ဒီဇင်ဘာ- ၅ ၂၀၁၃
M-Media
– နှစ်နိုင်ငံအကြား အပြန်အလှန်ဆက်ဆံရေးအား ခိုင်မာစေရန် ရည်ရွယ်သော သဘောတူညီချက် ၆ ခုကို မြန်မာနိုင်ငံနှင့် ဖိလစ်ပိုင်တို့ ယနေ့တွင် လက်မှတ်ထိုးခဲ့ကြသည်ဟု သိရသည်။
ထိုသဘောတူညီချက်အား ဖိလစ်ပိုင်နိုင်ငံသို့ ၃ ရက်ကြာအလည်အပတ်ရောက်ရှိနေသော မြန်မာနိုင်ငံသမ္မတ ဦးသိန်းစိန်နှင့် ဖိလစ်ပိုင်သမ္မတ အကွီနိုတို့တွေ့ဆုံစဉ် လက်မှတ်ရေးထိုခဲ့ခြင်းဖြစ်ပြီး၊ အစားအသောက်ဆိုင်ရာ လုံခြုံမှု၊ လယ်ယာစိုက်ပျိုးရေး ကဏ္ဍတို့တွင်ပူးပေါင်းဆောင်ရွက်ရေးနှင့် နှစ်နိုင်ငံရှိ နိုင်ငံပိုင်၊ ပုဂ္ဂလိကပိုင် ရေဒီယိုနှင့် ရုပ်သံလိုင်းများသို့ ဂျာနယ်လစ်များ အပြန်အလှန်လည်ပတ်ကာ လေ့လာမှုများ ဆောင်ရွက်ရေးတို့ ပါဝင်သည်။
ထို့ပြင် ဖိလစ်ပိုင်နိုင်ငံသားများကို မြန်မာနိုင်ငံအတွင်း ဗီဇာမလိုဘဲ ၁၄ ရက်နေခွင့်ပေးရန်နှင့် မြန်မာနိုင်ငံသားများအား ဖိလစ်ပိုင်နိုင်ငံတွင် ဗီဇာမလိုဘဲ ရက် ၃၀ နေထိုင်ခွင့်ပေးရေးတို့အတွက်လည်း သဘောတူ လက်မှတ်ရေးထိုးခဲ့ကြသည်။
Ref: ဆင်ဟွာ
(AP Photo/Aaron Favila)
Leave a Reply
You must be logged in to post a comment.