Tag: India

မတ် ၁၇၊ ၂၀၁၅
M-Media

– ခရစ်ယာန်ဘုရားကျောင်းများနှင့် ဗလီဝတ်ကျော်တော်များမှာ ဘာသာရေး အဆောက်အဦးများ မဟုတ်ဘဲ မည်သည့်အချိန်၌မဆို ဖြိုချနိုင်သည်ဟု အာဏာရ ဟိန္ဒိူအမျိုးသားရေးပါတီ BJP မှ ခေါင်းဆောင် ဆူဘရာမာနီယန် ဆွာမိက ပြောကြားလိုက်သည်။

အာသံပြည်နယ်ရှိ တက္ကသိုလ်တစ်ခုတွင်ပြုလုပ်သော အခမ်းအနားသို့ တက်ရောက်စဉ် ဆွာမီက ထိုကဲ့သို့ ပြောကြားလိုက်ခြင်းဖြစ်ပြီး ဘုရားသခင်မှာ ဟိန္ဒိူဘုရားကျောင်းများ၌သာ တည်ရှိကာ ခရစ်ယာန်ဘုရားကျောင်းများနှင့် ဗလီဝတ်ကျောင်းတော်များမှာ သာမန်အဆောက်အဦးမျှသာ ဖြစ်သည်ဟု ဆိုသည်။ ထို့ပြင် ထိုသို့ပြောဆိုမှုကို သဘောမတူပါက မိမိအနေဖြင့် ဆွေးနွေးငြင်းခုံရန်အသင့်ဟု ၎င်းက ထပ်လောင်းပြောကြားခဲ့သည်။

ဆွာမိ၏ ထိုသို့ပြောကြားမှုနှင့်ပတ်သက်၍ အိန္ဒိယမွတ်စလင်ဥပဒေရေးရာ ဘုတ်အဖွဲ့ AIMPLB က ရှုတ်ချခဲ့သည်။

“သူ့ရဲ့ ဒီလိုပြောဆိုမှုကို ကျွန်တော်တို့ သဘောမတူပါဘူး။ အခြားသော ဘာသာတရားတွေလိုပဲ ဗလီဝတ်ကျောင်းတော်ဟာလည်း ဘာသာရေးဆိုင်ရာ နေရာတစ်ခုပါ” ဟု AIMPLB ၏ အထွေထွေအတွင်းရေးမှူး မောင်လာနာ နီဇာမွဒ်ဒီန်းက ပြောကြားခဲ့သည်။

ဆွာမီမှာ ယခင်ကလည်း အခြားဘာသာများကို စော်ကားသည့်မှတ်ချက်မျိုး ပေးခဲ့ဖူးပြီး ယခုအကြိမ်တွင် ၎င်း၏ ပါတီဝင်များနှင့် နိုင်ငံရေးသမားများကိုယ်တိုင် ရှုတ်ချခဲ့ကြသည်။

“ဒါဟာ ပါတီနဲ့ဘာမှမဆိုင်ပါဘူး။ သူ့လိုမျိုး ခေါင်းဆောင်တစ်ယောက်က ဒီလို မပြောသင့်ပါဘူး။ ဒီကိစ္စကို ပါတီဗဟိုခေါင်းဆောင်ပိုင်းကို အကြောင်းကြားသွားမှာ ဖြစ်ပါတယ်။ သူက ဒီလိုပုံစံနဲ့ နာမည်ကြီးအောင် လုပ်နေတာပါ” ဟု အာသံပြည်နယ် BJP ဥက္ကဌ ဆစ်ဟာသာ ဘက်တာချာယာက ပြောကြားခဲ့သည်။

အာသံပြည်နယ်၏ ၀န်ကြီးချုပ် တာရမ် ဂိုဂွီကမူ “သူ့ရဲ့မှတ်ချက်တွေဟာ လူ့အဖွဲ့အစည်းကို လုံးဝစော်ကားတာ ဖြစ်ပါတယ်။ ကျွန်တော်တို့ ရေးယူရပါမယ်။ တကယ်လို့ ဒီလူဟာ ဒါမျိုးတွေ ဆက်ပြောနေမယ်ဆိုရင် အာသံပြည်နယ် ၀င်ရောက်ခွင့်ကို ကျွန်တော်တို့ ပိတ်ပင်မှာပါ” ဟု ပြစ်တင်ပြောကြားခဲ့သည်။

ထို့ပြင် အငြင်းပွားဖွယ် စကားများပြောလေ့ရှိသည့် ဆွာမိအား မည်သည့်အတွက်ကြောင့် PJP ပါတီက အရေးမယူသည်ကို စဉ်းစား၍မရဟု ၎င်းက ဆိုသည်။ အိန္ဒိယရှိ ကျောင်းသားအဖွဲ့အစည်းများနှင့် နိုင်ငံရေးပါတီများကလည်း ဆွာမိအား ရှုတ်ချခဲ့ကြသည်။

“ဒါဟာ အကြီးတန်းခေါင်းဆောင်တစ်ယောက်ဖြစ်တဲ့ ဆွာမိလိုလူဆီက မျှော်လင့်ထားတာမျိုး မဟုတ်ပါဘူး။ သူ့ရဲ့ ပြောကြားမှုက တိုင်းပြည်အတွင်းမှာရှိတဲ့ ပြည်သူတွေရဲ့ ရည်တည်ချက်ကို ထိခိုက်နာကျင်စေပါတယ်” ဟု ညီညွတ်သော အိန္ဒိယ ဒီမိုကရက်တစ်တပ်ဦး AIUDF မှ အကြီးအဲဖြစ်ပြီး လွှတ်တော်အမတ်လည်းဖြစ်သူ ဘဒ်ရူဒင် အဂျက်မားလ်က ပြောကြားခဲ့သည်။

AGP ပါတီမှ ဥက္ကဌ အတူလ် ဘိုရာကမူ ထိုကဲ့သို့ပြောဆိုခြင်းမှာ BJP ၏ သဘောထားအစစ်အမှန်ကို ထုတ်ပြလိုက်ခြင်းဖြစ်သည်ဟု ဆိုသည်။

“ဆွာမိဟာ BJP ရဲ့ အကြီးတန်းခေါင်းဆောင်တစ်ယောက်ဖြစ်ပြီး ဒီပြောကြားမှုမျိုးက သူ့ပါတီရဲ့ သဘောထားအစစ်အမှန်ကို ဖော်ပြလိုက်တာ ဖြစ်ပါတယ်။ ဆွာမိနဲ့ BJP ရဲ့ ဒီလိုအပြုအမူမျိုးကို ကျွန်တော်တို့ ရှုတ်ချပါတယ်။ ဆွာမိဟာ ဘာသာတရားနဲ့ပတ်သက်ပြီး အသိပညာမရှိပါဘူး။ ဒီမှာ ကျွန်တော်တို့ဟာ သဟာဇတဖြစ်မှုနဲ့အတူ ငြိမ်းချမ်းစွာ နေထိုင်ကြတာပါ” ဟု ဘိုရာက ပြောကြားခဲ့သည်။

BJP မှာ ဟိန္ဒိူအမျိုးသားရေးဝါဒကို ရှေ့တန်းတင်သော ပါတီဖြစ်ပြီး ထိုပါတီဝင်ဖြစ်သော လက်ရှိဝန်ကြီးချုပ် မိုဒီပင်လျှင် လူနည်စုများအား အကြမ်းဖက်တိုက်ခိုက်မှုများတွင် ပါဝင်ပတ်သက်မှုဖြင့် ဝေဖန်ခံခဲ့ရဖူးသည်။ BJP ပါတီ အာဏာရပြီးနောက်ပိုင်း အိန္ဒိယတွင် ဘာသာရေးလူနည်းစုများကို ပစ်မှတ်ထားသော တိုက်ခိုက်မှုများ ခပ်စိပ်စိပ် ဖြစ်ပွားလာခဲ့ပြီး အခြားဘာသာဝင်များ၏ ဘာသာရေးဆိုင်ရာကို ကန့်သတ်ချုပ်ချယ်မှုများလည်း တိုးလာခဲ့သည်။

Ref: twocircles.net, timesofindia

မတ် ၁၄၊ ၂၀၁၅
M-Media

– အိန္ဒိယနိုင်ငံ နာဂလန်းပြည်နယ်တွင် မုဒိမ်းကျင့်လူသတ်မှုအတွက် သံသယရှိသူ လူငယ်တစ်ဦးကို လူအုပ်ကြီးက ရိုက်နှက်သတ်ဖြတ်သည့် ဗီဒီယိုတစ်ခု ထပ်မံပေါ်ထွက်လာခဲ့သည်ဟု သိရသည်။

အသတ်ခံရသူမှာ အသက် ၁၈ နှစ်အရွယ်ရှိ အီဘိုချာဆိုသူဖြစ်ပြီး အသက် ၁၁ နှစ်အရွယ် အမျိုးသမီးငယ်တစ်ဦးအား မုဒိမ်းကျင့်သတ်ဖြတ်မှုဖြင့် သံသယရှိခံရသူ ဖြစ်သည်။ ဒေါသထွက်နေသော လူအုပ်ကြီးမှာ အီဘိုချာအား မီလူရီဟုခေါ်သည့် ရွာအလယ်သို့ တရွတ်တိုက်ဆွဲခ်ါသွားပြီး တစ်ကိုယ်လုံးချွတ်၍ ကြိုးဖြင့် တန်းလန်းချီကာ တစ်နာရီခန့်ကြာ ရိုက်နှက်ခဲ့ကာ အီဘိုချာမှာ ထိုဒဏ်ရာဖြင့်ပင် သေဆုံးခဲ့သည်။ အီဘိုချာအား ရိုက်နှက်သတ်ဖြတ်မှုကို လူ ၁၀၀၀ ခန့်က ကြည့်ရှုခဲ့ကြသည်။

အဆိုပါအဖြစ်အပျက်မှာ ပြီးခဲ့သည့်နှစ် စက်တင်ဘာလက မီလူရီရွာနှင့် ၁ ကီလိုမီတာဝေးသော တောအုပ်တစ်ခုတွင် အသက် ၁၁ နှစ်အရွယ် မိန်းကလေး၏ အလောင်းကို တွေ့ရှိပြီးနောက် ဖြစ်ပွားခဲ့ခြင်းဖြစ်သည်။ အီဘိုချာမှာ သေဆုံးသူမိန်းကလေး၏ အိမ်နားတွင် နေထိုင်သူဖြစ်ပြီး အလောင်းတွေ့ပြီးနောက် ထွက်ပြေးရာမှ ပြစ်မှုကျူးလွန်သူအဖြစ် ရွာသားများက သံသယရှိကာ ထိုကဲ့သို့ ဖမ်းဆီး ရိုက်နှက်ခဲ့ခြင်းဖြစ်ကာ ထိုအဖြစ်အပျက်အား ရိုက်ကူးထားသော အဆိုပါ ဗီဒီယိုမှာ ယခုအချိန်မှ ထွက်လာခဲ့သည်။

လူအုပ်ကြီးမှာ အီဘိုချာသေဆုံးပြီးနောက် ၎င်း၏ အလောင်းအား စွန့်ပစ်ထားခဲ့ပြီး နောက်ပိုင်းတွင် ရဲတပ်ဖွဲ့က တွေ့ရှိခဲ့သည်။

နာဂလန်းပြည်နယ် ရဲတပ်ဖွဲ့အကြီးအကဲ ၀ါဘန်း ဂျမီးရ်ကမူ အဆိုပါ မုဒိမ်းကျင့် လူသတ်မှုအတွက် ရဲတပ်ဖွဲ့အား တိုင်ကြားခြင်းမရှိသေးဘဲ အီဘိုချာကိုလည်း မဖမ်းဆီးရသေးခင် ထိုအဖြစ်အပျက် ဖြစ်ပွားခဲ့ခြင်းဖြစ်သည်ဟု ပြောကြားခဲ့သည်။ ထို့ပြင် အီဘိုချာအား ဥပဒေပ ရိုက်နှက်သတ်ဖြတ်ခြင်းအတွက်လည်း ယခုအချိန်အထိ မည်သူတစ်ဦးတစ်ယောက်ကိုမှ ဖမ်းဆီးထားခြင်း မရှိသေးပေ။

ပြီးခဲ့သည့်တစ်ပတ်ကလည်း အဆိုပါ နာဂလန်းပြည်နယ်တွင် အသက် ၁၉ နှစ်အရွယ်ကျောင်းသူတစ်ဦးကို အကြိမ်ကြိမ်မုဒိမ်းကျင့်မှုဖြင့် သံသယရှိသူတစ်ဦးကို ဖမ်းဆီးထားစဉ် လူအုပ်ကြီးမှာ အကျဉ်းထောင်အား ဖောက်ကာ ၎င်းအား ထုတ်ယူ၍ ရိုက်နှက်သတ်ဖြတ်မှုတစ်ခုလည်း ဖြစ်ပွားခဲ့သေးသည်။

Ref: Dailymail

မတ် ၆၊ ၂၀၁၅
M-Media

– အိန္ဒိယနိုင်ငံ နာဂါလန်းပြည်နယ် ဒီမာပူရ်မြို့ရှိ မြို့သူမြို့သားများက အကျဉ်းထောင်အား ဖောက်ကာ မုဒိမ်းမှု ကျူးလွန်သူဟု သံသယရှိသူကို ထုတ်၍ ရိုက်နှက်သတ်ဖြတ်ပစ်ခဲ့သည့် ဖြစ်ရပ်တစ်ခု ယမန်နေ့က ဖြစ်ပွားခဲ့သည်ဟု သိရသည်။

သတ်ဖြတ်ခံရသူမှာ တစ်ပါတ်ရစ်ကားများ အရောင်းအ၀ယ်လုပ်သူ အသက် ၃၅ နှစ်အရွယ် မူက်ရှ် ဆင်း ဆိုသူဖြစ်ပြီး မြို့တွင်းရှိ အမျိုးသမီးကောလိပ်မှ ကျောင်းသူတစ်ဦးကို ဖေဖော်ဝါရီ ၂၇ ရက်နေ့က ထပ်ခါတစ်လဲလဲ မုဒိမ်းကျင့်မှုဖြင့် ဖမ်းဆီးခံထားရခြင်းဖြစ်သည်။

ထို့လုပ်ရပ်အား မကျေနပ်သည့်အတွက် ကျောင်းသားများနှင့် ဒေသခံများမှာ ယမန်နေ့နံနက်က မြို့အတွင်း ဆန္ဒပြခဲ့ကြပြီး ဆန္ဒပြမှုပြီးနောက် အဆိုပါလူအုပ်ကြီးမှာ အကျဉ်းထောင်သို့သွားရောက်၍ ထောင်ဂိတ်ပေါက်အား ချိုးဖျက်ကာ မူက်ရှ် ဆင်းကို ခေါ်ထုတ်လာပြီးနောက် တုတ်ဖြင့်ရိုက်၊ ခဲဖြင့်ပေါက်ခဲ့ကြသည်ဟု အိန္ဒိယ သတင်းစာများက ဖော်ပြခဲ့သည်။

ထို့နောက် ၎င်းအား ၄ မိုင်အကွာတွင်ရှိသော မြို့တွင်းရှိ နာရီစင်သို့ ကြိုးဖြင့်ချည်ကာ တရွတ်တိုက် ဆွဲခေါ်သွားခဲ့ပြီး မူက်ရ်ှဆင်းမှာ လမ်း၌ပင် သေဆုံးသွားခဲ့သည်။

ထို့ပြင် လူအုပ်ကြီးမှာ ၎င်း၏နေအိမ်နှင့် စီးပွားရေးလုပ်ရာဆိုင်ခန်းများကိုလည်း မီးရှို့ဖျက်ဆီးခဲ့ကြပြီး ရဲတပ်ဖွဲ့ဝင်များက နံပါတ်တုတ်များ၊ မျက်ရည်ယိုဗုံးများ အသုံးပြုကာ လူစုခွဲခဲ့သောကြောင့် လူအများအပြား ဒဏ်ရာရခဲ့သည်။ လူအုပ်ကြီးမှလည်း ခဲဖြင့်ပေါက်မှုကြောင့် ရဲတပ်ဖွဲ့ဝင်များမှာ ဒဏ်ရာရရှိခဲ့သည်။

အိန္ဒိယတွင် မုဒိမ်မှုနှင့် အုပ်စုဖွဲ့မုဒိမ်းကျင့်မှုများမှာ မကြာခဏဖြစ်ပွားလေ့ရှိပြီး ထိုအမှုများအပေါ် အစိုးရ၏ ကိုယ်တွယ်မှု ညံ့ဖျင်းခြင်းအတွက်လည်း ဝေဖန်မှုများ ရှိနေသည်။ ၂၀၁၂ ခုနှစ်က ဒေလီရှိ ဘတ်စ်ကားပေါ်တွင် ကျောင်းသူတစ်ဦး အုပ်စုဖွဲ့ မုဒိမ်းကျင့်ခံရမှု မှတ်တမ်းရုပ်ရှင်ကို အိန္ဒိယအစိုးရက ယခုတစ်ပတ်အတွင်း ပိတ်ပင်ခဲ့သောကြောင့် ပြည်သူများအကြား တင်းမာမှုများလည်း ရှိသည်။

Ref:Dailymail

ဖေဖော်ဝါရီ ၅၊ ၂၀၁၅
M-Media

– ခရစ်ယာန်ဘုရားကျောင်းများ တိုက်ခိုက်ခံရပြီးနောက် မိမိတိုလူနည်းစုများကို အစိုးရက ကာကွယ်မှုပေးရန် အိန္ဒိယရှိခရစ်ယာန်များက ဒေလီမြို့တွင် ဆန္ဒပြခဲ့ကြပြီး ရဲတပ်ဖွဲ့နှင့် ထိပ်တိုက်တွေ့ခဲ့ကြသည်ဟု သိရသည်။

ယနေ့တွင် ပြုလုပ်ခဲ့သည့် အဆိုပါ ဆန္ဒပြမှုတွင် ခရစ်ယာဘာသာဝင် ရာပေါင်းများစွာ ပါဝင်ခဲ့ပြီး ပါလီမန်အဆောက်အဦးအနီး တည်ရှိသော ဒေလီ၏ အကြီးဆုံး ကက်သလစ်ဘုရားကျောင်းမှ ပြည်ထဲရေ၀န်ကြီး ရာဂ်ျနသ် ဆင်း၏ နေအိမ်သို့ ချီတက်ရန် ကြိုးစားရာမှ ရဲတပ်ဖွဲ့နှင့် ထိပ်တိုက်တွေ့ခဲ့ခြင်းဖြစ်သည်။

ရဲတပ်ဖွဲ့ကမူ လူစုဝေးမှုကို တားမြစ်ပိတ်ပင်သည့် အရေးပေါ်ပုဒ်မ ၁၄၄ ထုတ်ပြန်ခဲ့ပြီး ရာပေါင်းများစွာသော ခရစ်ယာန်ပြည်သူများ ဘုရားကျောင်းထဲ ရှိနေချိန်တွင် အပြင်မှ ရဲတပ်ဖွဲ့ဝင် ၂၀၀ ခန့်က ပိတ်ဆို့ထားခဲ့ကြသည်။

`ကျွန်တော်တို့ မေးနေတာက “ရဲတွေဘာလုပ်နေလဲ ဆိုတာပါပဲ´´ အစိုးရက ဘာလုပ်နေလဲ´ ဟု ဂယ်ရီဟု အမည်ရသည့် ဆန္ဒပြ ခရစ်ယာန်တစ်ဦးက ပြောကြားခဲ့ပြီး ခရစ်ယာန်များအနေဖြင့် သင့်တော်သည့် လုံခြုံရေးနှင့် အန္တရာယ်ကင်းရှင်းမှုကို လိုချင်သည်ဟု ပြောကြားခဲ့သည်။

ဒီဇင်ဘာနောက်ပိုင်းအတွင်း ဒေလီမြို့ရှိ ခရစ်ယာန်ဘုရားကျောင်း ၅ ခုခန့်မှာ မီးရှို့ခံရခြင်း၊ ဖျက်ဆီးခံရခြင်းနှင့် လုယက်ခံရခြင်းတို့ ကြုံတွေ့ခဲ့ရပြီး ယခုတစ်ပတ် တနင်္လာနေ့က ဒေလီမြို့ရှိ ခရစ်ယာန်ဘုရားကျောင်းတစ်ခုမှ အခမ်းအနားနှင့်ဆိုင်သည့် ပစ္စည်းများ အခိုးခံခဲ့ရသည်။ ပြီးခဲ့သည့်နှစ် ဒီဇင်ဘာလကလည်း ဒေလီမြို့မြောက်ဘက်ရှိ ကက်သလစ်ဘုရာကျောင်းတစ်ခုမှာ မီးရှို့ခံခဲ့ရသည်။

ခရစ်ယာန်များက ထိုတိုက်ခိုက်မှုများကို အာဏာရ အမျိုးသားရေးပါတီ BJP မှ ဟိန္ဒူအစွန်းရောက်များက ဆောင်ရွက်ကြသည်ဟု ပြောကြားခဲ့သော်လည်း ရဲတပ်ဖွဲ့မူ သက်သေမရှိသောကြောင့် အရေးမယူနိုင်ဟု ပြောကြားခဲ့သည်။ အတိုက်အခံများကလည်း ခရစ်ယာန်ဘုရားကျောင်းများတိုက်ခိုက်ခံရမှုအတွက် BJP ကို အပြစ်တင်ခဲ့သည်။

ဟိန္ဒူအစွန်းရောက်များမှာ ခရစ်ယာန်ဘာသာဝင်များအပြင် အစ္စလာမ်ဘာသာဝင်တို့၏ ဗလီဝတ်ကျောင်းတော်များကိုလည်း မကြာခဏ တိုက်ခိုက်လေ့ရှိသည်။ အိန္ဒိယ၏ သန်းပေါင်း ၁၂၀၀ ကျော်သော လူဦးရေတွင် ခရစ်ယာန်ဘာသာဝင်ဦးရေမှာ ၅ ရာခိုင်နှုန်းခန့်ရှိသည်။

Ref: reuters, BBC