ဇန်နဝါရီ ၂၄၊ ၂၀၁၄
M-Media
သူမ၏ အစ္စလာမ်ဘာသာသို့ကူးပြောင်းပါသည်ဟုဆိုထားသော အစောပိုင်းဗီဒီယိုအား ငြင်းပယ်ခဲ့သည့် အမေရိကန် အဆိုတော် ဂျနီဖာဂရောက်(Jennifer Grout) က ယခုအခါတွင် ၎င်းသတင်းကို အတည်ပြုလိုက်ပြီဖြစ်သည်။ ၎င်းအပြင် သူမသည် ၀တ်ပြုခြင်း၊ ကုရ်အာန်ကျမ်းတော်အား လေ့လာသင်ယူခြင်းနှင့် ဇကာ့သ်ဒါနပေးဆောင်ခြင်းကိုလည်း စတင် လုပ်ဆောင်နေပြီဖြစ်ကြောင်း ဖြည့်စွက်ပြောကြားခဲ့သည်။
“ လူတကာတွေ့မြင်ထားခဲ့တဲ့ ဗီဒီယိုဟာ မော်ရိုကိုဇာတ်ကားထဲမှ အစိတ်အပိုင်းတစ်ခု အမှန်ဖြစ်ပြီး Arabs Got Talent မပြသခင်က ကျွန်မရိုက်ကူးခဲ့တဲ့ ဇာတ်လမ်းဖြစ်ပါတယ် ” ဟု ဂရောက်မှ ဇန်န၀ါရီလ ၂၁ ရက်၊ အင်္ဂါနေ့က Gulf News သို့ ပြောပြခဲ့သည်။
“ အင်တာနက်ပေါ်မှာ အဲ့ဒီလောက်လေးနဲ့ အဆုံးသတ်ထားလိုက်တဲ့အတွက် ကနဦးပိုင်းမှာ ကျွန်မ စိတ်ပျက်ဝမ်းနည်းသွားသလို၊ အလွန်လည်း တုန်လှုပ်သွားခဲ့တယ်။ ဘာကြောင့်လည်းဆိုတော့ ကျွန်မ မိသားစု နဲ့ အရင်းနှီးဆုံးသူငယ်ချင်းတွေကို အစ္စလာမ် အကြောင်း မရှင်းပြရသေးခင်မှာပဲ ကျွန်မ ကူးပြောင်း သက်ဝင်လိုက်ပြီလို့ နေရာတိုင်းမှာ ဟိုးလေးတကျော် ဖြစ်သွားခဲ့လို့ပါ။ သို့ပေမယ့်လည်း ပေါက်ကြားသွားပြီဖြစ်လို့ ယခုချိန်မှာတော့ ကျွန်မရဲ့ သက်ဝင်ယုံကြည်ချက်မှုအတွက် ရှက်ရွံ့မနေတော့ပါဘူး။ ဒါဟာ ကောင်းခြင်းတစ်မျိုးပါပဲရှင် ” ဟု သူမက အီမေးလ်မှတစ်ဆင့် ပြုလုပ်သော အင်တာဗျူး၌ အထက်ပါအတိုင်း ဖြေကြားထားခဲ့သည်။
ဂရောက်သည် အမေရိကန်အဆိုတော် တစ်ဦးဖြစ်ပြီး “Arabs Got Talent” အမည်ရှိ တီဗီမှအစီအစဉ်အတွက် အရည်အချင်း စစ်ပြိုင်ပွဲအတွင်း ဆန်ကာတင်နောက်ဆုံးသုံးနေရာထိ ရောက်ရှိသွားပြီးနောက်တွင် အာရဗ်လူမျိုးများအား အားကျစွဲလန်းသွားခဲ့သည်။
ထိုပြိုင်ပွဲပြီးသော် ဘော့စ်တွန်(Boston) ဇာတိ အသက် ၂၃ နှစ်အရွယ် သူမသည် မော်ရိုကို(Morocco) သို့သွားရောက်ကာ Amazigh နှင့် မော်ရိုကို အာရဗီ ဘာသာစကားများကို သင်ယူခဲ့သည်။
ယခုလအစောပိုင်းက သူမ၏ ယုံကြည်မှုကိုဖွင့်ဟဖော်ပြသော ရှဟာဒဟ်ဖတ်ရွတ်နေပုံ ဗီဒီယိုမှာ YouTube အပေါ် ရောက်ရှိလာ ခဲ့သည်။ ၎င်းအတွင်း၌ သူမ၏ ခင်ပွန်းလောင်းဟု ဆိုကြသူ လူငယ်တစ်ယောက်နှင့်အတူ ပေါ်ထွက်လာပြီး သူမက ရှဟာဒဟ် (အစ္စလာမ် သက်ဝင်မှု သက်သေခံစကားရပ်) ရွတ်ဆိုခဲ့သည်။ အခြား အမျိုးသားတစ်ဦးကိုလည်း အနီး ၀န်းကျင်တွင် ဖော်ရွေ ရင်းနှီးသည့် ပုံဟန်ဖြင့် တွေ့ခဲ့ကြရသည်။
မော်ရိုကိုတွင် နေထိုင်နေသော ဂရောက်က သူမသည် ဗလီဝတ်ကျောင်းတော်သို့ သွားရောက်၍ ရှေ့ဆောင်ဆရာ(အိမာမ်) တစ်ဦးထံ မိမိ၏ကူးပြောင်းမှုကို အတည်ပြုခြင်း သို့မဟုတ် စာရွက်ပေါ်ရေးသားခြင်းမျိုး မပြုလုပ်ထားကြောင်း ရှင်းပြခဲ့သည်။
“ ဒါပေမယ့် ကျွန်မ နှလုံးသားထဲကနေ ရှဟာဒဟ်ကို လှိုက်လှိုက်လှဲလှဲ ရွတ်ဆိုခဲ့တာပါ။ များမကြာသေးမီကပဲ ကျွန်မဟာ နေ့စဉ် ၅ ကြိမ်ဝတ်ပြုမှုကို စတင်ဆောင်ရွက်နေပြီဖြစ်ပါတယ် ” ဟူသော စကားနှင့်အတူ သူမသည် ယခုနှစ်နှောင်းပိုင်း တွင်ကျရောက်မည့် ရမဿွာန်လအတွင်း ဥပုသ်သီလဆောက်တည်ရန် စီစဉ်နေသည့်အပြင်၊ ရက်ရောမှုသဒ္ဓါတရား ပိုမိုတိုးပွားလာရေးအတွက် ဇကာ့သ် ပေးလှူရန်ကိုလည်း ကြိုးစားနေကြောင်း ဆိုပါသည်။
“ ဒီအရာတွေဟာ အရေးအကြီးဆုံးအချက်တွေပါပဲ။ ဒါကြောင့်မို့လို့ ကျွန်မဟာ ကုရ်အာန်ရဲ့အဓိပ္ပာယ် နဲ့ အစ္စလာမ့် သမိုင်းကြောင်း ကိုလည်း ပိုမို သိရှိ နားလည်နိုင်အောင်ကြိုးစားနေတယ်လေ။ ကျွန်မ တစ်နေရာမှာ ဖတ်လိုက်ရတယ်။ အစ္စလာမ်ဆိုတာဟာ ဖြစ်တည်မှု အခြေအနေတစ်ရပ် မဟုတ်ဘူး။ ဖြစ်တည်လာအောင်ကြိုးစားရတဲ့ ဖြစ်စဉ်တစ်ခုဆိုတာကိုပေါ့။ ဒါဟာ ကျွန်မအဖို့ အစစ်အမှန်တရားကို အသိပေးလမ်းညွှန်နေတာပါပဲရှင် ”။
အမေရိကန်ပြည်ထောင်စု၌ မွတ်စ်လင်မ် လူဦးရေ ၆ မှ ၈ သန်းအထိ မှီတင်းနေထိုင်လျက်ရှိသည်။
Ref: OnIslam
Leave a Reply
You must be logged in to post a comment.