Category: ကမ္ဘာကျော် မွတ်စလင်များ

ဇန်န၀ါရီ ၁၊ ၂၀၁၆

နာရီတို့၏ အစ

ကျွန်တော်တို့ ဘာပဲလုပ်လုပ်၊ ဘယ်လို ဆန္ဒမျိုး အိမ်မက်မျိုး၊ ကြောက်ရွံ့မှုမျိုးပဲရှိရှိ၊ ကျွန်တော်တို့ ရှိသည်ဖြစ်စေ၊ မရှိသည်ဖြစ်စေ အချိန်ကတော့ ရွေ့လျား တိုက်စားစမြဲပါပဲ။ ကျွန်တော်တို့ အသဲအသန်ဖြစ်ကြရတဲ့ စာမေးပွဲတွေ၊ အရေးကြီးတဲ့အင်တာဗျူးတွေ၊ ဒါမှမဟုတ် မွေးနေ့ပွဲတွေ စတဲ့ ကိစ္စရပ်တွေမှာလည်း စတင်ချိန်နဲ့ ပြီးဆုံးချိန်ဆိုတာ ရှိကြပါတယ်။

ပထမဆုံး နေနာရီ (sundial) အသုံးပြုတဲ့အချိန်က စပြီး လူတွေဟာ အချိန်ကို တွက်ချက်ချင်ခဲ့ကြတာပါ။ အခုဆိုရင်တော့ ကျွန်တော်တို့မှာ တိတ်ဆိတ်တဲ့ ဒစ်ဂျစ်တယ်နာရီတွေ၊ တစ်ချက်ချက်သွားနေတဲ့ ခေတ်ပေါ် လက်တံနာရီတွေ ရှိနေပါပြီ။ အဲဒီနာရီတွေရဲ့ အစကတော့ အစက်ချတဲ့နည်းစနစ်ကို အသုံးပြုတဲ့ ရေနာရီ (clepsydra) ပဲဖြစ်ပါတယ်။ အိုးတစ်ခုရဲ့ အောက်ခြေမှာ အပေါက်ဖောက်ထားပြီး အဲဒီအပေါက်ကနေ ရေကျသွားတဲ့အခါ အိုးပေါ်မှာ ပြုလုပ်ထားတဲ့ အမှတ်အသားကိုကြည့်ပြီး အချိန်ကိုတွက်ချက်တဲ့ ရိုးရှင်းတဲ့ ဒီရေနာရီကို ဘီစီ ၁၅၀၀ မတိုင်ခင်ကတည်းက အီဂျစ်မှာ အသုံးပြုခဲ့တာ ဖြစ်ပါတယ်။

နောက်ထပ် ရှေးဟောင်း အချိန်မှတ်ပစ္စည်းတစ်ခုကတော့ အိန္ဒိယက ဂါတီကာ-ယန်ထရာ (ghatika-yantra) လို့ခေါ်တဲ့ ကိရိယာပါပဲ။ အဲဒီကိရိယာမှာတော့ အောက်ခြေမှာ အပေါက်ဖောက်ထားတဲ့ (ကြေးနီ သို့မဟုတ် အုန်းမုတ်ခွက်နဲ့လုပ်ထားတဲ့) စက်လုံးပုံသဏ္ဍာန် ခွက်တစ်ခု ပါဝင်ပါတယ်။ အဲဒီခွက်ကလေးကို ရေဇလုံထဲမှာ မျောစေလိုက်တဲ့အခါမှာ ဖောက်ထားတဲ့အပေါက်ကနေ ရေဟာ တစ်ဖြည်းဖြည်းချင်းစိမ့်ဝင်ပြီး ခွက်ကလည်း ရေအောက်ကို နစ်မြုပ်သွားခဲ့ပါတယ်။ ဇလုံရဲ့ ကြမ်းပြင်နဲ့ အဲဒီခွက်လေး ထိတဲ့အခါမှာ အချိန်မှတ်တဲ့သူဟာ ခွက်ကိုပြန်ထုတ်ပြီး ရေပေါ်မှာ ပြန်မျောစေကာ လုပ်ငန်းစဉ်တစ်ခုလုံးကို ပြန်လည်စတင်ခြင်းအားဖြင့် အချိန်ကို မှတ်သားတာဖြစ်ပါတယ်။ အဲဒီအချိန်မှတ်ကိရိယာဟာ အိန္ဒိယနိုင်ငံအတွင်းက ဗုဒ္ဓဘာသာ ဘုန်းကြီးကျောင်းနဲ့ ဟိန္ဒူဘုရားကျောင်းတွေမှာ တော်တော်လေး လူကြိုက်များခဲ့ပြီး နောက်ပိုင်းမှာတော့ ဗလီဝတ်ကျောင်းတော်တွေမှာပါ ကျယ်ကျယ်ပြန့်ပြန့် အသုံးပြုခဲ့ကြပါတယ်။

၁၃ ရာစုနှစ်မှာတော့ တူရကီနိုင်ငံ အရှေ့တောင်ပိုင်း ဒီယာဘာကီရ် (Diyarbakir) ဆိုတဲ့မြို့လေးက  အလ်-ဂျာဇာရီ (Al-Jazari) လို့ခေါ်တဲ့ တီထွင်ပညာရှင်ကြီးတစ်ယောက်ဟာ ခေတ်ပေါ်နာရီတွေရဲ့ ရှေ့ပြေးဖြစ်တဲ့ အလိုအလျောက် နာရီကို တီထွင်ဖန်တီးခဲ့ပါတယ်။ ဘာသာရေးကိုင်းရှိုင်းသူတစ်ယောက်ဖြစ်တဲ့ အလ်-ဂျာဇာရီဟာ အလွန်ကျွမ်းကျင်တဲ့ အင်ဂျင်နီယာတစ်ယောက်လည်း ဖြစ်ပြီး အလိုအလျောက်စက်ပစ္စည်းတွေရဲ့ အခြေခံသဘောတရားကို မွေးထုတ်ပေးခဲ့သူလည်း ဖြစ်ပါတယ်။ သူဟာ သူ့အရင်ရှိခဲ့တဲ့ စက်ကိရိယာဆိုင်ရာ သမိုင်းကြောင်းတွေ၊ နည်းပညာတွေကို အထူး စိတ်ဝင်စားခဲ့သူဖြစ်ပြီး အထူးသဖြင့် ရှေးဟောင်း ဂရိတွေနဲ့ အိန္ဒိယတွေရဲ့ သိပ္ပံပညာဆိုင်ရာ ထီထွင်ဆန်းသစ်မှုတွေ ဖြစ်ပါတယ်။

၁၂၀၆ ခုနှစ်မှာတော့ ဒီယာဘာကီရ်က အာတုက်မင်းဆက် (Artuq) တွေထံမှာ အမှုထမ်းစဉ် အလ်-ဂျာဇာရီဟာ ပုံသဏ္ဍာန်၊ အရွယ်အစားမျိုးစုံရှိတဲ့ နာရီတွေကို တီထွင်ဖန်တီးခဲ့ပါတယ်။ ဘုရင် နာဆီရ်-အလ်ဒင် (Nasir Al-Din) လက်ထက်မှာ ဘုရင်ကြီးဟာ ထူးခြားဆန်းပြားတဲ့ ကိရိယာတွေကို တီထွင်ဖန်တီးဖို့ အလ်-ဂျာဇာရီကို အမိန့်တော်မှတ်ခဲ့ပြီး လာမယ့်မျိုးဆက်တွေကလည်း ဒီကိရိယာတွေကို ဆက်လက်ချဲ့ထွင် တည်ဆောက်သွားနိုင်ရမယ်လို့ ဆိုပါတယ်။ ဒါတင်မကသေးဘဲ အဲဒီတီထွင်မှုတွေနဲ့ ပတ်သက်သမျှကို ပုံတွေနဲ့တကွ အသေးစိတ်ရေးသားဖော်ပြထားတဲ့ စာအုပ်တစ်အုပ်ကိုလည်း ဆက်သရမယ်လို့ ဘုရင် အလ်-ဒင်ရဲ့ အမိန့်တော်ထဲမှာ ပါဝင်ခဲ့ပါတယ်။

ဒီအမိန့်ရဲ့ ရလဒ်အနေနဲ့ အလ်-ဂျာဇာရီဆီကနေ The Book of Knowledge of Ingenious Mechanical Devices (ဆန်းပြားသည့် စက်ပစ္စည်းများဆိုင်ရာ အသိပညာကျမ်း) ဆိုတဲ့ ကျမ်းကြီးတစ်စောင် ပေါ်ထွက်လာခဲ့ပါတော့တယ်။ အဲဒီကျမ်းကြီးဟာ အင်ဂျင်နီယာဘာသာရပ် နယ်ပယ်အားလုံးအတွက် အဖိုးမဖြတ်နိုင်တဲ့ ရင်းမြစ်ကျမ်းတစ်စောင် ဖြစ်ခဲ့ပါတယ်။ အဲဒီကျမ်းထဲမှာတော့ ကဏ္ဍ ၆ ခုခွဲထားပြီး ရေနာရီအပါအ၀င် သူကိုယ်တိုင် တီထွင်ဖန်တီးခဲ့တဲ့ စက်ကိရိယာ အခု ၅၀ ကို အလ်-ဂျာဇာရီက အသေးစိတ် ဖော်ပြထားပါတယ်။

ဒီနေ့ခေတ်မှာ ကျွန်တော်တို့ဟာ အချိန်ကိုသိဖို့ လိုအပ်သလိုပဲ လွန်ခဲ့တဲ့ နှစ် ၇၀၀ ကျော်က မွတ်စလင်တွေဟာလည်း အချိန်ကိုသိဖို့ လိုအပ်ခဲ့ပါတယ်။ အလ်-ဂျာဇာရီကတော့ နာရီတီထွင်ဖန်တီးတဲ့ မွတ်စလင်တွေရဲ့ ရိုးရားဓလေ့ကို ထိန်းသိမ်းခဲ့သူတစ်ယောက်လည်း ဖြစ်ပါတယ်။ ကျွန်တော်တို့ နေ့စဉ် ဖြုန်းတီးနေကြတဲ့ အချိန်ကို ရပ်တန့်လို့မရဘူးဆိုတာ မွတ်စလင်တွေက သိခဲ့ကြပြီး ဒါ့ကြောင့်ပဲ ကောင်းမှုကုသိုလ်တွေ ဆောင်ရွက်တဲ့နေရာမှာ အသုံးပြုဖို့အတွက် အချိန်ကို သိရှိနိုင်ရေးဟာ သူတို့အတွက် အရေးကြီးခဲ့ပါတယ်။ နေ့စဉ် ၅ ကြိမ်ဝတ်ပြုမှုကို ဘယ်အချိန်တွေမှာ ဆောင်ရွက်ရမလဲဆိုတာကို မွတ်စလင်တွေက သိဖို့ လိုအပ်ပြီး ဒါမှသာ ဗလီဝတ်ကျောင်းတော်တွေကလည်း ၀တ်ပြုဖို့ နှိုးဆော်သံကို ဟစ်ကြွေးနိုင်ကြမှာ ဖြစ်ပါတယ်။ ရမ်ဇာန်လမှာ ဥပုသ်သီလစောင့်တည်တာ၊ အီးဒ်ပွဲတော် ဆင်နွှဲတာ၊ မက္ကာမြို့ကို ဘုရားဖူးသွားတာ စတဲ့ နှစ်စဉ် အရေးပါတဲ့ အခါသမယတွေကို တွက်ချက်သတ်မှတ်ဖို့အတွက်လည်း အချိန်ကို အတိအကျသိဖို့ အရေးကြီးပါတယ်။

အဲဒီလိုတွန်းအားတွေကပဲ ဘုရင် နာဆီရ်-အလ်ဒင် ရည်ညွှန်းခဲ့တဲ့ ဆန်းပြားတဲ့ ကိရိယာတွေထဲမှာ ဆင်နာရီ (Elephant Clock) ပါဝင်လာတာပဲဖြစ်ပါတယ်။ အဲဒီဆင်နာရီဟာ အချိန်ကို ပြောပြနိုင်သလိုပဲ အဆင့်အတန်း၊ ဂုဏ်သိက္ခာနဲ့ ကြွယ်ဝမှုတို့ရဲ့ ပြယုဂ်လည်း ဖြစ်ပါတယ်။ နောက်ပြီး ဒါဟာ ပထမဆုံး စက်ပစ္စည်းနဲ့ ပေါင်းစပ်ထားတဲ့ ရွေ့လျား အချိန်ပြစက် ဖြစ်ခဲ့ပါတယ်။

ဆင်နာရီ

 

ဒီနေ့ခေတ်မှာ တိကျတဲ့ ဒစ်ဂျစ်တယ်နာရီတွေ၊ စက်နာရီတွေမရှိရင် ခေတ်မီကမ္ဘာကြီး ရှေ့ဆက်ဖို့ဆိုတာ မဖြစ်နိုင်ပါဘူး။ ဒါပေမယ့် လွန်ခဲ့တဲ့ နှစ်ပေါင်း ၈၀၀ ကျော်ကတည်းက ဘယ်အချိန်ဝတ်ပြုရမယ်၊ ဥပုသ်သီလ ဆောက်တည်ရမယ်၊ ဘယ်နေ့မှာ အီးဒ်ပွဲတော် ဆင်နွှဲရမယ်၊ ဘယ်အချိန်မှာ ဘုရားဖူးသွားရောက်ရမယ် ဆိုတာတွေကို တွက်ချက်သတ်မှတ်ဖို့အတွင် တီထွင်ကြံဆသူတွေဟာ အဆန်းပြားဆုံး အချိန်ပြစက်တွေကို တီထွင်ခဲ့ကြပါတယ်။

အဲဒီအထဲမှာ ဆင်နာရီကတော့ လူသားတွေရဲ့ ကွဲပြားခြားနားတဲ့ ယဉ်ကျေးမှုတွေကို ပေါင်းစည်းထားတဲ့ အပြောင်မြောက်ဆုံး လက်ရာပါပဲ။ နာရီရဲ့ ရွေ့လျားနိုင်တဲ့ စက်ယန္တရားဟာ အိန္ဒိယတွေရဲ့ နည်းပညာကို အတုယူထားတဲ့ ရေစွမ်းအင်သုံး အလိုအလျောက် ယန္တရားဖြစ်ပါတယ်။ အဲဒီ ယန္တရားကို အီဂျစ်က ဇာမဏီငှက်၊ ဂရိရဲ့ ဟိုက်ဒရောလစ်နည်းပညာ၊ တရုတ်နဂါး၊ အိန္ဒိယဆင်၊ အာရပ်ဝတ်စုံဝတ် လူရုပ်တွေနဲ့ အချိုးကျစွာ ပေါင်းစပ်ထားတာဖြစ်ပြီး စပိန်ကနေ တရုတ်နိုင်ငံအထိ နည်းပညာတွေလည်း ဒီကိရိယာမှာ လွှမ်းမိုးနေပါတယ်။

ဆင်နာရီကို တီထွင်တဲ့သူကတော့ တူရကီတောင်ပိုင်းက အင်ဂျင်နီယာပညာရှင် အလ်-ဂျာဇာရီပဲ ဖြစ်ပါတယ်။ သူဟာ ပုံသဏ္ဍာန်မျိုးစုံ၊ အရွယ်အစားမျိုးစုံရှိတဲ့ စက်ကိရိယာတွေကို တီထွင်ခဲ့သူဖြစ်ပြီး ၁၂၀၆ ခုနှစ်မှာ ထွက်ပေါ်လာတဲ့ သူရဲ့ The Book of Knowledge of Ingenious Mechanical Devices အင်ဂျင်နီယာကျမ်းထဲမှာ အသေးစိတ်ဖော်ပြခဲ့ပါတယ်။ အလ်-ဂျာဇာရီရဲ့ ထိပ်တန်း တီထွင်မှုတွေကတော့ ကောက်တံနဲ့လှည့်တဲ့ ဘီး၊ ၀င်ရိုးဆက်သွယ်မှု၊ စက်ဝိုင်းပုံစံရွေ့လျားမှုကနေ ဒေါင်လိုက်ရွေ့လျားမှုကို ပြောင်းလဲပေးတဲ့ ပြွန်ကျပ်စနစ် (piston system)၊ ရေစုပ်နည်းပညာ၊ အင်ဂျင်တွေဖြစ်ပြီး အခြားသော စက်ကိရိယာ များစွာလည်း သူ့ရဲ့တီထွင်မှုမှာ ပါဝင်နေပါတယ်။ ဒါတင်မကသေးဘဲ သူ့ရဲ့ အင်ဂျင်နီယာကျမ်းကြီးထဲမှာ လက်ဆေးစက်၊ ၀င်ရိုးတွေ၊ စက်သွားတွေနဲ့လည်ပတ်တဲ့ သံစုံတီးဝိုင်းတွေပါအ၀င် သူတီထွင်ခဲ့တဲ့ စက်ပစ္စည်းမျိုးစုံကိုလည်း ဖော်ပြခဲ့ပါတယ်။

ဆင်နာရီမှာတော့ အပေါက်ဖောက်ထားတဲ့ ခွက်တစ်ခုဟာ ဆင်ခန္ဓာကိုယ်က မမြင်ရတဲ့ ရေတိုင်ကီထဲမှာ တဖြည်းဖြည်းခြင်းနစ်မြုပ်စေတဲ့ နည်းပညာကို အသုံးပြုထားပြီး အိန္ဒိယက ဂါတီကာ (Ghatika) လို့ခေါ်တဲ့ နည်းပညာ ပုံစံမျိုးပါပဲ။ သူ့ရဲ့အရင်က အီဂျစ်ကနေ ဂရိအထိ လူ့အဖွဲ့အစည်းတွေမှာ အပေါက်ဖောက်ထားတဲ့ ခွက်ထဲကနေ ရေစိမ့်ထွက်ခြင်းအားဖြင့် အချိန်ကိုတိုင်းတာတဲ့ နည်းလမ်းတွေကို အသုံးပြုခဲ့ကြပြီး အဲဒီပုံစံနဲ့ ဖန်တီးထားတဲ့ ကိရိယာကို ရေနာရီ (clepsydra) လို့ ခေါ်ပါတယ်။

အလ်-ဂျာဇာရီရဲ့ ဆင်နာရီကတော့ နာရီဝက်ကြာတိုင်းမှာ သာယာနာပျော်ဖွယ်အသံနဲ့ လှုပ်ရှားမှုတွေကို မြင်ရ၊ ကြားရပါတယ်။ နာရီရဲ့ ထိပ်ဆုံးကနေကြလာတဲ့ အလုံးလေးဟာ ဘယ်နှစ်နာရီရှိပြီဆိုတာကို ပြသတဲ့ ဒိုင်ခွက်ကို ရွေ့လျားစေပြီး စာရေးနေတဲ့ပုံသဏ္ဍာန် ရုပ်ထုနဲ့ သူ့ရဲ့ ကလောင်တံကတော့ နောက်တစ်နာရီရဲ့ မိနစ်တွေကို ပြဖို့အတွက် မူလနေရာကို ပြန်လည်သွားပါတော့တယ်။ နဂါးရဲ့ပါးစပ်ကနေတစ်ဆင့် နာရီအောက်ခြေက ပန်းအိုးထဲကို ဒီအလုံးလေး ကျသွားတဲ့အချိန်မှာ ဆင်ထိန်းရုပ်ထုလက်ထဲက တူနဲ့ လင်ကွင်းကို ရိုက်ခတ်စေပြီး အသံထွက်ကာ နာရီဝက်ကုန်ဆုံးသွားကြောင်း အသိပေးလိုက်ပါတော့တယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

 

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်အများ (၁) – ကို ဖတ်ရှုရန်

ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်အများ (၂) – ကို ဖတ်ရှုရန်

ဒီဇင်ဘာ ၂၅၊ ၂၀၁၅
M-Media
ရာဇာ (M-Media) မှ တင်ဆက်သည်
အပတ်စဉ်ကဏ္ဍ – (အပတ်စဉ်သောကြာနေ့တိုင်း ဖော်ပြသွားပါမည်)

အစားအသောက်ဓလေ့နှင့် ဖန်ထည်များ

တစ်နေ့ အစာသုံးနပ်စားဖို့ အလေ့အထကို ဥရောပမှာ မိတ်ဆက်ပေးခဲ့တဲ့အတွက် ကျေးဇူးတင်ရမယ့်သူကတော့ မဟူရာငှက် (Black Bird) လို့ အမည်ပြောင်ပေးထားထဲ့ အဘူ-ဟာဆန် အလီ အစ်ဗနေ့ နာဖီ (Abul-Hasan Ali ibn Nafi) ဆိုတဲ့ပုဂ္ဂိုလ်ပဲ ဖြစ်ပါတယ်။ ၉ ရာစုမှာ အန်ဒါလူစီယာ (Andalusia- စပိန်တွင်ရှိသည်) ကို နာဖီ ခြေချခဲ့ပြီးတဲ့နောက်ပိုင်းမှာ ဥရောပတစ်ခုလုံးရဲ့ အစားသောက် စားသောက်မှု အလေ့အထဟာ လုံးဝ ပြောင်းလဲသွားခဲ့ပါတယ်။ သူက အစာစစားရင် ဟင်းချိုနဲ့စသင့်ပြီး အဓိကဟင်းလျာက အသား၊ ငါး  ဒါမှမဟုတ် ကြက်သား၊ ဘဲသားတွေ ပါရမယ်။ စားသောက်ပြီးတဲ့အခါမှာ အသီးအနှံ ဒါမှမဟုတ် မြေပဲတို့နဲ့ အချိုတည်းရမယ်ဆိုတဲ့ ဓလေ့ကို အသက်သွင်းပေးခဲ့တာ ဖြစ်ပါတယ်။

အလယ်ခေတ်မွတ်စလင်တွေဟာ အခြားသူတွေလိုပဲ ရာသီအလိုက် ပေါ်လာတဲ့ အစားသောက်တွေကိုပဲ စားသောက်ကြတာ များပါတယ်။ ဆောင်တွင်းဘက်မှာ ကိုက်လံ၊ ပဲအမျိုးမျိုး၊ မုန်လာဥအမျိုးမျိုး၊ သံလွင်သီး၊ ဂျုံနဲ့ မြေပဲတွေလို အစားအသောက်တွေကို ပုံမှန်စားသောက်ကြပြီး၊ အသားဟင်းလျာတွေလည်း ပါဝင်ပါတယ်။ သဖန်းသီး၊ စွန်ပလွန်သီး၊ စပျစ်သီးခြောက်တွေကို အချိုပွဲအဖြစ် သုံးဆောင်ပြီး၊ သကာ၊ ရှားစောင်းလက်ပတ်၊ ဆေးပေါင်းစုံ၊ သစ်သီးစုံတို့နဲ့ ပြုလုပ်ထားတဲ့ ဖျော်ရည်တွေကို သောက်သုံးကြပါတယ်။

နွေရာသီမှာတော့ တူညီမှုမရှိတော့ဘဲ အစိမ်းရောင်ပဲတွေ၊ မုန်လာဥ၊ ဆလတ်ရွက်၊ ချီကိုရီ၊ ခရမ်းသီး၊ ကျောက်ဖရုံသီး၊ သခွားဖရုံသီးနဲ့ ဆန်တို့ကို အဓိကထား စားသုံးကြပြီး ဒါတွေနဲ့အတူ ကြက်ဘဲ၊ ငှက်ကုလားအုပ်နဲ့ အမဲသား စတဲ့ အသားဟင်းလျာတွေကို တွဲဖက်လေ့ရှိပါတယ်။ အာရပ်တွေရဲ့ နွေရာသီ အချိုပွဲတွေကတော့ ရှောက်ချိုသီး၊ လိမ္မော်သီး၊ ဥသျှစ်သီး၊ မက်မွန်သီး၊ ပိုးစားသီး၊ ချယ်ရီသီး၊ ဇီးသီး၊ ဇီးချိုသီး၊ စပျစ်သီး၊ သလဲသီး၊ ဖရဲသီး၊ သစ်တော်သီး၊ ပန်းသီးနဲ့၊ သခွားမွှေးတို့ ဖြစ်ကြပါတယ်။ အချိုရည်ကိုတော့ သကာ၊ သစ်သီးစုံ၊ ရှောက်ချိုသီး၊ နှင်းဆီ၊ စံပယ်၊ ဂျင်းနဲ့ စမုံနက်တွေကို ပုံစံအမျိုးမျိုး ဖန်တီးပြီး သောက်သုံးကြပါတယ်။

အစားအသောက်မျိုးစုံ၊ အသီးမျိုးစုံနဲ့ ဖျော်ရည်တွေကို အာရပ်တွေက စာပွဲခင်းပေါ်မှာ တည့်ခင်း သုံးဆောင်တတ်ပြီး အဲဒီဓလေ့ဟာ အန်ဒါလူစီယာကို အဘူ-ဟာဆန် အလီ အစ်ဗနေ့ နာဖီ ကနေ တစ်ဆင့် ရောက်ရှိလာခဲ့တာ ဖြစ်ပါတယ်။ ကော်ဒိုဘာ နန်းတော်က ညစာစားပွဲတွေမှာ အဖျော်ယမကာတွေ သောက်သုံးရာမှာ သတ္တုခွက်ကြီးတွေ၊ ရွှေခွက်တွေ အသုံးပြုမှုကို နာဖီကပဲ ဖန်ထည်တွေနဲ့ အစားထိုးပေးခဲ့ပါတယ်။

အဲဒီနောက်ပိုင်းမှာတော့ ဥရောပရဲ့ ဂုဏ်သရေရှိအသိုင်းအ၀ိုင်းမှာ အာရှကဟင်းလျာတွေ၊ အရသာတွေကို တောင်းဆိုမှုဟာ အလျင်အမြန်ပဲ မြင့်တက်လာခဲ့ပါတယ်။ ၁၄ ရာစုက အာဗစ်ဂ်နွန် (Avignon) က ပုပ်ရဟန်းမင်းတစ်ပါး ရေးသားခဲ့တဲ့ သမိုင်းမှတ်တမ်းမှာ ဘေရွတ်က ရောက်ရှိလာတဲ့ သင်္ဘောတွေဟာ ယိုမျိုးစုံ၊ တာရှည်ခံအစားအသောက်၊ ဆန်၊ ကိတ်မုန့်လုပ်တဲ့ အရသာမှုန့်တွေ စသဖြင့် ပါဝင်တယ်လို့ ဖော်ပြထားပါတယ်။ ဒိန်းမတ်ဘုရင်မ ခရစ္စတီးနား (Christina) က မွတ်စလင်တွေရဲ့ အစားအသောက်ဓလေ့ကို လက်ခံကျင့်သုံးခဲ့ပြီး၊ သူတို့ရဲ့ ထွက်ကုန်တွေ၊ သစ်သီးဝလံတွေကိုလည်း တင်သွင်းခဲ့တယ်ဆိုတဲ့ သမိုင်းကြောင်းတွေလည်း ရှိနေပါတယ်။ ဒီလိုတင်သွင်းမှုကတစ်ဆင့် ဒိန်းမတ်နိုင်ငံဟာ ပန်းသီးနဲ့ ဂျုံတွေကို အများအပြား ရရှိတာကြောင့် Danish Pastry လို့ခေါ်တဲ့ နာမည်ကျော် ဒိန်းမတ်အချို့မုန်တွေရဲ့ မူလအစဟာ အဲဒီအချိန်ကနေ စတင်တယ်လို့ မှတ်ယူကြပါတယ်။

ဖန်ထည်များ

ဧည့်ခန်း၊ ထမင်းစားခန်းတွေကို ပိုမိုစိုပြေစေမယ့် ဖန်ထည်ပစ္စည်းတွေ ထုတ်လုပ်ဖို့အတွက် ဖန်ချက်လုပ်ငန်းဟာလည်း မွတ်စလင်တစ်ဦးဖြစ်တဲ့ အဘတ်စ် အစ်ဗနေ့ ဖီရ်နက်စ် (Abbas ibn Firnas) ရဲ့ ကြိုးပမ်းမှုကြောင့် အန်ဒါလူစီယာဒေသမှာ ဖွံ့ဖြိုးလာတာဖြစ်ပါတယ်။ ဖီရ်နက်စ်ဟာ သဲနဲ့ ကျောက်တုံးတွေကိုအသုံးပြုပြီး ဖန်သားဖြစ်လာဖို့အတွက် စမ်းသပ်မှုတွေ အကြိမ်ကြိမ် ပြုလုပ်ခဲ့သူပါ။ နောက်ပိုင်းမှာတော့ ဘာဒါဂျို့စ် မြောက်ပိုင်းက ကျောက်မိုင်းတွင်း တစ်ခုနားမှာ ဖန်ချက်စက်ရုံတစ်ခုကို တည်ထောင်ခဲ့ပါတယ်။ အန်ဒါလူစီယာက ထွက်တဲ့ ဖန်ထည်လက်ရာ အများစုကို ဥရောပတစ်ဝှမ်းက ခရစ်ယာန်ဘုရားကျောင်းတွေ၊ ဘုန်းကြီးကျောင်းတွေမှာ တွေ့ရပြီး၊ စပိန်နိုင်ငံက Astorga Cathedral ကက်သလစ် ဘုရားကျောင်းက ရောင်စုံမှန်တွေနဲ့ လုပ်ထားတဲ့ လက်ရာတွေကတော့ အကျော်ကြားဆုံးပါပဲ။ အဲဒီလက်ရာတွေထဲမှာ အပင်ပုံသဏ္ဍာတွေကို အခြေခံပြီး ဖန်တီးထားတဲ့ ကနုတ်လက်ရာတွေ (vegetal patterns) နဲ့ ရှေးဟောင်း အာရဘီလက်ရေးလက်သားအလှ (Kufic) တွေ ပါဝင်ပါတယ်။

အချိုရည်သောက်သုံးရာမှာ အသုံးပြုတဲ့ ဖန်ခွက်တွေကို မိတ်ဆက်ပေးခဲ့သူကလည်း ဖီရ်နက်စ်ပဲဖြစ်ပြီး ဖန်သားနဲ့ တိမ်တိုက်ပုံတူ၊ မိုးကြိုး၊ လျှပ်စီး စတာတွေကို အရိုးရှင်းဆုံးဖန်တီးပြီး နက္ခတ်တာရာပြခန်း တည်ဆောက်ကာ ပြည်သူတွေကို ကမ္ဘာပြင်ပက ကိစ္စတွေနဲ့ မိတ်ဆက်ပေးခဲ့တာလည်း သူပဲဖြစ်ပါတယ်။ ဖီရ်နက်စ်ရဲ့ ဒီပြသမှုဟာ ၉ ရာစုက ပြည်သူတွေကို အံ့သြမှင်သက်စေခဲ့ပါတယ်။

မွတ်စလင်အိုးလုပ်သူတွေက ကြွေနဲ့ စဥ့်ကိုအသုံးပြုကာ ပန်ုးကန်ခွက်ယောက်တွေကို ဖန်တီးခဲ့ပြီး အစားအသောက်စားပွဲကို ပိုမိုစတိုင်ကျစေခဲ့ပါတယ်။ မာလာဂါနဲ့ ဗလင်စီယာတို့ဟာ အိုးလုပ်ငန်းရဲ့ အချက်အခြာဒေသတွေဖြစ်ခဲ့ပြီး မွတ်စလင်တွေဟာ အရောင်စိုတဲ့ စဥ့်တွေကိုအသုံးပြုကာ အိုးလုပ်ငန်းကို တော်လှန်ပြောင်းလဲခဲ့ပါတယ်။ အဲဒီဒေသနှစ်ခုက အိုးလုပ်ငန်းရှင်တွေဟာ သူတို့ရဲ့အိုးတွေကို ခရစ်ယာန်အများစုရှိရာ ဒေသတွေဖြစ်တဲ့ စပိန် တောင်ပိုင်းနဲ့ မြောက်ပိုင်းဒေသတွေကို တင်ပို့ခဲ့ကြပါတယ်။  မာလာဂါက မွတ်စလင်အိုးလုပ်သူတွေဟာ အီတလီရဲ့ ကြွေထည်မြေထည်လုပ်ငန်းမှာ တစ်ချိန်က နာမည်ကြီးလွှမ်းမိုးခဲ့တဲ့ Majolica လက်ရာတွေကို အုတ်မြစ်ချပေးခဲ့သူတွေအဖြစ် သတ်မှတ်ခံထားရပါတယ်။

(ပုံ ၁ – မွတ်စလင်စာရေးဆရာ ဂီလီဘိုလူလူ မွတ်စ်တာဖာ အလီ (Gelibolulu Mustafa Ali ) ရဲ့ Nusratame လက်ရေးမူထဲက ပန်းချီဖြစ်ပါတယ်။ အဲဒီအချိန်က ကာကွယ်ရေးဦးစီးချုပ်ဖြစ်တဲ့ လာလာ မွတ်စ်တာဖာ ပက်စ်ဟာ (Lala Mustafa Pasha) ဟာ အစ်ဇ်မစ် (Izmit) မှာရှိတဲ့ စစ်တပ်က အရာရှိတွေနဲ့ စားသောက်ပွဲ ကျင်းပနေတဲ့ပုံဖြစ်ပါတယ်။ စားပွဲထိပ်ဆုံးမှာ ထိုင်နေသူက ကာကွယ်ရေးဦးစီးချုပ်ဖြစ်ပြီး ဘေးတစ်ဖက်တစ်ချက်မှာ ထိုင်နေသူတွေကတော့ ဗိုလ်ချုပ်တွေပါ။ စစ်သားတွေစားသောက်နေကြချိန် အစေခံတွေက နှစ်ဆီဖျော်ရည် ထည့်ထားတဲ့ ရေခရားတွေကို ကိုင်ကာ ၀န်ဆောင်မှုပေးနေတာကိုလည်း ဒီပန်းချီမှာ တွေ့မြင်နိုင်ပါတယ်။ စားပွဲပေါ်မှာ ဇွန်းခက်ရင်းနဲ့ လက်ကိုင်ပုဝါတွေကိုလည်း တွေ့မြင်ရပြီး ဒီပန်းချီဟာ အဲဒီခေတ်အဲဒီအခါက မွတ်စလင်တွေရဲ့ အဆင့်အတန်းကို ထင်ဟပ်စေပါတယ်။)

 

မဟူရာငှက် (The Blackbird)

အမည်အရင်း အဘူ-ဟာဆန် အလီ အစ်ဗနေ့ နာဖီ (Abul-Hasan Ali ibn Nafi) ဖြစ်ပြီး သူ့ရဲ့ မည်းနက်တဲ့ အသားနဲ့ ချိုမြတဲ့ အသံကြောင့် ဇီရ်ယဘ် (Ziryab – မဟူရာငှက်) လို့ အမည်ပြောင်ပေးခြင်း ခံရသူပါ။ ဂီတနဲ့ ဖက်ရှင်ဒီဇိုင်နာတစ်ယောက်ဖြစ်တဲ့ နာဖီဟာ ၉ ရာစုမှာ အဲဒီခေတ်က မွတ်စလင်လူ့အဖွဲ့အစည်းရဲ့ ယဉ်ကျေးမှုဆိုင်ရာ အချက်အခြာနေရာဖြစ်တဲ့ စပိန်က ကော်ဒိုဘာနဲ့ အန်ဒါလူစီယာကို အီရတ်ကနေ ရောက်လာခဲ့သူပါ။ အဲဒီမှာ နာဖီတစ်ယောက် စားသောက်မှု၊ လောက၀တ်၊ အ၀တ်အစားနဲ့ ဂီတနယ်ပယ်တွေမှာ ဆန်းသစ်မှုကို ဖော်ဆောင်ပေးခဲ့ပြီး သူ့ရဲ့ အမွေအနှစ်တွေဟာ ယနေ့အချိန်အထိ ယှဉ်သန်နေဆဲဖြစ်ပါတယ်။

နာဖီဟာ ဒီနေ့ခေတ်ဖက်ရှင်ဆန်းဆန်းတွေဖြစ်လာဖို့ အစောဆုံး လမ်းဖောက်ပေးခဲ့သူလည်း ဖြစ်ပါတယ်။ သူရဲ့ ပါရမီကြောင့် စပိန်ကိုအုပ်စိုးတဲ့ မူးရ်လူမျိုးတွေဟာ သူ့ကိုတစ်လေးတစ်စားနဲ့ ဖိတ်ခေါ်ခဲ့ပြီး တစ်လကို ရွှေဒင်္ဂါး ၂၀၀ နဲ့ အဆောင်အယောင် အပြည့်အစုံကို ချီးမြှင့်ခဲ့ပါတယ်။ နာဖီဟာ လောက၀တ်၊ ချက်နည်းပြုတ်နည်း၊ ဖက်ရှင်နဲ့ သွားတိုက်ဆေးစတဲ့ နယ်ပယ်တွေမှာပါ ဆန်းသစ်မှုတွေကို ဆောင်ကျဉ်း ယူဆောင်လာခဲ့ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၁) – ကို ဖတ်ရှုရန်

ဒီဇင်ဘာ ၁၈၊ ၂၀၁၅
M-Media
ရာဇာ (M-Media) မှ တင်ဆက်သည်
အပတ်စဉ်ကဏ္ဍ – (အပတ်စဉ်သောကြာနေ့တိုင်း ဖော်ပြသွားပါမည်)

(၁) ကော်ဖီ

– ကမ္ဘာတစ်ဝှမ်းမှာ နေ့စဉ်နေ့တိုင်း ကော်ဖီခွက်ပေါင်း ဘီလီယံ ၅ သန်းလောက်ကို သောက်သုံးနေကြပြီး ဒီပမာဏဟာ အိုလံပစ်ပြိုင်ပွဲမှာအသုံးပြုတဲ့ ရေကူးကန် ၃၀၀ နီးပါးလောက်ကို ရေဖြည့်နိုင်တဲ့ ပမာဏဖြစ်ပါတယ်။ သင့်ရဲ့ မီးဖိုဆောင်ထဲမှာ ကော်ဖီခရား မရှိဘူးဆိုရင်တော့ သင်ဟာ လူနည်းစုထဲကပါပဲ။ ကော်ဖီဟာ ကမ္ဘာလုံးဆိုင်ရာ ဈေးကွက်မှာ ဒုတိယအကြီးဆုံး ကုန်စည်ပစ္စည်းလည်း ဖြစ်ပါတယ်။ သူ့ရဲ့အထက်မှာတော့ ရေနံတစ်မျိုးတည်းသာ ရှိပါတယ်။

လွန်ခဲ့တဲ့ နှစ်ပေါင်း ၁၂၀၀ ကျော်လောက်က အလုပ်ကိုကြိုးစားပမ်းစားလုပ်ကြတဲ့သူတွေဟာ နိုးနိုးကြားကြားရှိဖို့အတွက် ပင်ပင်ပန်းပန်း အားထုတ်ခဲ့ကြရပါတယ်။ ဒါဟာ စပ်စပ်စုစုလုပ်တဲ့ ဆိတ်တစ်အုပ်နဲ့ သူတို့ရဲ့ အာရပ်သခင် ခါလစ် (Khalid) ဆိုသူက ရိုးရှင်းပြီး လူနေမှုဘ၀ကို ပြောင်းလဲပစ်လိုက်မယ့် ဒီကော်ဖီကို ရှာမတွေ့ခင်အချိန်အထိပဲ ဖြစ်ပါတယ်။ အီသီိယိုးပီးယားက တောင်စောင်းလေးတွေမှာ ဆိတ်တွေကို စားကျက်ချရင်း အနီရောင်အသီးတစ်မျိုးကို စားမိတဲ့ အဲဒီဆိတ်တွေဟာ တက်တက်ကြွကြွနဲ့ နိုးနိုးကြားကြားရှိလာတာကို ခါလစ်တစ်ယောက် သတိပြုမိခဲ့ပါတော့တယ်။ အဲဒီနောက်မှာတော့ အဲဒီအသီးကို ဒီအတိုင်းစားမယ့်အစား ကျိုချက်ပြီး အလ်-ကူဟာဝါ (Al-quhawa) လို့ခေါ်တဲ့ အရည်တစ်မျိုးကို  လူတွေက ဖန်တီးခဲ့ကြပါတယ်။

ဒီကနေ့ ကျွန်တော်တို့ နိုးနိုးကြားကြားရှိဖို့ ကော်ဖီသောက်သလိုပဲ ယီမင်က ဆူဖီ (တရားအားထုတ်သူ) တွေဟာ အလ်-ကူဟာဝါကို သောက်သုံးကြပါတယ်။ အဲဒီလိုသောက်သုံးခြင်းအားဖြင့် ညဥ့်နက်ပိုင်း ဇီကိရ် (၀တ်ပြုခြင်းနှင့် အလ္လာဟ်အရှင်မြတ်အား တသသတိရခြင်း) ပြုတဲ့အခါမှာ အာရုံစုစည်းနိုင်ဖို့ အကူအညီဖြစ်စေခဲ့ပါတယ်။ အဲဒီကော်ဖီဟာ ခရီးသွားတွေ၊ ဘုရားဖူးတွေနဲ့ ကုန်သည်တွေကနေတစ်ဆင့် အခြားမွတ်စလင်ကမ္ဘာတစ်ဝှမ်းကို ပြန့်နှံ့သွားခဲ့ပြီး ၁၅ ရာစုနှောင်းပိုင်းလောက်မှာ မက္ကာနဲ့တူရကီကို ရောက်ရှိခဲ့ကာ ၁၆ ရာစုမှာတော့ ကိုင်ရိုအထိ ရောက်ရှိခဲ့ပါတော့တယ်။

၁၆၅၀ မှာ အင်္ဂလန်ကို ပထမဆုံး ကော်ဖီယူဆောင်လာသူကတော့ တူရကီကုန်သည်ဖြစ်တဲ့ ပက်စ်ကွာ ရိုစီ (Pasqua Rosee) ဖြစ်ပြီး လန်ဒန်မြို့ လွမ်ဘာ့ဒ်လမ်းမှာ ကော်ဖီဆိုင် (coffeehouse) ဖွင့်ခဲ့ပါတယ်။ ၈ နှစ် အကြာမှာတော့ နောက်ထပ်ကော်ဖီဆိုင် စူလ်တာနက်စ် ဟဒ် (Sultaness Head) ကို ကော်န်ဟီးလ်မှာ ဖွင့်လှစ်နိုင်ခဲ့ပါတယ်။ ဒီကနေ့ နာမည်ကြီး အာမခံကုမ္ပဏီတစ်ခုဖြစ်တဲ့ Lloyd’s of London ဟာ မူလက Edward Lloyd’s Coffee House လို့ခေါ်တဲ့ ကော်ဖီဆိုင်လေးကနေ အစပြုခဲ့တာ ဖြစ်ပါတယ်။ သက္ကရာဇ် ၁၇၀၀ ခုနှစ် အရောက်မှာတော့ လန်ဒန်မှာ ကော်ဖီဆိုင် ၅၀၀ လောက် ရှိလာပြီး အင်္ဂလန်တစ်ဝှမ်းမှာတော့ ၃၀၀၀ နီးပါး ရှိလာခဲ့ပါတယ်။ အဲဒီအချိန်က ကော်ဖီတစ်ခွက်ရဲ့တန်ဖိုးကို တစ်ခုတ်တရ ပြောကြဆိုကြရတာကြောင့် အဲဒီကော်ဖီဆိုင်တွေကို “အသပြာ တက္ကသိုလ်” လို့ ခေါ်တွင်ခဲ့ကြရပါတယ်။

ဥရောပမှာသောက်သုံးတဲ့ ကော်ဖီတွေဟာ မွတ်စလင်တွေ ပြင်ဆင်ကျိုချက်မှုအပေါ်မှာ တော်တော်လေးကို အခြေခံပါတယ်။ ကော်ဖီမှုန့်၊ သကြားနဲ့ ရေတို့ကို ရောနှောကြိုချက်ခြင်းကနေ ရရှိတဲ့ ပုံစံမျိုးဖြစ်ပြီး စစ်ချထားခြင်းမရှိတာကြောင့် ကော်ဖီအနှစ်တွေကတော့ ခွက်ထဲမှာ ကြွင်းကျန်ရစ်ပါတယ်။ ဒါပေမယ့် ၁၆၈၃ ခုနှစ်မှာ ကော်ဖီကြိုချက်သောက်သုံးတဲ့ နည်းလမ်အသစ်ကို ရှာဖွေတွေ့ရှိခဲ့ပြီး ကော်ဖီဆိုင်တွေရဲ့အကြိုက် ဖြစ်ခဲ့ပါတယ်။

ဒီနေ့ လူကြိုက်များနေတဲ့ ကာပူချီနို (Cappuccino) ကော်ဖီကိုတော့ ၁၆၈၃ ခုနှစ်မှာ ဗီယင်နာကို ၀ိုင်းထားတဲ့ တာ့က်တွေကို တိုက်ထုတ်နေတဲ့ (ခရစ်ယာန်ကက်သလစ်ဂိုဏ်းခွဲတစ်ခုဖြစ်တဲ့) ကာပူချင် (Capuchin) ဘာသာက ဘုန်းတော်ကြီး မာကို ဒီ အဗီယာနို (Marco d’Aviano) ကို အစွဲပြုပြီး ပေါ်ပေါက်လာတာ ဖြစ်ပါတယ်။ တာ့က်တွေ ဆုတ်ခွာသွားပြီးတဲ့နောက်ပိုင်းမှာ သူတို့တွေကျန်ခဲ့တဲ့ ကော်ဖီအထုတ်တွေကို ဗီယင်နာပြည်သူတွေက သောက်သုံးကြည့်တဲ့အခါမှာ သူ့တို့ရဲ့ ပါးစပ်ထဲမှာ အရသာအလွန်ပြင်းတာကို တွေ့ရှိခဲ့ရတာကြောင့် နို့မှုန်တွေ၊ ပျားရည်တွေနဲ့ ရောနှော သောက်သုံးခဲ့ကြပါတယ်။ ဒီလို ရောနှောလိုက်မှုကြောင့် ကော်ဖီအရောင်ဟာ အညိုရောင်ပြောင်းသွားခဲ့ပြီး ကာပူချင် ဘုန်းကြီးတွေခြုံတဲ့ ၀တ်ရုံတွေရဲ့အရောင်နဲ့ သွားတူခဲ့တာပါပဲ။ ဒါ့ကြောင့် ဗီယင်နာပြည်သူတွေဟာ မာကို ဒီ အဗီယာနိုကို ဂုဏ်ပြုတဲ့အနေနဲ့ ဒီအညိုရောင်ကော်ဖီကို “ကာပူချီနို” လို့ အမည်ပေးခဲ့တာ ဖြစ်ပါတယ်။ အဲဒီအချိန်ကတည်းကစလို့ အရသာပျော့တဲ့ ကာပူချီနိုကော်ဖီတွေကို လူတွေက နှစ်ခြိုက်စွာ သောက်သုံးလာခဲ့ကြပါတော့တယ်။

ကော်ဖီဆိုင် (Coffee House) များ၏ အစ

မြောက်အာဖရိကနဲ့ အီဂျစ်တို့က ကုန်သွယ်မှုနဲ့အတူ ကော်ဖီရောက်ရှိလာခဲ့ပြီးတဲ့နောက် ဥရောပရဲ့ ပထမဆုံး Coffee House ဟာ ၁၆၄၅ ခုနှစ် ဗင်းနစ် (Venice) မြို့မှာ ပေါ်ထွက်လာခဲ့ပါတယ်။ လန်ဒန်က Edward Lloyd’s Coffee House ကို ၁၇ ရာစုနှောင်းပိုင်းမှာ စတင်တည်ထောင်ခဲ့ပြီး ကုန်သည်တွေ၊ သင်္ဘောပိုင်ရှင်တွေ ပုံမှန်တွေ့ဆုံ အစည်းအဝေးလုပ်ရာနေရာ ဖြစ်ခဲ့ပါတယ်။ Coffee House တွေဟာ ဒီနေ့ခေတ် Pub တွေရဲ့ ရှေ့ပြေးလည်းဖြစ်ပါတယ်။ နိုင်ငံရေးကိစ္စတွေကို လူသိရှင်ကြား ဆွေးနွေးအဖြေရှာနေရာအဖြစ်လည်း Coffee House တွေက အသုံးတော်ခံခဲ့ပြီး ဥရောပမှာ “လစ်ဘရယ်လှုပ်ရှားမှု” စတင်သန္ဓေတည်ရာနေရာလည်း ဖြစ်ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)