ကမ္ဘောဒီယားတွင် အထည်ချုပ် လုပ်သားများနှင့် ရဲများအကြား ရုန်းရင်းဆန်ခတ်ဖြစ် အနည်းဆုံး ၇ ဦး ဒဏ်ရာရရှိ

ဇန်န၀ါရီ ၂၊ ၂၀၁၄
M-Media

– ကမ္ဘောဒီယားနိုင်ငံ မြို့တော် ဖနွမ်းပင်တွင် အထည်ချုပ် အလုပ်သမားများနှင့် ရဲတပ်ဖွဲ့ဝင်များအား ရုန်းရင်းဆန်ခတ်မှုများဖြစ်ပွားခဲ့သောကြောင့် အနည်းဆံး လူ ၇ ဦး ဒဏ်ရာရရှိခဲ့သည်ဟု သိရသည်။

ဖနွမ်းပင်မြို့ ဆင်ခြေဖုံးတွင် ယနေ့နံနက်ပိုင်းက ဖြစ်ပွားခဲ့ခြင်းဖြစ်ပြီး ရာချီသည့် အလုပ်သမားများက စက်ရုံရှိ ပစ္စည်းများအား ဖျက်ဆီးနေခြင်းကို ရဲတပ်ဖွဲ့က ၀င်ရောက်တားမြစ်ရာမှ အစပြုခဲ့ခြင်းဖြစ်ကာ ဒဏ်ရာရသူများအပြင် အလုပ်သမား ၁၀ ဦးကိုလည်း ဖမ်းဆီးထားကြောင်း၊ ဖမ်းဆီးခံရသူများတွင် ဗုဒ္ဓဘာသာ ဘုန်းကြီးများလည်း ပါဝင်ကြောင်း ရဲတပ်ဖွဲ့က သတင်းထုတ်ပြန်ခဲ့သည်။

နိုင်ငံအတွင်းရှိ အထည်ချုပ်စက်ရုံနှင့် ဖိနပ်စက်ရုံများအားလုံးကို ပြီးခဲ့သည့် တစ်ပါတ် ဗုဒ္ဓဟူးနေ့ကစတင်ကာ အစိုးရက ပိတ်ပစ်ခဲ့ပြီးနောက် ထိုစက်ရုံများရှိ အလုပ်သမားများက ဆန္ဒပြမှုများ အဆက်မပြတ် ပြုလုပ်လာခဲ့ကြသည်။