ထွန်းမှုအချို့အား အသိအမှတ်ပြုခဲ့သည်။ သို့သော် “လတ်တလောတွင် ပြုပြင်ပြောင်းလဲရေးများ ရှိနေလင့်ကစား အောက်ခြေဥပဒေလောက သာမက ဘဏ်လုပ်ငန်းဆိုင်ရာ ငွေကြေးလည်ပတ်မှုစနစ်သည် နိုင်ငံတကာစံနှုန်းများနှင့် အလှမ်းကွာဝေး နောက်ကျလွန်းနေသည်။ ၎င်းပြင် ထိုစနစ်က အရှေ့တောင်အာရှ နိုင်ငံအားလုံးအနက် ဖွံ့ဖြိုးတိုးတက်မှု အနိမ့်ကျဆုံးအဆင့်သို့ ရောက်သွားစေသည်။ သို့ဖြစ်ရာ ရှိအပ်သည့် အလယ်အလတ်ဆင့် ဘဏ္ဍာရေးအဆင့်အတန်းကိုပင် လုံလောက်အောင် မဖြည့်ဆည်းပေးနိုင်ပါ” ဟု ဆိုလိုက်သည်။
အစဉ်သဖြင့် လျှပ်စစ်မီးပြတ်တောက်ခြင်း၊ ညံ့ဖျင်းသော သယ်ယူပို့ဆောင်ရေးနှင့် အိမ်ခြံမြေဈေး အဆမတန် မြင့်မားမှုတို့က အလွန်တရာလိုအပ်လျက်ရှိသော ဖွံ့ဖြိုးရေးကို ခက်ခဲအောင် ဟန့်တားလျက်ရှိ၏။
NLD ၏ ၂၀၁၄ ရွေးကောက်ပွဲအောင်မြင်မှုနောက်ပိုင်း ဖြစ်နိုင်ချေမျှော်လင့်ချက်များမှာ လက်မခံချင်စရာကောင်းလောက်အောင် မြင့်မားလာသည်ဟု ခြုံငုံသုံးသပ်ရပေမည်။ ၂၀၀၈ ဖွဲ့စည်းပုံအခြေခံဥပဒေကလည်း ဒီမိုကရေစီစနစ်သစ်တစ်ရပ်ကို ထိတွေ့စေမည့်အစား စနစ်ဟောင်းတည်မြဲရှင်သန်နေရေးအတွက် ရေးဆွဲခဲ့ခြင်းဖြစ်လေရာ စစ်တပ်က အမျိုးသားနိုင်ငံရေး၏ ဦးဆောင်ကဏ္ဍ၌ ထိန်းသိမ်းရယူထားဆဲပင်။ ၎င်းက ကာကွယ်ရေး၊ ပြည်ထဲရေးနှင့် နယ်စပ်ရေးရာ ဟူသော အဓိကအရေးပါသော ၀န်ကြီးနေရာသုံးခုကို ခန့်အပ်ခွင့်ရှိသည့်အပြင် လွှတ်တော်များမှ ကိုယ်စားလှယ်များဦးရေ၏ လေးပုံတစ်ပုံခန့်ကိုလည်း ထည့်သွင်းခွင့်ရှိနေသည်။
မြန်မာနိုင်ငံသည် ရာစုနှစ်ဝက်ကျော် စစ်အုပ်ချုပ်ရေးကာလအလွန်တွင် ဒီမိုကရေစီစနစ်အား တည်ထောင်နိုင်ရန် ရုန်းကန်နေရဆဲဖြစ်ကြောင်း ဒေါ်စုကြည်ကလည်း ၀န်ခံပြောကြားနေသည်။
ဖွဲ့စည်းပုံအခြေခံဥပဒေရှိ အရေးပါသည့်အချက်များကို ပြင်ဆင်ပြောင်းလဲရန်မှာ လွှတ်တော်ကိုယ်စားလှယ်အားလုံး၏ သုံးပုံနှစ်ပုံကျော် မဲဆန္ဒ လိုအပ်သဖြင့် လက်ရှိလမ်းကြောင်းအား ဒီမိုကရေစီနည်းကျဖြစ်အောင် ကြိုးပမ်းချက်မှန်သမျှအပေါ် ဆန့်ကျင်ရန် လုံလောက်သည့် အရေအတွက်ကို ပေးအပ်လျက်ရှိသည်။ အရေးအကြီးဆုံးအချက်သည်ကား စစ်တပ်သည် ကိုယ်ပိုင်အုပ်ချုပ်ခွင့် ရရှိနေပြီး အာဏာပိုင်အစိုးရ သို့မဟုတ် ရွေးချယ်ခံအစုအဖွဲ့၏အမိန့်ထက် ၎င်း၏ စစ်ဦးစီးချုပ်အမိန့်များကိုသာ နာခံနေခြင်းဖြစ်သည်။
ဒေါ်စုကြည်အနေနှင့် သူမအားရွေးချယ်ခဲ့သော ပြည်သူလူထုနှင့် စစ်တပ်အကြားတွင် အလွန်တရာ သိမ်မွေ့စွာ ကိုင်တွယ်ရပေတော့မည်။ ဖခင်ဖြစ်သူ၏ တပ်မတော်ဖြစ်ခြင်းကြောင့် သူမသည် ချစ်မြတ်နိုးပါကြောင်းကိုလည်း ဗိုလ်ချုပ်များ အကြိုက် ပြောဆိုလျက် လမ်းကြောင်းချော်ထွက်နေပါသည်။
သူမ၏ဖခင်ဖြစ်သူ မြန်မာ့လွတ်လပ်ရေးသူရဲကောင်း ဗိုလ်ချုပ်အောင်ဆန်းက နိုင်ငံအတွက် ပထမဆုံးလက်နက်ကိုင်အင်အားစု(တပ်မတော်)ကို ဖွဲ့စည်းခဲ့သည်ကား မှန်၏။ သို့သော် ၎င်းသည် ယနေ့ခေတ် မြန်မာစစ်တပ်နှင့် မတူကွဲပြားလွန်းသော အနေအထားကြားမှ ရှင်သန်ထွက်ပေါ်ခဲ့ခြင်းဖြစ်သည်။ ယနေ့စစ်တပ်သည် ၁၉၄၀ ခုနှစ်များအတွင်း ဗြိတိသျှတို့ထံမှ လွတ်လပ်ရေးရရန် ၀ါယမပြုရာမှ ထွက်ပေါ်ခဲ့ခြင်းမဟုတ်၊ ပြည်တွင်းစစ်ကို အကြောင်းပြု၍ ကြီးထွားလာခြင်းသာဖြစ်၏။
သူမသည် စစ်တပ်အကြိုက်လိုက်လွန်းနေသည့်အပေါ် တိုင်းရင်းသားအုပ်စုများအကြား ခံစားချက်ကြီးတစ်ရပ် ဖြစ်လာစေသည်။ “သူမကို ဝေဖန်ရလွန်းလို့ ကျွန်မ မောပန်းလှပါပြီ” ဟူ၍ ဗုဒ္ဓဘာသာဝင်လူများစုကြီးစိုးရာ မြန်မာနိုင်ငံရှိ လူနည်းစု ခရစ်ယာန်လည်းဖြစ်၊ ကချင်အရေးလှုပ်ရှားသူလူငယ်လည်းဖြစ်သော နော်စတယ်လာက ဆိုသည်။
“သူမကို စစ်တပ်က ထိန်းချုပ်ထားတယ်။ တစ်ချိန်က လူနည်းစုဝင်တိုင်းရင်းသားတွေဆီကရော တိုးတက်ပြောင်းလဲလိုတဲ့ ဗမာလူမျိုးတွေဆီကရော ရရှိထားခဲ့တဲ့ ထောက်ခံအားပေးမှုကို သူမဟာ လက်လွှတ်ဆုံးရှုံးဖို့ များနေပါပြီ”။
၎င်းတိုးတက်ပြောင်းလဲလိုကြသည့် ဗမာလူမျိုးအချို့က သူမအား နာမည်ကျော် ဗိုလ်အောင်ဒင်ဇာတ်လမ်းမှ မမြ၀င်းနှင့်ပင် ခိုင်းနှိုင်းတင်စားကြသည်။ ထိုမမြ၀င်းမှာ တောပုန်းခေါင်းဆောင် ဗိုလ်အောင်ဒင်၏ ပြန်ပေးဆွဲခေါ်ဆောင်သွားခံရသော်လည်း သူမအား ကယ်ဆယ်ရန်ကြိုးစားသော ရဲဝန်ထမ်းကို ဆန့်ကျင်၍ ဗိုလ်အောင်ဒင်ဖက်မှ ရပ်တည်ခဲ့လေသည်။ ၎င်းမှာ Stockholm syndrome (ဘက်ပြောင်းစိတ္တ)အား မြန်မာမှုပြုထားသော ဇာတ်လမ်းဖြစ်သည်။
သူမသည် စစ်အုပ်ချုပ်ရေးကိုအဆုံးသတ်စေလိုသည့် တိုင်းသူပြည်သားများထက် သူမအား ၁၅ နှစ်ထိ နေအိမ်အကျယ်ချုပ်ဖြင့် ထိန်းသိမ်းထားခဲ့သော စစ်တပ်နှင့် ပိုမို ဖက်လှဲတကင်းဖြစ်နေပုံရ၏။
ဤသုံးသပ်ချက်မှာ ကြမ်းတမ်းကောင်း ကြမ်းတမ်းပေမည်။ သို့သော် ဒေါ်စုကြည်၏ အရှိန်အ၀ါ မှေးမှိန်လာနေပြီဖြစ်၏။ “ဒေါ်စုကြည် လွတ်မြောက်ရေးအတွက် ကျွန်မတို့ တစ်စုံတစ်ရာကို ထပ်မံစတင်ရတော့မှာဖြစ်တယ်” ဟု နော်စတယ်လာက ဆိုသည်။
လွန်ခဲ့သောတစ်နှစ်က မြန်မာ့အတိုက်အခံခေါင်းဆောင် ဒေါ်အောင်ဆန်းစုကြည်သည် သောင်ပြိုကမ်းပြိုအနိုင်ရသည့် ရွေးကောက်ပွဲနှင့်အတူ နိုင်ငံတော်ကို ဦးဆောင်နိုင်ခဲ့သည်။ ရန်ကုန်မြို့လမ်းများနှင့် နေရာတိုင်းတွင် ခြိမ့်ခြိမ့်သဲ ပျော်ရွှင်ခဲ့ကြသော်လည်း တစ်နှစ်တာအလွန်တွင်တော့ ခါးသည်းသည့်ပကတိတရားက ရှေ့ဆက်နေဆဲ။ လူမျိုးရေး၊ နိုင်ငံရေးပဋိပက္ခနှင့် ပြည်တွင်းစစ်ကြောင့် ဆယ်စုနှစ်များစွာ ပြိုကွဲပျက်စီးနေသော တိုင်းပြည်တစ်ခုကို နိုင်နင်းအောင်အုပ်ချုပ်ခြင်းထက် ဒီမိုကရေစီသူရဲကောင်းဖြစ်ဖို့က ပို၍ လွယ်ကူသက်သာနေပေသည်။ ၁၉၆၀ ခုနှစ်များကတည်းက ပထမဆုံးအကြိမ်အဖြစ် မြန်မာနိုင်ငံသည် အရပ်သားအစိုးရတစ်ရပ်ကို ရရှိထားပြီးဖြစ်ပါသော်လည်း စစ်တပ်သည် ပဲ့ထိန်းနေရာတွင် ရှိနေဆဲပါတကား။
(Bertil Lintner ၏ One year on in Myanmar, is Suu Kyi’s halo slipping? နိုင်ငံရေးအမြင်ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုသည်။)
