ဆိုရှယ်မီဒီယာတွင် လူမျိုးရေး ခွဲခြားသော မှတ်ချက်များ ရေးသူ ၃ ဦး ဗြိတိန်တွင် ဖမ်းဆီး

မေ-၂၆၊၂၀၁၃

M-Media

ဗြိတိန် စစ်သားတစ်ဦးဖြစ်သူ လီရစ်ဘီ(Lee Rigby) အား လူနှစ်ယောက်မှ အကြမ်းဖက်သတ်ဖြတ်မှု ဖြစ်ပွားပြီးနောက်ပိုင်း ထိုကိစ္စနှင့်ပက်သက်၍ အင်တာနက် လူမှုကွန်ရက် စာမျက်နှာများတွင် လူမျိုးရေးခွဲခြားသော မှတ်ချက်များရေးသားခဲ့သည့် လူသုံးဦးကို ဗြိတိန်ရဲတပ်ဖွဲ့မှ ဖမ်းဆီးထိန်းသိမ်းလိုက်သည်။

အဆိုပါလူသုံးဦးအနက် နှစ်ဦးမှာ Gateshead မှဖြစ်ပြီး အခြားတစ်ဦးမှာ Stockton မှဖြစ်ကာ လက်ယာစွန်းရောက် အုပ်စုဖြစ်သည့် English Defence League (EDL)မှ စနေနေ့တွင် နယူးကာဆယ်မြို့၌ ပြုလုပ်ရန် စီစဉ်ထားသည့် ဆန္ဒပြပွဲမတိုင်မီ ဖမ်းဆီး ထိန်းသိမ်းလိုက်သည်ဟု နော်သမ်ဘရီယာ ရဲတပ်ဖွဲ့မှ ထုတ်ပြန်ခဲ့သည်။

ပြီးခဲ့သည့် ဗုဒ္ဓဟူးနေ့က လန်ဒန်တောင်ဘက် ၀ူးလ်ဝစ်ခ်ျမြို့တွင် ဗြိတိန်စစ်သားတစ်ဦးဖြစ်သူ လီရစ်ဘီ အသတ်ခံရမှုနှင့် ပက်သက်ပြီး ဖေ့စ်ဘုတ်နှင့် တွစ်တာ စာမျက်နှာများပေါ်တွင် လူမျိုးရေးအရ စော်ကားပုတ်ခတ်သည့် မှတ်ချက်များရေးသားခဲ့သည်ဟု သင်္ကာမကင်းဖြစ်သူ အဆိုပါလူသုံးဦးအား တရားစွဲဆိုထားသည်။

အကြမ်းဖက်တိုက်ခိုက်သူ အဒီဘိုလာဂျိုမှာ ဗြိတိန်တွင် မွေးဖွားသည့် နိုက်ဂျီးရီးယားနွယ်ဖွား တစ်ဦးဖြစ်ပြီး အစွန်းရောက်အမြင်များကို ဖြန့်ဝေမှုကြောင့် ပိတ်ပင်ခံထားရသည့် အဖွဲ့အစည်းတစ်ခုနှင့် အဆက်အသွယ်ရှိသူဟု သိရသည်။

နယူးကာဆယ်ရှိ ဖက်ဆစ်ဆန့်ကျင်ရေး တက်ကြွလှုပ်ရှားသူများက လက်ယာစွန်းရောက်ပါတီတစ်ခုဖြစ်သည့် EDL ပါတီအား တန်ပြန်ဆန္ဒပြရန် စီစဉ်ထားကြသည်ဟု သိရသည်။

ဗြိတိန်ရှိ ဗလီဝတ်ကျောင်းတော်များမှလည်း ၎င်းတို့ဘာသာတရား နာမည်ဖြင့် ကျူးလွန်ခဲ့သည့်ပြစ်မှုကြောင့် တုန်လှုပ် ခြောက်ခြားခဲ့ရပါသည်ဟု ထုတ်ပြန်ခဲ့သည်။

ဝူးလ်ဝစ်ခ်ျတိုက်ခိုက်မှု ဖြစ်ပေါ်ပြီးနောက် ယူကေရှိ လက်ယာစွန်းရောက် အုပ်စုများက လူမျိုးရေး မုန်းတီးမှုများကို ဖြန့်ဝေနေသည်ဟု မွတ်စလင်ခေါင်းဆောင်များက စွပ်စွဲထားသည်။

SSM/HE