ဇန်နဝါရီ ၁၂၊ ၂၀၁၄
M-Media
– ကျောင်းအတွင်းသို့ အသေခံဗုံးခွဲရန် လာရောက်သောသူအား ခုခံခဲ့သောကြာင့် အသက်စွန့်ခဲ့ရသည့် အသက် ၁၅ နှစ်အရွယ် ကျောင်းသားတစ်ဦးအား ပါကစ္စတန်နိုင်ငံရှိ အမြင့်ဆုံး ဂုဏ်ထူးဆောင်ဘွဲ့အား ချီးမြှင့်မည်ဟု သိရသည်။
အိတ်ဇာဇ် ဟာဆန်ဟု အမည်ရသည့် အဆိုပါဆယ်ကျော်သက်မှာ နိုင်ငံအနောက်မြောက်ဘက် ခိုင်ဘာ ပက်ထွန်ဟွာပြည်နယ် ဟန်ဂူခရိုင်ရှိ အထက်တန်းကျောင်းတစ်ခုမှ ကျောင်းသားတစ်ဦးဖြစ်ပြီး ပြီးခဲ့သည့် တနင်္လာနေ့က ရာပေါင်းများစွာသော ကျောင်းသားများကိုကယ်တင်ရန်အတွက် ကျောင်းအတွင်းသို့ ၀င်ရောက်လာသော အသေခံဗုံးခွဲသမားအား ခုခံခဲ့သူဖြစ်သည်။
ထို့ကြောင့် အသေခံဗုံးခွဲသမားမှာ ကျောင်းအတွင်သို့ မ၀င်ရောက်နိုင်ခဲ့ဘဲ ကျောင်းဂိတ်ပေါက်ဝတွင် ၎င်း၏ဗုံးအား ခွဲခဲ့ပြီး ဟာဆန်မှာလည်း ဗုံးထိမှန်ခဲ့ကာ ဆေးရုံအရောက်တွင် ကွယ်လွန်သွားခဲ့သည်။
ထိုအဖြစ်အများဖြစ်ပွားပြီးနောက် ရှဟီဒ်း(အာဇာနည်) အိတ်ဇာတ် ဟာဆန်အား နိုင်ငံတော်၏ အမြင့်ဆုံး သူရဘွဲ့ဖြစ်သည့် စစ်တရာ-အီ-ရှုဂျတ်(Sitara-e-Shujjat) ဘွဲ့ချီးမြှင့်ရန် ၀န်ကြီးချုပ် နာဝဇ်ရှရစ်ဖ်က သမ္မတ မန်မွန် ဟူစိန်အား အကြံပေးခဲ့ပြီး ထိုဆုအား မတ်လ ၂၃ ရက်နေ့တွင် ကျရောက်မည့် ပါကစ္စတန် လွတ်လပ်ရေးနေ့တွင် ဟာဆန်၏ မိသားစုများအား ပေးအပ်သွားမည်ဖြစ်သည်။
“ရှဟီဒ်း အိတ်ဇာဇ်ရဲ့ ရဲစွမ်းလှတဲ့ ဒီလုပ်ရပ်က ကျောင်းသား ရာပေါင်းများစွာရဲ့အသက်ကိုကယ်တင်နိုင်ခဲ့ပါတယ်။ ပြီးတော့ ဒါဟာ ပြောင်မြောက်တဲ့ သူရသတ္တိနဲ့ တိုင်းချစ်ပြည်ချစ်စိတ်ကို ဖော်ကျူးလိုက်တဲ့ ဥပမကောင်းတစ်ခုပါပဲ” ဟု သောကြာနေ့က အစိုးရမှ ထုတ်ပြန်ခဲ့သည့် ကြေညာ ချက်တွင် ဖော်ပြထားသည်။
နိုင်ငံပိုင်ရုပ်မြင်သံကြား၊ ရေဒီယိုနှင့် မီဒီယာများက ဟာဆန်အား ဂုဏ်ပြုသော အစီအစဉ်များ ထုတ်လွှင့်ခဲ့ကြပြီး၊ ပါကစ္စတန်နိုင်ငံတစ်ဝှမ်းရှိ လူငယ်များနှင့် ကျောင်းသားကျောင်းသူများကလည်း ချီးကျူးဂုဏ်ပြုသည့်အခမ်းအနားများ၊ ဟာဆန်အတွက် ဆုမွန်ကောင်းတောင်းပေးခြင်းများကို ပြုလုပ် လျက်ရှိကြသည်။ ထို့ပြင် ဟန်ဂူဂရိုင်ရှိ ၎င်း၏ ဂူဗိန်မာန်သို့လည်း လာရောက်ကြကာ ကုရ်အာန် ကျမ်းစာ ဖတ်ရွတ်ပေးခြင်း၊ ဆုမွန်ကောင်းတောင်းခြင်းများကို ပြုလုပ်လျက်ရှိကြသည်။
Ref:aljazeera
Leave a Reply
You must be logged in to post a comment.