သြဂုတ် ၁၅၊ ၂၀၁၆
M-Media
– IS အကြမ်းဖက်အဖွဲ့က သိမ်းဆည်းထားပြီး အီရတ်နိုင်ငံ၏ ဒုတိယအကြီးဆုံးမြို့ဖြစ်သော မူဆိုးလ်မြို့အနီးမှ ရွာ ၅ ရွာကို ကာ့ဒ်တပ်ဖွဲ့များက ယမန်နေ့တွင် လွတ်မြောက်စေခဲ့ပြီး၊ မြို့တစ်ခုလုံး လွတ်မြောက်ရေးအတွက် မဟာမိတ်တပ်များက ကြိုးပမ်းနေသည်ဟု သိရသည်။
တနင်္ဂနွေနေ့ ဒေသစံတော်ချိန် မနက် ၅ နာရီခွဲဝန်းကျင်၌ မိုဆူးလ်မြို့အရှေ့ဘက် ခဇားရ်ဒေသတွင် စစ်ဆင်ရေးတစ်ခု ဆောင်ရွက်ခဲ့ပြီး IS စစ်သွေးကြွများနှင့် အကြီးအကျယ် တိုက်ပွဲဖြစ်ကာ Tal Hamid ရွာ၊ Qarqasha ရွာ၊ Abzakh ရွာ၊ Dasht Takh ရွာတို့ကို အပြည့်အ၀ ပြန်လည်ထိန်းချုပ်နိုင်ခဲ့ခြင်းဖြစ်သည်။
စစ်ဆင်ရေးများ ပြုလုပ်နေစဉ်အတွင်း ဖောက်ခွဲရေးပစ္စည်းများ တင်ဆောင်လာသော ယာဉ်နှစ်စီးကို ဖျက်စီးပစ်ခဲ့ကြောင်း သိရသည်။ ကာ့ဒ်သတင်းရင်းမြစ်များကမူ ကာ့ဒ်တပ်ဖွဲ့များမှာ တနင်္ဂနွေနေ့တွင် ထိုးစစ်ဆင်တိုက်ခိုက်ခဲ့ရာ IS လက်ထဲမှ အနည်းဆုံးရွာ ၁၁ ရွာခန့်ကို ပြန်လည်သိမ်းပိုက်နိုင်ခဲ့သည်ဟု ပြောကြားခဲ့သည်။
မိုဆူးလ်မြို့အနီး စစ်မြေပြင်၌ အလွန်အမင်း ထိခိုက်ခံစားခဲ့ရသောကြောင့် IS အကြမ်းဖက်သမားများမှာ ယင်းအရပ်၌ ရှိသော အရပ်သားများနှင့် လုံခြုံရေးတပ်ဖွဲ့များကို အကြမ်းဖက်မှုများ တိုးမြှင့်ပြုလုပ်ခဲ့သည်။
Ref : Presstv
Leave a Reply
You must be logged in to post a comment.