ဇွန်လ ၁၃၊ ၂၀၁၃
M-Media
သတင်း – ဆူးထက်
သတင်း ဓာတ်ပုံ – အိမေ
ရန်ကုန် ။ ။ ရန်ကုန်တိုင်း ဒေသကြီးအတွင်း ရန်ကုန်-ဒလ ကြိုးတံတားစီမံကိန်းသတင်းထွက်ပေါ်လာမှုကြောင့် ဒလမြို့နယ် အတွင်းရှိ အိမ်ခြံမြေ ဈေးနှုန်းများ ကျပ်သိန်းပေါင်း ၅၀၀၀ အထက် မြင့်တက်လျက် ရှိကြောင်းသိရသည်။
ယင်းသို့ အိမ်ခြံမြေဈေးနှုန်းများ မြင့်တက်လာမှုကို ဒလမြို့နယ် တရားဝင် အိမ်ခြံမြေ အကျိုးဆောင် လုပ်ငန်း ဖူဂျီမှ တာဝန်ရှိသူ တစ်ဦးက ပြောပြခဲ့သည်။
ဒလမြို့ပေါ်ရှိ မြေဈေးကွက်များမှာ ယခင်က ဈေးနည်းသော်လည်း ရန်ကုန်- ဒလ တံတား တည်ဆောက်မည့် စီမံကိန်း ထွက်ရှိလာပြီးနောက် မြေကွက်ဈေးနှုန်းများမှာ ကျပ်သိန်းပေါင်း ငါးထောင် အထက်သို့ မြင့်တက်သွားကြောင်း သိရသည်။
” ကျွန်တော်တို့ ဒလမြို့မှာ ရပ်ကွက်ပေါင်း (၂၄)ရပ်ကွက် ရှိတယ်။ အဲဒီ (၂၄)ရပ်ကွက်ထဲက (၁၀)ရပ်ကွက်လောက် အရောင်းအ၀ယ်ကောင်းပြီး ဈေးကောင်းရတယ်။ လယ်မြေတွေ ဆိုရင် ဒလ- တွံတေး လမ်းမကြီးဘေးမှာ ရှိတဲ့ လယ်တစ်ဧက ကို ကျပ်သိန်း ၁၅၀၀ခန့် ရှိတယ်။ အရင်က ကျပ်သိန်းဝန်းကျင်သာ တန်ဖိုးရှိတဲ့ မြေကွက်တွေက အခု ကျပ်သိန်း ၃၀၀ခန့်ပေးရတယ်။ ဒလမြို့နယ်ထဲမှာရှိတဲ့ ကျန်စစ်သားရပ်ကွက်၊ တပင်ရွှေထီး ရပ်ကွက်၊ ဘုရင့်နောင် ရပ်ကွက်၊ စက်မြေ ရပ်ကွက်၊ မှော်စက် ရပ်ကွက်၊ ရာဇ သင်္ကြန် ရပ်ကွက်၊ ဗညား ဒလ ရပ်ကွက်တွေမှာ ရှိတဲ့ မြေ(ပေ – ၄၀ x ၆၀) တစ်ကွက်ကို ကျပ်သိန်း (၁၀၀၀)ကနေ (၅၀၀၀) အထိခေါ်ဈေး ရှိတယ်” ဟုဒလမြို့ရှိ အိမ်ခြံမြေ အကျိုးဆောင်၏ တာဝန်ရှိသူ တစ်ဦးက မီဒီယာ သို့ပြောသည်။
” ကျွန်တော်တို့ မြေကွက်တွေ ဈေးတက်လာတာ အရမ်းဝမ်းသာပါတယ်။ အရင်က တန်ဖိုးနည်းတဲ့ မြေတွေက ခုချိန်မှာ ရွှေလို တန်ဖိုးရှိလာတော့ ကျွန်တော်တို့ လယ်သမားတွေ အတွက် ၀မ်းသာစရာပါ။ ကျွန်တော်တို့ လယ်မြေတွေကို ဒီလို ဈေးကောင်းရတုန်းလေး တချို့ကို ရောင်းချင်ပါတယ်။ ကျွန်တော်တို့ စဉ်းစားကြည့်တာပေါ့။ကျွန်တော်တို့ လယ်သမားတွေက လယ်ကလွဲရင် ကျန်တာ ဘာမှ မလုပ်တတ်ဘူး။ ငွေထုပ်ကြီး ပိုက်ပြီး ထိုင်စားနေရင် အချိန်တန်ရင် အဲဒီ့ငွေတွေက ကုန်သွားမှာပါ။ အဲဒီတော့ ကျွန်တော်တို့ လယ်သမားတွေ အနေနဲ့ သတိထားရမှာက ပိုက်ဆံတစ်ခုတည်းအတွက်နဲ့ မိမိပိုင်ဆိုင်တဲ့ လယ်မြေတွေ အကုန်လုံးကိုတော့ မရောင်းလိုက်ပါနဲ့။လယ်သမားတွေ အတွက်က ရေရှည်စားဝတ်နေရေး အတွက် လုပ်ကိုင် စားသောက်ဖို့က လယ်မြေတွေ ရှိမှ ဖြစ်မှာပါ ” ဟု ဒလမြို့နယ်ရှိ လယ်မြေ ပိုင်ဆိုင်သူ တစ်ဦးမှ သူ၏ ရင်တွင်းစကားသံများအား M-Media သို့ပြောပြခဲ့သည်။
Leave a Reply
You must be logged in to post a comment.