ဇန်န၀ါရီ ၁၃၊ ၂၀၁၄
M-Media
ပြည့်ပြည့်
ရန်ကုန် ။ ။ မဟာတမန်တော်မြတ် မုဟမ္မဒ်သခင် ဖွားသန့်စင်သည့် ၁၄၈၈-နှစ်မြောက် အထိမ်းအမှတ်အဖြစ် တရားမျှတခြင်းနှင့် ငြိမ်းချမ်းရေး ခေါင်းစဉ်ဖြင့် ဘာသာပေါင်းစုံ ဓမ္မသဘင်ကို ဇန်န၀ါရီလ ၁၅-ရက်၊ ည ၈း၀၀နာရီတွင် ရန်ကုန်မြို့၌ ကျင်းပ ပြုလုပ်မည်ဖြစ်ကြောင်း သိရသည်။
မဟာတမန်တော်မြတ် မုဟမ္မဒ်သခင် ဖွားသန့်စင်နေ့ အထိမ်းအမှတ် ဓမ္မသဘင်တွင် ဆရာတော် ဘဒ္ဒန္တအရိယာဝံသာဘိဝံသ (မြ၀တီဆရာတော်)၊ သီတဂူအရှင်တိက္ခသာရ(သီတဂူကမ္ဘာ့ဗုဒ္ဓတက္ကသိုလ်)၊ အလ်ဟဂ်ျခလီဖွဟ်ဦးအေးလွင်၊ စရီဦးမောင်မြင့်နှင့် ပရော်ဖက်ဆာ ဒေါက်တာစောလှိုင်ဘွား တို့မှ ဟောပြောမည်ဖြစ်သည်။
၎င်းဓမ္မသဘင်အား ကူဝသွလ်အစ္စလာမ်ရာသစ်ဗ်အဖွဲ့၊ ရှမ်းကုန်းလမ်း၊ မြေနီကုန်း(မြောက်) စမ်းချောင်းမြို့နယ်၊ ရန်ကုန်တွင် ပြုလုပ်မည်ဖြစ်ပြီး မေတ္တာကန်ပိန်းနှင့် ကူဝသွလ်အစ္စလာမ်ရာသစ်ဗ်အဖွဲ့တို့ ပူးပေါင်းပြုလုပ်ခြင်းဖြစ်ကြောင်းလည်း သိရသည်။
Leave a Reply
You must be logged in to post a comment.