News @ M-Media

ပြည်တွင်းစစ်အား ရပ်တန့်ရန် မြန်မာကို ကုလတိုက်တွန်း

နိုဝင်ဘာ- ၁၉ ၂၀၁၃
M-Media

20131212322666734_20

ကချင်ပြည်နယ်ရှိပြည်သူလူထုမှာ အစားအသောက်နှင့် နေစရာမလုံလောက်သည့် ဒုက္ခသည်စခန်းများတွင်နေ ချို့တဲ့စွာနေထိုင်နေရသောကြောင့် မြန်မာစစ်တပ်နှင့် ကချင်လက်နက်ကိုင်တို့အကြား ဖြစ်ပွားနေသည့် စစ်ပွဲများအား ချက်ချင်းရပ်တန့်ရန် ကုလသမဂ္ဂက တိုက်တွန်းပြောကြားလိုက်သည်။

ယခုလက်ရှိ ဗန်းမော်-မန်စီ ဒေသတစ်ဝိုက်တွင်ဖြစ်ပွားနေသည့် တိုက်ပွဲငယ်များက ယခင်တိုက်ပွဲများကြောင့် ရွှေ့ပြောင်းနေထိုင်ရသူများအပါအ၀င် လူပေါင်း ၂၃၀၀ ကို ဆိုးကျိုးသက်ရောက်မှုများရှိနေသည်။

ပြီခဲ့သည့် စနေ၊ တနင်္ဂနွေနေ့များက မြန်မာစစ်တပ်မှ ကျောင်သား ၇၀၀ ခန့် တက်ရောက်စာသင်ကြားနေသည့် ကျောင်းတစ်ကျောင်းကိုလည်း ၀န်းရံပိတ်ဆို့ထားပြီး ထိုကိစ္စနှင့်ပက်သက်၍ စိုးရိမ်ပူပန်မိကြောင်း ရန်ကုန်အခြေစိုက် ကုလသမဂ္ဂရုံးက ယမန်နေ့တွင် သတင်းထုတ်ပြန်ခဲ့သည်။

“ကျောင်းသားများနှင့် ဆရာများမှာ (စစ်တပ်၏) ကျောင်းအတွင်းတွင် ၀န်းရံပိတ်ဆို့ခြင်းခံထားရပြီး ထိုလူများအားလွှတ်ပေးရန် ကက်သလစ် အသင်းတော်က တောင်းဆိုထားသည်” ဟု ယမန်နေ့ ညနေတွင် ကုလက ထပ်မံထုတ်ပြန်ခဲ့သည်။

၁၇ နှစ်တာ အပစ်အခတ်ရပ်စဲရေး ကျိုးပျက်ပြီးနောက် မြန်မာနိုင်ငံမြောက်ပိုင်း တရုတ်နယ်စပ်ရှိ ကချင်တိုင်းရင်းသား လက်နက်ကိုင်များအား အစိုးရတပ်က ၂၀၁၁ ခုနှစ်တွင် ပြန်လည်တိုက်ခိုက်ခဲ့ပြီး ထိုစစ်ပွဲကြောင့် လူပေါင်း ၁ သိန်းနီးပါး ရွှေ့ပြောင်းခဲ့ရသည်။

Source:
AFP

Comments

Leave a Reply