ဒီဇင်ဘာ ၁၇၊ ၂၀၁၃
M-Media
ယနေ့မနက် ၁၀ နာရီခွဲတွင် မိတ္ထီလာ အင်းဝဘဏ်တွင် အနုကြမ်းစီး လုယက်မှု ဖြစ်စဉ် တခု ဖြစ်ပွားခဲ့ကြောင်း သိရသည်။
ဘဏ်မန်နေဂျာ ဒေါ်မိယဉ် မှာ အခြား ဘဏ်ဝန်ထမ်း(၉) ဦးအတူ နှင့် အလုပ်လုပ်နေစဉ် အမည်မသိ အမျိုးသားတဦး ဝင်လာပြီး ဒေါ်မိယဉ်အား ဓါးဖြင့်ထောက်ကာ ဘဏ်မှ ငွေများကို ၄င်း၏ ကျောပိုးအိတ်ထဲသို့ ထည့်ပေးရန် ခိုင်းစေခဲ့ကြောင်း၊ ဘဏ်ကောင်တာတွင် ငွေမရှိဟု ဘဏ်ဝန်ထမ်းကပြောဆိုသောကြောင့် ကောင်တာပေါ် ဓါးကို တင်စဉ် ဘဏ်မန်နေဂျာမှ ဓါးကို လွှင့်ပစ်ပြီး ကျန်ဝန်ထမ်းများနှင့် လုံခြုံရေး ဝန်ထမ်းများမှ အနုကြမ်းစီးသူကို ဝိုင်းဝန်း ဖမ်းဆီးခဲ့ကြသည်ဟု ပြန်ကြားရေး ဝန်ကြီးဌာန၏ သတင်း ထုတ်ပြန်ချက်အရ သိရှိရသည်။
အနုကြမ်းစီးလုယက် သူမှာ ဝေယံမျိုးကျော် ( ၂၆ )နှစ် (ဘ) ဇင်မျိုးကျော် အမှတ် ၆၀၀၆ တင့်ကားတပ်ရင်း ၊ ကန့်ဘလူ မှ ဗိုလ်ကြီး အဆင့်ရှိဖြစ်ပြီး ရဲစခန်းမှ အရေးယူမှုများ ဆက်လက် လုပ်ဆောင်နေကြောင်း ဖော်ပြထားသည်။
ကိုးကား- ပြန်ကြားရေး ဝဘ်ဆိုဒ်
Leave a Reply
You must be logged in to post a comment.