Category: ကမ္ဘာကျော် မွတ်စလင်များ

Rubik’s Cube လို့ခေါ်တဲ့ ဉာဏ်စမ်းစတုရန်းတုံးလးကို ရွေ့လျားဆော့ကစားတဲ့အခါမှာ စည်းချက်ကျကျ တစ်ချက်ချက်မြည်သံလေးတွေကို လူတိုင်း ကြားဖူးကြမှာပါ။ တကယ်တော့ စီးပွားရေးအတွက်ပဲဖြစ်ဖြစ် စိတ်အပန်းဖြေမှုအတွက်ပဲဖြစ်ဖြစ် ရိုးရိုး ကစားနည်းတွေ၊ ဉာဏ်စမ်းကစားနည်းတွေဟာ လူတော်တော်များများအတွက် စိတ်ဝင်စားရာ အရာတွေဖြစ်ပါတယ်။

ဒီလို ဉာဏ်လှည့်စားကိရိယာတွေကို တီထွင်ကာ လူတွေရဲ့ပျော်ရွှင်မှုကို ပထမဆုံး ဖမ်းစားနိုင်ခဲ့တာကတော့ ၉ ရာစုက မွတ်စလင် ညီအစ်ကို ၃ ဦးပဲဖြစ်ပါတယ်။ မိုဟာမက် အစ်ဗနေ့ မူဆာ အစ်ဗနေ့ ရှကီရ်(Muhammad ibn Musa ibn Shakir)၊ အဟ်မဒ် အစ်ဗနေ့ မူဆာ အစ်ဗနေ့ ရှကီရ် (Ahmed ibn Musa ibn Shakir)၊ အလ်-ဟာဆန် အစ်ဗနေ့ မူဆာ အစ်ဗနေ့ ရှကီရ် (Al-Hasan ibn Musa ibn Shakir) လို့ အမည်တွင်တဲ့ သူတို့သုံးယောက်ကို ဘနူမူဆာညီအစ်ကို (Banu Musa Brothers) လို့လည်း သိကြပါတယ်။ သူတို့ဟာ ၉ ရာစုက ဘဂ္ဂဒတ်မြို့ရဲ့ နာမည်ကျော် အသိပညာကျောင်းတော်ကြီးဖြစ်တဲ့ House of Wisdom ကနေ ပေါ်ထွက်လာသူတွေလည်း ဖြစ်ပါတယ်။ မဟာသင်္ချာပညာရှင်တွေဖြစ်ပြီး၊ ဂရိတွေရဲ့ သိပ္ပံဆိုင်ရာကျမ်းတွေကို ဘာသာပြန်ဆို ဖော်ပြသူတွေဖြစ်တဲ့အပြင် သူတို့ ၃ ယောက်ဟာ ထူးခြားဆန်းကျယ်တဲ့ ဉာဏ်လှည့်စားကိရိယာတွေကိုလည်း တီထွင်ခဲ့ကြပါတယ်။

အဲဒီ ကြိုးပမ်းအားထုတ်မှုတွေက ယနေ့ခေတ် ဉာဏ်စမ်းကစားနည်းတွေရဲ့ ရှေ့ပြေးဖြစ်တယ်လို့ ပြောစမှတ်ပြုကြပါတယ်။ ဒီနယ်ပယ်မှာ သူတို့ရဲ့ ၀ါသနာထုံမှုကို ဉာဏ်စမ်းကိရိယာတွေ တီထွင်ခြင်းနဲ့ ဘနူမူဆာညီအစ်ကိုတွေက ဖြေရှင်းကြပါတယ်။ သူတို့ရဲ့ တီထွင်မှုတွေကိုတော့ ဆန်းကျယ်သော ကိရိယာများဆိုင်ရာကျမ်း (Book of Ingenious Devices) ဆိုတဲ့စာအုပ်မှာ အသေးစိတ်ဖော်ပြထားပြီး၊ အဲဒီစာအုပ်မှာ ဘနူမူဆာ ညီအစ်ကိုတွေရဲ့ တီထွင်ကြံဆမှုပေါင်း ၁၀၀ ကျော် ပါဝင်ပါတယ်။ ဒါဟာ စက်ပိုင်းဆိုင်ရာ နည်းပညာတွေ အစပျိုးမှုလည်း ဖြစ်ပါတယ်။

ဒီနေ့ခေတ် ကစားစရာအရုပ်တွေလိုပဲ ဘနူမူဆာညီအကိုတွေကလည်း ကစားစားစရာ အရုပ်တွေကို တီထွင်ခဲ့ကြပါတယ်။ သူတို့ရဲ့ အရုပ်တွေဟာ လှုပ်ရှားသွားလာမှု အနည်းငယ်သာ ရှိပေမယ့် လွန်ခဲ့တဲ့နှစ်ပေါင်း ၁၁၀၀ ကျော်လာက်က အံ့သြစရာကောင်းတဲ့ လက်မှုပညာနဲ့ နည်းပညာဆိုင်ရာအသိကို ဖော်ကြူးနေပါတယ်။

သူတို့တီထွင်ခဲ့တဲ့ ဉာဏ်စမ်းပစ္စည်းတွေ၊ ကစားစရာစရာအရုပ်တွေဟာ ရေ၊ တိရစ္ဆာန်အရုပ်နဲ့ အသံတုအသံယောင်တွေကို အခြေခံတာဖြစ်ပါတယ်။ ဥပမာအားဖြင့် ‘ရေသောက်တဲ့နွား’ (Drinking Bull) လို့အမည်ပေးထားတဲ့ အရုပ်ဟာ ရေငတ်ပြေသွားတဲ့အခါ ကျေနပ်တဲ့အသံနဲ့ အော်ဟစ်အောင် တီထွင်ထားတာဖြစ်ပါတယ်။ ဒီအရုပ်မှာ အသုံးပြုထားတာတွေကတော့ ရေဖြည့်ခန်း၊ ဖော့၊ လေဟာနယ်နဲ့ ပလပ်တွေပဲဖြစ်ပါတယ်။

ပုံ – ၁ မှာဖော်ပြထားတဲ့ Drinking Bull ကားချပ်ကိုကြည့်ပါ။ ပထမဆုံး ညာဖက်အပေါ်ထောင့်မှာရှိတဲ့ အပေါက်ကနေ အခန်း A (Compartment A) ထဲကို ရေဖြည့်ထားရပါတယ်။ နွားရဲ့ ပါးစပ်နားက ခွက်ကို ရေဖြည့်လိုက်တဲ့အခါမှာ ခွက်ထဲက ဖော့တုံးဟာ ရေမျက်နှာပြင်နဲ့အတူ မြင့်တက်လာတာကြောင့် ဖော့တုံးနဲ့ ဆက်သွယ်ထားတဲ့ ပလပ် A (Plug A) ကလည်း ပွင့်သွားပါတယ်။ ဒါ့ကြောင့် အခန်း A ထဲကရေတွေဟာ အခန်း B (Compartment B) ထဲကို ၀င်ရောက်လာခဲ့ပြီး အခန်း A မှာ လေဟာနယ်အဖြစ် ကျန်ရစ်ခဲ့ပါတယ်။ အဲဒီအခါ လေဟာနယ်ရဲ့ စုပ်အားကနေတစ်ဆင့် နွားပါးစပ်နားက ခွက်ထဲမှာရှိတဲ့ရေဟာ အခန်း A ထဲ ရောက်လာခဲ့ပြီး ရေကုန်သွားတဲ့အခါမှာတော့ လေကိုစုပ်ယူတာကြောင့် ရေငတ်ပြေသွားလို့ နွားအော်တဲ့အသံမျိုး ထွက်လာပါတော့တယ်။ အဲဒီလို ရေကုန်သွားတဲ့အတွက် ခွက်ထဲကဖော့တုံးဟာ အောက်ကိုကျသွားခဲ့ပြီး ပလပ် A ကလည်း ပြန်ပိတ်သွားခဲ့ပါတယ်။

အခန်း B ရေပြည့်သွားတဲ့အခါ အခန်း B ထဲမှာရှိတဲ့ ဖော့တုံးဟာ မြင့်တက်လာခဲ့ပြီး ပလပ် B  (Plug B) ကို တွန်းဖွင့်သလိုဖြစ်တာကြောင့် အခန်း A ထဲကရေဟာ ပလပ် B အပေါက်ကနေတစ်ဆင့် အခန်း B ထဲကို ပြန်လည် ၀င်ရောက်ခဲ့ပြန်ပါတယ်။ အခန်း B ထဲကရေတွေကတော့ အပေါက်သေးသေးလေးကနေ အခန်း C (Compartment C) ထဲကို ရောက်သွားခဲ့ပြီး၊ အခန်း C ထဲမှာရှိနေတဲ့ လေက ဘယ်ဘက်မှာရှိနေတဲ့ အပေါက်လေးကနေတစ်ဆင့် အပြင်ကို ထွက်သွားကာ Drinking Bull ရဲ့ လုပ်ငန်းစဉ်တစ်ခုလုံး ပြီးဆုံးသွားပါတော့တယ်။

သိပ်မရှုပ်ထွေးပေမယ့် စိတ်ဝင်စားစရာကောင်းတဲ့ ဒီ အရုပ်ကလေးဟာ အဲဒီခေတ်အခါက လူတွေကို အံ့သြမှင်သက် ကြည်နှုးပျော်ရွှင်စေခဲ့တာကတော့ အမှန်ပါပဲ။

ဘနူမူဆာညီအစ်ကိုရဲ့တွေရဲ့ နောက်ထပ် ဉာဏ်လှည့်စား ကိရိယာတစ်ခုကတော့ ပြွန်ပေါက် ၂ ပေါက်ပါဝင်တဲ့ ဓာတ်ဗူးပါပဲ။ အရောင်အဆင်းမတူညီတဲ့ အရည် ၂ မျိုးကို ပြွန်ပါက်တစ်ပေါက်ဆီကနေ ထည့်သွင်းပြီး၊ အဲဒီပြွန်ပေါက်ကနေပဲ ထည့်သွင်းလိုက်တဲ့ အရည်နဲ့ အရောင်အဆင်းမတူညီတဲ့ အရည်ကို ပြန်ထုတ်ပေးတဲ့ ဒီကိရိယာဟာ ဒီနေ့ခေတ် မျက်လှည့်ဆရာတွေ သူတို့ရဲ့ တံတောင်ဆစ်ကနေ လိမ္မော်ရည်ထုတ်ပေးတဲ့ ပြကွက်လိုပါပဲ။

တစ်ကယ်တော့ အဲဒီဓာတ်ဘူးထဲမှာ အခန်းနှစ်ခုကို သီးခြားကန့်ထားပြီး ပြွန်ပေါက်နှစ်ခုရဲ့အတွင်းပိုင်းမှာ အဲဒီအခန်းနှစ်ခုနဲ့ ဆက်သွယ်ထားတဲ့ လမ်းကြောင်းနှစ်ခုကို လျှို့ဝှက် ထည့်သွင်းတည်ဆောက်ထားတာ ဖြစ်ပါတယ်။ ဒီကိရိယာရဲ့ လှည့်စားမှုဟာ ရိုးရိုးလေးဖြစ်ပေမယ့် အခုအချိန်အထိ သက်ရောက်မှု ရှိနေဆဲဖြစ်ပြီး လူတွေကို အံ့သြမှင်သက်စေတုန်းပါပဲ။ ပျော်စရာရွှင်စရာအတွက် ဖန်တီးခဲ့တဲ့ ဘနူမူဆာညီအစ်ကိုတွေရဲ့ ဒီ လှည့်စားမှုအတတ်ပညာဟာ ရေပန်းနည်းပညာမှာလည်း အတော်လေး သက်ရောက်မှု ရှိခဲ့ပါတယ်။ ဒါနဲ့ပတ်သက်ပြီး နောက်ပိုင်းအခန်းတွေမှာ ဆက်လက်ဖတ်ရှုရမှာ ဖြစ်ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

အပိုင်း(၁)-  ကော်ဖီ – ဖတ်ရန်

အပိုင်း(၂) – အစားအသောက်ဓလေ့နှင့် ဖန်ထည်များ ဖတ်ရန်

အပိုင်း(၃)- နာရီတို့၏ အစ – ဖတ်ရန်

အပိုင်း(၄) – ခေတ်ပေါ်စစ်တုရင်ကစားနည်း – ဖတ်ရန်

အပိုင်း(၅) – ဂီတ၏ အရင်းမူလ – ဖတ်ရန် 

–  အလယ်ခေတ်အချိန်ကာလတွေကို အနံ့ဆိုးတွေ၊ မှောင်မိုက်မှုတွေ၊ ကြမ်းတမ်းမှုတွေနဲ့ သန့်ရှင်းမှုမရှိတဲ့ ကာလတွေအဖြစ် မကြာခဏ ဖော်ပြလေ့ရှိကြပါတယ်။ ဒါပေမယ့် ၁၀ ရာစုက အစ္စလာမ်ကမ္ဘာမှာတော့ တစ်ကိုယ်ရည်သန့်ရှင်းရေး စွန့်ဦးကျင့်သုံးမှုတွေရှိခဲ့ပြီး၊ အဲဒီခေတ်အခါက ရေချိုးခန်းတွေမှာလည်း ဒီနေ့ ကျွန်တော်တို့ သုံးစွဲနေတဲ့ တစ်ကိုရည်သန့်ရှင်းရေး ပစ္စည်းမျိုးစုံနဲ့ ပြည့်နှက်နေတာကို လေ့လာသိရှိရပါတယ်။

ဝတ်ပြမှုမတိုင်ခင်တိုင်း ခြေလက်ဆေးကြောခြင်း (၀ူသူ) ကို မလုပ်မနေရအဖြစ် သတ်မှတ်ထားမှုနဲ့အတူ အစ္စလာမ်မှာ သန့်ရှင်းသပ်ရပ်မှုက တော့်တော့်ကို အရေးပါ ပါတယ်။ ၁၃ ရာစုမှာတော့ အလ်-ဂျာဇာရီ (Al-Jazari) လို့ခေါ်တဲ့ လက်ဖျားခါလောက်တဲ့ မွတ်စလင်စက်မှုအင်ဂျင်နီယာတစ်ဦး ပေါ်ထွက်လာခဲ့ပြီး အလိုအလျောက် “၀ူသူပြုစက်” ကို တီထွင်ဖန်တီးနိုင်ခဲ့ပါတယ်။ ဒီစက်တင်မကဘဲ အခြားသော စက်ပစ္စည်းမျိုးစုံကိုလည်း အလ်-ဂျာဇာရီက တီထွင်ဖန်တီးခဲ့ပြီး၊ သူ့ရဲ့ ကြိုးပမ်းအားထုတ်မှုတွေကို The Book of Knowledge of Ingenious Mechanical Devices (ဆန်းပြားသည့် စက်ပစ္စည်းများဆိုင်ရာ အသိပညာကျမ်း) ဆိုတဲ့ စာအုပ်တွေမှာ အသေးစိတ် ဖော်ပြထားပါတယ်။ အလ်-ဂျာဇာရီရဲ့ “၀ူသူပြုစက်”က ဥဒေါင်း အသွင်သဏ္ဍာန်မျိုးဖြစ်ပြီး အသုံးပြုလိုသူတွေအနေနဲ့ ဥဒေါင်းရဲ့ ဦးခေါင်းကို ပုတ်လိုက်မယ်ဆိုရင် ၀ူသူပြုဖို့အတွက် ရေအလုံအလောက်ထွက်လာတဲ့ စက်ဖြစ်ပါတယ်။ တစ်ချို့စက်တွေဆိုရင် မျက်နှာသုတ်ပုဝါပါ ကမ်းပေးတဲ့အထိ ဆန်းသစ်လှပါတယ်။

မွတ်စလင်တွေဟာ ဆပ်ပြာကိုလည်း ဆီ (သံလွင်ဆီ) နဲ့ အလ်-ကွာလီ (Al-Quali – ဆားကဲ့သို့ ဒြပ်ပစ္စည်းတစ်မျိုး) တို့ကိုပေါင်းပြီး တီထွင်ပြုလုပ်ခဲ့ပါတယ်။ အဲဒီခေတ်အခါက ရေးသားထားတဲ့ လက်ရေးမှုတွေအရ ဒီပစ္စည်းနှစ်ခုကို သင့်တော်တဲ့ အပျော့အမာအနေအထားရောက်အောင် ကြိုပြီး၊ အခြောက်ခံကာ ဟမ်မမ်စ် (Hammams – ရေချိုးခန်း) တွေမှာ အသုံးပြုကြတယ်လို့ သိရပါတယ်။

အလယ်ခေတ်မွတ်စလင်တွေဟာ ရုပ်ဆင်းသွင်ပြင်အလှဆင်မှု အတတ်ပညာနဲ့ပတ်သက်ပြီး တော်တော်လေး ပေါက်မြောက်ခဲ့ကြပါတယ်။ အဲဒီအထဲက ကျွမ်းကျင်သူတစ်ဦးကတော့ အလ်-ဇာဟ်ရာဝီ (Al-Zahrawi) ပဲဖြစ်ပါတယ်။ သူဟာ နာမည်ကျော် ခွဲစိတ်ဆရာဝန်ကြီးတစ်ယောက်ဖြစ်ပြီး သူရဲ့ ဆေးပညာကျမ်းကြီးဖြစ်တဲ့ အလ်-တက်စ်ရစ်ဖ် (Al-Tasrif) မှာ အလှအပပစ္စည်းတွေနဲ့ ပတ်သက်တဲ့ အခန်းတစ်ခန်းကို The Medicines of Beauty (အလှအပအတွက် ဆေးနည်းများ) ခေါင်းစဉ်နဲ့ ထည့်သွင်းခဲ့ပါတယ်။

အလ်-ဇာဟ်ရာဝီဟာ အဲဒီအခန်းမှာ ဆံပင်နဲ့အသားအရေ၊ သွားနဲ့ခံတွင်း ထိန်းသိမ်းစောင့်ရှောက်မှု နည်းလမ်းတွေ၊ အလှဆင်မှုနည်းလမ်းတွေကို ဖော်ထုတ်ရေးသားထားပြီး အဲဒီရေးသားချက်တွေအားလုံးဟာ အစ္စလာမ့်သတ်မှတ်ချက်ဘောင်တွေထဲက ဖြစ်ခဲ့ပါတယ်။ ဒါတင်မကသေးဘဲ အနံမွှေးစပရေး၊ ပလုပ်ကျင်းဆေး၊ လက်လိမ်းခရင်မ်၊ အထူးပုံစံခွက်ထဲမှာ လောင်းထားတဲ့ နံသာချောင်း ဖော်စပ်ထုတ်လုပ်မှု အကြောင်းတွေကိုလည်း ရေးသားခဲ့ပြီး အဲဒီနံသာချောင်းတွေဟာ ဒီနေ့ခေတ် Roll On အနံ့အသက်ပျောက်ဆေးတွေရဲ့ ရှေ့ပြေးလည်း ဖြစ်ခဲ့ပါတယ်။   နောက်ပြီး ဆံပင်နှုတ်ကိရိယာ၊ ဆံပင်ဆိုးဆေး၊ ဆံပင်တောင့်ဆေး စတာတွေကိုလည်း သူ့ရဲ့အဲဒီစာအုပ်ထဲမှာ အလ်-ဇာဟ်ရာဝီက ထည့်သွင်းဖော်ပြခဲ့ပါတယ်။ နေပူဒဏ်ကိုကာကွယ်တဲ့ လိမ်းဆေးခရင်မ်ရဲ့ အကျိုးကျေးဇူးတွေကိုလည်း ဒီအခန်းမှာ တွေ့မြင်ရပြီး ဒီလိမ်းဆေးဖန်တီးဖို့အတွက် သုံးစွဲရမယ့် ပါဝင်ပစ္စည်းတွေကို ဖော်ပြထားမှုမှာတော့ လွန်ခဲ့တဲ့နှစ်ထောင်ချီက ဇာဟ်-ရာဝီရဲ့ အံ့သြဖွယ် စဉ်းစားတွေးခေါ်ဉာဏ်ကို တွေ့ရှိခဲ့ရပါတယ်။

လက်ရှိ အီရတ်နိုင်ငံမှာရှိတဲ့ ကူဖာ (Kufa) မြို့မှာ မွေးဖွားခဲ့တဲ့ အလ်-ကင်ဒီ (Al-Kindi) ဟာ ရေမွှေးနဲ့ ပတ်သက်တဲ့ ကျမ်းကြီးတစ်စောင်ကို ပြုစုခဲ့ပြီး အဲဒီကျမ်းကြီးကိုတော့ Book of the Chemistry of Perfume and Distillations (ရေမွှေးနှင့် အဆီချက်လုပ်မှုဆိုင်ရာ ဓာတုဗေဒကြမ်း) လို့ ခေါ်တွင်ပါတယ်။ အဲဒီကျမ်းမှာ နံသာဆီနဲ့ ရေမွှေးတို့လို မွှေးအကြိုင်ပစ္စည်းတွေ ဖော်စပ်ထုတ်လုပ်မှုနဲ့၊ ဆေးဝါးထုတ်လုပ်မှုနည်းလမ်းတွေ ပါဝင်ပါတယ်။ အစပိုင်းမှာတော့ လူ့အဖွဲ့အစည်းက အထက်တန်းစားအလွှာတွေသာ ရေမွှေးကို သုံးစွဲနိုင်ခဲ့ပေမယ့်၊ နောက်ပိုင်းမှာတော့ လူတိုင်း အသုံးပြုလာနိုင်ခဲ့ပါတယ်။

မွတ်စလင်ဓာတုဗေဒပညာရှင်တွေဟာ အပင်တွေ၊ ပန်းပွင့်တွေကနေ အဆီချက်လုပ်ကာ ရေမွှေးတွေ၊ ဆေ၀ါးတွေကို ထုတ်လုပ်ဖော်စပ်ခဲ့ကြပါတယ်။

မွတ်စလင်တွေရဲ့ ဒီ တီထွင်ကြံဆမှုတွေ၊ အယူအဆတွေဟာ ဥရောပကို ကုန်သည်တွေ၊ ခရီးသွားတွေနဲ့ ခရူးဆိတ်စစ်သားတွေကနေတစ်ဆင့် တစ်ဖြည်းဖြည်းခြင်း စိမ့်ဝင်ရောက်ရှိသွားကြပါတယ်။ မွတ်စလင်တွေရဲ့ အလှအပ၊ ရေမွှေးနဲ့ဆိုင်တဲ့ ဒီအသိပညာ၊ အတတ်ပညာတွေဟာ နောက်ဆုံးမှာ ရေမွှေးလုပ်ငန်းအတွက် အသင့်တော်ဆုံး ရာသီဥတုနဲ့ ရေခံမြေခံရှိတဲ့ ပြင်သစ်တောင်ပိုင်း ဟူတီပြည်နယ် (Haute) ကို ရောက်ရှိသွားခဲ့ပြီး နှစ် ၇၀၀ ကြာညောင်းသည့်တိုင်အောင် ရှင်သန်ခဲ့ပါတယ်။

အစ္စလာမ်လူ့အဖွဲ့အစည်းရဲ့ နောက်ထပ်အရေးပါတဲ့ အလှအပ ပစ္စည်းကတော့ လက်တွေမှာ ကနုတ်ပန်းပုံစံကို ရှုမငြီးဖွယ် ပုံဖော်ထားလေ့ရှိတဲ့ ‘ဒန်း’ ပဲဖြစ်ပါတယ်။ အစ္စလာမ်သာသနာ ပြန့်နှံ့မှုနဲ့အတူ ဒီ ဒန်းဆိုးဆေးဟာလည်း ကမ္ဘာ့တစ်နှံတစ်လျားကို ရောက်ရှိခဲ့ပြီး အလှအပပစ္စည်းတွေအတွက် အဓိက ပါဝင်ပစ္စည်း ဖြစ်ခဲ့ပါတယ်။

တမန်တော် မုဟမ္မဒ်နဲ့ သူရဲ့ သာဝကကြီးတွေဟာ မုတ်ဆိတ်ကို ဒန်းဆိုးလေ့ရှိပြီး၊ အမျိုးသမီးတွေဟာလည်း သူတို့ရဲ့ လက်တွေ၊ ခြေထောက်တွေနဲ့ ဆံပင်တွေကို ဒီနေ့ခေတ် အမျိုးသမီးတွေလိုပဲ ဒန်းဆိုးခြယ်သကြပါတယ်။ ခေတ်ပေါ် သိပ္ပံပညာရှင်တွေက ဒန်းဟာ ဘက်တီးရီးယား၊ မှိုတက်မှုတို့ကို ကာကွယ်ပေးသလို သွေးတိတ်စေတဲ့ ပစ္စည်းတစ်ခု ဖြစ်တယ်ဆိုတာကို တွေ့ရှိခဲ့ကြပါတယ်။ ဒါ့အပြင် ဒန်းဟာ အနာကိုကျက်စေပြီး၊ အရေပြားမှိုစွဲရောဂါနဲ့ ရောင်ရမ်းမှုတွေကိုလည်း သက်သာပျောက်ကင်းစေပါသေးတယ်။

ဒန်းပင်ရဲ့အရွက်နဲ့ အစေ့တွေမှာ ဆေးဘက်ဆိုင်ရာ ဂုဏ်သတ္တိတွေရှိပြီး နှစ်ခုစလုံးဟာ ခန္ဓာကိုယ်နဲ့ ဦးခေါင်းကို အေးမြစေပါတယ်။ ဒါတင်မကသေးပဲ ဒန်းမှာ ဆံပင်ကို သန်စွမ်းနက်မှောင်စေတဲ့ သဘာဝပစ္စည်းတွေလည်း ပါဝင်ပါတယ်။

ခေါင်းလျှော်မှုနဲ့ အကြောဖြေနှိပ်နယ်မှု

၁၇၇၀ ပြည့်နှစ်တွေနဲ့ ၁၇၈၀ ပြည့်နှစ်တွေဟာ အင်္ဂလန်နိုင်ငံ ဘရိုက်တန်မြို့မှာ ကမ်းခြေအပန်းဖြေလုပ်ငန်း ကြီးထွားလာတဲ့နှစ်တွေ ဖြစ်ခဲ့ပြီး အိန္ဒိယ မွတ်စလင်တစ်ဦးဖြစ်တဲ့ ရှိခ် ဒင် မာဟိုမက် (Sheikh Dean Mahomed) ကလည်း အဲဒီအချိန်ကာလမှာပဲ ဘရိုက်တန်ကို ရောက်ရှိခဲ့ပါတယ်။ အိန္ဒိယနိုင်ငံ ပတ္တနာ (Patna) မြို့က မွတ်စလင်မိသားစုတစ်ခုကနေ ဆင်းသက်လာတဲ့ မာဟိုမက်ဟာ ၁၇၅၉ ခုနှစ်မှာ ဘရိုက်တန်ရဲ့ ပင်လယ်ကမ်းခြေမှာ အိန္ဒိယရေနွေးရေချိုးခန်း (Indian Vapour Baths)  ကို ဖွင့်လှစ်ခဲ့ပါတယ်။ ဒီရေချိုးခန်းဟာ တူရကီရေချိုးခန်းတွေနဲ့ တော်တော်လေး ဆင်တူပါတယ်။

ဒါပေမယ့် ဒီအိန္ဒိယရေချိုးခန်းမှာတော့ ဖောက်သည်တွေကို ရွက်ဖျင်တဲတစ်ခုချင်းဆီမှာ ထားစေပြီး ရွက်ဖျင်တဲရဲ့ ဟနေတဲ့နေရာကနေ လက်နှစ်ချောင်းဝင်လာကာ အိန္ဒိယက ချမ်ပီ (Champi – ခေါင်းလျှော်) ၀န်ဆောင်မှုနဲ့ အကြောဖြေနှိပ်နယ်ပေးတဲ့ ၀န်ဆောင်မှုတွေကို ပြုလုပ်ပေးပါတယ်။ ထူးခြားတဲ့ ဒီရေနွေးရေချိုးခန်းနဲ့ ခေါင်းလျှော်ပေးတဲ့ ၀န်ဆောင်မှုကြောင့် ရှိခ် ဒင် မာဟိုမက်ဟာ အင်္ဂလန်မှာ နာမည်ကြီးခဲ့ပြီး အင်္ဂလန်ဘုရင် ဂျော့ဂ်ျ ၄ (George IV) နဲ့ ၀ီလီယံ ၄ (William IV) တို့လက်ထက်မှာ “ခေါင်းလျှော်ဝိဇ္ဇာ” အဖြစ် ခန့်အပ်ခြင်း ခံခဲ့ရပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

အပိုင်း(၁)-  ကော်ဖီ – ဖတ်ရန်

အပိုင်း(၂) – အစားအသောက်ဓလေ့နှင့် ဖန်ထည်များ ဖတ်ရန်

အပိုင်း(၃)- နာရီတို့၏ အစ – ဖတ်ရန်

အပိုင်း(၄) – ခေတ်ပေါ်စစ်တုရင်ကစားနည်း – ဖတ်ရန်

အပိုင်း(၅) – ဂီတ၏ အရင်းမူလ – ဖတ်ရန် 

ဇန်န၀ါရီ ၁၅၊ ၂၀၁၆

– ဂီတဟာ ဘာသာစကားလိုပဲ တိုက်ကြီးတွေ၊ နိုင်ငံတွေ၊ ယဉ်ကျေးမှုတွေ၊ လူမျိုးတွေနဲ့ ဓလေ့ထုံးတမ်း သဘာဝတွေကို ကျော်လွန်ကာ လူတစ်ဦးနဲ့တစ်ဦးကို ထိတွေ့ ဆက်သွယ်နိုင်စွမ်း ရှိပါတယ်။ ၂၀ ရာစု အနုပညာရှင်တွေ၊ အဆိုတော်တွေအနေနဲ့ သူ့တို့ရဲ့ အတတ်ပညာဟာ ၉ ရာစုက အရှေ့အလယ်ပိုင်း မွတ်စလင်တွေရဲ့ ကြိုးပမ်းအားထုတ်မှုတွေကနေ အရင်းတည်လာတယ်ဆိုတာ သိမှသိပါလေစ။

အဲဒီမွတ်စလင် အနုပညာရှင်တွေ- အထူးသဖြင့် အလ်-ကင်ဒီ (Al-Kindi) ဟာ ဂီတကိုဖော်ကျူးတဲ့ စနစ်ဖြစ်တဲ့ ဂီတသင်္ကေတတွေကို စတင် အသုံးပြုခဲ့သူ ဖြစ်ပါတယ်။ သူတို့တွေဟာ ဂီတကို ဖော်ကျူးတဲ့နေရာမှာ သာမန်အက္ခရာတွေအစား ဆိုလ်မိုက်ဇေးရှင်း (Solmization) လို့ခေါ်တဲ့ အသံနေအသံထားဖော်ကျူးတဲ့ သင်္ကေတတွေကို ဖော်ထုတ်အသုံးပြုခဲ့ပါတယ်။ အဲဒီသင်္ကေတတွေဟာ ဒီနေ့ခေတ် ဂီတရဲ့ အခြေခံသဘောတရားတွေ ဖြစ်လို့နေပါပြီ။ ကျွန်တော်တို့ အားလုံး ဒို၊ ရေ၊ မီ၊ ဖာ၊ ဆို၊ လာ၊ တီ စတာတွေနဲ့ ရင်းနှီးနေကြပါပြီ။

ဒီ အသံသင်္ကေတတွေရဲ့ ကနဦးဟာ အာရဘီ ဗျည်းအက္ခရာတွေဖြစ်တဲ့ ဒါလ်၊ ရာ၊ မင်မ်၊ ဖာ၊ ဆွာဒ်၊ လာမ်၊ ဆင်န် တို့ ဖြစ်ပါတယ်။ ဒီအက္ခရာတွေကို ကြည့်ရင် ဒီနေ့ခေတ် ဂီတအခြေခံ အသံသင်္ကေတတွေနဲ့ တော်တော်လေးသွားတူနေတယ်ဆိုတာ တွေ့မြင်နိုင်ပြီး ၉ ရာစုကတည်းက အာရဘီဗျည်းတွေကို အသံသင်္ကေတအဖြစ် စတင်အသုံပြုခဲ့တယ်ဆိုတာ အံ့သြစရာပါပဲ။

ဂီတပညာရှင်ကြီး အလ်-ကင်ဒီ နောက်ပိုင်း နှစ်ပေါင်း ၇၀ အကြာမှာတော့ အလ်-ဖာရာဘီ (Al-Farabi) ဆိုတဲ့ ပုဂ္ဂိုလ်ကြီးဟာ တယောမိသားစုရဲ့ ရှေ့ပြေးဖြစ်တဲ့ ရာဘာဘာဟ် (Rababah) နဲ့ ကွာနန် (Qanun-ဗျတ်စောင်း) ကို တီထွင်ဖန်တီးခဲ့ပါတယ်။ ဂီတနဲ့ပတ်သက်ပြီး အလ်-ဖာရာဘီဟာ ကျမ်းကြီး ၅ စောင်ကို ရေးသားပြုစုခဲ့ပြီး အဲဒီအထဲမှာ ဂီတရဲ့ သီအိုရီ သဘောတရားတွေကို ဖော်ကျူးထားတဲ့ ဂီတပညာကျမ်းကြီး (The Great Book of Music) ဟာ အပြောင်အမြောက်ဆုံး လက်ရာ ဖြစ်ပါတယ်။ ၁၂ ရာစုလောက်မှာတော့ ဒီကျမ်းကြီးကို ဟီဘရူးဘာသာ ပြန်ဆိုခဲ့ပြီး၊ နောက်ပိုင်းမှာ လက်တင်ဘာသာကို ပြန်ဆိုခဲ့ပါတယ်။ အလ်-ဖာရာဘီနဲ့ သူ့ရဲ့ ဂီတပညာဆိုင်ရာ စာအုပ်တွေရဲ့ လွှမ်းမိုးမှုဟာ ၁၆ ရာစုအထိ ဆက်လက် ရှိနေခဲ့ပါတယ်။

လှည့်လည်သွားလာနေတဲ့ ဂီတပညာရှင်တွေ၊ ကုန်သည်တွေနဲ့ ခရီးသွားသူတွေဟာ အာရဘီဂီတကို ဥရောပဆီ ရောက်ရှိစေခဲ့ပါတယ်။ ပြီးတော့ ဒါကပဲ မွတ်စလင်တွေရဲ့ နှစ်ပေါင်း ၈၀၀ အုပ်ချုပ်မှုအောက်မှာ စပိန်နဲ့ ပေါ်တူဂီက ယဉ်ကျေးမှုနဲ့ အနုပညာနယ်ပယ်ကို လူတစ်လုံးသူတစ်လုံး ဖြစ်စေခဲ့ပါတယ်။ ဒီအကြောင်းအရာနဲ့ ပတ်သက်တဲ့ အစောဆုံး ဥပမာတွေထဲက တစ်ခုကတော့ ကွန်တီဂက်စ် ဒီ ဆန်တာ မာရီယာ (Contigas di Santa Maria) လို့ခေါ်တဲ့ တေးပေါင်းချုပ်ကြီးထဲမှာ တွေ့မြင်နိုင်ပါတယ်။ ကက်စတီလာ (Castilla) နဲ့ အာရဂွန် (Aragon) ပြည့်ရှင်ဘုရင် အလ်ဖွန်ဆို ၁၀ အလ် ဆာဘီယို (Alfonso X el Sabio) အမိန့်တော်မှတ်မှုနဲ့အတူ ၁၂၅၂ ခုနှစ်မှာ ဖန်တီးခဲ့တဲ့ အဲဒီလက်ရာတွေထဲမှာ မယ်တော် မေရီ (Virgin Mary) နဲ့ ပတ်သက်တဲ့ ဓမ္မတေး ၄၁၅ ပုဒ် ပါဝင်ပါတယ်။

အဲဒီအထဲက တော်တော်များများဟာ ဥရောပကို ပြန့်နှံ့သွားခဲ့တဲ့ ဂီတအသစ်ရဲ့ အစိတ်အပိုင်းတွေ ဖြစ်ခဲ့ပြီး ကျယ်ကျယ်ပြန့်ပြန့် အသုံးပြုခြင်းကို ခံခဲ့ရပါတယ်။ ဆန်တာ မာရီယာ တေးပေါင်းချုပ်ကြီးကို ဖန်တီးမှုအပေါ်မှာ တော်တော်လေး လွှမ်းမိုးမှုရှိခဲ့တာကတော့ မည်းနက်တဲ့အသား၊ ချိုသာတဲ့အသံကြောင့် ဇီရ်ယဘ် (မဟူရာငှက်) လို့ အမည်ပြောင်ပေးခြင်းခံရတဲ့ မွတ်စလင်ပညာရှင်ကြီးပဲ ဖြစ်ပါတယ်။ သူဟာ ဘဂ္ဂဒတ်က နာမည်ကျော် ဂီတပညာရှင်ကြီးတစ်ဦးရဲ့ ပါရမီရှင် တပည့်ဖြစ်ခဲ့ပြီး ဂီတအပေါ် သူ့ရဲ့ ပါရမီနဲ့ ကျွမ်းကျင်လိမ္မာမှုက တစ်ဖြည်းဖြည်းနဲ့ ဆရာကိုတောင် ကျော်တက်သွားခဲ့ပါတယ်။ ဒါ့ကြောင့် အိုမိုင်ယဒ် (Umayyad) ခလီဖာဟာ သူ့ကို အန်ဒါလူစီယာ (စပိန်တွင်ရှိသည်) ကို ဖိတ်ခေါ်ပြီး ချီးမြှင့်မြှောက်စားခဲ့ပါတယ်။

သက္ကရာဇ် ၈၂၂ ခုနှစ် အူမိုင်ယဒ် ခလီဖာရဲ့သား ဘုရင် အဘ်ဒဲလ် အလ်-ရဟ်မန် ၂ (Abd al-Rahman II) လက်ထက်မှာ ဇီရ်ယဘ်ဟာ ကော်ဒိုဘာနန်းတော်မှာ အခြေကျခဲ့ပါတယ်။ အဲဒီအချိန်ကနေစလို့ ဇီရ်ယဘ်တစ်ယောက် သူ့ရဲ့ အနုပညာစွမ်းရည်တွေကို ဖော်ထုတ်တင်ပြနိုင်ခဲ့ပြီး တစ်လကို ရွှေဒင်္ဂါး ၂၀၀ နဲ့ အဆောင်အယောင်၊ ခံစားခွင့် အများအပြားရတဲ့ နန်းတွင်းက ဂီတပညာရှင်တစ်ဦး ဖြစ်လာပါတော့တယ်။

အနုပညာဘက်မှာ ဇီရ်ယဘ်ရဲ့အောင်မြင်မှုဟာ ပြောမကုန်နိုင်အောင်ရှိပြီး အဲဒီအထဲမှာ စည်းဝါးနဲ့ တေးရေးဖွဲ့နည်းတွေကို သင်ကြားပေးတဲ့ ကော်ဒိုဘာက ဂီတအနုပညာသင်ကျောင်း တည်ထောင်မှုလည်း ပါဝင်ပါတယ်။ ဇီရ်ယဘ်ဟာ အာရပ်ဗျတ်စောင်း အလ်-လုဒ် (Al-Lud) ကိုလည်း ဥရောပနဲ့ မိတ်ဆက်ပေးခဲ့ပြီး အဲဒီဗျတ်စောင်းမှာ အနိမ့်သံ ကြိုးတစ်ကြိုး ထပ်မံထည့်သွင်းမှု၊ သစ်သားနဲ့ လုပ်ငန်းထားတဲ့ ပက်ထရမ်နေရာမှာ လင်းတရဲ့ ဆူးတောင်နဲ့ လုပ်ထားတဲ့ ပက်ထရမ်ကို အစားထိုးတာ စတဲ့မွမ်းမံမှုတွေကိုလည်း ပြုလုပ်ခဲ့ပါတယ်။ ဒါတင်မကသေးဘဲ ရစ်သမ်ပိုင်းဆိုင်ရာ မူဘောင်တွေကို သတ်မှတ်ပေးခြင်းအားဖြင့် ဂီတသီအိုရီတွေကိုလည်း ပြင်ဆင်ခဲ့ပါတယ်။

ပြင်သစ်က ၂၀ ရာစု သမိုင်းပညာရှင် ဟင်နရီ တာရက်ဆီက ဇီရ်ယဘ်ရဲ့ အနုပညာ ပါရမီနဲ့ ပတ်သက်ပြီး ဒီလို မှတ်ချက်ပြုခဲ့ပါတယ်။

“ဒီအရှေ့တိုင်းသား ရောက်လာပြီးတဲ့နောက်မှာ ဘ၀ရဲ့ နှစ်လိုမှု၊ ပျော်ရွှင်ချမ်းမြေ့မှု လေပြေလေညှင်းလေးဟာ ကော်ဒိုဘာတစ်ခွင်မှာ ညင်သာစွာ တိုက်ခတ်ခဲ့ပါတယ်။ ဇီရ်ယဘ်ရဲ့ ပတ်ဝန်းကျင်မှာ ကဗျာလင်္ကာနဲ့ လှပညင်သာတဲ့ ကြည်နူးမှုတွေလည်း ဆွတ်ပျံ့နေခဲ့ပါတယ်။ သူဟာ ညဘက်မှာ ဗျတ်စောင်းတီးပေးတဲ့ အစေခံနှစ်ယောက်နဲ့အတူ ဂီတသံစဉ်တွေကို ဖန်တီးလေ့ရှိပြီး၊ မကြုံစဖူး တစ်မူထူးခြားတဲ့ အနုပညာတန်ဖိုးတွေကို ချန်ရစ်ခဲ့သူလည်းဖြစ်ပါတယ်”

စစ်ဘင်ခရာတီးဝိုင်း

တူရကီတွရဲ့ အော်တိုမန်အင်ပါယာဟာ အမြဲတမ်း စစ်ဘင်ခရာတီးဝိုင်းကို စတင်ခန့်ထားတဲ့ ပထမဆုံး ဥရောပ-အာရှ တိုင်းပြည်တစ်ခု ဖြစ်ပါတယ်။ ၁၂၉၉ မှာ ဖွဲ့စည်းခဲ့တဲ့ မဟ်တာဟိန်း (Mehterhane) စစ်ဘင်ခရာအဖွဲ့ဟာ ကျော်ကြားခဲ့ပြီး ဆူလ်တန်ရဲ့ သွားလေရာနောက်ကို လိုက်ပါရတဲ့ အဖွဲ့လည်း ဖြစ်ပါတယ်။ စစ်သားတွေရဲ့စိတ်ဓာတ်ကို မြှင့်တင်ပေးဖို့နဲ့ ရန်သူတွေ ထိတ်လန့်ကြောက်ရွံ့စေဖို့ စစ်မြေပြင်တွေမှာပါ လိုက်ပါတီးခတ်ခဲ့ရပါတယ်။ အော်တိုမန်ရဲ့ ဂျာနစ်ဆာရီ (Janissary) လို့ခေါ်တဲ့ အထူးတပ်ဖွဲ့မှာ အဖွဲ့ဝင် ၆ ဦးကနေ၊ ၉ ဦးအထိ ပါဝင်တဲ့ ဘင်ခရာအဖွဲ့တစ်ခု ရှိပြီး ဒရမ် (Zuma)၊ ကလဲနက်၊ လင်းကွင်း (Zil)၊ စစ်သုံး ဒရမ် (kos နဲ့ naqqara) စတဲ့ တူရိယာတွေ ပါဝင်ပါတယ်။ ဒီတူရိယာတွေကိုတော့ ကုလားအုတ်ပေါ်မှာ တင်ပြီး သယ်ဆောင်တီးမှုတ်ကြတာ ဖြစ်ပါတယ်။

ဥရောပသားတွေဟာ ဂျာနစ်ဆာရီတပ်ဖွဲ့ရဲ့ ဒီဘင်ခရာတီးဝိုင်းကို စစ်ဖြစ်နေတဲ့အချိန်နဲ့ ငြိမ်းချမ်းနေတဲ့အချိန်တွေမှာ တွေ့ကြုံခဲ့ရတာပါ။ သံတမန်ဆိုင်ရာ လက်ခံတွေ့ဆုံပွဲတွေမှာ အော်တိုမန် တာ့က်တွေရဲ့ တူရိယာတွေကို ထားရှိတီးမှုတ်ကြတာဟာ ဖက်ရှင်တစ်ခု ဖြစ်လာခဲ့ပြီး ဥရောပမှာတော့ ဒါကို တာကွီရီဖက်ရှင် (Turquerie) လို့ ခေါ်ဆိုကြပါတယ်။ ၁၆၈၃ ခုနှစ် ဗီယင်နာအ၀င် တိုက်ပွဲမှာ ဂျာနစ်ဆာရီတပ်ဖွဲ့ ရှုံးနိမ့်ခဲ့တဲ့အခါ သူတို့ရဲ့ ဂီတတူရီယာတွေ ကျန်ရစ်ခဲ့ပါတယ်။ ဒါက ဥရောပစစ်တပ်တွေမှာ စစ်ဘင်ခရာပေါ်လာခြင်းရဲ့ အစလည်း ဖြစ်ပါတယ်။ နပိုလီယံ ဘိုနာပတ်ရဲ့ ပြင်သစ်စစ်ဘင်ခရာတွေမှာတောင်မှ အော်တိုမန်တွေရဲ့ တူရီယာဖြစ်တဲ့ လင်ကွင်းတွေ၊ စစ်သုံး ဒရမ်တွေကို ထည့်သွင်းအသုံးပြုခဲ့ပါတယ်။ ၁၈၀၅ ခု အော်စတာလစ်ဇ်တိုက်ပွဲ (Austerlitz) မှာ နပိုလီယံအနိုင်ရရှိမှုမှာ စစ်သားတွေရဲ့ စိတ်ပိုင်းဆိုင်ရာ တက်ကြွမှုကို ဖြစ်စေတဲ့ ပျော်ပွဲရွှင်ပွဲအခမ်းအနားတွေက ထွက်လာတဲ့ ဒီ ဘင်ခရာအသံတွေကလည်း တစ်စိတ်တစ်ပိုင်း ပါဝင်တယ်လို့ ပြောစမှတ် ပြုကြပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

အပိုင်း(၁)-  ကော်ဖီ – ဖတ်ရန်

အပိုင်း(၂) – အစားအသောက်ဓလေ့နှင့် ဖန်ထည်များ ဖတ်ရန်

အပိုင်း(၃)- နာရီတို့၏ အစ – ဖတ်ရန်

အပိုင်း (၄) – ခေတ်ပေါ်စစ်တုရင်ကစားနည်း – ဖတ်ရန်

ဇန်န၀ါရီ ၈၊ ၂၀၁၆

– သလင်းကျောက်နဲ့ လုပ်ထားတဲ့ အကွက်တွေပေါ်မှာ စစ်တုရင်ကစားနေတာကို ကုန်းကုန်းကွကွနဲ့ အုံကြည့်နေကြပြီး သူတို့ရဲ့နောက်က ရေနွေးရေချိုးကန်တွေကနေ အငွေ့တွေတစ်ထောင်းထောင်းထနေတဲ့ မြင်ကွင်းမျိုးကို ဘူဒါပက်စ် (Budapaest) ရဲ့ လမ်းမတွေပေါ်မှာ တွေ့မြင်နိုင်ပါတယ်။ တရုတ်နိုင်ငံမှာတော့ စစ်တုရင်ခုံတွေကို ပန်းခြံတွေမှာ ထားရှိပေးထားပြီး နယူးယောက်က Central Park ပန်းခြံမှာလည်း ဒါမျိုးကို တွေ့မြင်နိုင်ပါတယ်။ စတုရန်းကွက် ၆၄ ကွက်မှာ အရုပ်ပေါင်း ၃၂ ရုပ်နဲ့ ကစားရတဲ့ စစ်တုရင်ဟာ ‘ဉာဏ တိုက်ပွဲ’ ကစားနည်းလည်း ဖြစ်ပါတယ်။ စစ်တုရင်ခုံ အရွယ်အစားနဲ့ အသုံးပြုတဲ့ အရုပ်တွေဟာ သိပ်မထူးခြားပေမယ့်လည်း ကစားနိုင်တဲ့ ပုံစံတွေကတော့ မရေတွက်နိုင်ပါဘူး။

စစ်တုရင် ဇာတ်လမ်း၊ အရေအတွက်နဲ့ အရုပ်တစ်ခုချင်းစီ စသဖြင့် ကစားနည်းနဲ့ပတ်သက်တဲ့ အကြောင်းအရာတွေဟာ ရှုပ်ထွေးတဲ့ ပုံစံမျိုးတွေရှိနေပြီး စစ်တုရင်ရဲ့ သမိုင်းအတိအကျကိုလည်း ဘယ်သူမှ မသိကြပါဘူး။ စစ်တုရင်ကစားနည်းဟာ အိန္ဒိယနဲ့ တရုတ် နှစ်နိုင်ငံစလုံးကနေ ဆင်းသက်လာတယ်လို့ ဆိုကြပါတယ်။ ၁၄ ရာစုမှာတော့ အစ်ဗနေ့ ခါလ်ဒမ် (Abn Khaldum) ဆိုတဲ့ ပုဂ္ဂိုလ်ဟာ စစ်တုရင်ကစားနည်းကို အိန္ဒိယ ဥာဏ်ကြီးရှင်ကြီးတစ်ဦးဖြစ်တဲ့ ဆာဆာ အစ်ဗနေ့ ဒါဟီရ် (Sassa ibn Dahir) နဲ့ ဆက်စပ်ပြောဆိုခဲ့ပါတယ်။

ရှေးဟောင်း အိန္ဒိယမှာ ချာသူရန်ဂါ (Chaturanga) လို့ခေါ်တဲ့ ကစားနည်းတစ်မျိုး ရှိခဲ့ပြီး ‘ခြေလက်လေးဘက်ရှိခြင်း’ လို့ အဓိပ္ပါယ်ရပါတယ်။ ဒါဟာ ဆင်တပ်၊ မြင်းတပ်၊ ရထားတပ်နဲ့ ခြေလျင်တပ်လို့ သတ်မှတ်ထားတဲ့ အိန္ဒိယရဲ့ တပ်မကြီး ၄ ခုကို ရည်ညွှန်းပုံရပါတယ်။ ချာသူရန်ဂါက စစ်တုရင်ကစားနည်း မဟုတ်ပေမယ့် ဒီနေ့ခေတ် စစ်တုရင်ရဲ့ ရှေ့ပြေးကစားနည်းပါပဲ။

၁၄ ရာစုနှစ်မှာ ရေးသားခဲ့တဲ့ ပါရှန်တွေရဲ့ လက်ရေးမူမှာ အိန္ဒိယသံအမတ်ဟာ ပါရှန်နန်းတော်ထဲကို စစ်တုရင်ကစားနည်း ဘယ်လိုယူလာသလဲဆိုတာကို ရေးသားဖော်ပြထားပြီး အဲဒီကနေတစ်ဆင့် အာရပ်တွေဟာ ဥရောပကိုယူဆောင်လာခဲ့ကာ အလယ်ခေတ် စပိန်နိုင်ငံအထိ ပြန့်နှံ့ခဲ့ပါတယ်။

ဥရောပကိုမရောက်ခင် ပါရှန်တွေဟာ ချာသူရန်ဂါ ကစားနည်းကို ချာထရန် (Chatrang) အဖြစ် မွမ်းမံပြင်ဆင်ခဲ့ပြီး သူတို့ရဲ့ စစ်ကစားမှုမှာ အသုံးပြုခဲ့ပါတယ်။ စစ်တုရင်ကစားနည်းအဖြစ် ပီပီပြင်ပြင်ပေါ်လာတဲ့ ချာထရန်ကို နောက်ပိုင်းမှာ ရှာထရန့်ဂ်ျ (Shatranj) လို့ ခေါ်တွင်ခဲ့ပြီး အဲဒီ ရှာထရန့်ဂ်ျကို ပါရှန်ကနေတဆင့် အာရပ်တွေကလည်း ထိတွေ့ခဲ့ကာ သူတို့ရဲ့ ယဉ်ကျေးမှုတွေကို ဒီကစားနည်းမှာ သွတ်သွင်းခဲ့ပါတယ်။

အဲဒီအချိန်မှာတော့ စစ်တုရင် အရုပ်တွေထဲမှာ ရှားဟ် (ဘုရင်)၊ ဖီရ်ဇန် (ဗိုလ်ချုပ်) – ခေတ်ပေါ် စစ်တုရင်ကစားနည်းမှာ ဖီရ်ဇန်ဟာ ‘ဘုရင်မ’ အဖြစ် ပြောင်းလဲသွားခဲ့ – ဖီလ် (ဆင်) – နောက်ပိုင်းတွင် ဘစ်ရှော့ဖြစ်လာ – ဖာရက်စ် (မြင်း)၊ ရုခ် (ရထား) – ယခု ရဲတိုက်အဖြစ်အသုံးပြုနေ – ဘိုင်ဒက် (ပွန်း) စသဖြင့် ပါဝင်လာခဲ့ပါတယ်။

အာရပ်တွေက ပြုပြင်ပြောင်းလဲမှုတွေ ပြုလုပ်ခဲ့ပြီးတဲ့နောက်ပိုင်းမှာ စစ်တုရင်ကစားနည်းဟာ သာမန်လူတန်းစားတွေမှာရော ဂုဏ်သရေရှိ လူတန်းစားတွေမှာပါ တော်တော်လေး လူကြိုက်များလာခဲ့ပါတယ်။ အထူးသဖြင့် အဘ္ဘာစစ် ခလီဖာ (Abbasid) တွေက ဒီကစားနည်းကို အရမ်း နှစ်သက်ခဲ့ကြပါတယ်။ အဲဒီခေတ်ကာလမှာ အလ်-ဆူလီ (Al-Suli)၊ အလ်-ရာဇီ (Al-Razi)၊ အလ်-အာဒါနီ (Al-Aadani)နဲ့ အစ်ဗနေ့ အလ်-နဒီမ်း (Ibn Al-Nadim) တို့လို စစ်တုရင်ပညာရှင်ကြီးတွေလည်း ပေါ်ထွက်ခဲ့ပါတယ်။ ၂၀ ရာစုအလယ်ပိုင်းမှာတော့ ရုရှားက စစ်တုရင်ပညာရှင်ကြီးဖြစ်တဲ့ ယူရီ အဗာဘာ့က် (Yuri Averbak) ဟာ စစ်တုရင်ချန်ပီယံရှစ်ပြိုင်ပွဲတစ်ခုမှာ အံအားသင့်စရာကောင်းတဲ့ အကွက်တစ်ကွက်နဲ့ ဗိုလ်စွဲခဲ့ပြီး အများစုကတော့ အဗာဘာ့က်ဟာ ဆန်းကျယ်တဲ့ အကွက်အသစ်ကို တီထွင်ဖန်တီးနိုင်ခဲ့တယ်လို့ ထင်ခဲ့ကြပါတယ်။ ဒါပေမယ့် အဲဒီအကွက်ကို လွန်ခဲ့တဲ့ နှစ်ပေါင်း တစ်ထောင်ကျော်အရင်က အလ်-ဆူလီက ဖန်တီးခဲ့တာဖြစ်ပါတယ်။

အာရပ်စစ်တုရင်ပညာရှင်ကြီးတွေဟာ ကစားနည်း ဥပဒေတွေ၊ ဗျူဟာတွေနဲ့ပတ်သက်ပြီး စာအုပ်စာပေတွေကို အများအပြား ရေးသားပြုစုခဲ့ပြီး အဲဒီစာအုပ်တွေကလည်း မွတ်စလင်ကမ္ဘာတစ်ဝှမ်းလုံးမှာ ပြန့်နှံ့ခဲ့ပါတယ်။ စစ်တုရင်ရဲ့သမိုင်းကြောင်း၊ ကစားနည်းစဖွင့်ပုံ၊ အဆုံးသတ်ပုံတွေနဲ့ပတ်သက်ပြီး စာအုပ်တွေလည်း ရှိခဲ့ပါတယ်။ အေဒီ ၁၃၇၀ လောက်ကရေးခဲ့တဲ့ Examples of Warfare in the Game of Chess (စစ်တုရင်ကစားနည်းမှ စစ်ရေးစစ်ရာ ဥပမာများ) စာအုပ်ထဲမှာတော့ စစ်တုရင်ကစားနည်းတစ်မျိုးဖြစ်တဲ့ The Blind Abbess and Her Nuns ကို မိတ်ဆက်ဖော်ပြခဲ့ပါတယ်။

မွတ်စလင် ဂီတပညာရှင်နဲ့ တီထွင်ဖန်တီးရှင်တစ်ဦးဖြစ်တဲ့ ဇီရ်ယဘ်ဟာ အဲဒီ စစ်တုရင်ကစားနည်းကို စပိန်က အန်ဒါလူစီယာဒေသကို ၉ ရာစု အစောပိုင်းလောက်မှာ ယူဆောင်လာခဲ့ပါတယ်။ checkmate (ဘုရင်ကို မိပြီ) ဆိုတဲ့စကားဟာ ပါရှန်အသုံးအနှုန်း ရှားဟ်မတ် (Shahmat) ဆိုတဲ့စကားကနေ ဆင်းသက်လာတာဖြစ်ပြီး  ‘ဘုရင်ကျသွားပြီ’ လို့ အဓိပ္ပါယ်ရပါတယ်။

စစ်တုရင်ကစားနည်းဟာ အန်ဒါလူစီယာကနေ စပိန်က ခရစ်ယာန်တွေနဲ့ မိုဇာရဘ် (Mozarabs- စပိန်ရှိ အိုက်ဘေးရီးယန်း ခရစ်ယာန်များ) တွေဆီကို ပြန့်နှံ့သွားခဲ့ပြီး စပိန်မြောက်ပိုင်းက ပိုင်ရီးနက်စ် တောင်တန်း (Pyrenees) ကို ရောက်ရှိခဲ့ပါတယ်။ အဲဒီကနေတစ်ဆင့် တောင်တန်းတွေကို ကျော်ပြီး စစ်တုရင်ကစားနည်းဟာ ပြင်သစ်အထိ ခြေဆန့်ခဲ့ပါတယ်။ ဥရောပမှာ စစ်တုရင်ကစားနည်းနဲ့ပတ်သက်တဲ့ ပထမဆုံးမှတ်တမ်းကတော့ ၁၀၅၈ ခုနှစ်မှာ တွေ့ရှိခဲ့တာဖြစ်ပြီး ဘာစီလိုနာမြို့က ဂုဏ်သရေရှိ အမျိုးသမီး အာရ်မက်ဆင်း (Ermessind) ဟာ နီမက်စ် (Nimess) မှာရှိတဲ့ စိန့် ဂီလက်စ် (St Giles) ခရစ်ယာန်ဘုန်းကြီးကျောင်းကို သူ့ရဲ့ ကျောက်သား စစ်တုရင်အရုပ်တွေ လှူဒါန်းခဲ့တာဖြစ်ပါတယ်။

နောက်ထပ် ၂ နှစ်ခန့်အကြာမှာတော့ အော့စတီယာ (Ostia) က ကာဒီနယ် ဒါမီယာနီ (Damiani) ဟာ ပုပ်ရဟန်းမင်းကြီး ဂရီဂိုရီ ၇ (Pope Gregory VII) ဆီကို စာတစ်စောင်ရေးသားခဲ့ပြီး ခရစ်ယာန်ဘုန်းကြီးအသိုင်းအ၀ိုင်းမှာ ပြန့်နှံ့နေတဲ့ ‘ဘုရားတရားမေ့တဲ့’ ဒီကစားနည်းကို ပိတ်ပင်ဖို့ တိုက်တွန်းခဲ့ပါတယ်။ စစ်တုရင်ကစားနည်းဟာ ကုန်သွယ်လမ်းကြောင်းတွေကနေတစ်ဆင့် စောစောပိုင်း ရုရှားနယ်မြေ တောင်ပိုင်းက မြေပြန့်လွင်ပြင်တွေဆီ ရောက်ရှိသွားခဲ့ပါတယ်။ ၇ ရာစုနဲ့ ၈ ရာစုက ပါရှန်တွေရဲ့ စစ်တုရင်အရုပ်တွေကို ဆာမာရ်ကန် (Samarkand) ဒေသနဲ့ ဖာ့ဂ်ဟာနာ (Farghana) ဒေသတွေမှာ တွေ့ခဲ့ရပါတယ်။ သက္ကရာဇ် ၁၀၀၀ မှာတော့ ဗိုက်ကင်းကုန်သွယ်လမ်းကြောင်းဆီ ရောက်သွားခဲ့ပြီး စကင်ဒီနေးဗီးယား တိုင်းပြည်တွေအထိ ပြန့်နှံ့သွားခဲ့ပါတယ်။ အဲဒီကုန်သွယ်လမ်းကြောင်း တွေကပဲ စစ်တုရင်ကစားနည်းဟာ ၁၁ ရာစုမှာ အိုက်စလန်အထိ ရောက်ရှိခဲ့ကာ ၁၁၅၅ ခုနှစ်မှာ ရေးသားခဲ့တဲ့ အိုက်စလန် သမိုင်းမှတ်တမ်မှာ ဒိန်းမတ်ဘုရင် ကေနက် သယ် ဂရိတ် (Knut the Great) ဟာ ၁၀၂၇ မှာ စစ်တုရင်ကစားခဲ့တယ်လို့ ဖော်ပြထားပါတယ်။

၁၄ ရာစုနှစ်ရောက်မှာတော့ စစ်တုရင်ကစားနည်းဟာ ဥရောပမှာ လူသိများလာခဲ့ပြီး ‘ဉာဏ်ကြီးရှင်’ (The Wise) လို့ အမည်တွင်တဲ့ ဘုရင် အလ်ဖွန်ဆို ၁၀ (Alfonso X) ဟာ ၁၃ ရာစုနှစ်မှာ စစ်တုရင်နှင့် အခြားကစားနည်းများစာအုပ် (Book of Chess and Other Games) ကို ထုတ်ဝေခဲ့ပါတယ်။ ပြီးခဲ့တဲ့ ရာစုနှစ် ၈ ခုလောက်အတွင်းမှာ စစ်တုရင်ကစားနည်ဟာ အရှိန်ကောင်းသထက် ကောင်းလာခဲ့ပါတယ်။ အဲဒီ ကာလတစ်လျှောက်မှာ ဒီကစားနည်းနဲ့ပတ်သက်လို့ ရည်ရွှင်ဖွယ်ရာ အဖြစ်အပျက်တွေလည်း ရှိခဲ့ပြီး အဲဒီအထဲက တစ်ခုကတော့ ၁၇၆၉ ခုနှစ်မှာပေါ်ပေါက်ခဲ့တဲ့ ‘စက်ရုပ် စစ်တုရင်သမား’ ပဲ ဖြစ်ပါတယ်။

စစ်တုရင် စက်ရုပ်

ဟန်ဂေရီတစ်ဦးဖြစ်တဲ့ ၀ုလ်ဖ်ဂန်း ဒီ ကမ်ပီလင် (Wolfgang de Kempelen) ဟာ စစ်တုရင်ကစားရာမှာ ၀ါသနာထုံတဲ့ ဘုရင်မ အမ်ပရက်စ် မာရီယာ ထရီဇာ (Empress Maria Theresa) ကို လက်ဆောင်တစ်ခုပေးဖို့ ဆုံးဖြတ်ခဲ့ပါတယ်။ အဲဒီလက်ဆောင်ကတော့ ‘သံမဏိ မွတ်စလင်’ (Iron Muslim) လို့ခေါ်တဲ့ စစ်တုရင်ကစားတဲ့ စက်တစ်ခုပါပဲ။ နောက်ပိုင်းမှာတော့ အဲဒီစက်ရုပ်ကို အော်တိုမန်တာ့က် (Ottoman Turk) လို့ ခေါ်တွင်ခဲ့ပြီး စစ်တုရင်ကစားရမှာ အလွန်ကျွမ်းကျင်တဲ့ ဒီစက်ရုပ်ဟာ အဲဒီခေတ် အဲဒီအခါက ထိပ်တန်း စစ်တုရင်ကစားသမားတွေကို အနိုင်ယူနိုင်ခဲ့ပါတယ်။ စက်သွားတွေ၊ သံပတ်တွေနဲ့ တည်ဆောက်ထားတဲ့ ဒီစက်ရုပ်အထဲကို လူတစ်ယောက်က ၀င်ရောက်ထိန်းချုပ်ရတာဖြစ်ပြီး အဲဒီသူ ဘယ်သူလဲဆိုတာကိုတော့ အခုထက်ထိ ပဟေဠိဖြစ်နေတဲ့ အရာတစ်ခုပါပဲ။ ခေါင်းပေါင်းကြီးဝတ်ထားတဲ့ ဒီစက်ရုပ်ဟာ နာမည်ကြီးခဲ့ပြီး လူတွေဟာ မိုင်ပေါင်းများစွာအဝေးကနေ လာရောက်ကြည့်ရှုရတဲ့အထိ ကျော်ကြားခဲ့ပါတယ်။ နှစ်ပေါင်း ၈၅ နှစ်လောက် တည်တံ့ခဲ့တဲ့ ဒီ စစ်တုရင်စက်ရုပ်ကြီးကို လူပေါင်း ၁၅ ဦးလောက်က ၀င်ရောက်ထိန်းချုပ်ခဲ့တာဖြစ်ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

အပိုင်း(၁)-  ကော်ဖီ – ဖတ်ရန်

အပိုင်း(၂) – အစားအသောက်ဓလေ့နှင့် ဖန်ထည်များ ဖတ်ရန်

အပိုင်း(၃)- နာရီတို့၏ အစ – ဖတ်ရန်